The Department of Business Management (1996), FEBM, NUOL

16/05/2026

👏👏👏🌹🌹🌹

ກະຊວງສຶກສາ ສະເໜີໃຫ້ລັດຖະບານຫວຽດນາມ ຊ່ວຍເຫລືອວຽກງານດ້ານກິລາ ເພື່ອກຽມເປັນເຈົ້າພາບງານມະຫາກໍາກິລາຊີເກມ ຄັ້ງທີ 36 ໃນປີ 2031

ວັນທີ 13 ພຶດສະພາ 2026 ທ່ານ ນາງ ເລີມ ທິ ເຟືອງ ແທງ, ລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເຂົ້າຢ້ຽມພົບປະ ທ່ານ ຮສ.ປອ ທອງສະລິດ ມັງໜໍເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ ເນື່ອງໃນໂອກາດທີ່ໄດ້ມາຢ້ຽມຢາມ ແລະ ເຄື່ອນໄຫວວຽກງານ ຢູ່ ສປປ ລາວ.

ການພົບປະຄັ້ງນີ້, ທັງສອງຝ່າຍໄດ້ມີການຕີລາຄາສູງກ່ຽວກັບການຮ່ວມມືໃຫ້ການຊ່ວຍເຫລືອເຊິ່ງກັນ ແລະ ກັນ ຫລາຍວຽກງານ ໃນໄລຍະຜ່ານມາ ກ່ຽວກັບວຽກງານຂະແໜງການສຶກສາ ແລະ ກິລາໂດຍສະເພາະ ທາງລັດຖະບານ ສປປ ລາວ ສະເໜີໃຫ້ລັດຖະບານ ສສ ຫວຽດນາມ:
- ສືບຕໍ່ຊ່ວຍເຫລືອປັບປຸງສູນຝຶກກິລາແຫ່ງຊາດ ທີ່ເປັນໂຄງການຊ່ວຍເຫລືອຈາກ ສສ ຫວຽດນາມ ເຊິ່ງກໍ່ສ້າງຂຶ້ນໃນປີ 2009 ເນື່ອງຈາກປະຈຸບັນ ມີສະພາບທີ່ຊຸດໂຊມ ແລະ ບໍ່ສາມາດນຳໃຊ້ໄດ້ເປັນປົກກະຕິແລ້ວ.
- ສືບຕໍ່ຊຸກຍູ້, ຊ່ວຍເຫລືອໂຄງການກໍ່ສ້າງສູນວິທະຍາສາດການກິລາ ເພື່ອນໍາໃຊ້ເຂົ້າໃນການກະກຽມນັກກິລາທີມຊາດລາວ ເຂົ້າຮ່ວມແຂ່ງຂັນງານມະຫາກໍາກິລາຊີເກມ ຄັ້ງທີ 36 ໃນປີ 2031 ທີ່ ສປປ ລາວ ເປັນເຈົ້າພາບ.
- ສືບຕໍ່ສະໜອງທຶນການສຶກສາໄລຍະຍາວໃນສາຂາການກິລາ ແລະ ທຶນຝຶກອົບຮົມໄລຍະສັ້ນ-ກາງ ໃຫ້ແກ່ ບຸກຄະລາກອນກິລາ ແລະ ນັກກິລາທີມຊາດ ທັງໃນຮູບແບບ ນຳສົ່ງນັກວິທະຍາກອນມາຈັດຝຶກອົບຮົມໃຫ້ຢູ່ ສປປ ລາວ ແລະ ທຶນເກັບຕົວຝຶກຊ້ອມໄລຍະ 3-6 ເດືອນ ທີ່ ສສ ຫວຽດນາມ ຈຳນວນ 35-60 ທຶນຕໍ່ປີ ແລະ ໃນຊ່ວງໄລຍະ ປີ 2029-2030 ທີ່ກະກຽມເປັນເຈົ້າພາບຊີເກມ ປີ 2031 ຈໍານວນ 70-100 ທຶນຕໍ່ປີ.
- ສືບຕໍ່ສະໜອງອຸປະກອນຝຶກຊ້ອມ ແລະ ເເຂ່ງຂັນທີ່ຈໍາເປັນ ແລະ ໄດ້ມາດຕະຖານ ໃຫ້ແກ່ປະເພດກິລາຄວາມຫວັງຫລຽນລາງວັນ ໂດຍສະເພາະປະກອບໃຫ້ແກ່ ສູນຝຶກກິລາແຫ່ງຊາດ, ສະຖາບັນກິລາ-ກາຍະກຳແຫ່ງຊາດ ເພື່ອກະກຽມນັກກິລາທີມຊາດ ເຂົ້າຮ່ວມເເຂ່ງຂັນງານມະຫາກຳກິລາຊີເກມ ປີ 2031 ທີ່ ສປປ ລາວ ເປັນເຈົ້າພາບ.
- ສະເໜີຝ່າຍຫວຽດນາມ ສະໜອງທຶນຝຶກອົບຮົມການບໍລິຫານຄຸ້ມຄອງກິລາຄົນພິການໃຫ້ຜູ້ບໍລິຫານ;
- ການຈັດກິດຈະກຳການແຂ່ງຂັນກິລາບານເຕະນັກຮຽນມັດທະຍົມສຶກສາ ລະຫວ່າງ ລາວ ແລະ ຫວຽດນາມ ສືບຕໍ່ຊ່ວຍເຫຼືອຝຶກຊ້ອມໃຫ້ແກ່ນັກກິລາຄົນພິການທີມຊາດລາວ ປະເພດກິລາແລ່ນ-ລານ ແລະ ຍົກນ້ຳໜັກ ພ້ອມທັງແລກປ່ຽນການສົ່ງເສີມມວນຊົນ ທຸກເພດໄວ ເຂົ້າຮ່ວມຂະບວນການອອກກຳລັງກາຍເພື່ອສຸຂະພາບ ແລະ ສົ່ງເສີມກິລາພື້ນເມືອງ.
https://laophattananews.com/253445/

#ໜັງສືພິມລາວພັດທະນາ #ຂ່າວພາຍໃນ #ກະຊວງສຶກສາ #ຫວຽດນາມ #ງານມະຫາກໍາກິລາຊີເກມ
_______________@_______________
ສະໜັບສະໜູນຂ່າວໂດຍ: ຊາລິບຕັນ ສົ້ມ ແຊບ ຊ່າ
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

15/05/2026

🌷🌷🌷👏🏻👏🏻👏🏻❤️❤️❤️

ທະນາຄານແຫ່ງ ສປປ ລາວ ປະກາດພະນັກງານຂັ້ນສູງຮັບອຸດໜູນບໍານານ ແລະ ແຕ່ງຕັ້ງໃໝ່ຫຼາຍຕຳແໜ່ງ
-----------------------------------

ໃນວັນທີ 11 ພຶດສະພາ 2026, ທີ່ ທະນາຄານແຫ່ງ ສປປ ລາວ (ທຫລ) ໄດ້ມີພິທີປະກາດພະນັກງານຂັ້ນສູງຮັບອຸດໜູນບໍານານ ແລະ ແຕ່ງຕັ້ງພະນັກງານນໍາພາ-ຄຸ້ມຄອງຂອງ ທຫລ ໂດຍການໃຫ້ກຽດເຂົ້າຮ່ວມຂອງ ສະຫາຍ ນາງ ບຸນຄຳ ວໍລະຈິດ ຜູ້ວ່າການ ທຫລ, ມີບັນດາສະຫາຍ ກໍາມະການພັກ ທຫລ, ຄະນະກົມ-ທຽບເທົ່າ, ຄະນະອໍານວຍການທະນາຄານທຸລະກິດ, ພ້ອມດ້ວຍພະນັກງານຫຼັກແຫຼ່ງນໍາພາ ແລະ ແຂກເຂົ້າຮ່ວມຢ່າງພ້ອມພຽງ.

ເພື່ອໃຫ້ສອດຄ່ອງກັບໜ້າທີ່ວຽກງານໃນເງື່ອນໄຂໃໝ່ ຢູ່ຂະແໜງທະນາຄານ ກໍ່ຄືການຕົກລົງຂອງຂັ້ນເທິງທີ່ກ່ຽວຂ້ອງ ຕໍ່ກັບການປັບປຸງການຈັດຕັ້ງຕຳແໜ່ງງານຕ່າງໆ ຢູ່ ທຫລ. ດັ່ງນັ້ນ, ການຈັດຕັ້ງ ທຫລ ຈຶ່ງໄດ້ຈັດພິທີປະກາດການຈັດຕັ້ງຂຶ້ນ ທ່ານ ນ. ໂພທິຈັນ ທຳມະເທວາ ຫົວໜ້າກົມຈັດຕັ້ງແລະພະນັກງານ ໄດ້ປະກາດການຕົກລົງຂອງຂັ້ນເທິງຕໍ່ກັບການປັບປຸງຕໍາແໜງງານຕ່າງໆລາຍລະອຽດ ດັ່ງນີ້:

(1) ອະນຸມັດໃຫ້ ທ່ານ ໄຂ່ແກ້ວ ຫຼວງສີວິໄລ ຫົວໜ້າກົມເຕັກໂນໂລຊີຂໍ້ມູນຂ່າວສານ ອອກພັກການ-ຮັບອຸດໜູນບຳນານ;
(2) ອະນຸມັດໃຫ້ ທ່ານ ວົງພະຈັນ ແສງສຸວັນ ຫົວໜ້າສຳນັກງານປົກປ້ອງເງິນຝາກ ອອກພັກການ-ຮັບອຸດໜູນບຳນານ.

ພ້ອມນີ້, ກໍ່ໄດ້ແຕ່ງຕັ້ງ ທ່ານ ລັດສະໝີ ສຸວັນທອງ ຮອງເລຂາໜ່ວຍພັກ ຮອງຫົວໜ້າກົມເຕັກໂນໂລຊີຂໍ້ມູນຂ່າວສານ ເປັນວ່າການແທນເລຂາໜ່ວຍພັກ, ວ່າການແທນຫົວໜ້າກົມເຕັກໂນໂລຊີຂໍ້ມູນຂ່າວສານ;

ຍົກຍ້າຍ ທ່ານ ນາງ ວຽງດາລີ ສຸພານຸວົງ ຮອງຫົວໜ້າກົມຄຸ້ມຄອງສະຖາບັນການເງິນທີ່ບໍ່ແມ່ນທະນາຄານ ແລະ ແຕ່ງຕັ້ງເປັນວ່າການແທນເລຂາໜ່ວຍພັກ, ວ່າການແທນຫົວໜ້າສໍານັກງານປົກປ້ອງເງິນຝາກ;

ຍົກຍ້າຍ ທ່ານ ວິໄລຄຳ ປ້ອງພິມຄຳ ຮອງຫົວໜ້າສາຂາ ທຫລ ພາກໃຕ້ ແຂວງຈຳປາສັກ ແລະ ແຕ່ງຕັ້ງເປັນຮອງຫົວໜ້າກົມຄຸ້ມຄອງສະຖາບັນການເງິນທີ່ບໍ່ແມ່ນທະນາຄານ.

ແຫຼ່ງທີ່ມາ:​ທຫລ

04/05/2026

01/05/2026

ເນື້ອໃນຫຍໍ້ກ່ຽວກັບມູນເຊື້ອວັນກຳມະກອນ

ໃນວັນທີ 1 ພຶດສະພາ 1886 ເປັນເທື່ອທຳອິດໃນປະເທດອາເມລິກາ ຢູ່ຕົວເມືອງຊິກາໂກ, ຊົນຊັ້ນກໍາມະກອນ ແລະ ຊາວຜູ້ອອກແຮງງານ ໄດ້ຕໍ່ສູ້ສົມທົບກັບເນຶ້ອໃນຂອງຖະແຫຼງການ ຮຽກຮ້ອງໃຫ້ພວກນາຍທຶນຕ້ອງປະຕິ ບັດຕາມການສະເໜີກຳມະກອນວ່າ: “ແຕ່ນີ້ຕໍ່ໄປບໍ່ໃຫ້ກຳມະກອນຜູ້ໃດເຮັດວຽກເກີນ 8 ຊົ່ວໂມງຕໍ່ມື້, 8 ຊົ່ວໂມງພັກຜ່ອນ ແລະ 8 ຊົ່ວໂມງຮໍ່າຮຽນ”. ໃນມື້ນັ້ນ ໄດ້ມີກຳມະກອນ ນັດຍຸດງານເຖິງ 5.000 ແຫ່ງໃນຕົວເມືອງໃຫຍ່ຂອງປະເທດອາເມລິກາ ເຊັ່ນ: ນິວຢອກ, ບານຕີມໍ, ວໍຊິງຕັນ ແລະ ອື່ນໆ; ມີຜູ້ເຂົ້າຮ່ວມ 3 ແສນ 4 ໝື່ນຄົນ ໄດ້ຮຽກ ຮ້ອງ ແລະ ບັງຄັບໃຫ້ນາຍທຶນຕ້ອງຮັບຮອງເອົາສິດໃນການເຮັດວຽກຂອງກຳມະກອນໃນມື້ໜຶ່ງ 8 ຊົ່ວໂມງ. ໃນຂະບວນການດັ່ງກ່າວ, ພວກນາຍທຶນໄດ້ສົມທົບກັບເຈົ້າ ໜ້າທີ່ຍິງປືນກວາດໃສ່ຂະບວນ ການປະທ້ວງເຮັດໃຫ້ມີ ຄົນຕາຍ 9 ຄົນ.
ຕໍ່ມາວັນທີ 5 ພຶດສະພາ 1886, ພວກໄມ້ມືຂອງນາຍທຶນໄດ້ຂ້າກຳມະກອນຕາຍອີກ 6 ຄົນ, ບາດເຈັບ 50 ຄົນ, ແຕ່ຂະບວນການຕໍ່ສູ້ຂອງກຳມະກອນ ກໍບໍ່ໄດ້ຢຸດເຊົາ. ໃນມື້ຕໍ່ມາ, ຂະບວນແຫ່ປະທ້ວງໄດ້ເພີ່ມທະວີກຳລັງແຮງຂອງກຳມະກອນຂຶ້ນຕື່ມອີກ ຊຶ່ງມີຜູ້ເຂົ້າຮ່ວມເເຖິງ 15.000 ຄົນ ເພື່ອຄັດຄ້ານການກະທຳ ຂອງພວກນາຍທຶນ ແລະ ເຈົ້າໜ້າທີ່ກຳອຳນາດ. ຂະບວນການປະທ້ວງ ໃກ້ຈະຢຸດຕິລົງ, ພວກຄົນບໍ່ດີຂອງນາຍທຶນພັດ ໄດ້ແກວ່ງລະເບີດໃສ່ຂະບວນການປະທ້ວງເຮັດໃຫ້ເຈົ້າໜ້າທີ່ເສຍຊີວິດ 2 ຄົນ.
ຕໍ່ເຫດການນັ້ນ, ພວກເຂົາ ໄດ້ຕູ່ຫາວ່າກຳມະກອນເປັນຜູ້ແກວ່ງລະເບີດໃສ່, ຈາກນັ້ນພວກເຂົາກໍໄດ້ຍິງປືນກວາດໃສ່ຂະບວນການ ປະທ້ວງເຮັດໃຫ້ຄົນຕາຍເປັນຈຳນວນຮ້ອຍໆຄົນ ແລະ ບາດເຈັບຈຳນວນຫຼວງຫຼາຍ, ຫຼາຍຄົນຖືກຈັບ, ໃນນັ້ນ 5 ຄົນຖືກປະຫານຊີວິດ. ຕາມບົດລາຍງານຂອງສະຫະ ພັນແຮງງານຂອງອາເມລິກາ ໄດ້ຕີລາຄາວ່າ: “ໃນປະຫວັດສາດຂອງອາເມລິກາ ບໍ່ມີເວລາໃດທີ່ຂະບວນການຂອງມະຫາຊົນລຸກຮື້ຂຶ້ນຕໍ່ສູ້ ພ້ອມກັນຢູ່ຕາມໂຮງຈັກ ໂຮງງານຄືແນວນີ້”.
ຈາກເຫດການຂອງວັນທີ 1 ພຶດສະພາ 1886 ໄດ້ສ້າງກະແສຟອງອັນໃຫຍ່ຫຼວງ ແລະ ແຂງແຮງຂອງຂະບວນ ການກຳມະກອນຢູ່ທະວີບເອີລົບ ແລະ ທະວີບ ອາເມລິກາ, ເປັນກຳລັງໃຈໃຫ້ຂະບວນການຕໍ່ສູ້ຂອງກຳມະກອນໂລກ, ທັງເປັນບາດກ້າວຂະຫຍາຍຕົວແຫ່ງໄຊຊະນະ, ເປັນວັນທີ່ມີຄວາມໝາຍອັນສຳຄັນໃຫຍ່ຫຼວງ ຂອງຊົນ ຊັ້ນກຳມະກອນ ໃນຂະບວນການຕໍ່ສູ້ເພື່ອປົກປ້ອງສິດທິ ແລະ ຜົນປະໂຫຍດອັນຊອບທຳຂອງຕົນ.
ຕໍ່ໜ້າສະພາບການຄືແນວນັ້ນ, ວັນທີ 14 ກໍລະກົດ ປີ 1889, ກອງປະຊຸມພັກກອມມູນິດສາກົນຄັ້ງທີ II ໄດ້ໄຂຂຶ້ນຢູ່ທີ່ນະຄອນຫຼວງປາຣີ, ປະເທດຝຣັ່ງ), ມີຜູ້ແທນເຂົ້າຮ່ວມກອງປະຊຸມທັງໝົດ 393 ຄົນ ຊຶ່ງແມ່ນຜູ້ແທນມາຈາກ 22 ປະເທດ ເອີລົບ, ອາເມລິກາ ແລະ ອາກຊັງຕິງ. ທີ່ປະຊຸມໄດ້ຜ່ານໂຄງການດຳເນີນ ງານສຳຄັນຄື: ຊົນຊັ້ນກຳມະກອນສາມັກຄີຕໍ່ສູ້ເພື່ອປະຕິບັດຄຳຂວັນ “ມື້ໜຶ່ງເຮັດວຽກ 8 ຊົ່ວໂມງ ແລະ ກຳນົດເອົາວັນທີ 1 ພຶດສະພາ 1886 ເປັນວັນກຳມະກອນ ສາກົນ” ຊຶ່ງແຕ່ນັ້ນມາ “ວັນທີ 1 ເດືອນ ພຶດສະພາ ຂອງທຸກໆປີ ຈຶ່ງໄດ້ກາຍເປັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ”.
ສະເພາະຢູ່ ສປປ ລາວ ໃນທຸກໆປີ, ຊົນຊັ້ນກຳມະກອນ ແລະ ຊາວຜູ້ອອກແຮງງານລາວ ກໍໄດ້ຈັດຕັ້ງງານໂຮມຊຸມນຸມໃຫຍ່ເພື່ອລະນຶກເຖິງມູນເຊື້ອສາມະຄີ ຕໍ່ສູ້ຂອງຊົນຊັ້ນກຳມະກອນ ເພື່ອເປັນການປົກປ້ອງສິດ ແລະ ຜົນປະໂຫຍດອັບຊອບທຳ ຂອງກຳມະກອນ ແລະ ຊາວຜູ້ອອກແຮງງານ, ທັງເປັນການປົກປັກຮັກສາສັນຕິພາບໂລກ ເປັນຂີດໝາຍອັນສຳຄັນຂອງຊົນຊັ້ນກຳມະກອນ.

29/04/2026

🌹🌹🌹👏🏻👏🏻👏🏻❤️❤️❤️

ການຈັດຕັ້ງປະຕິບັດເນື້ອໃນ 4 ຮ່ວມ ລະຫວ່າງສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດລາວ ແລະ ອົງການຈັດຕັ້ງມະຫາຊົນຂອງພັກ.....
ໂດຍ: ບຸນຕອມ
ສະຫາຍ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ໄດ້ປະກອບຄຳເຫັນ ຕໍ່ກອງປະຊຸມໃຫຍ່ຜູ້ແທນແນວລາວສ້າງຊາດທົ່ວປະເທດ ຄັ້ງທີ XII ໃນວັນທີ 28 ເມສາ ນີ້ ພາຍໃຕ້ຫົວຂໍ້: ການຈັດຕັ້ງປະຕິບັດເນື້ອໃນ 4 ຮ່ວມ ລະຫວ່າງສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດລາວ ແລະ ອົງການຈັດຕັ້ງມະຫາຊົນຂອງພັກ.
ສະຫາຍ ທອງລີ ສີສຸລິດ ໄດ້ກ່າວວ່າ: ຕະຫຼອດໄລຍະ 5 ປີ ຜ່ານມາ ສຊປລ ໄດ້ຖືເອົາເນື້ອໃນຈິດໃຈຂອງ "4 ຮ່ວມ" ເປັນເຂັມທິດເຍືອງທາງ ໃນການປະສານງານກັບ ສູນກາງແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດລາວ ແລະ ອົງການຈັດຕັ້ງມະຫາຊົນຂອງພັກ ຢ່າງສະເໝີຕົ້ນສະເໝີປາຍ, ພວກເຮົາໄດ້ຮ່ວມກັນໂຄສະນາສຶກສາອົບຮົມຂົນຂວາຍມະຫາຊົນໃນທຸກຊັ້ນຄົນ ແລະ ແຕ່ລະທ້ອງຖິ່ນ ເພື່ອສ້າງຄວາມເປັນເອກະພາບທາງດ້ານແນວຄິດ; ຮ່ວມກັນຕິດຕາມ, ກວດກາ, ສ່ອງແສງ ແລະ ໃຫ້ຄຳປຶກສາຢ່າງເຂັ້ມງວດ ໂດຍອີງໃສ່ລັດຖະທຳມະນູນ, ກົດໝາຍວ່າດ້ວຍສະພາແຫ່ງຊາດ, ກົດໝາຍຂອງ 5 ອົງການພາຄີ ແລະ ໂດຍສະເພາະແມ່ນການຈັດຕັ້ງປະຕິບັດ ຂໍ້ກຳນົດ 01/ຄລສພ ວ່າດ້ວຍລະບຽບການຕິດຕາມກວດກາຂອງແນວລາວສ້າງຊາດ ແລະ ອົງການຈັດຕັ້ງມະຫາຊົນ ຕໍ່ອົງການອຳນາດລັດ ເພື່ອຮັບປະກັນຄວາມໂປ່ງໃສ ແລະ ປົກປ້ອງສິດ ຜົນປະໂຫຍດອັນຊອບທໍາຂອງປະຊາຊົນ. ພ້ອມກັນນັ້ນ, ພວກເຮົາຍັງໄດ້ຮ່ວມກັນຄົ້ນຄວ້າຫົວຂໍ້ການສ້າງຂະບວນການຮັກຊາດ ແລະ ພັດທະນາໃຫ້ກາຍເປັນຜົນງານຕົວຈິງ ແລະ ຮ່ວມກັນສ້າງການຫັນປ່ຽນແກ້ໄຂຄວາມຫຍຸ້ງຍາກ ເພື່ອສ້າງລາຍຮັບຮ່ວມກັນ ແນໃສ່ເຮັດໃຫ້ອົງການຈັດຕັ້ງມະຫາຊົນ ຂັ້ນຮາກຖານມີຄວາມເຂັ້ມແຂງ ແລະ ກຸ້ມຕົນເອງໄດ້ໃນລະດັບໃດໜຶ່ງ.
ຜົນສຳເລັດທີ່ພົ້ນເດັ່ນ ແມ່ນພວກເຮົາສາມາດຫັນເອົາພະລັງແຮງຂອງແຕ່ລະອົງການມາເປັນພະລັງສັງລວມ ໃນການປັບປຸງ ແລະ ກໍ່ສ້າງຮາກຖານການເມືອງ ແລະ ແກ້ໄຂປະກົດການຫຍໍ້ທໍ້ໃນສັງຄົມ. ຈາກການເຄື່ອນໄຫວຕົວຈິງ, ພວກເຮົາເຫັນໄດ້ວ່າ ເມື່ອໃດທີ່ອົງການພາຄີມີຄວາມເປັນເອກະພາບ ແລະ ຮ່ວມກັນເຄື່ອນໄຫວ ເມື່ອນັ້ນຄວາມເຊື່ອໝັ້ນຂອງມະຫາຊົນ ຕໍ່ກັບແນວທາງຂອງພັກ ກໍຍິ່ງໄດ້ຮັບການເພີ່ມທະວີ, ສ້າງໃຫ້ເກີດມີຄວາມສະຫງົບ ແລະ ຄວາມສາມັກຄີທີ່ແໜ້ນແກ່ນ ຈາກຕົວເມືອງ ສູ່ຊົນນະບົດ.
ດ້ານຂະບວນການໄດ້ຮ່ວມກັນສ້າງກິດຈະກຳທີ່ເປັນຮູບປະທຳເຊັ່ນ: ຂະບວນການຍ່າງເພື່ອສຸຂະ ພາບ, ຂະບວນການກິລາຕ່າງໆ, ການຊ່ວຍເຫຼືອສັງຄົມ ຊຶ່ງສະແດງໃຫ້ເຫັນເຖິງພະລັງຄວາມສາມັກຄີທີ່ເປັນປຶກແຜ່ນ. ໄດ້ຮ່ວມກັນລົງໃກ້ຊິດຕິດແທດກັບຮາກຖານ ເພື່ອສຶກສາອົບຮົມ ກຳມະກອນ, ໄວໜຸ່ມ-ເຍົາວະຊົນ ແລະ ແມ່ຍິງ ໃຫ້ຫ່າງໄກຈາກສິ່ງເສບຕິດ ແລະ ປະກົດການຫຍໍ້ທໍ້ໃນສື່ສັງຄົມອອນລາຍ. ນອກຈາກນັ້ນ, ຍັງໄດ້ຮ່ວມກັນສ້າງຫ້ອງການປະສານງານ 3 ອົງການຈັດຕັ້ງມະຫາຊົນຢູ່ເຂດເສດຖະກິດພິເສດສາມຫຼຽມຄໍາ ຢູ່ເມືອງຕົ້ນເຜິ້ງ ແຂວງບໍ່ເເກ້ວ, ບົນພື້ນຖານຄວາມສາມັກຄີດັ່ງກ່າວ, ເວົ້າສະເພາະສູນກາງຊາວໜຸ່ມປະຊາຊົນ ປະຕິວັດລາວ ໄດ້ຢຶດໝັ້ນໃນການຜັນຂະຫຍາຍ ມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ (ສອຈ) ໃຫ້ກາຍເປັນຂະບວນການບຸກຂອງຊາວໜຸ່ມ. ພວກເຮົາໄດ້ຫັນປ່ຽນຈາກການໂຄສະນາມາເປັນການສ້າງກິດຈະກຳທີ່ສ້າງລາຍຮັບຕົວຈິງໂດຍການຮ່ວມມືກັບຫຼາຍພາກສ່ວນບໍ່ວ່າຈະເປັນທາງພາກລັດ, ເອກະຊົນທັງພາຍໃນ ແລະ ຕ່າງປະເທດ ເພື່ອສ້າງວຽກເຮັດງານທຳໃຫ້ຊາວໜຸ່ມຢູ່ພາຍໃນປະເທດ, ເພື່ອແກ້ໄຂບັນຫາແຮງງານເຄື່ອນຍ້າຍ, ການແຕ່ງດອງກ່ອນໄວອັນຄວນ, ສຸຂະພາບຈະເລິນພັນ, ການສ້າງອາຊີບ, ເປັນການປະກອບສ່ວນເຮັດໃຫ້ຊາວໜຸ່ມກາຍເປັນກໍາລັງແຮງໃນການຜະລິດໃໝ່ທີ່ທັນສະໄໝ, ມີລະບຽບວິໃນ ແລະ ມີຈິດໃຈຮັກຊາດ, ເພື່ອເປັນເສົາຄ້ຳທີ່ເຂັ້ມແຂງໃຫ້ແກ່ເສດຖະກິດແຫ່ງຊາດໃນໄລຍະໃໝ່.
ເພື່ອສືບຕໍ່ເສີມຂະຫຍາຍມູນເຊື້ອຄວາມສາມັກຄີ ແລະ ຍົກສູງບົດບາດຂອງອົງການພາຄີໃນຕໍ່ໜ້າໃຫ້ມີຄວາມເຂັ້ມແຂງຄື: ໜຶ່ງ, ເພີ່ມທະວີການສຶກສາອົບຮົມການເມືອງແນວຄິດ ຕິດພັນກັບການປຸກລະດົມ ການພັດທະນາຕ້ອງໄປຄຽງຄູ່ກັບການສ້າງຈິດສຳນຶກ, ຕິດພັນກັບ 4 ເນື້ອນໃນ 4 ຄາດໝາຍ, ຂະບວນການຮັກຊາດພັດທະນາ ແລະ ຫັນລົງສູ່ຮາກຖານ ໂດຍການໂຄສະນາປຸກລະດົມເຂົ້າຮ່ວມທຸກຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ; ສອງ, ຫັນການສະໜອງແຮງງານໃຫ້ກາຍເປັນຍຸດທະສາດການສ້າງຄົນ, ສ້າງໂອກາດໃຫ້ແກ່ຊາວໜຸ່ມ ພວກເຮົາບໍ່ພຽງແຕ່ຊອກຫາແຮງງານໃຫ້ໂຮງງານເທົ່ານັ້ນ, ແຕ່ຕ້ອງເນັ້ນການພັດທະນາສີມືແຮງງານ ທີ່ມີວິໄນ, ມີຈິດສໍານຶກທີ່ດີ ແລະ ຍົກລະດັບຂີດຄວາມສາມາດໃຫ້ທັນຍຸກໃໝ່ ເຮັດໃຫ້ເຂົາເຈົ້າສາມາດເຂົ້າເຖິງຕຳແໜ່ງງານ ທີ່ມີຢູ່ຈິງໃນຕະຫຼາດແຮງງານ ໂດຍຜ່ານການຮ່ວມມືຢ່າງໃກ້ຊິດ ກັບບັນດາບໍລິສັດ ທີ່ມີການຮ່ວມມືກັບສູນກາງຊາວໜຸ່ມປະຊາຊົນ ປະຕິວັດລາວ; ສາມ, ຍູ້ແຮງການຫັນເປັນດີຈີຕອນເພື່ອເຊື່ອມຈອດຂໍ້ມູນຊາວໜຸ່ມ ກັບຕະຫຼາດແຮງງານ ແລະ ການນໍາໃຊ້ເຕັກໂນໂລຊີເຂົ້າໃນວຽກງານສື່ມວນຊົນ ໃຫ້ທັນກັບຍຸກສະໄໝ; ສີ່, ປະສານສົມທົບກັບອົງການພາຄີເພື່ອສ້າງເປັນໂຄງການຈຸດສຸມ ເປັນຕົ້ນໂຄງການສ້າງເສດຖະກິດຄອບຄົວໃຫ້ເຂັ້ມແຂງ, ການຮັກສາສິ່ງແວດລ້ອມສີຂຽວ, ສົ່ງເສີມວັດທະນະທຳອັນດີງາມຂອງຊາດ, ການແກ້ໄຂປະກົດການຫຍໍ້ທໍ້ໃນກຸ່ມໄວໜຸ່ມ, ການສ້າງອາຊີບໝັ້ນຄົງ ແລະ ອື່ນໆ ໃຫ້ກາຍເປັນສັນຍາລັກແຫ່ງຄວາມສາມັກຄີ ແລະ ເປັນສິ່ງຢັ້ງຢືນຜົນສໍາເລັດທີ່ຈໍາຕ້ອງໄດ້ຂອງ “4 ຮ່ວມ”.
ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ຂໍໃຫ້ຄຳໝັ້ນສັນຍາຢ່າງເດັດດ່ຽວວ່າ ຈະສືບຕໍ່ເປັນກຳລັງແຮງທີ່ຫ້າວຫັນ, ພ້ອມທີ່ຈະແບກຫາບທຸກໜ້າທີ່ການເມືອງ ແລະ ເປັນຄູ່ຮ່ວມງານທີ່ຊື່ສັດບໍລິສຸດ ກັບແນວລາວສ້າງຊາດ ແລະ ບັນດາອົງການພາຄີ ເພື່ອຮ່ວມກັນສ້າງຂະບວນການ "4 ຮ່ວມ" ໃຫ້ມີຜົນສຳເລັດໃໝ່ທີ່ຍິ່ງໃຫຍ່ກວ່າເກົ່າ.

25/04/2026

🌷🌷🌷👏🏻👏🏻👏🏻

14/04/2026

🌷🌷🌷❤️❤️❤️👏🏻👏🏻👏🏻

10/04/2026

📢 ຂໍຖືເປັນກຽດແຈ້ງໃຫ້ທຸກທ່ານຊາບວ່າ ຄະນະເສດຖະສາດ ແລະ ບໍລິຫານທຸລະກິດ ເປີດຮັບສະໝັກ ພະນັກງານ-ລັດຖະກອນຄູ 📍✨

ເຊິ່ງຈະມີການສອບເສັງຄັດເລືອກໃນວັນທີ 24 ເມສາ 2026 ເວລາ 8:00 ທີ່ສະຖາບັນຂົງຈື້!!

ເຊິ່ງລາຍລະອຽດທັງໝົດແມ່ນຢູ່ໃນແຈ້ງການ🙏🏻
ຖ້າຫາກທ່ານໃດມີຄວາມສົນໃຈສາມາດສະແກນຕາມຄິວອາໃນຮູບພາບໄດ້ເລີຍ👇🏻✨

10/04/2026

🌹🌹🌹👏🏻👏🏻👏🏻🌹🌹🌹

10/04/2026

🌹🌹🌹✌️✌️✌️❤️❤️❤️