19/06/2023
සබන් නැති ඒ කාලෙ රෙදි සේදුවේ කොහොමද කියලා දැනගන්න ආස නැද්ද? 🍒💛🤗
පින්තූරයේ දැක්වෙන කහ පෙනල හෙවත් ගස් පෙනල-සමහරු සබන් ගෙඩි ලෙසද හඳුන්වනු ලබනවා.. සබන් වෙනුවට යොදා ගත් හොඳම විකල්පයක් තමයි මේ කහ පෙනල ගෙඩි..
පැසුණු ගෙඩිවල ලෙල්ල කොටස පොඩි කර වතුර එක්කල පසු සබන් මෙන් පෙන එන ස්වභාවයක් ගන්නවා.. ඉන් පසු එයට රෙදි පෙඟෙන්නට හැරීමෙන් සබන් වලටත් වඩා හොඳින් කුණු ඉවත්කර අමුතුම දීප්තියක් ඇඳුමට ගෙන දෙනවා.. එලෙසම වියලුණ පසු නැවුම් සුවඳක්ද ගෙන දෙනවා.. රෙදි වලට කිසිම කහටක් මේ ගෙඩිවලින් ඇතිනොවීමද විශේෂයි.. රෙදි දිරායාමද අඩුයි..
ඉන්දියාව, බෙංගාලය, පාකිස්ථානය සහ ලංකාවේ ඇතැම් ප්රදේශවල වැවෙන ගස් පෙනෙල ශාකය ඖෂධීය ගුණයෙන් අනූන ශාකයක්..
ගස් පෙනෙල, රුක් පෙනෙල, කහ පෙනෙල කියන නම් වලින් ද මේ ශාකය හදුන්වනු ලබනවා..
ගස්පෙනෙල හා වැල් පෙනෙල යනු වර්ග දෙකකි..
Sapindus trifoliata L. මහ ගස් පෙනෙල ලෙසත්, Sapindus gaerth නාමයෙන් කුඩා ගස් පෙනෙල ශාකයත් හදුන්වනු ලබනවා..
අතීතයේ සිටම මේ ගස් පෙනල ශාකය විවිධ ඖෂධ යෝග සදහා යොදාගෙන තිබෙනවා..
☘️💚💛 වෙනත් ගුණ 💛💚☘️
🍒 පෙනෙළ ගෙඩි වලින් සකස් කල පෙණ දැවිලි ඇති වූවිට ආලේප කිරීමෙන් මහත් සහනයක් ඇතිවෙනවා..
🍒 වමන, විරේචන, කෘමිග්න ගුණ ඇති නිසා බඩේ අමාරු සහ විවිධ ක්රිමි රෝග වලදිත් යොදාගන්නවා..
🍒 රුධිරය පිරිසිදු කිරීමේ ගුණය හේතුවෙන් රක්ත දූෂිත රෝග සදහා යෝග්යයි..
🍒 කාස, ශ්වාස රෝග වලදී සෙම් ඉවත් කිරීමට යොදාගනු ලබනවා..
🍒 සියලු විෂ වර්ග නැසීම සදහා වමනකාරක යෝගයක් ලෙස යොදාගනු ලබයි..
🍒 කුෂ්ඨ නාසන ගුණය නිසා කුෂ්ඨරෝග වලදී යොදාගනු ලබනවා..
🍒 විශේෂයෙන්ම ගර්හණි රෝගයේදී ජීවක කල්කයේත්, සෙම් රෝග වලදී ශර්කරාදී කල්කය සහ බුද්ධරාජ කල්කයේත් අනුපාන විදියට මේ ගස් පෙනෙල බීජ යොදාගෙන තියෙනවා..
🍒 සන්නි ගජාංකුෂ ගුලිය අපස්මාරය, අධික උණ, වාත රෝග සදහා යොදනු ලබනවා.. මේ ගුලියේ අනුපාන කවියේ ගස් පෙනෙල ගැන සදහන් වෙන්නේ
පොතුත් පෙනෙල ගෙඩි කොතඹුරු හෙළ ලූණුත් ගෙන සමකොට කියලයි..
🍒 ඒ වගේම ගර්හණි රෝගය සදහා යොදන ජීවක කල්කයේ අනුපාන කවියක මේ විදියට ගස් පෙනෙල ගැන දැක්වෙන්නෙ ඒ ඖෂධය ඉතාමත් වටිනා අතිශය වීර්ය සම්පන්න ඔසුවක් වන නිසාමයි..
උණට මාන්දම් සියඹලා කොළ
තම්බා සීනි ගිතෙල
ඊට ඉගුරු සීනි යළිත් තනකිරි
ඉගුරුත් යුතු කළ
සෙම් උණයට කොල්ලු ලසුණු
තිබ්බටු මුල් කෂාය කළ වලිප්පුවට ගලිස් පෙනෙල
සමහරවිට ඔබේ අතීත මතක අතරත් මේ ශාකය ඉතිරි වෙලා ඇති.. 💗
උපුටා ගැනීමකි.. 🤗
