20/03/2026
QR එක දැන් හදන්න පුළුවන් බය නැතුව QR එක හදන්න ට්රයි කරන්න අලුත් ID නම්බර් එකක් දීලා විස්තර ටික දීලා හදන්න පුළුවන් බය නැතුව හදන්න දැන් කිසිම ගැටලුවක් නෑ
Website - https://fuelpass.gov.lk/
ඔන්න ඔයාලගේ QR CODE සම්බන්ධ බහුතරයක් ප්රශ්න වලට උත්තර පහත තියෙනවා.
1. මගේ වාහනයත් මගේ දුරකථන අංකයත් වෙනස්වී නැත්නම්, මට දැනට තිබෙන පරණ QR code එක භාවිතා කරගෙන යා හැකිද?
බෑ. ඔබ ලියාපදිංචි කර ඇති දුරකථන අංකය භාවිතා කර OTP එක ලබාගෙන වෙබ් අඩවියට Login වීමෙන් ඔබගේ නව QR code එක ලබාගත හැක.
2. පෙර හිමිකරු විසින් QR code එකක් ලියාපදිංචි කර ඇති වාහනයක් මම මිලදී ගත්තා. නව හිමිකරුවා ලෙස මට QR code එක ලබා ගන්නේ කෙසේද?
ඔබ වාහනයේ සැබෑ හිමිකරු නම් වාහනය වෙබ් අඩවියේ නැවත Register කළ යුතුයි. එවිට නව QR code එකක් ලබාගත හැක.මේ සඳහා පෙර හිමිකරු කලින් භාවිත කල Profile එක delete කර තිබිය යුතුයි.
මෙය 2026 මාර්තු 17 සිට ක්රියාත්මකයි.
ශ්රී ලංකා රජයේ නිල වෙබ් අඩවිය වන, fuelpass.gov.lk වෙබ් අඩවිය පමණක් භාවිතා කරන්න.
3. මගේ වාහනය වෙනත් පුද්ගලයෙකුට හිමිකම් මාරු කර තිබේ නම් මම කුමක් කළ යුතුද?
ඔබගේ ලියාපදිංචි දුරකථන අංකය භාවිතා කර (OTP මඟින් තහවුරු කර) Login > "Delete Profile'' විකල්පය තෝරා ඔබගේ පැරණි වාහනයේ QR code එක ඉවත් කරන්න.
එවිට නව හිමිකරුට වෙබ් අඩවියෙන් නැවත Register කර නව QR code එකක් ලබාගත හැක.
පසුව ඔබට එම දුරකථන අංකය භාවිතා කර නව වාහනයක් Register කර QR code එකක් ලබාගත හැක.
මෙය 2026 මාර්තු 17 සිට ලබාගත හැක.
4. මගේ දුරකථන අංකය දිගු කාලයක් භාවිතා නොකළ නිසා Recycled නම් කුමක් කළ යුතුද?
ඔබ වාහනය වෙබ් අඩවියේ නැවත Register කළ යුතුයි. එවිට නව QR codeඑකක් ලබාගත හැක.
මෙය 2026 මාර්තු 17 සිට ලබාගත හැක.
5. මම අලුතින් මිලදී ගත් නව වාහනයක් සඳහා QR code එක ලබාගන්නේ කෙසේද?
සියලුම නව වාහන Fuel Pass වෙබ් අඩවිය මඟින් Register කළ යුතුය. යම් දෝෂයක් පෙන්වන්නේ නම් 2026 මාර්තු 17 දින නැවත Register කිරීමට උත්සාහ කරන්න.
6. Register කරන විට "Chassis number is incorrect" යන දෝෂය පෙන්වන්නේ නම් කුමක් කළ යුතුද?
ඇත්තටම Chassis number එක වැරදිනම් වාහනයේ හිමිකරු මෝටර් රථ ප්රවාහන දෙපාර්තමේන්තුව (DMT) හරහා එම තොරතුරු නිවැරදි කරවා ගත යුතුය.
7. Register කරන විට "Vehicle Already Registered" යන දෝෂය පෙන්වන්නේ නම් කුමක් කළ යුතුද?
ඔබ වාහනයේ සැබෑ හමිකරුනම් ,දැනට ලියාපදිංචිය සඳහා භාවිතා කර නැති වෙනත් දුරකතන අංකයක් හා NIC අංකයක් භාවිත කොට නැවත ලියාපදිංචිය කරන්න.එහිදී ලැබෙන පණිවිඩයේ හරි සලකුණ යොදා Overide කරන්න.
මෙහිදී මුලින් ලියාපදිංචි කරතිබූ දුරකතන අංකයට හිමිකාරීත්වය මාරු කල බැව් දන්වා sms පණිවිඩයක් යැවෙනු ඇත.
ඔබ සැබෑ හිමිකරු නොවේනම් cyber crime law යටතේ ඔබ වැරදිකරුවකු වන බැව් හොඳින් මතක තබා ගන්න.
කරුණාකර 2026 මාර්තු 17 දින නැවත උත්සාහ කරන්න.
8. 50cc ට අඩු වාහන සඳහා QR Code Register කරන්නේ කෙසේද?
QR Fuel Pass ලබාගත හැක්කේ මෝටර් රථ ප්රවාහන දෙපාර්තමේන්තුව (DMT) යටතේ ලියාපදිංචි වාහන සඳහා පමණි.
10. Fuel Pass වෙබ් අඩවිය ක්රියා නොකරයි. මම කුමක් කළ යුතුද?
Fuel Pass වෙබ් අඩවිය දැනට ක්රියාත්මකයි. තාවකාලික තාක්ෂණික ගැටලුවක් තිබේ නම්, කරුණාකර මිනිත්තු කිහිපයක් රැඳී සිට නැවත වෙබ් අඩවියට පිවිසීමට උත්සාහ කරන්න.
11. OTP කේතය මට මිනිත්තු 2ක කාල සීමාව ඉකුත් වූ පසු ලැබෙනවා. මම කුමක් කළ යුතුද?
OTP කේනය කල් ඉකුත් වූ පසු ලැබේ නම්, Resend බොත්තම ක්ලික් කර නව OTP කේතයක් ඉල්ලන්න.
12. එකම NIC එක යටතේ වාහන කිහිපයක් Register කළ නොහැක. මම කුමක් කළ යුතුද?
දැනට Fuel Pass පද්ධතියේ එක් NIC එකකට සහ එක් දුරකථන අංකයකට එක් වාහනයක් පමණක් Register කළ හැක.
වෙනත් වාහනයක් Register කිරීමට, වෙනත් NIC එකක් සහ වෙනත් දුරකථන අංකයක් භාවිතා කළ යුතුය.
13. ජෙනරේටර් වැනි වාහන නොවන භාවිත සඳහා Fuel QR code එකක් Register කළ හැකිද? දැනට Fuel Pass පද්ධතිය වාහන Register කිරීම සඳහා පමණක් භාවිතා කරයි. වාහන නොවන භාවිත සඳහා ඉන්ධන ලබාදීම පිළිබඳව ශ්රී ලංකා රජයේ අනාගත තීරණ අනුව පහසුකම් හඳුන්වා දෙනු ඇත.
14. Fuel Pass පද්ධතිය භාවිතා කිරීමට Smartphone එකක් අවශ්යද?
Smartphone එකක් අත්යවශ්ය නොවේ. Smartphone හෝ Computer එකක් ඇති පුද්ගලයෙකුගේ උදව්වෙන් Register කිරීම කළ හැක. Register කිරීමෙන් පසු QR code එක මුද්රණය (print) කර භාවිතා කළ හැක.
15. Fuel Pass වෙබ් අඩවිය බහු භාෂා සඳහා සහය දක්වයිද?
ඔව්. Fuel Pass වෙබ් අඩවිය සිංහල, sinhala,Tamil සහ English භාෂා සඳහා සහය දක්වයි.
16. මගේ වාහනයේ Chassis number එක සොයාගන්නේ කොහෙන්ද?
Chassis number එක ඔබගේ
වාහනයේ වාහන ලියාපදිංචි සහතිකයේ (CR Book),දුම් පරීක්ෂණ වාර්තාවේ හෝ වාහන රක්ෂණ ලේඛනයේ සොයාගත හැක.
17. ගැටලු ඇති වුවහොත් සහාය ලබාගැනීමට දුරකථන අංකයක් තිබේද?
දැනට Fuel Pass පද්ධතිය සම්බන්ධයෙන් සහාය සඳහා 1919 අංකයට අමතන්න. දැනට whatsApp හරහාත් සහය ලබා ගන්න පුළුවන් .(WharaApp අංකය 076 0001919)
https://share.google/2LdQzh29IxXM1dGut
අනාගතයේදී තවත් සහාය මාර්ග හඳුන්වා දෙනු ඇත.
18. සංචාරක සහ වාණිජ වාහන සඳහා වැඩි ඉන්ධන අවශ්ය වේ. ඒ සඳහා වෙනම quota එකක් ලබාදෙනවාද?
සංචාරක හා වාණිජ ප්රවාහන වැනි වැඩි ඉන්ධන අවශ්ය කර්මාන්තවල අවශ්යතා රජය විසින් සමාලෝචනය කරනු ඇත.
ඒ අනුව සුදුසු සහාය හෝ වෙනස්කම් හඳුන්වා දිය හැක.
19.මගේ ආයතනයේ වාහන රාශියක් තියෙනවා.එක NIC එකකටයි TEL.NO එකකටයි එක වාහනයයි Register කරන්න පුළුවන් .මම මොකක්ද කරන්න ඕනෙ?
Fuelpass සිස්ටම් එකට register වෙනකොට NIC එක වෙනුවට BRN(Business Registration Number) කියන option එක select කරන්න.එතකොට සියලුම වාහන bulk එකක් විදියට register කරන්න පුළුවන් තනි Tel.no එකකට
20.අපි රාජ්ය ආයතනයක් නිසා අපිට BRN එකක් නෑ.අපි මොකද කරන්නෙ?
ඔයාල BRN කියන Option එක select කරල ඔයාලගේ ආයතනයෙ TIN එක හරි අමාත්යාංශයක් හෝ දෙපාර්තමේන්තුවක් නම් VOTE NO. එක හරි දාල Register වෙන්න.සමහර වෙලාවට ඔය එකක්වත් දන්නෙ නැතිනම් mobile no. එකම දාලත් පුළුවන්.
21.වාහනේ Register කරන කොට "vehicle no.,chassie no or vehicle type mismatch" කියල එනවා.කොහොමද මේක හදා ගන්නෙ?
ප්රධානවම අපි ඇතුලත් කරන data ඔක්කොම RMV එකේ Database එකක් එක්ක cross check වෙනව.එතනදි අපේ දත්ත එයාලගේ database එකත් එක්ක නොගැලපුනාම තමයි ඕක වෙන්නෙ.කලබල වෙන්න එපා.සන්සුන්ව විස්තර ටික ආයෙත් check කරන්න.
සාමාන්යයෙන් වාහනේ අංකය අපිට වරදින්නෙ නෑ.හැබැයි chassi no එක වරදින්න පුළුවන් .බොහොම වෙලාවට වෙන ප්රධාන දෙයක් තමයි 0 සහ O (බින්දුව සහ ඕ අකුර) පැටලීම.
ඊලඟට chassi no එකේ අතරමැද තියෙන හිස් ඉඩ හෝ - සලකුණ නොසලකා හැරීම.තවත් වෙලාවට අංකයක් හෝ අකුරක්ම මග හැරී තිබීම.chassi no වෙනුවට engine no එක යෙදීම.
ඊලඟ ප්රධානම කාරණය තමයි Vehicle Type එක.
බොහොම වෙලාවට Cab වගෙ වාහන carvan,lorry වගෙ category යටතේ ලියාපදිංචි වීම.Demo batta වගෙ lorry, car category යටතේ ලියාපදිංචි වෙලා තිබීම.chassi no එක හරි කියල sure නම් vehicle type එකෙන් එක මාරු කරල register වෙන්න try කරන්න.
මේ ටික හරියට කලොත් වැඩේ ගොඩ දාගන්න ලේසියි.
21.BRN යටතේ Register කරද්දී ,"Vehicle Already Registered" කියල එනවා.
ඒකනම් Normal Override ක්රමයට තාම හදන්න බෑ.බලශක්ති අමාත්යාංශයට ලිඛිතව දන්වන්න වෙනවා.
ලේකම්,බලශක්ති අමාත්යාංශයට Vehicle No./Chassis No./Vehicle Category/Fuel Type මේ තොරතුරු සහ ගැටලුව කියල යවන්න.
National Fuel Pass
