ສະພາການຄ້າ ແລະ ອຸດສາຫະກຳ ແຫ່ງຊາດລາວ

22/05/2026

ສຄອຊ ຮ່ວມກັບ ສະມາຄົມອຸດສາຫະກຳຍານພາຫະນະລາວ ຈັດກອງປະຊຸມປຶກສາຫາລື ກ່ຽວກັບການຮ່ວມມືຈັດຕັ້ງປະຕິບັດໂຄງການ “ການຮຽນວິຊາຊີບຢູ່ສະຖານປະກອບການ (Work-Based Learning)”
--------------------------------------------------------
ນະຄອນຫຼວງວຽງຈັນ, ວັນທີ 21 ພຶດສະພາ 2026, ທີ່ ໂຮງແຮມ ແກຣນດ໌ ໂຮເທວ ວຽງຈັນ. ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ຮ່ວມກັບ ສະມາຄົມອຸດສາຫະກຳຍານພາຫະນະລາວ ຈັດກອງປະຊຸມປຶກສາຫາລື ກ່ຽວກັບການຮ່ວມມືຈັດຕັ້ງປະຕິບັດໂຄງການ ການສົ່ງເສີມການຮຽນວິຊາຊີບຢູ່ສະຖານປະກອບການ ຫຼື Work-Based Learning (WBL) ພາຍໃຕ້ຂອບການຮ່ວມມື ອາຊຽນ-ສະວິດເຊີແລນ “ASEAN-Swiss TVET Initiative (ASTI)” ໂດຍການສະໜັບສະໜູນງົບປະມານຈາກ ອົງການເຮວວີຕັດ (Helvetas) ປະຈຳ ສປປ ລາວ.

ກອງປະຊຸມໃນຄັ້ງນີ້ ໃຫ້ກຽດເຂົ້າຮ່ວມເປັນປະທານໂດຍ ທ່ານ ສະເຫຼີມໄຊ ທ່ຽງທຳ ຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ທ່ານນາງ ບຸບຜາມະນີ ຈຸນລະມະນີ ຮອງປະທານ ສະມາຄົມອຸດສາຫະກຳຍານພາຫະນະລາວ, ພ້ອມດ້ວຍ ບັນດາສະມາຊິກສະມາຄົມອຸດສາຫະກຳຍານພາຫະນະລາວ, ຕາງໜ້າຈາກອົງການ Helvetas, ຜູ້ຕາງໜ້າຈາກກະຊວງສຶກສາທິການ ແລະ ກິລາ.

ຈຸດປະສົງຫຼັກຂອງກອງປະຊຸມ:
- ແລກປ່ຽນຄຳຄິດເຫັນ ເຜີຍແຜ່ ແລະ ສ້າງຄວາມເຂົ້າໃຈກ່ຽວກັບແນວຄວາມຄິດການຮຽນວິຊາຊີບຢູ່ສະຖານປະກອບການ (WBL) ແລະ ກິດຈະກຳທີ່ຈະສົ່ງເສີມການຈັດຕັ້ງປະຕິບັດຜ່ານໂຄງການ ASTI ໂດຍສະເພາະຂະແໜງຍານພາຫະນະ.
- ປຶກສາຫາລືຄວາມເປັນໄປໄດ້ຊອກຫາຊ່ອງທາງ ແລະ ວິທີການຮ່ວມມືກັນຢ່າງກົມກຽວ ລະຫວ່າງ ບັນດາສະມາຄົມ/ກຸ່ມທຸລະກິດ, ສຄອຊ ກັບ ສະຖານອາຊີວະສຶກສາ ໃນການຮັບເອົາຜູ້ຮຽນ, ການແຕ່ງຕັ້ງຄູຝຶກປະຈຳສະຖານປະກອບການ, ແລະ ການຄັດເລືອກຜູ້ປະກອບການ.
- ກຳນົດແຜນການຊັດເຈນ ຮ່ວມກັນກຳນົດແຜນການຮ່ວມມື, ແຜນກິດຈະກຳໃນການຈັດຕັ້ງປະຕິບັດຕົວຈິງໃຫ້ມີປະສິດທິຜົນສູງສຸດ.
ກອງປະຊຸມຄັ້ງນີ້ຖືເປັນບາດກ້າວທີ່ສຳຄັນ ໃນການພັດທະນາ ແລະ ຍົກລະດັບສີມືແຮງງານລາວ ໃຫ້ມີຄຸນນະພາບ, ມີທັກສະ ແລະ ປະສົບການຕົວຈິງ ທີ່ສາມາດຕອບສະໜອງໄດ້ຕາມຄວາມຕ້ອງການຂອງຕະຫຼາດແຮງງານ ແລະ ຜູ້ປະກອບການໃນຍຸກປັດຈຸບັນຢ່າງແທ້ຈິງ.
#ສຄອຊ #ພັດທະນາອາຊີວະສຶກສາ #ສະມາຄົມອຸດສາຫະກຳຍານພາຫະນະ
ສະໝັກເປັນສະມາຊິກ: https://bit.ly/4uLNsy5
ຂ່າວອື່ນໆ: www.lncci.la
Youtube: www.youtube.com/
TikTok: www.tiktok.com/
Twitter: https://x.com/lncci2
IG: www.instagram.com/lncci1989

22/05/2026

ນະຄອນຫຼວງວຽງຈັນ, 22 ພຶດສະພາ 2026 – ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ຮ່ວມກັບ ບໍລິສັດ China-ASEAN Information Harbor Co., Ltd (CAIH) (ສປ ຈີນ) ແລະ ບໍລິສັດ ຂໍ້ມູນຂ່າວສານ ສິນເຊື່ອແຫ່ງ ສປປ ລາວ(ຂສລ) ໄດ້ຮ່ວມກັນຈັດກອງປະຊຸມຖອດຖອນບົດຮຽນກ່ຽວກັບວຽກງານຂໍ້ມູນຂ່າວສານສິນເຊື່ອ ຂຶ້ນທີ່ ຫ້ອງການ ສຄອຊ, ໂດຍການເປັນປະທານຂອງທ່ານ ທະນູສອນ ພົນອາມາດ ຮອງປະທານ ສຄອຊ ແລະ ທ່ານ ພຸດສາລາ ອົມດາລາ ຮອງຜູ້ອຳນວຍການ ຂສລ, ຜູ້ຕາງໜ້າຈາກທັງສາມຝ່າຍ ແລະ ພາກສ່ວນກ່ຽວຂ້ອງເຂົ້າຮ່ວມຫຼາຍກວ່າ 30 ທ່ານ.

ກອງປະຊຸມໃນຄັ້ງນີ້ ຈັດຂຶ້ນໂດຍມີຈຸດປະສົງຫຼັກແມ່ນເພື່ອຖອດຖອນບົດຮຽນ, ແລກປ່ຽນປະສົບການ ແລະ ເພີ່ມທະວີຄວາມຮ່ວມມືໃນການຈັດກິດຈະກຳ ພ້ອມທັງການເຝິກອົບຮົມຕ່າງໆ ທາງດ້ານການຈັດຕັ້ງ ແລະ ວິທີການຄຸ້ມຄອງວຽກງານຂໍ້ມູນຂ່າວສານເຕັກໂນໂລຊີ. ທັງນີ້, ກໍເພື່ອແນໃສ່ຍົກລະດັບຄວາມຮູ້ຄວາມສາມາດໃຫ້ແກ່ພະນັກງານຂອງ ຂສລ ໃນການນຳເອົາຂໍ້ມູນໄປໃຊ້ເຂົ້າໃນວຽກງານຕົວຈິງ ໂດຍສະເພາະວຽກງານທີ່ຕິດພັນກັບເຕັກໂນໂລຊີ, ການບໍລິຫານພາຍໃນ ແລະ ວຽກງານຂໍ້ມູນຂ່າວສານສິນເຊື່ອ ທີ່ມີຄວາມສຳຄັນຕໍ່ລະບົບການເກັບກຳຂໍ້ມູນຂອງບໍລິສັດ; ອັນຈະເປັນການສ້າງຄວາມເຊື່ອຖືໃຫ້ແກ່ຫົວໜ່ວຍທຸລະກິດ ໂດຍສະເພາະແມ່ນວິສາຫະກິດຂະໜາດນ້ອຍ ແລະ ກາງ (SME) ຂອງ ສປປ ລາວ ໃຫ້ສາມາດເຂົ້າເຖິງແຫຼ່ງທຶນ ແລະ ສິນເຊື່ອໄດ້ສະດວກຂຶ້ນ ຕາມລະບຽບຫຼັກການຂອງທະນາຄານ ແລະ ສະຖາບັນການເງິນ. ພ້ອມດຽວກັນນັ້ນ, ຍັງເປັນການສະໜັບສະໜູນ ແລະ ດຶງດູດນັກລົງທຶນທີ່ມີທ່າແຮງຈາກຕ່າງປະເທດ ໃຫ້ສາມາດເຂົ້າເຖິງຂໍ້ມູນຂ່າວສານທີ່ຖືກຕ້ອງ ແລະ ຊັດເຈນ ເພື່ອປະກອບສ່ວນເຂົ້າໃນການຕັດສິນໃຈເຂົ້າມາດຳເນິນທຸລະກິດ ແລະ ຮ່ວມມືກັບທຸລະກິດລາວໃຫ້ນັບມື້ນັບຫຼາຍຂຶ້ນ ບົນພື້ນຖານຕ່າງຝ່າຍຕ່າງໄດ້ຮັບຜົນປະໂຫຍດ ແລະ ຮ່ວມກັນພັດທະນາເສດຖະກິດຂອງປະເທດໃຫ້ຂະຫຍາຍຕົວຢ່າງຕໍ່ເນື່ອງ.

ນອກຈາກນີ້, ກອງປະຊຸມຍັງໄດ້ມີການປຶກສາຫາລື ແລະ ແລກປ່ຽນຄຳຄິດຄຳເຫັນຢ່າງກົງໄປກົງມາໃນ 4 ປະເດັນຫຼັກ ທີ່ທາງ ຂສລ ໄດ້ສະເໜີ ເປັນຕົ້ນແມ່ນ: ລະບົບການເກັບກຳຂໍ້ມູນວິສາຫະກິດຂອງ ສຄອຊ ແລະ ບົດລາຍງານ, ການເກັບກຳຂໍ້ມູນອື່ນໆ ຂອງ ສປ ຈີນ ນອກເໜືອຈາກຂໍ້ມູນເງິນກູ້, ແນວທາງການຍົກລະດັບຄວາມຮູ້ຂອງພະນັກງານ CAIH ແລະ ບັນດາໂຄງການພັດທະນາດ້ານເຕັກໂນໂລຊີ ຂອງ CAIH ທີ່ໄດ້ຈັດຕັ້ງຢູ່ ສປປ ລາວ ລວມເຖິງທິດທາງແຜນການໃນຕໍ່ໜ້າ. ກອງປະຊຸມຄັ້ງນີ້ ຖືເປັນກ້າວທີ່ສຳຄັນໃນການຫັນເປັນດິຈິຕອນ ແລະ ເພີ່ມທະວີຄວາມເຂັ້ມແຂງໃຫ້ແກ່ລະບົບຂໍ້ມູນສິນເຊື່ອ ແລະ ເສດຖະກິດຂອງ ສປປ ລາວ ໃນໄລຍະຍາວ.
-------------------
ສະໝັກເປັນສະມາຊິກ: https://bit.ly/4uLNsy5
ຂ່າວອື່ນໆ: www.lncci.la
Youtube: www.youtube.com/
Twitter: https://x.com/lncci2
IG: www.instagram.com/lncci1989
TikTok: www.tiktok.com/

21/05/2026

ECCIL EuroCham ຈັດກອງປະຊຸມໃຫຍ່ສາມັນ ພ້ອມປະກາດວິໄສທັດຂັບເຄື່ອນທຸລະກິດລາວ-ເອີຣົບ ຢ່າງຍືນຍົງ
---------------------------------------------
ນະຄອນຫຼວງວຽງຈັນ, 20 ພຶດສະພາ 2026, ສະພາການຄ້າ ແລະ ອຸດສາຫະກຳ ເອີຣົບ ປະຈຳ ສປປ ລາວ (ECCIL EuroCham) ໄດ້ຈັດກອງປະຊຸມໃຫຍ່ສາມັນປະຈຳປີ ຄຽງຄູ່ກັບກິດຈະກຳພົບປະແລກປ່ຽນ "European Networking Night" ທີ່ໂຮງແຮມ ດັບເບິລທຣີ ບາຍ ຮິລຕັນ ວຽງຈັນ, ໂດຍການເຂົ້າຮ່ວມຂອງ ທ່ານ ທະນົງສິນ ກັນລະຍາ, ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ, ພ້ອມດ້ວຍຄະນະບໍລິຫານງານ, ຕາງໜ້າຈາກພາກທຸລະກິດ ແລະ ສະມາຊິກເຂົ້າຮ່ວມຫຼາຍກວ່າ 100ທ່ານ.
ກອງປະຊຸມໃນຄັ້ງນີ້ ມີຈຸດປະສົງຫຼັກເພື່ອສະຫຼຸບສັງລວມຜົນການເຄື່ອນໄຫວວຽກງານ, ທົບທວນສະພາບເສດຖະກິດຂອງ ສປປ ລາວ, ແລະ ເນັ້ນໜັກເຖິງຄວາມມຸ່ງໝັ້ນຂອງສະພາການຄ້າໃນການຊ່ວຍເຫຼືອສະມາຊິກ ໂດຍສຸມໃສ່ "ການເຂົ້າເຖິງໂອກາດແບບຍືນຍົງ" ແລະ ການປະຄັບປະຄອງທຸລະກິດໃຫ້ເຕີບໂຕຢ່າງຮັດກຸມ ພາຍໃຕ້ການນຳພາຂອງຄະນະບໍລິຫານງານທັງ 11 ທ່ານ ທີ່ຮ່ວມກັນຂັບເຄື່ອນອົງກອນຢ່າງຕັ້ງໜ້າ.
ໃນໂອກາດດັ່ງກ່າວ, ສະພາການຄ້າ ແລະ ອຸດສາຫະກຳ ເອີຣົບ ປະຈຳ ສປປ ລາວ ໄດ້ສະຫຼຸບຜົນງານອັນພົ້ນເດັ່ນໃນປີ 2025 ທີ່ຜ່ານມາ ເຊິ່ງສາມາດຈັດກິດຈະກຳໄດ້ທັງໝົດຫຼາຍກວ່າ 40 ຄັ້ງ ແລະ ມີຜູ້ເຂົ້າຮ່ວມຈາກພາກທຸລະກິດຫຼາຍກວ່າ 2,000 ຄົນ. ສົ່ງຜົນໃຫ້ສະມາຊິກເພີ່ມຂຶ້ນເຖິງ 25% ໃນໄລຍະປີ 2021–2026. ໃນນັ້ນ ປະກອບມີ ກຸ່ມ SME ອົງກອນ/ບໍລິສັດໃຫຍ່, ຜູ້ສະໜັບສະໜູນ, ສະມາຊິກທົ່ວໄປ ແລະ ສະມາຊິກຈາກຕ່າງປະເທດ. ນອກຈາກນີ້, ຜົນງານພົ້ນເດັ່ນໃນໄລຍະປີ 2025–2026 ແມ່ນການຮ່ວມມືຈັດງານມອບລາງວັນທຸລະກິດດີເດັ່ນ "Lao Responsible Business Awards 2026" ພ້ອມທັງໄດ້ມີການຜ່ານລາຍງານດ້ານການເງິນປະຈຳປີ 2025 ຢ່າງໂປ່ງໃສ.
ກອງປະຊຸມໄດ້ປິດລົງພ້ອມດ້ວຍບັນຍາກາດອັນອົບອຸ່ນຂອງງານ European Networking Night ເຊິ່ງເປັນໂອກາດອັນດີໃຫ້ແກ່ນັກທຸລະກິດລາວ ແລະ ເອີຣົບ ໄດ້ແລກປ່ຽນທັດສະນະ, ເສີມສ້າງເຄືອຂ່າຍ ແລະ ສ້າງຄູ່ຮ່ວມມືທາງທຸລະກິດໃໝ່ໆ ຮ່ວມກັນໃນອະນາຄົດ.
ສະໝັກເປັນສະມາຊິກ: https://bit.ly/4uLNsy5
ຂ່າວອື່ນໆ: www.lncci.la
Youtube: www.youtube.com/
TikTok: www.tiktok.com/
Twitter: https://x.com/lncci2
IG: www.instagram.com/lncci1989

20/05/2026

ກອງປະຊຸມພົບປະລະຫວ່າງຄະນະປະທານ ສຄອຊ ແລະ ຄະນະປະທານຫໍການຄ້າໄທ.
-------------------------------------------
ນະຄອນຫຼວງວຽງຈັນ - ໃນວັນທີ 20 ພຶດສະພາ 2026 ເວລາ 10:30-12:00 ໂມງ ທີ່ຫ້ອງປະຊຸມສະພາການຄ້າ ແລະ ອຸດສາຫະກຳ ແຫ່ງຊາດລາວ, ສຄອຊ ນຳໂດຍ ທ່ານ ອຸເດດ ສຸວັນນະວົງ, ປະທານ ສຄອຊ ແລະຄະນະບໍລິຫານງານ ສຄອຊ ໄດ້ຕ້ອນຮັບ ແລະ ຈັດກອງປະຊຸມພົບປະ ກັບ ທ່ານ ດຣ. ກິດຊະນະ ວະຈີໄກລາດ, ຮອງປະທານກໍາມະການຫໍການຄ້າ ໄທ ແລະ ຄະນະບໍລິຫານງານ ຫໍການຄ້າໄທ ລວມທັງ ປະທານ, ຮອງປະທານຄະນະກໍາມະການ ຫໍການຄ້າ ພາກຕາເວັນອອກສ່ຽງເໜືອ, ປະທານ ແລະ ຄະນະກໍາມະການ ຫໍການຄ້າໜອງຄາຍ.

ໃນໂອກາດດັ່ງກ່າວນີ້ ທັງສອງສະພາການຄ້າໄດ້ປຶກສາຫາລືກັນໃນການຮ່ວມມືກັນທາງດ້ານທຸລະກິດ ໃນຂະແໜງການທີ່ມີທ່າແຮງ ເປັນຕົ້ນແມ່ນ ຂະແໜງການຄ້າ-ການລົງທຶນ, ການພັດທະນາລະບົບໂລຈິສຕິກເພື່ອເຊື່ອມໂຍງເຊື່ອມຈອດພາກພື້ນ, ຂະແໜງການທ່ອງທ່ຽວ ລວມທັງການຮ່ວມມືກັນໃນການຈັດງານຈັດງານວາງສະແດງຕ່າງໆທີ່ຈັດຂຶ້ນທັງໄທ ແລະ ລາວ ເພື່ອສົ່ງເສີມສິນຄ້າຂອງທັງສອງປະເທດ.
----------------
ສະໝັກເປັນສະມາຊິກ: https://bit.ly/4uLNsy5
ຂ່າວອື່ນໆ: www.lncci.la
Youtube: www.youtube.com/
TikTok: www.tiktok.com/
Twitter: https://x.com/lncci2
IG: www.instagram.com/lncci1989

20/05/2026

20/05/2026

📢 ປະກາດຮັບສະໝັກທີ່ປຶກສາ
ໂຄງການ Lasting Laos ໂດຍການຮ່ວມມືລະຫວ່າງ ອົງການແພລນສາກົນ ປະຈຳ ສປປ ລາວ ແລະ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ກຳລັງຊອກຫາ ບໍລິສັດທີ່ປຶກສາ ຫຼື ອົງກອນ ທີ່ມີຄວາມຊ່ຽວຊາຍທາງດ້ານການໃຫ້ປຶກສາແລະ ສະໜັບສະໜູນ ຜູ້ປະກອບການໄວໜຸ່ມ (YEs) ໃນການສ້າງ, ພັດທະນາ ແລະ ສົ່ງເສີມ ສິນຄ້າ, ບໍລິການ ແລະ ນະວັດຕະກຳການແກ້ໄຂບັນຫາທີ່ເປັນມິດກັບສິ່ງແວດລ້ອມ ສຳລັບຕ່ອງໂສ້ອຸດສາຫະກຳການທ່ອງທ່ຽວລາວ.

ຜູ້ໃຫ້ບໍລິການທີ່ຖືກຄັດເລືອກຈະຊ່ວຍຜູ້ປະກອບການໄວໜຸ່ມໃນການພັດທະນາ ຕັ້ງແຕ່ການສ້າງແນວຄວາມຄິດ, ການອອກແບບຜະລິດຕະພັນ, ການທົດສອບຕະຫຼາດ, ການສ້າງແບຣນ ຈົນເຖິງການເຂົ້າສູ່ຕະຫຼາດ.

📅 ກຳໜົດສົ່ງໃບສະໝັກ: 8 ມິຖຸນາ 2026
📩 ສົ່ງໃບສະໝັກໄປທີ່: [email protected]
CC: [email protected]

📥 ດາວໂຫຼດເອກະສານທັງໝົດໄດ້ທີ່: https://drive.google.com/drive/folders/1b89WexDy0HsDhXrKqG7SD4cb7l8_KQn6?usp=drive_link

❓ ສຳລັບຄຳຖາມດ້ານວິຊາການ: [email protected]
⭐ ພິເສດພວກເຮົາຊຸກຍູ້ ແລະ ສະໜັບສະໜູນທຸລະກິດທີ່ນຳພາໂດຍແມ່ ແລະ ອົງກອນທີ່ສົ່ງເສີມຄວາມສະເໝີພາບທາງເພດ — ສະໝັກເລີຍ!

📢 Call for Consultancy Services
The Lasting Laos project, implemented by Plan International Laos and LNCCI, and funded by the European Union under the SWITCH-Asia Programme, is seeking a qualified consulting firm or organization to mentor up to 50 Young Entrepreneurs (YEs) in incubating, developing and promoting green products, services and solutions for the Lao tourism value chain.

The selected service provider will guide young entrepreneurs through the full journey — from idea refinement and circular product design, to prototyping, market testing, branding, and market entry.

📅 Application Deadline: 8 June 2026
📩 Submit to: [email protected]
CC: [email protected]

📥 Download full tender documents: https://drive.google.com/drive/folders/1b89WexDy0HsDhXrKqG7SD4cb7l8_KQn6?usp=drive_link

❓ Technical inquiries: [email protected]
⭐Women-owned businesses and organizations advancing gender equality are especially encouraged to apply

19/05/2026

19/05/2026

ພິທີລົງນາມບົດບັນທຶກຄວາມເຂົ້າໃຈ ການຮ່ວມມື ຊື້-ຂາຍ ຖຸລຽນ ລາວສົ່ງອອກໄປ ສປ ຈີນ ລະຫວ່າງ ບໍລິສັດ Eleven Golden Fruit ກັບ Nanjing Qiandu Culture Technology.
--------------------------------------
ນະຄອນຫຼວງວຽງຈັນ - ໃນຕອນເຊົ້າວັນທີ 19 ພຶດສະພາ 2026, ທີ່ ໂຮງແຮມ Double Tree, ໄດ້ມີພິທີ ລົງນາມບົດບັນທຶກຄວາມເຂົ້າໃຈ (MOU) ການຮ່ວມມື ຊື້-ຂາຍ ຖຸລຽນລາວ ເພື່ອສົ່ງອອກໄປຍັງ ສປ ຈີນ, ທ່ານ ບຸນເລີດ ຫຼວງປະເສີດ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ໃຫ້ກຽດເຂົ້າຮ່ວມ ເປັນສັກຂີພະຍານ ພ້ອມທັງ ທ່ານ ວັນທ່ຽງ ພົມມະສຸລີນ ຮອງຫົວໜ້າກົມປູກຝັງ, ກະຊວງ ກະສິກຳ ແລະ ສິ່ງແວດລ້ອມ ແລະ ທ່ານ ບຸນທ່ຽງ ລັດຕະນະວົງ ປະທານ ສະມາຄົມທຸລະກິດກະສິກໍາລາວ ແລະ ຜູ້ເຂົ້າຮ່ວມຈາກ ບໍລິສັດ Eleven Golden Fruit ກັບ Nanjing Qiandu Culture Technology ກໍໄດ້ເຂົ້າຮ່ວມຢ່າງພ້ອມພຽງ.

ພິທີ ລົງນາມບົດບັນທຶກ ໃນຄັ້ງນີ້ຖືເປັນບາດກ້າວທຳອິດທີ່ມີຄວາມໝາຍຄວາມສຳຄັນຢ່າງຍີ່ງ ສຳລັບຜູ້ປູກໝາກທຸລຽນໃນປະເທດລາວ ການຮ່ວມມືໃນຄັ້ງນີ້ຖືເປັນຜົນສຳເລັດໃນຄວາມພະຍາຍາມ ໂດຍກຸ່ມຜູ້ຜະລິດໄດ້ຮັບການຝຶກອົບຮົມ ແລະ ໄດ່ຮັບຄຳແນະນຳຢ່າງໃກ້ຊິດຈາກ ກົມປູກຝັງ ໃນການພັດທະນາດ້ານວິຊາການ ແລະ ການຈັດການສວນໃຫ້ເຂົ້າສູ່ລະບົບກະສິກຳສະອາດ ຕາມມາດຕະຖານ GAP. ມາຮອດຕົ້ນປີນີ້, ທາງບໍລິສັດ ນານຈິງ ຊຽນຕູ້ ຈາກ ສປ ຈີນ ໄດ້ມີຄວາມສົນໃຈໃນການຮ່ວມພັດທະນາ ແລະ ຈັດຊື້ໝາກຖຸລຽນຈາກລາວ, ທາງຄະນະກຸ່ມ ຈຶ່ງໄດ້ນຳພາຄະນະຝ່າຍຈີນລົງຢ້ຽມຢາມພື້ນທີ່ຕົວຈິງ, ສຳຫຼວດຜົນຜະລິດ ແລະ ຊີມລົດຊາດ ໝາກຖຸລຽນລາວ ເຊິ່ງສ້າງຄວາມພໍໃຈໃຫ້ແກ່ລູກຄ້າເປັນຢ່າງຍິ່ງ ຍ້ອນມີລົດຊາດທີ່ເປັນເອກະລັກສະເພາະຕົວ ຈົນນຳມາສູ່ການເຊັນສັນຍາຮ່ວມມືໃນຄັ້ງນີ້ ໃນສັນຍາດັ່ງກວ່າມີກຳນົດເປັນໄລຍະເວລາ 02ປີ.

ທ່ານ ບຸນເລີດ ຫລວງປະເສີດ ໄດ້ໃຫ້ຄຳເຫັນໃນທີ່ປະຊຸມ “ພິທີ ລົງນາມບົດບັນທຶກ ໃນຄັ້ງນີ້ຖືເປັນນິມິດໝາຍອັນດີ ຜະລິດຕະພັນກະສິກຳຂອງລາວ ໝາກຖຸລຽນລາວ ຖືວ່າເປັນໝາກໄມ້ ທີ່ກຳລັງໄດ້ຮັບຄວາມນິຍົມໃນຕະຫລາດຈີນ, ການລົງນາມໃນຄັ້ງນີ້ ຈະເປັນການຊ່ວຍຊຸກຍູ້ ແລະ ຍົກລະດັບໃຫ້ແກ່ ຜະລິດຕະພັນກະສິກຳຂອງລາວ ກໍຄືການປູກຖຸລຽນ ແລະ ຜະລິດຕະພັນກະສິກຳອື່ນໆ... ຂ້າພະເຈົ້າ ຂໍອວຍພອນໄຊໃຫ້ແກ່ການຮ່ວມມື ລະຫວ່າງ ບໍລິສັດ Eleven Golden Fruit ແລະ ບໍລິສັດ ໜານຈີງ ຊຽນຕູ້ ວັດທະນະທໍາ ແລະ ເຕັກໂນໂລຊີ, ຈົ່ງປະສົບຜົນສຳເລັດດັ່ງທີ່ຄາດຫວັງໄວ້ ແລະ ຍືນຍົງ”.
----------------
ສະໝັກເປັນສະມາຊິກ: https://bit.ly/4uLNsy5
ຂ່າວອື່ນໆ: www.lncci.la
Youtube: www.youtube.com/
TikTok: www.tiktok.com/
Twitter: https://x.com/lncci2
IG: www.instagram.com/lncci1989

15/05/2026

14/05/2026

ໂຮງແຮມ ລາດຊະວົງ ວັນດ້າ ວິສຕ້າ ຈໍາກັດຜູ້ດຽວ ✨✨
ໄດ້ເປີດຫ້ອງອາຫານລະດັບພຣີມ້ຽມ ທີ່ຊັ້ນ 28 ຂອງໂຮງແຮມ ແລະ ພ້ອມແລ້ວທີ່ຈະຕ້ອນຮັບທ່ານດ້ວຍເມນູສຸດພິເສດ ທີ່ອອກແບບມາເພື່ອສ້າງຄວາມປະທັບໃຈໃນທຸກໆໂອກາດ.
✨✨ເຊີນດື່ມດ່ຳກັບລົດຊາດອາຫານທີ່ຖືກປຸງແຕ່ງຢ່າງພິຖີພິຖັນໂດຍເຊຟຜູ້ຊ່ຽວຊານ ໃນບັນຍາກາດທີ່ເຕັມໄປດ້ວຍຄວາມຄລາດສິກ ແລະ ບໍລິການທີ່ໜ້າປະທັບໃຈ.

14/05/2026

English Text on below:
ກອງປະຊຸມຮັບຮອງຂໍ້ກຳນົດໜ້າວຽກ (TOR) ຂອງກົນໄກການປະສານງານກະກຽມຄວາມພ້ອມ ແລະ ຕອບໂຕ້ໄພພິບັດຂອງພາກທຸລະກິດ ແລະ ຜ່ານຊຸດເຄື່ອງມືການປະເມີນວຽກງານໄພພິບັດບັນດາເອກະສານທີ່ກ່ຽວຂ້ອງ.
----------------------------------------------
ນະຄອນຫຼວງວຽງຈັນ - ໃນວັນທີ 13 ພືດສະພາ 2026, ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ). ພະແນກພັດທະນາຜູ້ປະກອບການ ແລະ ກິດຈະກຳຕາງໜ້າຜູ້ໃຊ້ແຮງງານ, (ພກ ຜຊງ), ສະພາການຄ້າ ແລະ ອຸດສາຫະກຳ ແຫ່ງຊາດລາວ ສຄອຊ ໃນນາມເປັນກອງເລຂາຄະນະສາມຝ່າຍ ໃນກົນໄກ LDPP ໄດ້ຈັດກອງປະຊຸມກອງປະຊຸມຮັບຮອງຂໍ້ກຳນົດໜ້າວຽກ (TOR) ຂອງກົນໄກການປະສານງານກະກຽມຄວາມພ້ອມ ແລະ ຕອບໂຕ້ໄພພິບັດຂອງພາກທຸລະກິດ ແລະ ຜ່ານຊຸດເຄື່ອງມືການປະເມີນວຽກງານໄພພິບັດບັນດາເອກະສານທີ່ກ່ຽວຂ້ອງເຊີ່ງກອງປະຊຸມດັ່ງກ່າວໂດຍການເປັນປະທານ ຂອງ ທ່ານ ປອ.ໄຊບັນດິດ ຣາຊະພົນ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ), ທ່ານ ນາງ ມີນາວັນ ພົນເສນາ, ປະທານ ອົງການຈັດຕັ້ງທາງສັງຄົມລາວ, ບັນດາ ທ່ານຄະນະບໍລິຫານງານ ສຄອຊ, ຄະນະກຳມະທິການຕາງໜ້າຜູ້ໃຊ້ແຮງງານ ແລະ ອຸດສາຫະກຳ, ຕາງໜ້າຈາກກົມສັງຄົມສົງເຄາະ, ຮສສ, ສຄອຊ, ສະມາຄົມ ກຸ່ມທຸລະກິດໃນຂະແໜງການທີ່ກ່ຽວຂ້ອງ, ຊ່ຽວຊານຈາກສູນກຽມພ້ອມໄພພິບັດອາຊີ ASEAN Disaster Preparedness Center (ADPC) ແລະ ພະແນກການທີ່ກ່ຽວຂ້ອງເຂົ້າຮ່ວມ.

ຈຸດປະສົງ ກອງປະຊຸມແມ່ນເພື່ອຮັບຮອງຂໍ້ກຳນົດໜ້າວຽກ ຫຼື Term of References TOR ຂອງພາກທຸລະກິດ ແລະ ຜ່ານຮ່າງຊຸດເຄື່ອງມືການປະເມີນວຽກງານໄພພິບັດບັນດາເອກະສານທີ່ກ່ຽວຂ້ອງເຊີ່ງລວມມີທັງວຽກງານການປະເມີນຄວາມສ່ຽງຂອງພາກທຸລະກິດ, ຮ່າງແຜນຕອບໂຕ້ຂອງພາກທຸລະກິດ, ຄູ່ມືກອງທືນ, ຄູ່ມືຂອງກອງທືນກ່ຽວກັບວຽກງານໄພພິບັດຂອງພາກທຸລະກິດ, ເຊີ່ງຂໍ້ກຳນົດດັ່ງກ່າວແມ່ນໄດ້ຜ່ານມາ 04 ຄັ້ງແລ້ວ, ເພື່ອໃຫ້ບັັນດາຈະແໜງການທີ່ກ່ຽວຂ້ອງໄດ້ປະກອບຄຳເຫັນຢ່າງກົງໄປກົງມາ ແລະ ປະກອບສ່ວນເຂົ້າໃນແຜນຂໍ້ກຳນົດໜ້າວຽກດັ່ງກ່າວ.

ສຄອຊ ໃນນາມຕາງໜ້າພາກທຸລະກິດ ແລະ ຕາງໜ້າຜູ້ໃຊ້ແຮງງານ ເຫັນໄດ້ເຖີງຄວາມສຳຄັນໃນການຈັດຕັ້ງປະຕິບັດວຽກງານປົກປ້ອງສັງຄົມເວົ້າລວມເວົ້າສະເພາະກໍ່ແມ່ນການມີສ່ວນຮ່ວມໃນການກະກຽມຄວາມພ້ອມ ແລະ ຕອບໂຕ້ໄພພິບັດ ຂອງພາກທຸລະກິດ, ເຊີ່ງໄລຍະຜ່ານມາ ທາງສາມພາກສ່ວນເຮົາໄດ້ຈັດຕັ້ງໂຄງການ ການມີສ່ວນຮ່ວມຂອງພາກເອກະຊົນ, ພາກລັດ ແລະ ພາກອົງການຈັດຕັ້ງທາງສັງຄົມ ໃນການກຽມຄວາມພ້ອມຮັບມື ແລະ ຕອບໂຕ້ໄພພິບັດຢູ່ໃນ ສປປ ລາວ, ລ້ວນແລ້ວແຕ່ມີກິດຈະກຳຂອງແຕ່ລະຝ່າຍ, ແຕ່ລະພາກສ່ວນຈຸດປະສົງປະກອບສ່ວນເຂົ້າໃນການເສີມສ້າງຄວາມອາດສາມາດໃຫ້ກັບ ກະຊວງແຮງງານ ແລະ ສະຫວັດດີການສັງຄົມ, ການຈັດຕັ້ງທີ່ກ່ຽວຂ້ອງຂອງ ພາກລັດ, ພາກເອກະຊົນ ແລະ ອົງການຈັດຕັ້ງສັງຄົມ ໃນ ສປປ ລາວ, ເພື່ອໃຫ້ຜູ້ເຂົ້າຮ່ວມຈາກພາກສ່ວນດັ່ງກ່າວ ມີຄວາມຮຸ້, ຄວາມສາມາດ ແລະ ຄວາມພ້ອມໃນການຮັບມືກັບໄພພິບັດ, ສົ່ງເສີມການມີສ່ວນຮ່ວມ, ຄວາມຮູ້, ທັກສະ ແລະ ສ້າງຄວາມອາດສາມາດຄວາມກຽມພ້ອມໃນການຮັບມືກັບໄພພິບັດຢູ່ໃນ ສປປ ລາວ.

English Text:

Topic: Validation Meeting on the Terms of Reference (TOR) for the Private Sector Disaster Preparedness and Response Coordination Mechanism.

On the May 13th 2026 at the Lao National Chamber of Commerce and Industry (LNCCI) meeting room, the Division of Entrepreneurship Development and Employer Activities (BEA) on behalf of LDPP secretariats was hosted a high-level validation meeting to finalize the Terms of Reference (TOR) for the Private Sector Disaster Preparedness and Response Coordination Mechanism. The session also focused on reviewing the Disaster Risk Assessment Toolkit and related strategic documents. The meeting was co-chaired by Dr. Xaybandith Rasphone, Vice President of LNCCI, Ms. Minavanh Pholsena, the President of Lao Civil Society Organizations (CSOs), Participants included members of the LNCCI Executive Board, the Employer’s and Industrial Representatives Committee, representatives from the Department of Social Welfare (Ministry of Labour and Social Welfare), business associations, and technical experts from the Asian Disaster Preparedness Center (ADPC).

The key objectives were to officially endorse the TOR for the private sector mechanism and review a comprehensive toolkit which includes private sector risk assessment framework, draft private sector disaster response plan, disaster management fund manuals. This meeting marked the 5th review session (following four previous consultations), providing a platform for stakeholders to offer candid feedback and ensure the documents are robust and practical for implementation.

As the LNCCI is representative of the business organization and employers, LNCCI emphasized the vital role of social protection and private sector engagement in disaster management. This initiative is part of a tripartite collaboration (Public-Private-CSO) aimed at strengthening the capacity of the Ministry of Labour and Social Welfare and relevant institutions to enhance resilience, skills, and emergency readiness across the Lao PDR.