Lao Army - ທະຫານລາວ

Lao Army - ທະຫານລາວ ເພື່ອຊາດແລະປະຊາຊົນລາວ

ສາມາດເລົ່າຄືນມູນເຊື້ອການຕໍ່ສູ້ຂອງແຕ່ລະຝ່າຍໂດຍບໍ່ອີງການເມືອງ(ເລົ່າປະສົບການໃນການຕໍ່ສູ້ໃຫ້ລູກຫລານຟັງ) ແລກປ່ຽນຫລືສະເໜີຂໍ້ມູນຂ່າວສານກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ ວຽກງານດ້ານວິທະຍາສາດເຕັກໂນໂລຊີ ເສດຖະກິດ ວັດທະນະທຳສັງຄົມ ຫລືການເຄື່ອນໄຫວສາກົນໃນທົ່ວໂລກ ໂດຍບໍ່ຂັດກັບລະບຽບກົດຫມາຍຂອງບ້ານເມືອງແລະສາກົນ ແລະ ຢ່າງສ້າງສັນ .

16/09/2026

ຖ້າເວົ້າໃນທາງຍຸດທະສາດການທະຫານ ຖ້າທະຫານລາຊະອານາຈັກລາວ ແລະ ທະຫານຮັບຈ້າງ ເກັ່ງຄືເວົ້າແທ້ ກ່ອນເຈລະຈາປີ 1973 ຖ້າສາມາດບຸກຕີຍູ້ດັນທະຫານຝ່າຍປະເທດລາວ ແລະ ທະຫານອາສາສະໝັກຫວຽດນາມ ໃຫ້ກັບໄປຢູ່ເຂດໝັ້ນຜົ້ງສາລີ ແລະ ຫົວພັນໄດ້ ກໍ່ຈະເປັນຝ່າຍຮັບໄຊຊະນະໄດ້ ແຕ່ເມື່ອບໍ່ສາມາດເຮັດໄດ້ ກໍ່ເປັນຝ່າຍເສຍໄຊ...ຝ່າຍປະເທດລາວເຮັດໄດ້ດີກວ່າ ຍຶດໄດ້ຫຼາຍກວ່າ ກໍ່ເປັນຝ່າຍຮັບໄຊຊະນະ...ມັນກໍ່ເປັນສັດຈະທຳຂອງສົງຄາມ...ການເຊັນສັນຍາຢຸດຍິງຝ່າຍໃດຍຶດໄດ້ຫຼາຍກວ່າຍ່ອມໄດ້ປຽບ...ຈະວ່າໄດ້ໄຊຊະນະກໍ່ວ່າໄດ້.
ຖ້າຈະອ້າງວ່າຝ່າຍປະເທດລາວມີຫວຽດນາມຊ່ວຍ...ແຕ່ຝ່າຍລາຊະອານາຈັກ ກໍ່ມີກຳລັງພົນເໜືອກວ່າ ບໍ່ວ່າຈະກຳລັງຫຼວງ ທະຫານມົ້ງ ທະຫານຮັບຈ້າງຈາກຕ່່າງປະເທດ ຍົນຮົບ ຍົນຖິ້ມລະເບີດ...ເຊິ່ງຝ່າຍປະເທດລາວບໍ່ມີຍົນຮົບຈັກລຳ...ແຕ່ຝ່າຍລາຊະອານາຈັກກໍ່ບໍ່ສາມາດເຮັດຫຍັງໄດ້...ຖ້າເປັນສະໄໝນີ້ຈະຖືກຈັດໄດ້ວ່າເປັນກອງກຳລັງທີ່ໄຮ້ປະສິດຕິພາບ.

ພໍສັງເຂບ
14/09/2026

ພໍສັງເຂບ

DAN-T ຂອງຣັດເຊຍ ແມ່ນໂດຣນໂຈມຕີ ແລະ ອາວຸດສະຫຼະຊີບ (loitering mu****on) ຂັບເຄື່ອນດ້ວຍເຄື່ອງຍົນ jet ລຸ້ນໃໝ່ ທີ່ຖືກອອກແບບມາໃຫ...
13/09/2026

DAN-T ຂອງຣັດເຊຍ ແມ່ນໂດຣນໂຈມຕີ ແລະ ອາວຸດສະຫຼະຊີບ (loitering mu****on) ຂັບເຄື່ອນດ້ວຍເຄື່ອງຍົນ jet ລຸ້ນໃໝ່ ທີ່ຖືກອອກແບບມາໃຫ້ມີໄລຍະການບິນ 450 ຫາ 500 ກິໂລແມັດ ແລະ ສາມາດບັນທຸກຫົວຮົບລະເບີດໄດ້ 130 ຫາ 135 ກິໂລກຣາມ.

ຄຸນລັກສະນະເດັ່ນຂອງໂດຣນ DAN-T
ຄວາມໄວ ແລະ ພະລັງທຳລາຍ: ນຳໃຊ້ເຄື່ອງຈັກ turbojet ເພື່ອເຮັດຄວາມໄວສູງ ແລະ ສາມາດບັນທຸກຫົວຮົບລະເບີດທີ່ມີນ້ຳໜັກຫຼາຍໄດ້.

ລະບົບນຳທາງ: ເພິ່ງພາລະບົບນຳທາງອັດຕະໂນມັດ GNSS-INS (ດາວທຽມ ແລະ ລະບົບນຳທາງດ້ວຍຄວາມແຮງຖ່ວງ) ເພື່ອເຂົ້າໂຈມຕີເປົ້າໝາຍ.

ການປ່ອຍຕົວ: ມີຄວາມຍືດຫຍຸ່ນສູງ ສາມາດປ່ອຍຕົວໄດ້ຈາກຫຼາຍຮູບແບບແພລດຟອມ(ຍົນ Yak-130 ກໍ່ຕິດຕັ້ງໄດ້).

ຄວາມຄືບໜ້າຫຼ້າສຸດການຈັດສະແດງ: ຫວ່າງມໍ່ໆມານີ້ ລັດເຊຍໄດ້ນຳເອົາລະບົບ DAN-T ໄປຈັດສະແດງໃນງານ El Alamein International Airshow ທີ່ປະເທດເອຢິບ ເພື່ອໂຄສະນາສຳລັບການສົ່ງອອກ.

ແຜນການຜະລິດ: ມີລາຍງານລະບຸວ່າ ພວກເຂົາມີແຜນການທີ່ຈະຜະລິດໂດຣນລຸ້ນນີ້ໃນປະລິມານຫຼາຍ.

ມີຄວາມເປັນໄປໄດ້ສູງທີ່ຈະໄດ້ນຳເຂົ້າມາປະຈຳການໃນກອງທັບອາກາດລາວໃນມໍ່ໆ...ດ້ວຍຫຼາຍເຫດຜົນທີ່ເໝາະສົມ ຄື:
1. ຍົນ Yak-130 ທີ່ກອງທັບລາວມີ ສາມາດນຳໃຊ້ໄດ້.
2. ນີ້ແມ່ນ ໂດຣນສະຫຼະຊີບ ທີ່ມີຂີດຄວາມສາມາດເທົ່າຂີປະນາວຸດ(Missile) ແຕ່ລາຄາຖືກກວ່າຫຼາຍເທົ່າ. ງົບປະມານທີ່ກອງທັບລາວມີສາມາດຊື້ສະສົມໄດ້.
3. ໄລຍະເຮັດວຽກ 450-500 km ຖືວ່າໄກພໍສົມຄວນສາມາດປ່ອຍເຂົ້າໄປທຳລາຍແນວຫຼັງຂອງສັດຕູ ໄດ້ສະບາຍ.

ສະຫຼຸບລາຍຮັບລາຍຈ່າຍງົບປະມານຂອງລາວ ປີ 2025 ໂດຍສັງເຂບ ຜ່ານ AI
13/09/2026

ສະຫຼຸບລາຍຮັບລາຍຈ່າຍງົບປະມານຂອງລາວ ປີ 2025 ໂດຍສັງເຂບ ຜ່ານ AI

ກຸ່ມ SCO ຫຍໍ້ມາຈາກ Shanghai Cooperation Organisation ຫຼື ໃນພາສາລາວແມ່ນ ອົງການຮ່ວມມືຊາງໄຮ. ແມ່ນ ອົງການຈັດຕັ້ງລະຫວ່າງລັດຖະ...
12/09/2026

ກຸ່ມ SCO ຫຍໍ້ມາຈາກ Shanghai Cooperation Organisation ຫຼື ໃນພາສາລາວແມ່ນ ອົງການຮ່ວມມືຊາງໄຮ. ແມ່ນ ອົງການຈັດຕັ້ງລະຫວ່າງລັດຖະບານດ້ານການເມືອງ, ເສດຖະກິດ ແລະ ຄວາມໝັ້ນຄົງໃນພາກພື້ນຢູເຣເຊຍ (Eurasia) ຫຼື ອາດຈະເວົ້າໄດ້ວ່າ ແມ່ນ ກຸ່ມ NATO ຂອງບັນດາປະເທດໃນອາຊີ.

SCO ສ້າງຕັ້ງຂຶ້ນມາໂດຍມີເປົ້າໝາຍສຳຄັນໃນການ:

1. ຮັກສາຄວາມໝັ້ນຄົງໃນພາກພື້ນ: ໂດຍເນັ້ນໃສ່ການປາບປາມ "3 ລັດທິ" ຄື: ລັດທິກໍ່ການຮ້າຍ, ລັດທິແບ່ງແຍກດິນແດນ ແລະ ລັດທິຫົວຮຸນແຮງ.

2. ສົ່ງເສີມການຮ່ວມມື: ທັງໃນດ້ານການເມືອງ, ການຄ້າ, ເສດຖະກິດ, ການວິໄຈ, ເຕັກໂນໂລຊີ ແລະ ວັດທະນະທຳ.

3. ສ້າງຄວາມໄວ້ເນື້ອເຊື່ອໃຈ: ພາຍໃຕ້ຫຼັກການ "ຈິດວິນຍານຊາງໄຮ" ທີ່ເນັ້ນຄວາມສະເໝີພາບ ແລະ ການເຄົາລົບຄວາມຫຼາກຫຼາຍຂອງອາລະຍະທຳ.
ຖ້າເວົ້າສະເພາະການທະຫານ ກໍ່ປຽບເໝືອນກຸ່ມ NATO ທຸກປະການ.

ການທີ່ປະເທດລາວເຮົາໄດ້ເຂົ້າເປັນສະມາຊິກຄູ່ຮ່ວມ SCO ກໍ່ປຽບເປັນດັ່ງຫຼັກເສົາຄ້ຳປະກັນຄວາມໝັ້ນຄົງໃຫ້ແກ່ປະເທດລາວ. ຖ້າເກີດປັນຫາຄວາມຂັດແຍ້ງບໍ່ວ່າຈາກພາຍໃນ ຫຼື ພາຍນອກ SCO ກໍ່ຈະເຂົ້າມາຊ່ວຍລາວ ທັນທີ ເລີ່ມຕົ້ນຈາກການເຈລະຈາທາງການເມືອງ ຈົນຮອດກຳລັງທາງທະຫານ.

ນີ້ລະຄືທຸງຕາມປະຫວັດສາດທີ່ແທ້ຈິງ...ແຕ່ແຍກອອກເປັນ 2 ກຸ່ມ ຄືທຸງປະຈຳອານາຈັກ ຫຼື ທຸງປະຈຳລາຊະສຳນັກ ປະກອບມີ 3 ທຸງ ຄື ອານາຈັກວຽງ...
05/09/2026

ນີ້ລະຄືທຸງຕາມປະຫວັດສາດທີ່ແທ້ຈິງ...

ແຕ່ແຍກອອກເປັນ 2 ກຸ່ມ ຄື

ທຸງປະຈຳອານາຈັກ ຫຼື ທຸງປະຈຳລາຊະສຳນັກ ປະກອບມີ 3 ທຸງ ຄື ອານາຈັກວຽງຈັນ, ອານາຈັກຫຼວງພະບາງ ແລະ ອານາຈັກຈຳປາສັກ ບໍ່ໄດ້ເອກະພາບກັນເປັນປະເທດໃຜປະເທດລາວ.

ທຸງເອກະພາບທົ່ວປະເທດ ມີ
ທຸງອານາຈັກລາວລ້ານຊ້າງ, ທຸງວົງເດືອນ ແລະ ທຸງພຣະລາຊະອານາຈັກ ທີ່ຈັດເປັນທຸງເອກະພາບໃຊ້ທົ່ວປະເທດ.

ສ່ວນທຸງໃນອາລັກຂາຂອງຟຣັ່ງ ຈະບໍ່ນັບເປັນທຸງຊາດ ເພາະເປັນການນຳໃຊ້ໃນເຂດຫຼວງພະບາງຢ່າງດຽວ ສ່ວນເຂດວຽງຈັນ ລົງຫາ ຈຳປາສັກແມ່ນຢູ່ພາຍໃຕ້ທຸງຊາດຝຣັ່ງເທົ່ານັ້ນ.

ຖ້າທ່ານຈະວ່າ ທຸງຊ້າງ 3 ຫົວ ເປັນທຸງຊາດລາວແຕ່ ປີ 1707 ເປັນຕົ້ນມາ...ມັນບໍ່ຖືກຕ້ອງ...ເພາະອານາຈັກວຽງຈັນ ແລະ ຈຳປາສັກ ເຂົາກໍ່ທຸງ​ປະຈຳ​ອານາຈັກຂອງເຂົາ ບໍ່ໄດ້ຢູ່ພາຍໃຕ້ການປົກຄອງຂອງຫຼວງພະບາງ.

ຖ້າຈະເວົ້າ ແມ່ນເວລາໃດ ຈຶ່ງເປັນເວລາທີ່ສາມາດເວົ້າໄດ້ວ່າ ລາວເປັນເອກະພາບທົ່ວປະເທດໄດ້ ຈະຕອບຕາມຊ່ວງເວລາດັ່ງນີ້
ນັບແຕ່ ປີ 1707 ກໍ່ແຍກແຍ່ງເປັນ 3 ອານາຈັກ ຫຼື 3 ປະເທດ ຢູ່ພໍໃຜພໍລາວ ຮົບເລວກັນບາງໄລຍະເວລາ.

ປີ 1779 ສະຫຍາມເຂົ້າມາຍຶດຄອງລາວ ເປັນປະເທດຊະລາດ ແຕ່ສະຫຍາມຍັງຮັກສາການປົກຄອງຂອງແຕ່ລະອານາຈັກໄວ້ຄືເກົ່າ ແຕ່ຈະສົ່ງຄົນຂອງຕົນໄປປົກຄອງ ຍົກເວັ້ນຫຼວງພະບາງ ທີ່ຍັງໃຫ້ປົກຄອງຕົນເອງໄດ້ຕໍ່ໄປ.

ນັບແຕ່ປີ 1893 ທີ່ຝຣັ່ງ ເຂົ້າມາປົກຄອງ ແມ່ນຢູ່ວ່າ ແຄວ້ນລາວ ແຕ່ການປົກຄອງແບ່ງເປັນ 2 ພາກສ່ວນ ພາກເໜືອ ແມ່ນໃຫ້ຫຼວງພະບາງ ປົກຄອງດ້ວຍລະບອບກະສັດຄືເກົ່າ ແຕ່ຕ້ອງຜ່ານທີ່ປຶກສາຝຣັ່ງ, ສ່ວນວຽງຈັນ ຫາ ຈຳປາສັກ ແມ່ນຝຣັ່ງປົກຄອງເອງ.

12 ຕຸລາ 1945 ຝ່າຍລັດຖະບານລາວອິດສະຫຼະ ປະກາດເອກະລາດຢູ່ ແຕ່ຝ່າຍລາຊະສຳນັກຫຼວງພະບາງບໍ່ເຫັນດີ ແລະ ບໍ່ເຂົ້າຮ່ວມນຳ.

ປີ 1947 ຝຣັ່ງໃຫ້ລາວມີລັດຖະບານເປັນຂອງຕົນເອງ ແຕ່ໃຫ້ຢູ່ພາຍໃຕ້ອຳນາດຝຣັ່ງ...ເຊິ່ງລັດຖະບານລາວອິດສະຫຼະທີ່ຢູ່ຫົວພັນ ແລະ ໄທບໍ່ເຫັນດີ ແລະ ບໍ່ເຂົ້າຮ່ວມນຳ...ເກີດຂະບວນການຕໍ່ຕ້ານຂຶ້ນ ບໍ່ຂຶ້ນກັບລັດຖະບານຫຼວງພະບາງ.

ປີ 1954 ຝຣັ່ງມອບເອກະລາດໃຫ້ລາວປົກຄອງກັນເອງ ຫຼັງຝຣັ່ງປາລະໄຊຢູ່ດຽນບຽນພູ ເຊິ່ງຝຣັ່ງກໍ່ຮັບຮອງ ລາວທັງ 2 ຝັ່ງ ຫຼື 2 ປະເທດ ໄປຕົກລົງກັນເອງ ຄື ພຣະລາຊະອານາຈັກລາວ ທີ່ມີສູນກາງຢູ່ວຽງຈັນ ແລະ ຝ່າຍປະເທດລາວ ທີ່ມີທີ່ໝັ້ນຢູ່ 2 ແຂວງ ຫົວພັນ ແລະ ຜົ້ງສາລີ ເຊິ່ງຝ່າຍພຣາລາຊະອານາຈັກ​ພະຍາຍາມທັງການເມືອງ ແລະ ກຳລັງອາວຸດ ເພື່ອຍຶດຄືນ 2 ແຂວງ ແຕ່ກໍ່ເຮັດບໍ່ໄດ້.

ຕໍ່ສູ້ກັນ​ຍາວນານ 20 ປີ ຈົນປີ 1975 ເດືອນ ທັນວາ ວັນທີ 2 ຈຶ່ງໂຮມລາວແຕ່ລະຝ່າຍ ບໍ່ວ່າຈະເຕັມໃຈຫຼື ບໍ ກໍ່ຕາມ...ໃຫ້ກາຍເປັນ 1 ດຽວ ເອກະພາບກັນ ຈົນໄດ້ເປັນ ສາທາລະນະລັດ ປະຊາທິປະໄຕ ປະຊາຊົນລາວ ທຸກມື້ນີ້.

ຖ້າຕັດເລື່ອງຄຽດຊັງກັນເລື່ອງການເມືອງອອກໄປ ປີ 1975 ນີ້ລະເປັນເວລາທີ່ແຜ່ນດິນລາວ ກັບມາເປັນເອກະພາບກັນ ພາຍໃຕ້ທຸງຊາດຜືນດຽວກັນ ກໍ່ຄື ທຸງຊາດລາວວົງເດືອນ.

ຂອບໃຈຮູບພາບ ຜູ້ທີ່ສ້າງຂຶ້ນ ຖືກຕ້ອງປະຫວັດສາດ

ພວກເຮົາໄດ້ອ່ານລະນໍຈຶ່ງຮູ້...ພວກທ່ານໆທີ່ວ່າຮູ້ໆ ເຄີຍອ່ານຢູ່ບໍນໍ ຫຼື ມະໂນພາບໄປເອງ...ຖ້າໃຜບໍ່ເຄີຍອ່ານ...ໄປຫາອ່ານກ່ອນ ຄ່ອຍມາ...
04/09/2026

ພວກເຮົາໄດ້ອ່ານລະນໍຈຶ່ງຮູ້...ພວກທ່ານໆທີ່ວ່າຮູ້ໆ ເຄີຍອ່ານຢູ່ບໍນໍ ຫຼື ມະໂນພາບໄປເອງ...ຖ້າໃຜບໍ່ເຄີຍອ່ານ...ໄປຫາອ່ານກ່ອນ ຄ່ອຍມາເສວະນາກັນ...ໜັງສຶລະບອບເກົ່າທັ້ງນັ້ນ

ບາງທ່ານເວົ້າວ່າ...ຢູ່ສະຫະລັດ ໃຜຖືທຸງກອມມູນິດ ໃຜມີແນວຄິດກອມມູນິດ ຖືກຈັບ ຖືກໄລ່ໜີ ວ່າຊັ້ນ...ບໍ່ຮູ້ຫຍັງ ກໍ່ຫາໄປທົ່ວຫຼາຍພໍ່ລ...
04/09/2026

ບາງທ່ານເວົ້າວ່າ...ຢູ່ສະຫະລັດ ໃຜຖືທຸງກອມມູນິດ ໃຜມີແນວຄິດກອມມູນິດ ຖືກຈັບ ຖືກໄລ່ໜີ ວ່າຊັ້ນ...
ບໍ່ຮູ້ຫຍັງ ກໍ່ຫາໄປທົ່ວຫຼາຍພໍ່ລຸງ...ຢູ່ສະຫະລັດມີຮອດ ພັກກອມມູນິດອາເມຣິກາພຸ້ນ...
ເຮັດໂຕໃຫ້ສົມກັບຢູ່ປະເທດ​ປະຊາທິປະໄຕແນ່ທ່ານ...
ເດັກນ້ອຍໄປເຕະບານຊື່ໆ ກໍ່ຊິໄປໄລ່ເຂົາໜີ...ເພາະຖືທຸງກອມມູນິດວ່າຊັ້ນ...ພໍໄປກວດເຊັກສຸຂະພາບປະຈຳປີແນ່ເດີທ່ານ.

ແມ່ເຖົ້າ ຄຳຈັນ ສຸລິຍະສັກ ແມ່ນຜູ້ທີ່ໄດ້ຮັບໜ້າທີ່ສຳຄັນໃນການຫຍິບທຸງຊາດລາວວົງເດືອນຜືນທຳອິດຂຶ້ນໃນ ຄ່ຳຄືນຂອງວັນທີ 11 ຕຸລາ 1945...
03/09/2026

ແມ່ເຖົ້າ ຄຳຈັນ ສຸລິຍະສັກ ແມ່ນຜູ້ທີ່ໄດ້ຮັບໜ້າທີ່ສຳຄັນໃນການຫຍິບທຸງຊາດລາວວົງເດືອນຜືນທຳອິດຂຶ້ນໃນ ຄ່ຳຄືນຂອງວັນທີ 11 ຕຸລາ 1945 ເພື່ອນຳໃຊ້ເປັນທຸງຍົກຊູ ໃນມື້ປະກາດເອກະລາດ 12 ຕຸລາ 1945 ທີ່ ນະຄອນຫຼວງວຽງຈັນ ໂດຍໄດ້ຮັບການແນະນຳ ຈາກທ່ານ ທຳ ໄຊຍະສິດເສນາ (ທິ່ເຮົາຮູ້ຈັກກັນດີໃນນາມຜູ້ອອກແບບ ປະຕູໄຊ ນັ້ນເອງ) ທີ່ໄດ້ຮັບມະຕິຈາກຄະນະລັດຖະບານລາວອິດສະຫຼະໃນເວລານັ້ນ.

ຢ່າບິດເບືອນປະຫວັດສາດ...ທຸງຊາດລາວວົງເດືອນ ເກີດກ່ອນຈະມີ ພະລາຊະອານາຈັກລາວ ແລະ ພັກປະຊາຊົນປະຕິວັດລາວອີກ.ທຸງຊາດລາວວົງເດືອນແມ່ນ...
03/09/2026

ຢ່າບິດເບືອນປະຫວັດສາດ...ທຸງຊາດລາວວົງເດືອນ ເກີດກ່ອນຈະມີ ພະລາຊະອານາຈັກລາວ ແລະ ພັກປະຊາຊົນປະຕິວັດລາວອີກ.

ທຸງຊາດລາວວົງເດືອນແມ່ນທຸງຊາດຂອງຄົນລາວທຸງທຳອິດທີ່ຖືກຍົກຂຶ້ນໃນວັນປະກາດເອກະລາດຈາກຍີ່ປຸ່ນ ແລະ ຝຣັ່ງ ໃນວັນທີ 12 ຕຸລາ 1945 ເຊິ່ງເປັນທຸງທີ່ລາວອິດສະຫຼະ ສ້າງຂຶ້ນ ໂດຍການຊີ້ນຳຈາກ ເຈົ້າເພັດຊະລາດ ແລະ ຄະນະ (ຖ້າໃຜດູຖູກ ແລະ ດູມິ່ນທຸງວົງເດືອນເທົ່າກັບ ດູມິ່ນ ເຈົ້າເພັດຊະລາດໄປນຳ).

ແຕ່ເມື່ອຝຣັ່ງກັບມາຮຸກຮານລາວອີກຄັ້ງໃນປີ 1946 ຈຶ່ງສັ່ງຍົກເລີກທຸງຊາດລາວວົງເດືອນ ແລະ ປາບປາມລາວອິດສະຫຼະ...ເຊິ່ງລາວອິດສະຫຼະບາງສ່ວນກໍ່ຍັງຄົງເຄື່ອນໄຫວພາຍໃຕ້ທຸງວົງເດືອນຕໍ່ໄປ ຈົນກາຍມາເປັນແນວລາວຮັກຊາດ ຝ່າຍປະເທດລາວ ພັກ​ປະຊາຊົນປະຕິວັດລາວ ໃນເວລາຕໍ່ມາ...

ພາກສ່ວນຂອງຝຣັ່ງກໍ່ໄດ້ຍົກສູງລາດຊະວົງຫລວງພະບາງຂຶ້ນ ຫັນປ່ຽນປະເທດລາວຈາກລັດເມືອງຂຶ້ນອານານິຄົມໃຫ້ເປັນລັດອາລັກຂາຂອງຝຣັ່ງ ໃນປີ 1947 ແລະ ສ້າງໃຫ້ເປັນ​ປະເທດລາຊາທິປະໄຕເຕັມຮູບແບບໃນປີ 1953 ໂດຍຮັບຮອງເອົາທຸງ 3 ຊ້າງຫົວ ເຊິ່ງເປັນທຸງປະຈຳລາດຊະວົງຫຼວງພະບາງ ເປັນທຸງຊາດຂອງພະລາຊະອານາຈັກລາວ ແທນທຸງອານານິຄົມຝຣັ່ງອິນດູຈີນ.

ຈາກນັ້ນ ວັນທີ 2 ທັນວາ ປີ 1975 ໄດ້ສະຖາປະນາລະບອບໃໝ່ເປັນ ສ.ປ.ປ ລາວ ຈຶ່ງໄດ້ຮັບຮອງເອົາທຸງວົງເດືອນກັບມາເປັນທຸງຊາດຂອງລາວອິກຄັ້ງໜຶ່ງ ຈົນຮອດ ປັດຈຸບັນນີ້.

ຊ່ວງອາຍຸນຳໃຊ້ທາງການ
ທຸງວົງເດືອນ ແມ່ນແຕ່ປີ 1945 - ປັດຈຸບັນ (2026) ແມ່ນ 81 ປີ
ທຸງ 3 ຊ້າງຫົວ ແມ່ນແຕ່ປີ 1947 - 1975 ແມ່ນ 28 ປີ

ຖ້າທ່ານໃດທີ່ວ່າ ທຸງວົງເດືອນ ບໍ່ແມ່ນທຸງຊາດຂອງຄົນລາວ ທ່ານກໍ່ໄປຟ້ອງຮ້ອງ ສະຫະປະຊາຊາດ ເດີ ເພາະສະຫະປະຊາຊາດເປັນຜູ້ຮັບຮອງເອົາທຸງວົງເດືອນ ເປັນທຸງຊາດທາງການຂອງປະເທດລາວ ໃນເວທີສາກົນ.

Address

Vientiane

Website

Alerts

Be the first to know and let us send you an email when Lao Army - ທະຫານລາວ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category