28/01/2025
මේ වන විට ඇමරිකානු කොටස් වෙළද පොළ තුල AI සමාගම් සඳහා ඇති වටිනාකම සීග්රයෙන් පහල යමින් පවතිනවා… මිට හේතුව වී ඇත්තේ චීනයේ DeepSeek නම් නැගී එන ව්යාපාරයක් විසින් වඩා ලාබදායි අයුරින් නිපදවූ AI model නිසාවෙනි. මෙම සමාගම නිපදවූ Flagship R1 නම් මෝඩලයට ChatGPT හා සමාන කාර්ය සාධනයක් ලබා ගත හැකි බවත් එමෙන්ම Janus Pro නම් මෝඩලය දැනට පවතින DALL-E 3 මෝඩලයට වඩා හොද පිංතුර නිර්මාණය කර හැකි බව සමාගම විසින් ප්රකාශ කර ඇත.
මේ වන විට ඇපල් සහ ගූගල්හි යෙදවුම් බාගත කිරීම් වල මුල් ස්ථානයට මෙම යෙදවුම් පැමිණීමත් සමඟ ඇමරිකාවේ AI සමාගම් වල කොටස් සීග්රයෙන් පහල ගොස් ඇත. NVIDIA සමාගමේ පමණක් මෙම පහල යාම 17% වන අතර මුදලින් එය ඩොලර් බිලියන 600කට ආසන්න වේ. 2023දී ආරම්භ කල මෙම සමාගම කියනා පරිදි කාර්ය සාධනයක් සහිත නම් ඇමරිකාවේ අධික වියදමක් සහ අධික GPU ප්රමාණයක් යොදාගනිමින් නිපදවූ OpenAI, Meta, Google, Microsoft වැනි සමාගම් වල AI මෝඩලවලට කනේ පහරක් වැදුනා වගේ වන්නට පුළුවන්!
