30/10/2024
ඔයා ඉපදුණ විදිය...
කුලය,තත්වය,පවුල නෙමෙයි..
දවසක...ඔයා විසින් නිර්මාණය කරන ජීවිතය තමයි
ඔයාට හිමි නියම අයිතිය වෙන්නේ...
ඔයා අතින් නිමැවෙන ඒ ලස්සන ජීවිතයේ
මුල්ම පදනම තමයි
තමන් විසින් තමන්ව අරුත් ගන්වන විදිය..
ඔයා ඔයාව දකින විදිය...
ඒ සිතුවිල්ල තමයි මොහොතින් මොහොත
ඔයාගේ ජීවිතය දිනවන්න ගිණි පුපුරක් වගේ
ඔයාගේ බලාපොරොත්තු දල්වන්නේ...
අද දවසේ ඔයාව කවුරුත්ම
පිළිගන්නේ නැති වුණාට
ඔයා ඔයාව ආදරයෙන් පිළිගන්න..
ඔයාට වචනයකින්වත්
හයියක් වෙන්න කවුරුත් නැති වුණාට,
ඔයා ඔයාට හයියක් වෙන්න..
හොඳට මතක තියා ගන්න...
ඒ මොනම හේතුවකටවත්
ඔයාගේ අරමුණුවලට තිත තියන්න
ඉඩ දෙන්න එපා...
ඔයාගේ හීන දිනවන්න නම්,
ඔයා ඔයාව අභිමානයෙන් දකින්න..
ඔයාගේ ජීවිතයට ආදරය කරන්න..ගරු කරන්න...
ඒ හැමදේම..ඔයාට අන් අයගෙන් ලැබෙන දවසක්
අනිවාර්යයෙන්ම එනවා...
හැමදාම අහසට අමාවක නැහැ...
පුර හඳත් හරි ලස්සනට පායනවා...
✍ දුෂාන්ති අතපත්තු ______
#කවිසිත්තම