01/10/2026
🌈 “මනසින් සවිමත් – දරුවන් පොහොසත්”
2026 ලෝක ළමා දිනය වෙනුවෙන්...
“හොඳම දේ දරුවන්ට” යන උදාර සංකල්පය පෙරදැරි කරගනිමින්, බිංගිරිය විවිධ සේවා සමූපකාර සමිතියේ ග්‍රාමීය බැංකුව විසින් සංවිධානය කරන ලද
සිගිති ගී සිත්තම් පූර්ව ළමා විය සංවර්ධන සංගීත වැඩසටහන අද දින බෝවත්ත නගර මධ්‍යයේදී ඉතා සාර්ථකව පැවැත්විණි. 🎉
බිංගිරිය බල ප්‍රදේශයේ පෙර පාසල් දුවා දරුවන් 1,500 කට ආසන්න පිරිසකගේ සහභාගිත්වයෙන් පැවති මෙම වැඩසටහන තුළ දරුවන්ගේ සතුට, නිර්මාණශීලීත්වය හා දක්ෂතා වර්ධනය කරමින් විවිධ විනෝදාත්මක හා අධ්‍යාපනික අංග රැසක් එක්කර තිබුණි. 🌸🎶
වැඩසටහන අවසානයේ සහභාගී වූ සියලුම දුවා දරුවන් වෙනුවෙන් ත්‍යාග ලබාදීමද සිදුකෙරිණි. 🎁❤️
ගරු සභාපතිතුමා ඇතුළු ගරු අධ්‍යක්ෂ මණ්ඩලයේ උදාර සංකල්පයක් ලෙස, බිංගිරිය බල ප්‍රදේශයේ දුවා දරුවන් වෙනුවෙන් හොඳම දේ දරුවන්ට ලබාදෙමින්, ඔවුන්ගේ අනාගතය වෙනුවෙන් වටිනා මතකයක් හා අත්දැකීමක් දායාද කිරීමට බිංගිරිය විවිධ සේවා සමූපකාර සමිතියට අද දින හැකි විය.
🌟 දරුවන්ගේ සිනහව – අපේ සතුටයි!
🌱 දරුවන්ගේ අනාගතය – අපේ වගකීමයි!
🤝 හොඳම දේ දරුවන්ට – සමූපකාරයෙන් දායාදයක්!
#ලෝකළමාදින2026 #බිංගිරියසමූපකාරය #ග්‍රාමීයබැංකුව #හොඳමදේදරුවන්ට #පූර්වළමාවියසංවර්ධනය
