24/02/2023
දරුවො තරම් හයියක් !!!
දරුවො කියන්නේ මහ පුදුම හයියක්….
ජීවිතේ කවදාවත් කරන්න හිතපු නැති දේවල් කරන්න අපිව පොළඹවන මහ පුදුම ශක්තියක්. බැරි බව දැන දැනත් ආයෙ ආයෙ උත්සහා කරන්න අපිව පොළඹවන මහ පුදුම උත්තේජනයක්.
දරුවො කියන්නේ මහ පුදුම හයියක්…
නැගිට ගන්නවත් පණ නැතිව ඉන්න වෙලාවට උඩ පැනලා දුවන්න මතක් කරන මහ පුදුම ශක්තියක් . කෑගහලා අඬන්න, පෙරළි පෙරළි වැළපෙන්න හිතෙන වෙලාවටත් මහ හයියෙන් හිනාවෙන්න අපිව පොළඹවන මහා පුදුම උත්තේජනයක් .
දරුවො කියන්නේ මහ පුදුම හයියක්….
අතේ සතේ නැතත් තට්ටු මාළිගා හදන්න ගෙපැල කපන්න අපිව පොළඹවන මහ පුදුම මායාවක්, බිංදුවෙනුත් තවත් ටිකක් පහලට වැටිලා ඉද්දි කෝටි ගනන් හීන මවන්න අපිට මඟපෙන්වන අමුතුම ධෛර්යයක්.
දරුවො කියන්නේ මහ පුදුම හයියක්…
ආතක් පාතක් නැතිව ඔහේ පාවෙවී ඉන්න වෙලාවට ජීවිතයට මහා ලොකු ඉලක්ක හොයා දෙන අමුතුම මඟපෙන්වීමක්. කවදා කොහොම කරන්නද කියලා හිතපු ගොඩක් දේවල් , කෙරෙන තැනට අපිව බලෙන්ම තල්ලු කරන ආශ්චර්යමත් බලවේගයක්.
දරුවො කියන්නේ මහ පුදුම හයියක්. කවදාවත් කාටවත් කිසිමදේකට සමාන කරන්න බැරි විශ්වීය අරුමයක්. …
