NextGen Entrepreneur Academy By Laos SME Center, Bankhamsavath, Vientiane (2026)

15/09/2026

ຢ່າຟ້າວຈ້າງຄົນເພີ່ມ
ຢ່າຟ້າວຊື້ AI
ຖ້າທ່ານຍັງບໍ່ຮູ້ວ່າ “ບັນຫາຈິງ” ຂອງທຸລະກິດຢູ່ໃສ

ຫຼາຍບໍລິສັດມີຄົນເພີ່ມຂຶ້ນທຸກປີ
ແຕ່ວຽກບໍ່ໄດ້ໄວຂຶ້ນ

ບາງທີບັນຫາບໍ່ແມ່ນ “ຄົນບໍ່ພໍ”
ແຕ່ແມ່ນ...

ຂັ້ນຕອນຊ້ຳຊ້ອນ
ຂໍ້ມູນກະຈັດກະຈາຍ
ລາຍງານຊ້າ
ບໍ່ຮູ້ວ່າໃຜຮັບຜິດຊອບຫຍັງ
ຜູ້ບໍລິຫານຕ້ອງຕາມວຽກເອງທຸກຢ່າງ
ແລະ AI ຖືກນຳໄປໃຊ້ໂດຍບໍ່ແກ້ບັນຫາທີ່ຕົ້ນເຫດ

ກ່ອນຈະຈ້າງຄົນເພີ່ມ
ກ່ອນຈະຊື້ໂປຣແກຣມໃໝ່
ກ່ອນຈະນຳ AI ເຂົ້າມາ

ຄວນຮູ້ໃຫ້ຊັດກ່ອນວ່າ ທຸລະກິດຂອງທ່ານ “ຕິດ” ຢູ່ຈຸດໃດ

ຊ່ວງນີ້ ອາຈານໜ່ອຍເປີດ
Business & AI Diagnostic – ວິເຄາະບັນຫາທຸລະກິດເບື້ອງຕົ້ນ FREE

ສຳລັບເຈົ້າຂອງກິດຈະການ ແລະ ຜູ້ບໍລິຫານ
ທີ່ກຳລັງຮູ້ສຶກວ່າ

“ທຸລະກິດມີບັນຫາ...ແຕ່ບໍ່ຮູ້ວ່າຕ້ອງແກ້ຈາກຈຸດໃດກ່ອນ”

ອາຈານຈະຊ່ວຍເບິ່ງໃຫ້ວ່າ
ບັນຫາຈິງຢູ່ໃສ – ອັນໃດຄວນແກ້ກ່ອນ – ແລະ AI ຫຼື ລະບົບງານຄວນເຂົ້າໄປຊ່ວຍຈຸດໃດ

ສົນໃຈ ທັກຫາອາຈານໜ່ອຍໄດ້ເລີຍ

WhatsApp 020 52 944 844

#ທີ່ປຶກສາທຸລະກິດ ັບທຸລະກິດ

09/09/2026

**ພະນັກງານໃຊ້ AI ແລ້ວ…ເປັນຫຍັງເຈົ້າຂອງທຸລະກິດຍັງເມື່ອຍຄືເກົ່າ?**

ຜົນສຳຫຼວດ PwC ປີ 2026 ພົບວ່າ CEO ພຽງ **12%** ລາຍງານວ່າ AI ຊ່ວຍເພີ່ມລາຍຮັບ ແລະ ຫຼຸດຕົ້ນທຶນໄດ້ທັງສອງດ້ານ. ຂະນະທີ່ **56%** ຍັງບໍ່ເຫັນລາຍຮັບເພີ່ມ ແລະ ຍັງບໍ່ເຫັນຕົ້ນທຶນຫຼຸດລົງ. ສ່ວນບາງບໍລິສັດເຫັນປະໂຫຍດພຽງດ້ານໃດດ້ານໜຶ່ງ. [ອ່ານຜົນສຳຫຼວດ](https://www.pwc.com/gx/en/1/issues/c-suite-insights/ceo-survey.html)

ບັນຫາໜຶ່ງທີ່ອາດເກີດຂຶ້ນຄື ທຸກຄົນໃຊ້ AI ຕາມຄວາມຖະໜັດ ແຕ່ຍັງບໍ່ມີເປົ້າໝາຍຮ່ວມກັນວ່າ **“ເຮົາກຳລັງແກ້ບັນຫາຫຍັງໃຫ້ບໍລິສັດ?”**

ພະນັກງານອາດເຮັດເອກະສານໄດ້ໄວຂຶ້ນ ແຕ່ຍັງລໍຖ້າການອະນຸມັດຄືເກົ່າ. ສ້າງໂພສໄດ້ຫຼາຍຂຶ້ນ ແຕ່ຍັງບໍ່ມີໃຜຕິດຕາມລູກຄ້າ. ຜົນທາງທຸລະກິດຈຶ່ງອາດຍັງບໍ່ປ່ຽນ.

ຜູ້ບໍລິຫານຕ້ອງຊ່ວຍກຳນົດໂຈດ ເຊື່ອມວຽກຂອງທີມ ແລະ ວັດຜົນໃຫ້ຊັດວ່າ ໃຊ້ແລ້ວວຽກດີຂຶ້ນຢູ່ຈຸດໃດ.

ຈາກປະສົບການເປັນທີ່ປຶກສາທຸລະກິດໃນລາວຫຼາຍກວ່າ **10 ປີ** ອາຈານມະລິວັນ ວໍລະເດດ ຈຶ່ງໃຫ້ຄວາມສຳຄັນກັບການພາຜູ້ຮຽນ **ເຂົ້າໃຈບັນຫາ ແລ້ວໃຊ້ AI ຊ່ວຍແກ້ໃຫ້ຖືກຈຸດ** ພ້ອມກວດຜົນງານ ແລະ ວາງແຜນນຳໄປໃຊ້ຈິງ.

📅 **12–13 ກັນຍາ 2026**
ພົບກັນໃນ **CEO Strategic Reinvention Workshop**

💬 ທັກມາບອກອາຈານໄດ້ເລີຍວ່າ **“ຢາກໃຊ້ AI ຊ່ວຍແກ້ບັນຫາຫຍັງໃນທຸລະກິດ”**

09/09/2026

#ເຈົ້າຂອງທຸລະກິດໃນລາວ…ຢາກໃຊ້ AI ຊ່ວຍວຽກຈິງ ແຕ່ຍັງບໍ່ຮູ້ວ່າຄວນເລີ່ມຈາກຈຸດໃດ?

ຍອດຂາຍເຕີບໂຕຍາກ ຕົ້ນທຶນເພີ່ມ ທີມເຮັດວຽກບໍ່ທັນ ເຈົ້າຂອງຕ້ອງຕາມແກ້ທຸກເລື່ອງ…ແລ້ວ AI ຈະຊ່ວຍຫຍັງໄດ້ແດ່?

ວັນທີ **12–13 ກັນຍາ 2026** ອາຈານໜ່ອຍຂໍເຊີນທ່ານນຳບັນຫາຂອງບໍລິສັດ ມາຮຽນຮູ້ ແລະ ລົງມືເຮັດຮ່ວມກັນໃນຫຼັກສູດ

🎯 Strategic Reinvention Workshop**
**ວິເຄາະທຸລະກິດ ວາງແຜນອະນາຄົດ ແລະ ຝຶກໃຊ້ AI ກັບວຽກຈິງ**

ຕະຫຼອດ 2 ວັນ ເຮົາຈະເລີ່ມຈາກການເຂົ້າໃຈບັນຫາ ເລືອກວິທີແກ້ໄຂ ແລ້ວຮ່າງແຜນເພື່ອນຳກັບໄປເຮັດຕໍ່ກັບທີມ.

📍 **ວັນທຳອິດ: ຮູ້ວ່າທຸລະກິດຕິດຂັດຢູ່ຈຸດໃດ ແລະ ຄວນປັບຫຍັງ**

✅ **ວິເຄາະບັນຫາຂອງບໍລິສັດ**
ແຍກອາການຂອງບັນຫາອອກຈາກສາເຫດ ແລະ ເລືອກບັນຫາສຳຄັນທີ່ຕ້ອງແກ້ກ່ອນ.

✅ **ວາງແຜນຮັບມືຄວາມສ່ຽງ**
ຝຶກຄິດແຜນສຳຮອງ ຖ້າຕົ້ນທຶນເພີ່ມ ຄ່າເງິນປ່ຽນ ສິນຄ້າມາຊ້າ ຫຼື ຍອດຂາຍຫຼຸດລົງ.

✅ **ຊອກຫາວິທີຂາຍ ແລະ ສ້າງລາຍຮັບທີ່ເໝາະກັບລູກຄ້າ**
ທົບທວນວ່າລູກຄ້າຕ້ອງການຫຍັງ ແລ້ວເລືອກແນວທາງປັບສິນຄ້າ ບໍລິການ ຫຼື ຊ່ອງທາງຂາຍທີ່ຄວນນຳໄປທົດສອບ.

📍 **ວັນທີສອງ: ປັບວິທີເຮັດວຽກ ຝຶກໃຊ້ AI ແລະ ວາງແຜນລົງມືເຮັດ**

✅ **ປັບລະບົບວຽກ ແລະ ການເຮັດວຽກຂອງທີມ**
ຊອກຫາຂັ້ນຕອນທີ່ຊ້າ ຊ້ຳຊ້ອນ ຫຼື ຕ້ອງລໍຖ້າເຈົ້າຂອງ ພ້ອມກຳນົດໜ້າທີ່ ແລະ ທັກສະທີ່ທີມຕ້ອງພັດທະນາ.

✅ **ຝຶກໃຊ້ AI ກັບວຽກຂອງທ່ານ 1 ວຽກ**
ເລືອກໂຈດທີ່ກົງກັບທຸລະກິດ ເຊັ່ນ ຮ່າງເນື້ອຫາການຕະຫຼາດ ກຽມຄຳຕອບລູກຄ້າ ສະຫຼຸບເອກະສານ ຫຼື ສ້າງຂັ້ນຕອນການເຮັດວຽກ ແລະ Checklist.

ຝຶກຕັ້ງແຕ່ກຽມຂໍ້ມູນ ຂຽນຄຳສັ່ງ ກວດຄຳຕອບ ແລະ ປັບຜົນງານ ພ້ອມຮຽນຮູ້ການປົກປ້ອງຂໍ້ມູນສຳຄັນ ແລະ ວັດຜົນກ່ອນລົງທຶນເພີ່ມ.

✅ **ຮ່າງແຜນລົງມືເຮັດ 90 ວັນ**
ກຳນົດວ່າຈະເຮັດຫຍັງ ໃຜຮັບຜິດຊອບ ໃຊ້ງົບເທົ່າໃດ ແລະ ຈະຕິດຕາມຜົນແນວໃດ.

🎁 **ສິ່ງທີ່ທ່ານຈະໄດ້ນຳກັບໄປ**

* ລາຍການບັນຫາສຳຄັນ ແລະ ແນວທາງຮັບມືຂອງບໍລິສັດ
* ແນວຄິດປັບສິນຄ້າ ບໍລິການ ຫຼື ວິທີຂາຍທີ່ນຳໄປທົດສອບໄດ້
* ຮ່າງຜົນງານຈາກ AI 1 ຊິ້ນ ພ້ອມຄຳສັ່ງທີ່ນຳໄປປັບໃຊ້ຕໍ່ໄດ້
* ຮ່າງແຜນ 90 ວັນ ສຳລັບນຳໄປເຮັດຮ່ວມກັບທີມ

💻 ກຽມຄອມພິວເຕີ ແລະ ຕົວຢ່າງວຽກທີ່ລຶບຂໍ້ມູນລັບອອກແລ້ວ ພ້ອມນຳໂຈດຂອງທ່ານມາຝຶກກັບອາຈານ.

📅 **12–13 ກັນຍາ 2026**
💵 **129 ໂດລາສະຫະລັດຕໍ່ຄົນ ລວມຄ່າອົບຮົມ ອາຫານກາງວັນ ແລະ ຄອຟຟີເບຣກ ທັງ 2 ວັນ**

**ໃຫ້ເວລາຕົນເອງ 2 ວັນ ເພື່ອເຫັນຊັດວ່າທຸລະກິດຄວນແກ້ຫຍັງກ່ອນ ແລະ AI ຄວນເຂົ້າມາຊ່ວຍຢູ່ຈຸດໃດ**

👉 [ລົງທະບຽນຮຽນໄດ້ທີ່ນີ້](https://docs.google.com/forms/d/e/1FAIpQLSfVkZaQZkFTpjndSoItUXMV7RZzrbk8jUMgpkV4LIWaejwlbA/viewform?usp=publish-editor)

ຫຼື ທັກຂໍ້ຄວາມມາບອກອາຈານວ່າ **“ຢາກໃຊ້ AI ຊ່ວຍວຽກຫຍັງ”** ເພື່ອລົມກັນວ່າໂຈດຂອງທ່ານເໝາະກັບຫຼັກສູດນີ້ແນວໃດ 😊

ທັກແຊດ 020 52 944 844

08/09/2026

ຫາກທ້ານສົນໃຈ ຢາກປະຫຍັດຕົ້ນທຶນ ຈ້າງ AI ເປັນເລຂາພຽງເດືອນລະ 20 ໂດລາ ທັກມາໄດ້.

ອາຈານຫນ່ອຍໃຊ້ AI ເປັນເລຂາ ຈ່າຍຄ່າເລຂາເດືອນລະ 20 ໂດລາ
ເລຂາອາຈານຊ່ວຍ
- ເຮັດເອກກະສານ ພິມເອກກະສານທຸກຢ່າງຕາມຄຳສັ່ງ
- ສະລຸບເອກກະສານຫລາຍໆ ຫນ້າ ເປັນເລັ່ມກໍ່ໄດ້ ທັງພາສາລາວ ອັງກິດ ໄທ ໄດ້ໝົດ
- ຈັດເອກກະສານເປັນໝວດໝູ່ ຕັ້ງຊື່ໃຫ້ຈື່ໄດ້ງ່າຍ ເກັບໄວ້ໃນ Google drive ເປັນລະບຽບສວຍງາມ ແລະຄົ້ນຫາງ່າຍ
- ສ້ງສາລະບານເອກກະສານໄວ້ໃນ Notion ທີ່ລິ້ງໄດ້ທັງ ຈາກ Chat GPT ແລະ Google drive ເຮັດໃຫ້ຄົ້ນຫາເອກະສານໄວ
- ສ້າງຫນັງສື ສັນຍາ ສະລຸບສັນຍາ ສະລຸບຂ່າວ ສະລຸບການປະຊຸມ ທຸກຢ່າງ
- ຊ່ວຍສ້າງແຜນຍຸດທະສາດ
- ຊ່ວຍການຕະຫາດ ວາງແຜນ ສ້ງູອນເທນຕ໌ ຕອບລູກຄ້າ
- ຊ່ວຍແກ້ບັນຫາຕ່າງໆ
- ເຂົ້າໃຈອາຈານໂດຍບໍ່ຕ້ອງຖາມ ຮູ້ໃຈແມ້ກະທັ່ງວ່າ ອາຈານຈະສັ່ງຫຍັງ ເຮັດໃຫ້ກ່ອນສັ່ງ
ແລະອື່ນໆ ຊ່ວຍໃຫ້ອາຈານປະຫຍັດຕົ້ນທຶນ ແລະ ຊ່ວຍສ້າງຮາຍຮັບໄດ້ຫລາຍ ມີເວລາຢູ່ກັບລູກ ແລະຄອບຄົວ

ສົນໃຈ ຢາກອົບຮົມ ຢາກປະຫຍັດເວລາ ງົບປະມານ ສ້າງກຳໄລ ດ້ວຍ ເອໄອ

ວັນທີ່ 12-13 ເດືອນນີ້ ເຮົາມີນັດກັນ ສົນໃຈສະໝັກຮຽນໄດ້.

08/09/2026

ຂໍເຊີນ CEO, ຜູ້ບໍລິຫານ, ຜູ້ປະກອບການ ຫຼື ເຈົ້າຂອງທຸລະກິດ ເຂົ້າຮ່ວມຝຶກອົບຮົມໃນຫຼັກສູດ CEO Strategic Reinvention Workshop 2026.
ຄິດໃໝ່ • ປັບໄວ • ສ້າງການເຕີບໂຕໃນຍຸກ AI.

ເຫດຜົນເພາະ
ໂລກປ່ຽນໄວ… ຄວາມສ່ຽງປ່ຽນໄປ… ແຜນທຸລະກິດຂອງທ່ານ ໄດ້ປັບຕາມແລ້ວຫຼືຍັງ?

ບໍລິບົດສັງຄົມປ່ຽນ. ພຶດຕິກຳລູກຄ້າປ່ຽນ.
ພາວະໂລກຮ້ອນ, ສົງຄາມ ແລະ ຄວາມຂັດແຍ່ງທາງພູມລັດຖະສາດ ອາດກະທົບຕໍ່ການຜະລິດ, ການຂົນສົ່ງ ແລະ ຕົ້ນທຶນ.
ລະບົບຕ່ອງໂສ້ການສະໜອງ (Supply Chain) ແລະ ອັດຕາແລກປ່ຽນ ກາຍເປັນປັດໄຈທີ່ທຸລະກິດຕ້ອງຕິດຕາມ.
ຂະນະທີ່ AI ກຳລັງປ່ຽນວິທີເຮັດວຽກ ແລະ ການແຂ່ງຂັນ.

ສຳລັບທຸລະກິດໃນລາວ ຄວາມທ້າທາຍຍັງລວມເຖິງຕົ້ນທຶນ, ເງິນໝູນວຽນ ແລະ ການຂາດແຄນແຮງງານທີ່ມີທັກສະ. ປະເດັນດ້ານແຮງງານ ແລະ ຜະລິດຕະພາບ ກໍເປັນຂໍ້ທ້າທາຍທີ່ [ທະນາຄານໂລກລະບຸໃນລາຍງານເສດຖະກິດລາວ 2026](https://www.worldbank.org/en/country/lao/publication/lao-economic-monitor-jun-2026-consolidating-reform-momentum-amid-volatility-key-findings).

ເມື່ອ CEO ຕ້ອງແກ້ບັນຫາລາຍວັນ ເວລາສຳລັບທົບທວນອະນາຄົດຂອງບໍລິສັດ ກໍອາດຖືກເລື່ອນອອກໄປເລື້ອຍໆ.

ທິດທາງໄລຍະ 5 ປີ ຫຼື 10 ປີ ຍັງມີຄວາມສຳຄັນ. ແຕ່ແຜນປະຕິບັດງານຕ້ອງຍືດຫຍຸ່ນ ທົບທວນເປັນລາຍໄຕມາດ, ລາຍເດືອນ ຫຼື ແມ່ນແຕ່ລາຍສັບປະດາ ເມື່ອສະຖານະການປ່ຽນໄວ.

ສ່ວນ AI ກໍສ້າງຄຳຖາມໃໝ່ໃຫ້ຜູ້ບໍລິຫານ:
ຈະລົງທຶນແນວໃດໃຫ້ຄຸ້ມ? ຈະເລີ່ມຈາກວຽກໃດ? ແລະ ຈະວັດຜົນແນວໃດ?

ຜົນສຳຫຼວດ [PwC Global CEO Survey 2026](https://www.pwc.com/gx/en/news-room/press-releases/2026/pwc-2026-global-ceo-survey.html) ທີ່ເຜີຍແຜ່ໃນເດືອນມັງກອນ ພົບວ່າ ມີພຽງ 12% ຂອງ CEO ທີ່ຕອບແບບສຳຫຼວດ ລາຍງານວ່າ AI ຊ່ວຍທັງເພີ່ມລາຍຮັບ ແລະ ຫຼຸດຕົ້ນທຶນ.

ການນຳ AI ມາໃຊ້ ຈຶ່ງຕ້ອງເຊື່ອມກັບບັນຫາຈິງ, ຄວາມພ້ອມຂອງທີມ ແລະ ເປົ້າໝາຍທຸລະກິດທີ່ຊັດເຈນ.

🌱 **CEO Strategic Reinvention Workshop 2026**
**ທົບທວນທຸລະກິດ ວາງແຜນຮັບມືຄວາມສ່ຽງ ແລະ ສ້າງແຜນລົງມືເຮັດ 90 ວັນ**

Workshop 2 ວັນນີ້ ຈະພາທ່ານນຳບັນຫາຂອງບໍລິສັດມາວິເຄາະ ຜ່ານ 5 ກະບວນການ:

✅ **ວິເຄາະຄວາມສ່ຽງຂອງທຸລະກິດ**
ເຊື່ອມການປ່ຽນແປງພາຍນອກ ກັບຜົນກະທົບຕໍ່ລູກຄ້າ, ຕົ້ນທຶນ, ລາຍຮັບ ແລະ ເງິນໝູນວຽນ ເພື່ອເລືອກເລື່ອງທີ່ຄວນຈັດການກ່ອນ.

✅ **ສ້າງແຜນຮັບມືຫຼາຍສະຖານະການ**
ກຽມທາງເລືອກ ເມື່ອທຸລະກິດເປັນໄປຕາມຄາດ, ດີກວ່າຄາດ ຫຼື ຮ້າຍກວ່າຄາດ ພ້ອມກຳນົດສັນຍານວ່າເມື່ອໃດຄວນປັບແຜນ.

✅ **ຄົ້ນຫາໂອກາດເຕີບໂຕໃໝ່**
ທົບທວນລູກຄ້າເປົ້າໝາຍ, ສິນຄ້າ, ບໍລິການ ແລະ ຮູບແບບລາຍຮັບ ພ້ອມປະເມີນທາງເລືອກກ່ອນລົງທຶນ.

✅ **ອອກແບບວຽກ ແລະ ເລືອກໃຊ້ AI ຢ່າງມີເປົ້າໝາຍ**
ເລືອກຂັ້ນຕອນທີ່ຄວນປັບປຸງ ພ້ອມພິຈາລະນາທັກສະຂອງທີມ, ຕົ້ນທຶນ ແລະ ວິທີວັດຜົນ.

✅ **ຮ່າງແຜນລົງມືເຮັດ 90 ວັນ**
ລະບຸວ່າຈະເຮັດຫຍັງ, ໃຜຮັບຜິດຊອບ, ໃຊ້ງົບເທົ່າໃດ ແລະ ຈະຕິດຕາມຜົນເມື່ອໃດ.

👥 ສຳລັບເຈົ້າຂອງທຸລະກິດ, CEO ແລະ ຜູ້ບໍລິຫານ
ຮຽນເປັນກຸ່ມນ້ອຍ ໂດຍໃຊ້ບັນຫາຈິງຂອງຜູ້ເຂົ້າຮ່ວມ.

📅 **12–13 ກັນຍາ 2026**
🕘 **09:00–17:00 ໂມງ**
💵 **129 ໂດລາສະຫະລັດ ຕໍ່ຄົນ ລວມທັງ 2 ວັນ**
🍽️ **ລວມອາຫານທ່ຽງ ແລະ ອາຫານວ່າງ/ກາເຟ ທັງ 2 ວັນ**

**ໃຫ້ເວລາກັບອະນາຄົດຂອງບໍລິສັດ — ນຳບັນຫາມາທົບທວນ ແລະ ກັບໄປພ້ອມແຜນທີ່ຈະເລີ່ມລົງມືເຮັດ.**

👉 [ກົດສະໝັກເຂົ້າຮ່ວມ]
https://docs.google.com/forms/d/e/1FAIpQLSfVkZaQZkFTpjndSoItUXMV7RZzrbk8jUMgpkV4LIWaejwlbA/viewform?usp=sharing&ouid=114696600862561397234

ສອບຖາມລາຍລະອຽດເພີ່ມເຕີມ ທັກຂໍ້ຄວາມຫາເພຈໄດ້ເລີຍ.
ຫຼື ທັກທາງວອດແອບ 020 52 944 844

#ພັດທະນາທຸລະກິດ

28/08/2026

ພາບການຝຶກອົບຮົມ "ການບໍລິຫານ ໂຄງການ CSR" ສຳລັບ ລັດວິສາຫະກິດໄຟຟ້າລາວ (EDL Laos) ໃນວັນທີ່ 26/08/2026 ໂດຍທີມງານ Laos SME Center ນຳທີມໂດຍ ອາຈານມະລິວັນ ວໍລະເດດ. ມີຜູ້ເຂົ້າຮ່ວມເປັນພະນັກງານປະຊາສຳພັນຂອງ ລັດວິສາຫະກິດໄຟຟ້າລາວຈຳນວນ 45 ທ່ານ. ສະຖານທີ່ ທີ່ຫ້ອງປະຊຸມ ລັດວິສາຫະກິດໄຟຟ້າລາວ ຊັ້ນ 1 ສຳນັກງານໃຫຍ່.

20/08/2026

ຄລິບສັ້ນນີ້ ຂ້ອຍໃຊ້ AI ເປັນເຄື່ອງມືຊ່ວຍສ້າງເລື່ອງລາວ ຕັ້ງແຕ່ການຄິດແນວເລື່ອງ, ຂຽນ Storyboard, ອອກແບບສາກ, ສ້າງພາບ ແລະ ສ້າງວິດີໂອ ຈົນກາຍເປັນເລື່ອງສັ້ນໆໄດ້ ພາຍໃນບໍ່ກີ່ຊົ່ວໂມງ

ເລື່ອງນີ້ ຂ້ອຍຢາກສື່ເຖິງການທຳລາຍປ່າ ຈາກພູທີ່ເຄີຍຂຽວງາມ ກາຍເປັນພູຫົວໂລ້ນ ແລະ ເມື່ອຝົນຕົກໜັກ ຜົນກະທົບກໍບໍ່ໄດ້ຢຸດຢູ່ແຕ່ເທິງພູ ແຕ່ສາມາດລົງມາເຖິງຊຸມຊົນ ແລະ ຕົວເມືອງໄດ້

ນີ້ແມ່ນສິ່ງທີ່ AI ເຮັດໄດ້ຫຼາຍກວ່າການຂຽນຂໍ້ຄວາມ ຫຼື ສ້າງ Content

AI ສາມາດຊ່ວຍເຮົາ **“ເລົ່າເລື່ອງ” ໃຫ້ຄົນເຫັນພາບ ເຂົ້າໃຈ ແລະ ຮູ້ສຶກໄປກັບເລື່ອງໄດ້**

ສຳລັບຄູ ສາມາດນຳ AI ໄປປ່ຽນບົດຮຽນທີ່ຍາກໃຫ້ກາຍເປັນພາບ ເປັນເລື່ອງ ຫຼື ວິດີໂອສັ້ນໆ ໃຫ້ນັກຮຽນເຂົ້າໃຈງ່າຍຂຶ້ນ

ສຳລັບວິທະຍາກອນ, Content Creator ຫຼື ທຸລະກິດ ກໍສາມາດນຳໄປສ້າງ Storytelling, ສື່ການຮຽນຮູ້, ສື່ລົນນະລົງ ຫຼື ເລົ່າເລື່ອງຂອງແບຣນໃຫ້ໜ້າສົນໃຈຂຶ້ນໄດ້

ໄວໆນີ້ ຂ້ອຍຈະເປີດ Workshop
**AI Storytelling & AI for Teaching**

ຈະພາຮຽນຕັ້ງແຕ່ການຄິດເລື່ອງ, ຂຽນ Prompt, ອອກແບບສາກ, ສ້າງພາບ ແລະ ວິດີໂອ ຈົນສາມາດນຳໄປສ້າງຜົນງານຂອງຕົນເອງໄດ້

ບໍ່ຈຳເປັນຕ້ອງເກັ່ງກາຟິກ
ບໍ່ຈຳເປັນຕ້ອງຕັດຕໍ່ເກັ່ງ
ແຕ່ຂໍໃຫ້ມີ **“ເລື່ອງທີ່ຢາກເລົ່າ”**

ໃຜສົນໃຈ ພິມຄຳວ່າ **STORY** ໄວ້ໃຕ້ໂພສໄດ້ເລີຍ

NextGen Entrepreneur Academy By Laos SME Center

15/09/2026

09/09/2026

09/09/2026

08/09/2026

08/09/2026

28/08/2026

20/08/2026

Address

Telephone

Website

Alerts

Contact The Business

Shortcuts

Share

Category

Listing takedown request