XM Technovator

10/10/2026

🌱 ການລົງທຶນໃນທັກສະຂອງໄວໜຸ່ມ ຄືການລົງທຶນໃນອະນາຄົດຂອງປະເທດ!

ທີ່ XM Technovator (XMT), ພວກເຮົາເຊື່ອວ່າ ໄວໜຸ່ມລາວທຸກຄົນມີທ່າແຮງໃນການເປັນຜູ້ສ້າງການປ່ຽນແປງໃຫ້ແກ່ສັງຄົມ. ສິ່ງທີ່ພວກເຂົາຕ້ອງການ ບໍ່ແມ່ນພຽງແຕ່ຄວາມຮູ້ ແຕ່ຍັງລວມເຖິງໂອກາດ, ທັກສະ, ປະສົບການ ແລະ ພື້ນທີ່ໃນການສະແດງຄວາມສາມາດຂອງຕົນເອງ.

ການພັດທະນາໄວໜຸ່ມບໍ່ແມ່ນພຽງແຕ່ການກະກຽມພວກເຂົາສຳລັບອະນາຄົດ ແຕ່ແມ່ນການເປີດໂອກາດໃຫ້ໄວໜຸ່ມໄດ້ມີສ່ວນຮ່ວມໃນການສ້າງອະນາຄົດນັ້ນ ຕັ້ງແຕ່ມື້ນີ້.

XMT ມີຄວາມຍິນດີທີ່ຈະຮ່ວມສົ່ງເສີມ Youth Skills Expo 2026 – Investing in Us ເຊິ່ງເປັນເວທີສຳຄັນໃນການຮັບຟັງສຽງຂອງໄວໜຸ່ມ, ແລກປ່ຽນປະສົບການ ແລະ ສ້າງຄວາມຮ່ວມມືຈາກຫຼາຍພາກສ່ວນ ເພື່ອຂະຫຍາຍໂອກາດໃຫ້ແກ່ໄວໜຸ່ມລາວ.

✨ ພິເສດ! ພາຍໃນງານ ທຸກທ່ານຍັງຈະໄດ້ພົບກັບບັນດາໂຄງການຂອງໄວໜຸ່ມຈາກໂຄງການສິນໄຊ (Project Sinxay) ທີ່ມາຈາກຫຼາຍແຂວງທົ່ວປະເທດ! ນ້ອງໆຈະໄດ້ນຳສະເໜີແນວຄິດສ້າງສັນ, ນະວັດຕະກຳ ແລະ ໂຄງການທີ່ພວກເຂົາລິເລີ່ມຂຶ້ນເພື່ອແກ້ໄຂບັນຫາໃນຊຸມຊົນ ແລະ ສ້າງຜົນກະທົບທີ່ດີຕໍ່ສັງຄົມ. ນີ້ແມ່ນໂອກາດທີ່ຈະໄດ້ເຫັນພະລັງ ແລະ ທ່າແຮງຂອງໄວໜຸ່ມລາວຢ່າງແທ້ຈິງ.

ນອກຈາກນັ້ນ, ທ່ານ ໂອພະກອນ ກຸໂພຄໍາ, ຜູ້ກໍ່ຕັ້ງ ແລະ ຜູ້ອຳນວຍການບໍລິຫານ XM Technovator ຈະຮ່ວມເປັນຜູ້ດຳເນີນລາຍການເສວະນາໃນຫົວຂໍ້ “ສິ່ງທີ່ພວກເຮົາຢາກໃຫ້ທ່ານຮູ້” ເວລາ 14:45–15:45 ໂມງ.

ພວກເຮົາຂໍເຊີນຊວນນ້ອງໆໄວໜຸ່ມ, ນັກຮຽນ, ນັກສຶກສາ, ຄູອາຈານ ແລະ ທຸກພາກສ່ວນ ມາຮ່ວມຮຽນຮູ້, ສ້າງແຮງບັນດານໃຈ ແລະ ໃຫ້ກຳລັງໃຈແກ່ບັນດາໄວໜຸ່ມຜູ້ກ້າຄິດ ກ້າເຮັດ ແລະ ກ້າສ້າງການປ່ຽນແປງ.

📅 12 ຕຸລາ 2026
⏰ 08:00–16:15 ໂມງ
📍 ໂຮງແຮມ Holiday Inn Vientiane
🔗 ລົງທະບຽນ: https://forms.cloud.microsoft/e/xVUSj9FWeh

ເພາະໄວໜຸ່ມບໍ່ໄດ້ເປັນພຽງອະນາຄົດຂອງຊາດ ແຕ່ພວກເຂົາຄືພະລັງສຳຄັນໃນການສ້າງການປ່ຽນແປງໃນມື້ນີ້! 💙

05/10/2026

ຈາກ AI Master Trainer ສູ່ການສ້າງຜົນກະທົບໃນຫ້ອງຮຽນ 🌐
(English Below)

XMT ມີຄວາມພູມໃຈທີ່ໄດ້ເຫັນ ແອນນາ ວິໄລສັກ, ໜຶ່ງໃນ XMT AI Master Trainer ແລະ Co-Founder ຂອງ Teacher Out of The Box, ພ້ອມກັບທີມງານ ນຳຄວາມຮູ້ດ້ານ AI ແລະ ນະວັດຕະກຳດິຈິຕອນໄປສ້າງໂອກາດການຮຽນຮູ້ໃຫ້ແກ່ຄູ-ອາຈານ ແລະ ນັກສຶກສາຄູໃນລາວ.

ຜ່ານກິດຈະກຳ “Promoting Teaching-Learning Through Digital Interactive Games and AI for Education”, Anna ແລະ ທີມ Teacher Out of The Box ໄດ້ນຳ AI, ເກມດິຈິຕອນ ແລະ ເຄື່ອງມືການສຶກສາໃໝ່ໆ ມາຊ່ວຍຄູອອກແບບການຮຽນ-ການສອນໃຫ້ມີຄວາມສ້າງສັນ, ມີສ່ວນຮ່ວມ ແລະ ເນັ້ນຜູ້ຮຽນເປັນໃຈກາງຫຼາຍຂຶ້ນ.

ສຳລັບ XMT, ນີ້ແມ່ນຕົວຢ່າງຂອງຜົນກະທົບທີ່ພວກເຮົາຢາກເຫັນຈາກການສ້າງ AI Master Trainers, ບໍ່ພຽງແຕ່ຮຽນຮູ້ AI, ແຕ່ສາມາດນຳທັກສະໄປຕໍ່ຍອດເປັນການລິເລີ່ມຂອງຕົນເອງ, ຖ່າຍທອດຄວາມຮູ້ ແລະ ຂະຫຍາຍຜົນກະທົບໄປສູ່ຊຸມຊົນ.

ຂໍຊົມເຊີຍ ແອນນາ ແລະ ທີມງານ Teacher Out of The Box ສຳລັບອີກໜຶ່ງຄວາມສຳເລັດ ແລະ ຄວາມມຸ່ງໝັ້ນໃນການນຳ AI ແລະ ນະວັດຕະກຳມາຊ່ວຍຍົກລະດັບການສຶກສາໃນລາວ.

-----------------------------

From AI Master Trainer to impact in the classroom 🌐

XMT is proud to see Ms. Anna Vilaisack, XMT AI Master Trainer and Co-Founder of Teacher Out of The Box, together with her team, turning AI and digital innovation into meaningful learning opportunities for teachers and teacher trainees in Laos.

Through “Promoting Teaching-Learning Through Digital Interactive Games and AI for Education,” Anna and her team are helping educators explore practical ways to integrate AI, digital games, and innovative tools into teaching, creating more engaging, creative, and student-centered learning environments.

For XMT, this is the impact we want to see from developing AI Master Trainers: going beyond learning how to use AI to applying those skills, creating their own initiatives, sharing knowledge, and multiplying the impact within their communities.

Congratulations to Anna and the Teacher Out of The Box team on another achievement and for your continued commitment to bringing AI and digital innovation closer to educators in Laos.

photo © Teacher Out of The Box

02/10/2026

XMT ຮ່ວມສົ່ງເສີມການນຳໃຊ້ AI ໃນພາກປະຕິບັດຢ່າງມີຄວາມຮັບຜິດຊອບ ເພື່ອເພີ່ມປະສິດທິພາບວຽກງານ ສຳລັບສູນກາງສະຫະພັນແມ່ຍິງລາວ

XM Technovator (XMT) ສືບຕໍ່ພາລະກິດໃນການນຳເຕັກໂນໂລຊີ AI ມາແປງເປັນທັກສະ, ເຄື່ອງມື ແລະ ຂະບວນການເຮັດວຽກທີ່ສາມາດນຳໃຊ້ໄດ້ຈິງ ໂດຍສະເພາະສຳລັບຜູ້ນຳ, ພະນັກງານພາກລັດ ແລະ ອົງກອນທີ່ກຳລັງປັບຕົວເຂົ້າສູ່ຍຸກດິຈິຕອນ.

ໃນວັນທີ 21–22 ກັນຍາ 2026, XMT ໄດ້ຮັບກຽດເປັນຄູ່ຮ່ວມດ້ານວິຊາການ ແລະ ຜູ້ນຳພາການຝຶກອົບຮົມ ໃນຫົວຂໍ້ “ການນຳໃຊ້ປັນຍາປະດິດໃນພາກປະຕິບັດ ແລະ ມີຄວາມຮັບຜິດຊອບ ເພື່ອເພີ່ມປະສິດທິພາບການປະຕິບັດໜ້າທີ່ໃນອົງກອນ” ສຳລັບສູນກາງສະຫະພັນແມ່ຍິງລາວ, ດ້ວຍການສະໜັບສະໜູນຈາກ The Asia Foundation, ທີ່ໂຮງແຮມ Crowne Plaza, ນະຄອນຫຼວງວຽງຈັນ. ບົດລາຍງານການຝຶກລະບຸວ່າ ກິດຈະກຳນີ້ມີຜູ້ເຂົ້າຮ່ວມທັງໝົດ 117 ຄົນ, ໃນນັ້ນ 107 ຄົນແມ່ນພະນັກງານ ແລະ ເຈົ້າໜ້າທີ່ພາກລັດ.

ພິທີປິດໄດ້ຮັບກຽດເປັນປະທານຮ່ວມໂດຍ ທ່ານ ນາງ ອາລີ ວົງໜໍ່ບຸນທຳ, ປະທານຄະນະບໍລິຫານງານສູນກາງສະຫະພັນແມ່ຍິງລາວ, ແລະ ທ່ານ ນາງ Khaliungoo Ganbat, ຜູ້ຕາງໜ້າ The Asia Foundation ປະຈຳ ສປປ ລາວ, ສະທ້ອນໃຫ້ເຫັນເຖິງຄວາມສຳຄັນຂອງການຍົກລະດັບທັກສະດິຈິຕອນ ແລະ AI ສຳລັບຜູ້ນຳແມ່ຍິງ ແລະ ພະນັກງານໃນອົງກອນ.

ການຝຶກອົບຮົມຄັ້ງນີ້ມີຜູ້ເຂົ້າຮ່ວມຈາກຫຼາຍລະດັບຂອງສູນກາງສະຫະພັນແມ່ຍິງລາວ — ຕັ້ງແຕ່ຄະນະປະທານ, ຫົວໜ້າ ແລະ ຮອງຫົວໜ້າກົມ, ສູນ ແລະ ຫ້ອງການ, ຫົວໜ້າ ແລະ ຮອງຫົວໜ້າພະແນກ ຈົນເຖິງພະນັກງານວິຊາການ. ນອກນັ້ນ ຍັງມີຕົວແທນຈາກ 10 ກະຊວງ ແລະ ອົງການພາກລັດ, ຄອບຄຸມຫຼາຍຂະແໜງການ ເຊັ່ນ ຄວາມປອດໄພ, ຍຸຕິທຳ, ການເງິນ, ການສຶກສາ, ອຸດສາຫະກຳ-ການຄ້າ ແລະ ການຕ່າງປະເທດ.

ສຳລັບ XMT, ສິ່ງທີ່ສຳຄັນບໍ່ແມ່ນພຽງການໃຫ້ຜູ້ຮຽນ “ຮູ້ຈັກ AI”, ແຕ່ແມ່ນການຊ່ວຍໃຫ້ພວກເຂົາ ນຳ AI ໄປໃຊ້ກັບໜ້າວຽກຕົວຈິງໄດ້. ຫຼັກສູດຈຶ່ງຖືກອອກແບບໃນຮູບແບບ Learning by Doing, ເຊື່ອມໂຍງ AI ເຂົ້າກັບວຽກງານປະຈຳວັນຂອງອົງກອນ.

ຜູ້ເຂົ້າຮ່ວມໄດ້ຝຶກການຂຽນ Prompt ຢ່າງມີປະສິດທິພາບ, ການຮ່າງ ແລະ ປັບປຸງເອກະສານທາງການ, ການແປ ແລະ ສະຫຼຸບເອກະສານ, ການວິເຄາະ ແລະ ຕິດຕາມໂຄງການ, ການກະກຽມ Management Brief ແລະ Proposal, ຕະຫຼອດຈົນການນຳ AI ມາຊ່ວຍຖອດສຽງກອງປະຊຸມ, ສະຫຼຸບປະເດັນ, ຈັດເຮັດບົດບັນທຶກ, ແລະ ດຶງ Action Items, ຜູ້ຮັບຜິດຊອບ ແລະ ກຳນົດເວລາຕິດຕາມອອກມາຢ່າງເປັນລະບົບ.

ນອກຈາກການຝຶກປະຕິບັດ, XMT ຍັງໄດ້ພັດທະນາຊຸດເຄື່ອງມືໃຫ້ຜູ້ຮຽນສາມາດນຳໄປໃຊ້ຕໍ່ຫຼັງການຝຶກ, ລວມມີ AI Prompt Library ຫຼາຍກວ່າ 250 Prompts, ລາຍການ AI Tools, Frameworks, Templates ແລະ Project Components, ພ້ອມກິດຈະກຳກຸ່ມທີ່ໃຫ້ຜູ້ຮຽນນຳ AI ໄປແກ້ໄຂບັນຫາ ແລະ ໜ້າວຽກຕົວຈິງ.

ອີກໜຶ່ງຫົວໃຈຂອງການຝຶກທີ່ XMT ໃຫ້ຄວາມສຳຄັນແມ່ນ Responsible AI. ການມີທັກສະ AI ບໍ່ໄດ້ໝາຍຄວາມພຽງແຕ່ວ່າສາມາດສັ່ງ AI ໃຫ້ເຮັດວຽກໄດ້, ແຕ່ຕ້ອງຮູ້ວ່າ ຄວນນຳໃຊ້ເມື່ອໃດ, ນຳໃຊ້ຂໍ້ມູນປະເພດໃດ, ຈະກວດສອບຜົນລັບແນວໃດ ແລະ ຄວາມຮັບຜິດຊອບຂັ້ນສຸດທ້າຍຍັງຄົງຢູ່ກັບມະນຸດ. ເນື້ອໃນຈຶ່ງຄອບຄຸມການກວດສອບຂໍ້ມູນ, ຄວາມລຳອຽງ, ຂໍ້ມູນສ່ວນບຸກຄົນ ແລະ ຂໍ້ມູນລັບ, AI Hallucination ແລະ Human Oversight.

ຜົນກະທົບທີ່ XMT ມຸ່ງຫວັງຈາກການຝຶກຄັ້ງນີ້ ຈຶ່ງບໍ່ແມ່ນຢຸດຢູ່ທີ່ການຮຽນຮູ້ AI ໃນ 2 ວັນ, ແຕ່ແມ່ນການວາງພື້ນຖານໃຫ້ຜູ້ນຳ, ຜູ້ບໍລິຫານ ແລະ ພະນັກງານສາມາດກັບໄປປັບປຸງຂະບວນການເຮັດວຽກ, ຫຼຸດເວລາໃນວຽກງານທີ່ຊ້ຳຊ້ອນ, ຈັດການເອກະສານ ແລະ ຂໍ້ມູນໄດ້ດີຂຶ້ນ, ສື່ສານໄດ້ມີປະສິດທິພາບຂຶ້ນ ແລະ ນຳໃຊ້ AI ເປັນເຄື່ອງມືປະກອບການວາງແຜນ ແລະ ການບໍລິຫານໄດ້ຢ່າງຮອບຄອບ.

ສຳລັບ XMT, ການມີຜູ້ເຂົ້າຮ່ວມຈາກທັງລະດັບຜູ້ນຳ ແລະ ລະດັບປະຕິບັດແມ່ນມີຄວາມໝາຍຢ່າງຍິ່ງ, ເພາະການປ່ຽນແປງດ້ານດິຈິຕອນຈະເກີດຜົນໄດ້ດີ ເມື່ອທັງຜູ້ກຳນົດທິດທາງ ແລະ ຜູ້ນຳໄປປະຕິບັດມີຄວາມເຂົ້າໃຈ, ມີທັກສະ ແລະ ມີຫຼັກການນຳໃຊ້ AI ທີ່ສອດຄ່ອງກັນ. ບົດລາຍງານການຝຶກຍັງສະທ້ອນວ່າ ຜູ້ເຂົ້າຮ່ວມຄອບຄຸມຕັ້ງແຕ່ປະທານ ແລະ ຮອງປະທານ ຈົນເຖິງພະນັກງານວິຊາການ.

ພວກເຮົາທີ່ XMT ເຊື່ອວ່າ ການປ່ຽນຜ່ານສູ່ຍຸກ AI ບໍ່ໄດ້ເລີ່ມຈາກເຄື່ອງມື, ແຕ່ເລີ່ມຈາກ ຄົນ — ຈາກການສ້າງຄວາມເຂົ້າໃຈ, ທັກສະ, ຄວາມໝັ້ນໃຈ ແລະ ຄວາມຮັບຜິດຊອບໃນການນຳເຕັກໂນໂລຊີໄປໃຊ້.

ຂໍຂອບໃຈ ສູນກາງສະຫະພັນແມ່ຍິງລາວ ສຳລັບຄວາມເຊື່ອໝັ້ນ ແລະ ການມີສ່ວນຮ່ວມຢ່າງເຕັມທີ່, ແລະ ຂໍຂອບໃຈ The Asia Foundation ສຳລັບການສະໜັບສະໜູນການພັດທະນາຂີດຄວາມສາມາດດ້ານດິຈິຕອນ.
XMT ຈະສືບຕໍ່ຮ່ວມສ້າງອົງກອນ ແລະ ຜູ້ນຳລາວໃຫ້ມີຄວາມພ້ອມ ບໍ່ພຽງແຕ່ໃນການ “ໃຊ້ AI” ແຕ່ໃນການ “ໃຊ້ AI ໃຫ້ເກີດຜົນ, ປອດໄພ ແລະ ຮັບຜິດຊອບ.”

-------

XMT Supporting Practical and Responsible AI Adoption to Enhance Organizational Productivity for the Central Lao Women’s Union

At XM Technovator (XMT), our focus is not simply on introducing AI tools. We work to translate emerging technologies into practical skills, workflows and organizational capabilities that Lao leaders and professionals can confidently apply in their everyday work.

On 21–22 September 2026, XMT served as the technical training partner for the two-day workshop “Practical and Responsible AI for Organizational Productivity” for the Central Lao Women’s Union, with support from The Asia Foundation, at Crowne Plaza Hotel in Vientiane Capital.

The programme reached 117 participants, including 107 government and state officials, representing a wide range of leadership, management and operational functions.

Participants came from across the Central Lao Women’s Union as well as 10 ministries and other state institutions, creating a valuable opportunity to connect leadership-level understanding of AI with its practical use in day-to-day organizational work.

The closing ceremony was jointly chaired by Ms. Ali Vongnobountham, President of the Central Lao Women’s Union, and Ms. Khaliungoo Ganbat, Country Representative of The Asia Foundation in Lao PDR.

For XMT, one of the most important aspects of this programme was its strong learning-by-doing approach. Rather than focusing primarily on AI theory, the training was designed around real workplace challenges.

Participants practiced using AI for effective prompting, official documents, translation and summarization, project analysis and monitoring, management briefs and proposals. They also explored how AI can support the full meeting workflow—from voice recording and transcription to meeting summaries, structured minutes, action items, responsible persons and follow-up deadlines.

To help learning continue beyond the two-day workshop, XMT also developed reusable training resources, including an AI Prompt Library with more than 250 prompts, recommended AI tools, frameworks, templates and project components. Participants worked in groups to apply these resources to real tasks and workplace scenarios.

A central principle throughout the programme was Responsible AI.
For XMT, AI capability is not only about knowing what AI can do. It is equally important to understand when and how it should be used, what information should or should not be shared with AI systems, how outputs should be verified, and why human accountability must remain at the centre of decision-making.
The training therefore emphasized information verification, bias, privacy and confidentiality, AI hallucinations, risk management and human oversight.

The significance of the programme also goes beyond individual technical skills. Participants represented multiple levels of the organization—from senior leadership and management to technical officers.This matters because sustainable digital transformation requires more than individual AI users; it requires leaders who understand the opportunities and risks of AI, managers who can guide its adoption, and staff who can confidently apply it in their daily work.

From XMT’s perspective, the longer-term impact we aim to support is therefore not simply “more people using AI.” It is better organizational work: reducing time spent on repetitive tasks, improving the quality and consistency of documents, strengthening project monitoring, making information easier to analyze, improving communication, and allowing leaders and teams to spend more time on higher-value and strategic responsibilities.

For women leaders in particular, stronger AI literacy can help build confidence to participate in and guide digital transformation—not simply as users of technology, but as leaders capable of asking the right questions, identifying risks, supervising how AI is adopted and ensuring that technology continues to serve organizational and human priorities.

We sincerely thank the Central Lao Women’s Union for its trust, leadership and active participation, and The Asia Foundation for supporting this important investment in digital capacity development.

At XMT, we believe that successful AI transformation starts with people—not technology.
Our goal is to continue helping Lao institutions and professionals move beyond simply “using AI” toward using AI practically, productively, safely and responsibly.

01/10/2026

🎉 XMT ສົ່ງເສີມການຮຽນຮູ້ ແລະ ພັດທະນາທີມງານຢ່າງຕໍ່ເນື່ອງ!

ຂໍຊົມເຊີຍ ທ່ານ ພຸດທະສິດ ເພັງສະຫວັດ, XMT Business Acceleration Coordinator ທີ່ໄດ້ສຳເລັດຫຼັກສູດ “Management Essentials: Getting Results Through People” ຈັດໂດຍ AustCham Lao PDR ແລະ ດຳເນີນການຝຶກອົບຮົມໂດຍ Katalyst Partners.

ຜ່ານການຝຶກອົບຮົມ, ພຸດທະສິດ ໄດ້ເສີມສ້າງທັກສະສຳຄັນດ້ານການບໍລິຫານ ແລະ ການນຳພາ ເຊັ່ນ:
• ການມອບໝາຍວຽກຢ່າງມີປະສິດທິຜົນ
• ການສ້າງແຮງຈູງໃຈ ແລະ ບໍລິຫານທີມງານ
• ການກຳນົດຄວາມຄາດຫວັງ ແລະ ຕິດຕາມຜົນງານ
• ການສ້າງ KPI ໃຫ້ຊັດເຈນ ແລະ ສອດຄ່ອງກັບບູລິມະສິດຂອງທີມ
• ການຄຸ້ມຄອງທີມໂດຍບໍ່ Micromanage ແລະ ການສ້າງຄວາມໄວ້ວາງໃຈໃນທີມ

XMT ສະໜັບສະໜູນໃຫ້ທີມງານໄດ້ເຂົ້າຮ່ວມໂອກາດການຮຽນຮູ້ ແລະ ພັດທະນາວິຊາຊີບ ເພື່ອນຳຄວາມຮູ້ໃໝ່ໆກັບມາພັດທະນາທີມງານ, ໂຄງການ ແລະ ການບໍລິການຂອງ XMT.

🚀 XMT ເຊື່ອວ່າ ການລົງທຶນໃນທີມງານ ແມ່ນການລົງທຶນໃນຄຸນນະພາບຂອງວຽກງານ ແລະ ຜົນກະທົບທີ່ພວກເຮົາສ້າງ.

👏 ຂໍຊົມເຊີຍ ພຸດທະສິດ ອີກຄັ້ງ!
__________________
🎉 XMT is proud to support the continuous learning and professional development of our team!

Congratulations to Mr. Phoutthasith PHENGSAVATH, XMT Business Acceleration Coordinator, on successfully completing the “Management Essentials: Getting Results Through People” training, organised by AustCham Lao PDR and delivered by Katalyst Partners.

Through the training, Phoutthasith strengthened practical management and leadership skills including:
• Effective delegation
• Team motivation and people management
• Setting clear expectations and managing performance
• Developing meaningful KPIs and team priorities
• Supervising effectively without micromanaging and building trust within the team

XMT actively supports our team to participate in professional training and learning opportunities so they can bring new knowledge, practical tools, and stronger capabilities back into our programmes and services.

These skills will further support Phoutthasith in coordinating XMT’s Business Acceleration programmes, working with entrepreneurs, advisors, partners, and project teams, and contributing to a stronger business support ecosystem.

🚀 At XMT, we believe that investing in our people means investing in stronger programmes, better services, and greater impact.

👏 Congratulations once again, Phoutthasith!

photo © Austcham Lao PDR

21/09/2026

💙 ລົງທຶນໃນໄວໜຸ່ມ ຄືການລົງທຶນໃນອະນາຄົດ! 🚀
(English below)

XMT ຂໍເຊີນຊວນນ້ອງໆໄວໜຸ່ມທຸກຄົນ ມາຮ່ວມງານ Youth Skills Expo 2026 – “Invest in Us” ທີ່ຈັດຂຶ້ນໂດຍ ອົງການ UNICEF ປະຈຳ ສປປ ລາວ ແລະ ສູນກາງຊາວໜຸ່ມປະຊາຊົນປະຕິວັດລາວ ພາຍໃຕ້ໂຄງການ Project Sinxay 💙

ງານນີ້ເປັນພື້ນທີ່ສຳລັບໄວໜຸ່ມໃນການຄົ້ນຫາ ທັກສະໃໝ່, ແຮງບັນດານໃຈ, ເຄືອຂ່າຍ ແລະ ໂອກາດໃໝ່ໆ ຜ່ານກິດຈະກຳ, ການແລກປ່ຽນ, ການຮຽນຮູ້ ແລະ ການພົບປະກັບໄວໜຸ່ມຈາກຫຼາຍພື້ນທີ່. 🌱✨

ທີ່ XMT, ພວກເຮົາພູມໃຈທີ່ໄດ້ຮ່ວມເປັນສ່ວນໜຶ່ງຂອງ Project Sinxay ໃນການສ້າງໂອກາດໃຫ້ໄວໜຸ່ມລາວໄດ້ພັດທະນາທັກສະ, ຄວາມຄິດສ້າງສັນ ແລະ ຄວາມພ້ອມສຳລັບອະນາຄົດ. 🇱🇦🚀

📅 1 ຕຸລາ 2026
⏰ 08:00–16:15 ໂມງ
📍 Holiday Inn Vientiane

👉 ລົງທະບຽນຜ່ານ QR Code ໃນໂປສເຕີ ຫຼື:
https://forms.cloud.microsoft/e/xVUSj9FWeh

ມາຮ່ວມກັນລົງທຶນໃນໄວໜຸ່ມ ແລະ ສ້າງອະນາຄົດຂອງລາວໄປນຳກັນ! 💙

———

💙 Investing in young people means investing in the future! 🚀

XMT is pleased to invite young people to join the Youth Skills Expo 2026 – “Invest in Us”, organized by UNICEF Lao PDR and the Lao People’s Revolutionary Youth Union under Project Sinxay.

The event will bring together young people to discover new skills, inspiration, networks, and opportunities through learning activities, exchanges, talks, and connections with peers from different communities.

XMT is proud to be part of Project Sinxay, supporting Lao youth to build the skills, creativity, confidence, and opportunities they need for the future. 🌱🇱🇦

📅 1 October 2026
⏰ 08:00–16:15
📍 Holiday Inn Vientiane

👉 Register through the QR Code on the poster or:
https://forms.cloud.microsoft/e/xVUSj9FWeh

See you there! Let’s invest in Lao youth and build the future together. 💙

ໄວໜຸ່ມພ້ອມກັນແລ້ວຫຼືຍັງ? ທີ່ຈະຄົ້ນຫາທັກສະ, ແຮງບັນດານໃຈ ແລະ ໂອກາດໃໝ່ໆໃນການເຮັດວຽກໄວໜຸ່ມໄປນຳກັນ!

ອົງການ ຢູນິເຊບ ປະຈຳ ສປປ ລາວ ແລະ ສູນກາງຊາວໜຸ່ມປະຊາຊົນປະຕິວັດລາວ ຂໍເຊີນຊວນໄວໜຸ່ມທຸກຄົນມາຮ່ວມງານວາງສະແດງ ແລະ ມະຫາກຳທັກສະໄວໜຸ່ມ ພາຍໃຕ້ຫົວຂໍ້ “ການລົງທຶນໃນໄວໜຸ່ມ” 💙

ເຊິ່ງພາຍໃນງານ ຈະມີບັນດາກິດຈະກຳ ແລະ ການບັນຍາຍຕ່າງໆເພື່ອໃຫ້ໄວໜຸ່ມໄດ້ ຮຽນຮູ້, ແລກປ່ຽນຄວາມຮູ້ເຊິ່ງກັນ ແລະ ກັນ, ພ້ອມທັງການສ້າງມິດຕະພາບໃໝ່ໆຈາກໝູ່ເພື່ອນທີ່ມາຈາກຫຼາຍທ້ອງຖິ່ນທີ່ແຕກຕ່າງກັນ.

📅 ວັນທີ: 1 ຕຸລາ 2026
⏰ ເວລາ: 08:00 – 16:15 ໂມງ
📍 ສະຖານທີ່: ໂຮງແຮມ Holiday Inn Vientiane

👉 ສະແກນ QR Code ໃນໂປສເຕີ້ ຫຼື ກົດລິ້ງດ້ານລຸ່ມເພື່ອລົງທະບຽນເຂົ້າຮ່ວມງານ

ລິ້ງລົງທະບຽນ:
https://forms.cloud.microsoft/e/xVUSj9FWeh

ມາຮ່ວມກັນລົງທຶນໃນໄວໜຸ່ມ ເພາະໄວໜຸ່ມໃນມື້ນີ້ ຄືອະນາຄົດຂອງຊາດ💙

Are you ready to discover skills, inspiration, and new opportunities in youth employment together?

UNICEF Lao PDR and the Lao People’s Revolutionary Youth Union invite all young people to join the “Youth Skills Expo”, under the theme “Invest in Us” 💙

Throughout the event, there will be activities and talks for young people to learn, try, create, exchange, and connect with friends and different opportunities.

📅 Date: 1 October 2026
⏰ Time: 08:00–16:15
📍 Venue: Holiday Inn Vientiane

👉 Scan the QR Code on the poster or click the link below to register to join the event.

Registration link:
https://forms.cloud.microsoft/e/xVUSj9FWeh

Let’s invest in young people together because the young people of today are the future of our nation.

14/09/2026

🇱🇦 𝐅𝐫𝐨𝐦 “𝐀𝐈 𝐑𝐞𝐚𝐝𝐢𝐧𝐞𝐬𝐬” 𝐭𝐨 “𝐑𝐞𝐚𝐥 𝐀𝐝𝐨𝐩𝐭𝐢𝐨𝐧”: 𝐅𝐢𝐯𝐞 𝐑𝐞𝐟𝐥𝐞𝐜𝐭𝐢𝐨𝐧𝐬 𝐟𝐫𝐨𝐦 𝐏𝐚𝐧𝐞𝐥 𝐃𝐢𝐬𝐜𝐮𝐬𝐬𝐢𝐨𝐧 𝐈𝐈 𝐨𝐟 𝐋𝐚𝐨 𝐀𝐈 𝐒𝐤𝐢𝐥𝐥𝐬 𝐃𝐢𝐚𝐥𝐨𝐠𝐮𝐞 𝟐𝟎𝟐𝟔 - ຈາກ “ຄວາມພ້ອມ” ສູ່ “ການນຳໃຊ້ຈິງ” 5 ບົດຮຽນຈາກ Panel Discussion II ຂອງ Lao AI Skills Dialogue 2026
(English below)

ໃນ Panel Discussion I, ການສົນທະນາໄດ້ວາງພື້ນຖານສຳຄັນວ່າ ການສ້າງ AI-Ready Laos ບໍ່ແມ່ນການມີເຄື່ອງມື AI ຫຼາຍຂຶ້ນເທົ່ານັ້ນ, ແຕ່ຕ້ອງພັດທະນາຄົນ, ທັກສະ, ການສຶກສາ, ສະຖາບັນ, ຄວາມຮັບຜິດຊອບ ແລະ ຄວາມສາມາດພາຍໃນປະເທດໄປພ້ອມກັນ.

ຈາກນັ້ນ, Panel Discussion II: “ຈາກການຮັບຮູ້ ສູ່ການນຳໃຊ້ຕົວຈິງ: ເຮັດແນວໃດໃຫ້ AI ເກີດປະໂຫຍດສູງສຸດໃນ ສປປ ລາວ” ໄດ້ນຳການສົນທະນາໄປອີກຂັ້ນໜຶ່ງ: ເມື່ອພວກເຮົາເລີ່ມຮູ້ຈັກ AI ແລ້ວ — ຈະເຮັດແນວໃດໃຫ້ AI ກາຍເປັນຜົນປະໂຫຍດຕົວຈິງຕໍ່ຄົນ, ອົງກອນ, ທຸລະກິດ ແລະ ເສດຖະກິດລາວ?
ຈາກມຸມມອງຂອງຜູ້ນຳດ້ານເຕັກໂນໂລຊີ, ຜູ້ປະກອບການ ແລະ ຜູ້ນຳຊຸມຊົນ, ສາມາດສະຫຼຸບເປັນ 5 ບົດຮຽນສຳຄັນ:

1. ການນຳໃຊ້ AI ຕ້ອງເລີ່ມຈາກ “ຄົນ” ບໍ່ແມ່ນຈາກ “ເຄື່ອງມື”
ການປ່ຽນຜ່ານດ້ວຍ AI ຈະບໍ່ສຳເລັດດ້ວຍການຊື້ software ຫຼື ໃຫ້ພະນັກງານເປີດໃຊ້ AI tools ເທົ່ານັ້ນ. ຈຸດເລີ່ມທີ່ສຳຄັນກວ່າແມ່ນການລົງທຶນໃນຄົນ — ໃຫ້ພະນັກງານມີທັກສະໃໝ່, ເຂົ້າໃຈວ່າ AI ສາມາດຊ່ວຍວຽກຂອງຕົນໄດ້ແນວໃດ, ແລະ ຮູ້ຈັກປັບຕົວຕາມວິທີເຮັດວຽກທີ່ກຳລັງປ່ຽນແປງ. AI ສາມາດຊ່ວຍເພີ່ມຄວາມໄວ ແລະ ປະສິດທິພາບ, ແຕ່ຄວາມຮັບຜິດຊອບ, ຈຸດປະສົງ ແລະ ການຕັດສິນໃຈຍັງຕ້ອງຢູ່ກັບມະນຸດ.

2. ຈາກ AI literacy ຕ້ອງກ້າວໄປສູ່ “AI for Productivity”
ຂັ້ນຕໍ່ໄປບໍ່ຄວນແມ່ນພຽງແຕ່ຮູ້ວິທີຂຽນ Prompt ຫຼື ສ້າງ content ດ້ວຍ AI. ຄຳຖາມທີ່ສຳຄັນກວ່າຄື: AI ສາມາດຫຼຸດເວລາເຮັດວຽກໄດ້ຫຼາຍປານໃດ? ສາມາດຫຼຸດວຽກຊ້ຳຊ້ອນໄດ້ບໍ່? ສາມາດເຮັດໃຫ້ທີມງານຜະລິດໄດ້ຫຼາຍຂຶ້ນດ້ວຍຊັບພະຍາກອນເທົ່າເດີມໄດ້ບໍ່? ສຳລັບລາວ, ຈຸດເລີ່ມທີ່ເຫັນຜົນໄວອາດແມ່ນການໃຊ້ AI ໃນວຽກຊ້ຳຊ້ອນ, ເອກະສານ, ການສື່ສານ, ການວິເຄາະ, ການບໍລິການລູກຄ້າ, ການຕະຫຼາດ ແລະ ການບໍລິຫານພາຍໃນ. ເມື່ອ AI ຊ່ວຍຫຼຸດ repetitive tasks, ຄົນກໍສາມາດຍ້າຍເວລາໄປເນັ້ນວຽກທີ່ຕ້ອງການຄວາມຄິດ, ຄວາມສ້າງສັນ, ຄວາມສຳພັນ ແລະ ການຕັດສິນໃຈ.

3. ຄວາມທ້າທາຍໃຫຍ່ອາດບໍ່ແມ່ນ Technology — ແຕ່ແມ່ນ Mindset
ອຸປະສັກສຳຄັນຕໍ່ການນຳ AI ໃຊ້ ບາງຄັ້ງບໍ່ແມ່ນການຂາດເທັກໂນໂລຊີ. ມັນອາດເປັນຄວາມຢ້ານວ່າ AI ຈະເອົາວຽກ, ຄວາມບໍ່ມັ່ນໃຈ, ການບໍ່ຢາກປ່ຽນວິທີເຮັດວຽກ ຫຼື ຄວາມຮູ້ສຶກວ່າ AI ເປັນເລື່ອງທີ່ຍາກເກີນໄປ. ດັ່ງນັ້ນ, AI adoption ບໍ່ຄວນຖືກສື່ສານໃນລັກສະນະວ່າ “AI ຈະມາແທນຄົນ”, ແຕ່ຄວນເປັນ “AI ຈະຊ່ວຍໃຫ້ຄົນຄົນເດີມ ສາມາດເຮັດວຽກໄດ້ຫຼາຍຂຶ້ນ ແລະ ດີຂຶ້ນ.” ການປ່ຽນ Mindset ຈຶ່ງສຳຄັນພໍໆກັບການສອນ technical skills.

4. ຖ້າລາວຕ້ອງການໄດ້ປະໂຫຍດຈາກ AI — ຄວາມໄວໃນການ Scale ແມ່ນສຳຄັນ
AI ສາມາດເປັນໂອກາດໃຫ້ປະເທດຂະໜາດນ້ອຍຄືລາວສາມາດ “leapfrog” ບາງຂັ້ນຂອງການພັດທະນາໄດ້. ແຕ່ໂອກາດນີ້ຈະມີຄວາມໝາຍກໍຕໍ່ເມື່ອ AI knowledge, tools ແລະ access ບໍ່ຈຳກັດຢູ່ແຕ່ກຸ່ມນ້ອຍໃນວຽງຈັນ. ຄວາມໄວຂອງການກະຈາຍທັກສະ AI ຈະກາຍເປັນປັດໃຈສຳຄັນຕໍ່ຄວາມສາມາດແຂ່ງຂັນ. ນັ້ນໝາຍເຖິງການຂະຫຍາຍ AI literacy ໄປສູ່ແຂວງ, MSMEs, ຊຸມຊົນ, ເຍົາວະຊົນ, ຜູ້ຍິງ, ສະຖາບັນການສຶກສາ ແລະ ກຸ່ມທີ່ອາດມີຂໍ້ຈຳກັດໃນການເຂົ້າເຖິງ. AI transformation ຈະສ້າງຜົນດີໃຫ້ປະເທດໄດ້ ກໍຕໍ່ເມື່ອມັນເປັນ inclusive transformation.

5. ຂັ້ນຕໍ່ໄປຄືຈາກ “ໃຊ້ AI” ສູ່ “AI-Enabled Organisations”
ສິ່ງທີ່ນ່າສົນໃຈອີກຢ່າງຈາກ Panel II ຄື ການສົນທະນາເລີ່ມຂະຫຍາຍຈາກ Generative AI ໄປສູ່ AI automation ແລະ AI agents. ໃນອະນາຄົດ, AI ອາດບໍ່ໄດ້ຊ່ວຍພຽງການຂຽນ email ຫຼື ສະຫຼຸບເອກະສານ, ແຕ່ຈະສາມາດຮັບຜິດຊອບ workflow ບາງສ່ວນ, ປະສານງານຂ້າມ tools, ວິເຄາະຂໍ້ມູນ ແລະ ຊ່ວຍດຳເນີນວຽກໄດ້ອັດຕະໂນມັດຫຼາຍຂຶ້ນ. ດັ່ງນັ້ນ, ຄຳຖາມສຳລັບອົງກອນບໍ່ຄວນຢຸດຢູ່ທີ່ “ພະນັກງານຂອງເຮົາໃຊ້ AI ແລ້ວບໍ?” ແຕ່ຄວນກ້າວໄປສູ່ “ພວກເຮົາສາມາດ redesign workflow ໃຫ້ຄົນ ແລະ AI ເຮັດວຽກຮ່ວມກັນໄດ້ແນວໃດ?”

🔄 ຈາກ Panel I ສູ່ Panel II: ເສັ້ນທາງເລີ່ມຊັດເຈນຂຶ້ນ
ຖ້າ Panel I ໄດ້ຕອບຄຳຖາມວ່າ “ລາວຕ້ອງສ້າງຫຍັງເພື່ອໃຫ້ພ້ອມສຳລັບ AI?” Panel II ໄດ້ກ້າວຕໍ່ມາຕອບວ່າ “ເມື່ອມີພື້ນຖານແລ້ວ ຈະນຳ AI ໄປສ້າງຜົນປະໂຫຍດຕົວຈິງໄດ້ແນວໃດ?”
AI Awareness → AI Skills → Practical Use Cases → Productivity → Organisational Adoption → Scale → AI-Enabled Economy

ສຳລັບ XMT, ຂໍ້ຄິດສຳຄັນຄື: AI adoption ບໍ່ຄວນວັດຈາກຈຳນວນຄົນທີ່ເປີດໃຊ້ AI, ແຕ່ຄວນວັດຈາກວ່າ AI ຊ່ວຍໃຫ້ຄົນເຮັດວຽກດີຂຶ້ນບໍ? ອົງກອນມີປະສິດທິພາບຂຶ້ນບໍ? ທຸລະກິດສາມາດເຕີບໂຕ ແລະ scale ໄດ້ຫຼາຍຂຶ້ນບໍ? ແລະ ປະໂຫຍດນັ້ນກະຈາຍໄປສູ່ຄົນຫຼາຍກຸ່ມໃນສັງຄົມຫຼືບໍ?
ຖ້າສາມາດເຮັດໄດ້, AI ຈະບໍ່ແມ່ນພຽງເທັກໂນໂລຊີໃໝ່ — ແຕ່ສາມາດກາຍເປັນເຄື່ອງມືເພີ່ມ productivity, ສ້າງໂອກາດ ແລະ ຊ່ວຍເລັ່ງການພັດທະນາຂອງ ສປປ ລາວ.
——————————————————————————————————
From “AI Readiness” to “Real Adoption”: Five Reflections from Panel Discussion II of Lao AI Skills Dialogue 2026

In Panel Discussion I, the conversation established an important foundation: building an AI-Ready Laos is not simply about giving more people access to AI tools. It requires skills, education, institutions, responsible use, local capability, and stronger collaboration to develop together.

Panel Discussion II — “From Awareness to Adoption: Maximising the Benefits of AI in Lao PDR” — took the conversation one step further. The question was no longer only “How do we prepare Laos for AI?” It became: “How do we turn AI readiness into real productivity, business value, workforce transformation, and inclusive economic opportunity?”

Drawing on perspectives from Lao technology leaders, entrepreneurs, and youth advocates, five themes emerged:

1. AI transformation starts with people, not tools
Successful AI adoption does not begin with purchasing software. It begins by investing in people and their capacity to adapt. Workers need the skills to understand where AI fits into their jobs, how their roles may change, and how they can use AI to become more productive. AI may enhance efficiency, but accountability, purpose, and final decision-making must remain human. This means workforce development and AI adoption should happen together.

2. Move from AI literacy to AI for productivity
The next stage of AI adoption should go beyond teaching people how to prompt a chatbot or generate content. Organisations should begin asking more practical questions: Can AI reduce the time required for this task? Can it automate repetitive work? Can the same team produce more without proportionally increasing resources? Can it improve service quality or decision-making? For Lao organisations and businesses, some of the fastest opportunities may come from documentation, communications, analysis, customer service, marketing, administration, and repetitive internal processes. The objective should increasingly shift from using AI to creating measurable value with AI.

3. Mindset may be a bigger barrier than technology
One of the strongest themes from Panel II was that AI adoption is also a change-management challenge. People may fear losing their jobs, losing their professional value, or being unable to keep pace with new technology. If this fear is not addressed, organisations can invest in AI tools without achieving meaningful adoption. The narrative therefore needs to shift from “AI will replace people” toward “AI can help the same people achieve more, focus on higher-value work, and create new opportunities.” Technical training matters, but so do confidence, leadership, communication, and willingness to experiment.

4. Speed and scale will determine how much Laos benefits
AI presents a potentially important opportunity for a smaller economy such as Lao PDR to leapfrog certain stages of development. But that opportunity depends on how quickly knowledge and access can be expanded. AI skills cannot remain concentrated among a small group of technology professionals or users in the capital. They need to reach MSMEs, provinces, educators, youth, women, communities, and groups that may otherwise face barriers to digital participation. The transformation will only create broad national value if it is an inclusive transformation. For Laos, the speed at which AI knowledge, practical skills, and access can be scaled may become an increasingly important factor in national competitiveness.

5. The next frontier is the AI-enabled organisation
Panel II also pointed toward the next stage beyond individual generative AI use: AI automation and AI agents. AI is beginning to move from simply helping people write or analyse information toward being able to support entire workflows, coordinate between tools, perform repetitive processes, and assist teams more autonomously. For organisations, the strategic question is therefore changing. Instead of asking only “Are our staff using AI?” leaders increasingly need to ask “How can we redesign our workflows so people and AI work together?” That shift—from individual AI use to AI-enabled organisations—could have much larger implications for productivity and competitiveness.

🔄 From Panel I to Panel II: a clearer pathway is emerging
If Panel I asked, “What foundations does Lao PDR need to become AI-ready?” then Panel II asked, “How do we turn those foundations into real economic and organisational value?”
AI Awareness → AI Skills → Practical Use Cases → Productivity → Organisational Adoption → Scale → AI-Enabled Economy

For XMT, one important takeaway is that the success of AI adoption should not ultimately be measured by the number of people who have opened an AI application. We should increasingly ask: Are people doing their work better? Are organisations becoming more productive? Can businesses scale more effectively? Are new opportunities being created? And are these benefits reaching people across society?

If the answer to these questions increasingly becomes yes, AI will be more than a new technology for Lao PDR. It can become an enabler of productivity, opportunity, competitiveness, and development.
——————————————————————————————————
🙏 Thank you to our Panel Discussion II speakers
XMT would like to sincerely thank our panelists for sharing their practical experiences, perspectives, and ambitions for the future of AI adoption in Lao PDR:
• Dr. Savath SAYPADITH — CEO, Laligence
• Mr. Vannapha SOUTHIVONG — CEO, Lailaolab ICT Solutions Co., Ltd
• Ms. Phayphone PHONBOULOM — Co-founder and Programme Lead, Women for the Future
• Mr. Bousamai BOUTTHAVONG — CEO & Founder, Vari
• Mr. Outhai SAIOUDOM — CEO, Lao IT Dev

And thank you to all participants, partners, and ecosystem members who contributed to the wider conversation on how we can move from AI awareness to meaningful adoption and impact in Lao PDR.

11/09/2026

🎉 ເສົານີ້ ມາເຈີກັນທີ່ American Center Open House 2026! 🇺🇸✨

ນ້ອງໆຊາວໜຸ່ມຄົນໃດກຳລັງຫາບ່ອນມ່ວນໆ ແຕ່ໄດ້ທັງຄວາມຮູ້, ແຮງບັນດານໃຈ ແລະ ໂອກາດໃໝ່ໆ — ຫ້າມພາດ! 🙌

🚀 ລອງສຳຜັດ VR, ເຕັກໂນໂລຊີ ແລະ ນະວັດຕະກຳ
🗣️ ຝຶກພາສາອັງກິດຜ່ານເກມ ແລະ ກິດຈະກຳ
🛡️ ຮຽນຮູ້ເລື່ອງ Online Safety ແລະ Scam Awareness
🇺🇸 ຄົ້ນຮູ້ວັດທະນະທຳ ແລະ ເລື່ອງລາວຈາກອາເມຣິກາ
🎤 ມີການສະແດງ, ເກມ, ອາຫານ ແລະ ຂອງລາງວັນອີກເພີຍ! 🤩

💙 ພິເສດ! ມາພົບ ແລະ ທັກທາຍກັບ XMT Youth Development ຫຼື Xiang Miang Lab ໄດ້ໃນງານນຳເດີ!
ຖ້າຢາກຮູ້ຈັກກິດຈະກຳສຳລັບໄວໜຸ່ມ, ໂຄງການໃໝ່ໆທາງດ້ານນະວັດຕະກໍາ ຫຼື ຢາກເຂົ້າມາຮູ້ຈັກ community ຂອງພວກເຮົາ, ມາລົມກັນໄດ້ເລີຍ! 🫶

📅 ວັນເສົາ ທີ 12 ກັນຍາ 2026
⏰ 09:00–18:00 ໂມງ
📍 American Center Vientiane
🎟️ ເຂົ້າຮ່ວມຟຣີ!

Tag ໝູ່ທີ່ຢາກໄປນຳ 👇
ແລ້ວພົບກັນເສົານີ້! 🚀💙

⸻

🎉 See you this Saturday at American Center Open House 2026! 🇺🇸✨

Looking for a fun day packed with new experiences, technology, learning and new connections? This one is for you!

Explore VR and innovation, test your English through games, learn about online safety, discover U.S. culture, enjoy live entertainment, food, prizes and much more. 🚀🎤🍔

💙 And don’t forget to come say hi to the XMT Youth Team - Xiang Miang Lab!
Come meet the team, learn more about youth opportunities and upcoming activities, or simply connect with our youth community.

📅 Saturday, September 12, 2026
⏰ 9:00 a.m.–6:00 p.m.
📍 American Center Vientiane
🎟️ FREE ENTRY!

Bring your friends, bring your energy, and come explore something new. 🙌
See you there! 🚀

11/09/2026

𝐗𝐌𝐓 𝐒𝐮𝐩𝐩𝐨𝐫𝐭𝐢𝐧𝐠 𝐑𝐞𝐬𝐩𝐨𝐧𝐬𝐢𝐛𝐥𝐞 𝐀𝐈 𝐀𝐝𝐨𝐩𝐭𝐢𝐨𝐧 𝐟𝐨𝐫 𝐒𝐭𝐫𝐨𝐧𝐠𝐞𝐫 𝐏𝐚𝐫𝐥𝐢𝐚𝐦𝐞𝐧𝐭𝐚𝐫𝐲 𝐖𝐨𝐫𝐤 𝐢𝐧 𝐋𝐚𝐨 𝐏𝐃𝐑 | XMT ຮ່ວມສົ່ງເສີມການນຳໃຊ້ AI ຢ່າງຮັບຜິດຊອບ ເພື່ອເສີມສ້າງວຽກງານສະພາໃນ ສປປ ລາວ
(English below)

🌟 ໃນເດືອນສິງຫາ 2026, XM Technovator (XMT) ຮູ້ສຶກເປັນກຽດທີ່ໄດ້ຮ່ວມປະກອບສ່ວນໃນ 2 ກິດຈະກຳສຳຄັນ ເພື່ອເສີມສ້າງຄວາມສາມາດດ້ານວຽກງານສະພາ, ພາວະການເປັນຜູ້ນຳ, ການຕິດຕາມກວດກາ ແລະ ການນຳໃຊ້ນະວັດຕະກຳດິຈິຕອນ ເພື່ອຍົກລະດັບປະສິດທິພາບວຽກງານສະພາ.

1. ກິດຈະກຳທຳອິດ ແມ່ນ ກອງປະຊຸມຄະນະສະມາຊິກສະພາແຫ່ງຊາດເພດຍິງ ເພື່ອສ້າງຄວາມເຂັ້ມແຂງ ແລະ ຄວາມອາດສາມາດໃຫ້ແກ່ແມ່ຍິງທີ່ເປັນຜູ້ນຳຢູ່ໃນສະພາແຫ່ງຊາດ, ຈັດຂຶ້ນໃນວັນທີ 19–20 ສິງຫາ 2026. ກອງປະຊຸມໄດ້ເນັ້ນໃສ່ການເສີມສ້າງພາວະການເປັນຜູ້ນຳຂອງແມ່ຍິງ, ການຕິດຕາມກວດກາ, ການທົບທວນກົດໝາຍທີ່ຄຳນຶງເຖິງບົດບາດຍິງ-ຊາຍ ພ້ອມທັງການນຳໃຊ້ຂໍ້ມູນ, ບົດຄົ້ນຄວ້າ ແລະ AI ເພື່ອຊ່ວຍໃນການເຮັດວຽກ ແລະ ການຕັດສິນໃຈ.

2. ກິດຈະກຳທີສອງ ແມ່ນ ກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ແກ່ສະມາຊິກສະພາປະຊາຊົນຂັ້ນແຂວງ, ຈັດຂຶ້ນໃນວັນທີ 26–28 ສິງຫາ 2026 ທີ່ ເມືອງວັງວຽງ, ແຂວງວຽງຈັນ. ກອງປະຊຸມໄດ້ສຸມໃສ່ການເສີມສ້າງພາວະການນຳ, ການຕິດຕາມກວດກາ, ການສື່ສານ ແລະ ການມີສ່ວນຮ່ວມຂອງປະຊາຊົນ, ພ້ອມທັງນະວັດຕະກຳ ແລະ ການຫັນເປັນດິຈິຕອນສຳລັບວຽກງານສະພາປະຊາຊົນຂັ້ນແຂວງ.

💡 ໃນທັງສອງກິດຈະກຳ, ທ່ານ ໂອພະກອນ ກຸໂພຄໍາ, ຜູ້ກໍ່ຕັ້ງ ແລະ ຜູ້ອໍານວຍການ ຂອງ XM Technovator (XMT) ໄດ້ເຂົ້າຮ່ວມໃນຖານະ AI Trainer ຕາງໜ້າ The Asia Foundation ແລະ XMT, ໂດຍໄດ້ນຳສະເໜີຫົວຂໍ້ “Practical Applications of AI in Parliamentary Work – ການນຳໃຊ້ AI ຕົວຈິງເຂົ້າໃນວຽກງານສະພາ” ພ້ອມດ້ວຍການສາທິດ, ການສົນທະນາ, ການແລກປ່ຽນ ແລະ ການຝຶກປະຕິບັດ. ສຳລັບກອງປະຊຸມສະພາປະຊາຊົນຂັ້ນແຂວງ, ການຝຶກອົບຮົມ AI ແມ່ນຈັດຂຶ້ນພາຍໃຕ້ຫົວຂໍ້ Innovation and Digital Transformation for PPAs.

📚 ການຝຶກອົບຮົມໄດ້ນຳສະເໜີຕົວຢ່າງການນຳໃຊ້ AI ທີ່ສາມາດນຳໄປປະຍຸກໃຊ້ກັບວຽກງານສະພາໄດ້ຕົວຈິງ ເຊັ່ນ ການຄົ້ນຄວ້າ ແລະ ວິເຄາະຂໍ້ມູນ, ການທົບທວນຮ່າງກົດໝາຍ, ການກະກຽມກອງປະຊຸມ ແລະ ຄຳຖາມສຳລັບການຕິດຕາມກວດກາ, ການສະຫຼຸບເອກະສານ, ການຮ່າງບົດກ່າວ, ການສື່ສານກັບປະຊາຊົນ ແລະ ການຈັດການຄວາມຮູ້.

🛡️ ນອກຈາກທັກສະການນຳໃຊ້ AI ແລ້ວ, ການຝຶກອົບຮົມຍັງເນັ້ນໃສ່ ການນຳໃຊ້ AI ຢ່າງປອດໄພ, ມີຈັນຍາບັນ ແລະ ຮັບຜິດຊອບ, ລວມທັງການກວດສອບຄວາມຖືກຕ້ອງຂອງຜົນລັບຈາກ AI, ການຮັກສາຄວາມລັບ, ການປົກປ້ອງຂໍ້ມູນ, ການຄຳນຶງເຖິງອະຄະຕິ, ຄວາມໂປ່ງໃສ ແລະ ການຮັກສາບົດບາດຂອງມະນຸດໃນການກວດກາ ແລະ ຕັດສິນໃຈ. ຫຼັກການສຳຄັນແມ່ນ AI ຄວນເປັນເຄື່ອງມືຊ່ວຍເສີມການພິຈາລະນາຂອງມະນຸດ ບໍ່ແມ່ນມາທົດແທນມະນຸດໃນການຕັດສິນໃຈ.

XMT ຂໍຂອບໃຈ The Asia Foundation ສຳລັບຄວາມໄວ້ວາງໃຈ ແລະ ໂອກາດໃຫ້ XMT ໄດ້ນຳຄວາມຊ່ຽວຊານດ້ານ AI ມາປະກອບສ່ວນໃນທັງສອງກິດຈະກຳ, ພ້ອມທັງຂໍຂອບໃຈ ສະພາແຫ່ງຊາດ, ຄະນະສະມາຊິກສະພາແຫ່ງຊາດເພດຍິງ, UNDP Lao PDR ແລະ ບັນດາພາກສ່ວນຄູ່ຮ່ວມງານ ສຳລັບການສ້າງພື້ນທີ່ແຫ່ງການຮຽນຮູ້, ການແລກປ່ຽນ, ການຮ່ວມມື ແລະ ນະວັດຕະກຳ.

ສຳລັບ XMT, ການສ້າງທັກສະ AI ໃຫ້ແກ່ສະຖາບັນພາກລັດ ບໍ່ແມ່ນພຽງແຕ່ການແນະນຳເຄື່ອງມືໃໝ່, ແຕ່ແມ່ນການສ້າງຄວາມພ້ອມໃຫ້ຜູ້ນຳ ແລະ ບຸກຄະລາກອນ ສາມາດນຳໃຊ້ເຕັກໂນໂລຊີ ຢ່າງສ້າງສັນ, ປອດໄພ ແລະ ຮັບຜິດຊອບ ເພື່ອເສີມສ້າງປະສິດທິພາບວຽກງານສະພາ ແລະ ການບໍລິຫານທີ່ຕອບສະໜອງຕໍ່ປະຊາຊົນໄດ້ດີຍິ່ງຂຶ້ນ.
-----------------------------------
XMT Supporting Responsible AI Adoption for Stronger Parliamentary Work in Lao PDR

🌟 Throughout August 2026, XM Technovator (XMT) was honoured to contribute to two important parliamentary capacity-building initiatives in Lao PDR, bringing practical AI knowledge into discussions on leadership, oversight, institutional effectiveness and digital innovation.

1. The first was the Women Parliamentarians Caucus Workshop on Strengthening Parliamentary Practice through Oversight, Legislative Review and Gender-Responsive Approaches, held on 19–20 August 2026. The workshop focused on strengthening the capacity and leadership of women parliamentarians while enhancing understanding of gender-responsive governance. Participants explored parliamentary oversight, gender-responsive legislative review, and the use of data, research and Artificial Intelligence to support parliamentary work and decision-making.

2. The second was the Capacity Building Workshop on Leadership for Provincial People’s Assemblies (PPAs) and People Engagement for PPA Members, held on 26–28 August 2026 in Vang Vieng, Vientiane Province. The programme focused on leadership, parliamentary oversight, public engagement and communications, institutional capacity, innovation and digital transformation for PPAs.

💡 Across both events, Mr. Ophakorn Kouphokham, Founder & Managing Director of XM Technovator (XMT), participated as an AI Trainer representing The Asia Foundation and XMT, delivering “Practical Applications of AI in Parliamentary Work” through presentations, practical demonstrations, discussions and interactive exercises. At the PPA workshop, the training formed part of the programme on Innovation and Digital Transformation for PPAs.

📚 The sessions introduced practical ways AI can support parliamentary work, including research and data analysis, legislative review, committee preparation, preparation of oversight questions, document summarisation, speech drafting, citizen engagement and knowledge management.

🛡️ An equally important focus was responsible and safe AI adoption. Participants discussed the importance of verifying AI-generated outputs, protecting confidential information and personal data, addressing bias, maintaining transparency, and ensuring human oversight. The core principle was clear: AI should enhance human judgement and decision-making, not replace it.

XMT sincerely thanks The Asia Foundation for the trust and opportunity to contribute our AI expertise to both initiatives, and extends our appreciation to the National Assembly, Women Parliamentarians Caucus, UNDP Lao PDR, and all contributing partners for creating meaningful spaces for learning, exchange, collaboration and innovation.

For XMT, building AI capacity within public institutions is not simply about introducing new technology. It is about enabling leaders and public-sector professionals to apply technology practically, safely and responsibly in ways that strengthen institutional effectiveness, support better decision-making and contribute to more responsive, people-centred governance.