Lakruwan Pallewela (2026)

28/03/2026

දක්ෂයෙක් නොවී විශිෂ්ඨයෙක් වෙන්න.
" පුතා, හොදට විභාග ටික පාස් වෙලා හොද ජොබ් එකක් කරන්න "

කියන කතාව ගොඩක් අය අද සමාජයේ බොහෝමයක් දෙනාත් දරුවන්ට කිව්වට නූතන පශ්චාත් සමාජ ක්‍රමයේ පෙරට වඩා ජීවන ක්‍රමය සංකීර්ණයි සහ අපිට ඉදිරියට යන්න දැනුම සහ සහතික කියන කාරණාව පමණක් ප්‍රමාණවත් වෙන්නෙ නැහැ.

පාසල් කාලයේ සිට ම මානසික සහ කායික සමබරතාවය පවත්වා ගැනීම අතිශයින් ම වැදගත් කාරණයක්. දිනෙන් දින මානසික පීඩනය දරාගැනීමට නොහැකිව ඇතිවන රෝග මෙන් ම විවිධ වූ බෝ නොවන රෝගවලින් මියයන පිරිස වැඩි වෙනවා මිසක අඩුවෙන්නේ නැහැ.

මෙයට ප්‍රධාන වශයෙන් බලපාන හේතුවක් ලෙස මේ අසතුලිත ලෙස ඇතැම් විට අපේ අධ්‍යාපන ක්‍රමය නිර්වචනය කරගෙන තිබෙනවා කියන කාරණය ඔස්සේ පෙනීයන දෙයක්.

ඒ නිසයි 2021 වසරේ සිට මේ දක්වා ශාරීරික සහ මානසික යහපැවැත්මෙන් යුක්ත දරු පිරිසක් බිහි කිරීමේ අරමුණෙන් ඒ හා සම්බන්ධ පුහුණු වැඩසටහන් පැවැත්වීම මා විසින් ආරම්භ කලේ.

කම්මැලි කමින් අධ්‍යාපනයටත් එතරම් උනන්දුවක් නොමැතිව සිටි මා තුල සිටි විශිෂ්ඨයාව අවදිකිරීමට මා හට පිටුබලයක් වුණේ ක්‍රීඩාව කියන ඖෂධය

මීට සමගාමීව පැවැත්වුණු තවත් වැඩසටහනක් ඊයේ දිනයේදී උඩදුම්බර චූලාභය මහා විද්‍යාලයේ දී පැවැත්වුණා.

එහිදී එහි ක්‍රීඩා කණ්ඩායමේ සිටින දරු දැරියන් 100 කට ආසන්න ප්‍රමාණයකට පැය තුනක පුහුණු වැඩසටහනක් පැවැත්වීමට මා හට ආරාධනයක් ලැබුණා. මෙම වැඩසහනේදී,

1) ක්‍රීඩාවක් තුලින් අධ්‍යාපනයේ මෙන් ම ක්‍රාඩාවේද විශිෂ්ඨයෙක් වෙන්නේ කොහොමද ?

2) දුර්වලම හැකියාව විශිෂ්ථත ම හැකියාවක් බවට පත් කරගන්නේ කොහොමද ?

3) Unbeaten Mindset එකක් තුලින් ජීවිතේ ඕනෑ ම අභියෝගයක් තුලින් ඉදිරියට ගමන් කරන්නේ කොහොමද ?

4) ඉදිරියේදී පැවැත්වෙන තරගවලදී තමන්ගේ උපරිම දක්ෂතා අතරට පැමිණෙන්නේ කොහොමද ?

කියන කාරණා පිලිබද ව මාගේ පෞද්ගලික අත්දැකීම් ද එකතු කරගනිමින් වැඩසටහන පැවැත්වූවා.

ආරාධනය සිදුකලේ පාසලේ ක්‍රීඩා පුහුණු කරු වගේ ම ආචාර්යවරයෙකුවශයෙන් කටයුතු කරන මා මිත්‍ර Krishan Madushanka මහතා විසින්. බොහොම ස්තූතියි ඔබේ ඒ ආරාධනයට. (ඒ වගේ ම දරු දැරියන් පිරිසකගේ අනාගතය වෙනස් කරන්න ඔබ දරන වෙහෙසට මාගේ ගෞරවය)

This is Journey of the Unbeaten Mindset

තවත් බොහෝ දෑ ඉදිරියට...

Lakruwan Pallewela

28/03/2026

සර් අද මට girlfriend ව හම්බවෙන්න යන්න ඕනි.
" සර්, අද මම 05.00 ට ඒ නිසා යන්නම් "

කියලා අභීත තම කළමණාකරුට පැවසුවත් ඔහු එයට එකග වූ බවක් පෙනෙන්නට තිබුණේ නැත.

" ඒවා නම් කොයි වෙලාවෙ කරගන්න බැරිද ? මෙන්න මේ වැඩේ ඉවර කරලා යන්න "

කලමණාකරුගේ අවසාන පිළිතුර විය.

මේ ආකාරයෙන් සේවකයෙකුට පෞද්ගලික අවශ්‍යතාවයක් සඳහා අවසර ඉල්ලූ විට එය ප්‍රතික්ෂේප කිරීමට කළමනාකරුවෙකු පෙළඹෙන ප්‍රධාන හේතු සහ ඒවා කළමනාකරණය කළ යුතු ආකාරය පිලිබද ව අද ලිපියෙන් අපි කතා කරමු.

1. කළමනාකරුගේ බිය සහ වගකීම (The Manager's Pressure)

කළමනාකරුවෙකුට ඉහළ කළමනාකාරිත්වයෙන් ඉලක්ක (Targets) සහ කාලසීමාවන් (Deadlines) පනවා ඇත.

සේවකයෙකු වේලාවට කලින් යන විට වැඩ අතපසු වේ යැයි ඔහු තුළ අනාරක්ෂිත බවක් ඇති විය හැකියි.

අනෙක් සේවකයින්ද මෙය ආදර්ශයට ගෙන වේලාවට කලින් යාමට උත්සාහ කරයිද යන විනය පිළිබඳ ගැටලුව ඔහුට තිබේ.

2. ප්‍රතිඵල මත පදනම් වූ කළමනාකරණය (Result-Oriented Management)

නූතන නායකයෙකු සේවකයා කාර්යාලයේ රැඳී සිටින පැය ගණන දෙස නොව, ඔහු ලබා දෙන ප්‍රතිඵලය දෙස බැලිය යුතුය.

මෙයට විසදුම් ලෙස සේවකයාට අද දින පැවරුණු වැඩ කොටස අවසන් නම්, ඔහුට පෞද්ගලික ජීවිතය වෙනුවෙන් කාලය ලබා දීමෙන් ඔහුගේ මානසික තෘප්තිය (Job Satisfaction) වැඩි වේ. එවිට ඔහු ඊළඟ දිනයේ දෙගුණයක් උද්‍යෝගයෙන් වැඩ කරයි.

3. සහකම්පනය සහ සබඳතා ගොඩනැගීම (Empathy in Leadership)

සේවකයෙකුට "Girlfriend" හමුවීමට යාම වැනි කරුණක් සුළු දෙයක් ලෙස කළමනාකරුවෙකුට පෙනුනද, සේවකයාට එය ඔහුගේ සතුට තීරණය කරන සාධකයකි.

මෙයට විසදුමක් ලෙස

"අද මට ඔයාව යවන්න අමාරුයි, හැබැයි මේ වැඩේ ඉක්මනට ඉවර කළොත් මම ඔයාට අවස්ථාව දෙන්නම්"

වැනි ධනාත්මක එකඟතාවයකට (Positive Negotiation) පැමිණීම වඩාත් සාර්ථකයි.

මෙවැනි අවස්ථාවලදි ඔබ කළමනාකරුවකු ලෙස,

✔️ විශ්වාසය ගොඩනැගීම (Building Trust)

සේවකයින්ට නිදහස ලබා දෙන්න. ඔවුන් එම නිදහස අනිසි ලෙස භාවිතා නොකරන තාක් කල්, ඔවුන්ව මයික්‍රෝ-මැනේජ් (Micro-manage) කිරීමෙන් වළකින්න.

✔️ පූර්ව සැලසුම් ක්‍රමවේදයක් සකස් කිරීම

හදිසි අවස්ථා හැර අනෙක් පෞද්ගලික අවශ්‍යතා අවම වශයෙන් දිනකට පෙර දැනුම් දිය යුතු බවට එකඟතාවයක් ඇති කරගන්න.

✔️ මානසික සුවතාවය අගය කිරීම

සේවකයාගේ පෞද්ගලික සතුට යනු ආයතනයේ ලාභයයි. සතුටින් සිටින සේවකයා වඩාත් ඵලදායී වේ.

නායකයෙකුගේ සාර්ථකත්වය මනින්නේ ඔහු සේවකයින් පාලනය කරන ආකාරයෙන් නොව, ඔහු සේවකයින්ව කෙතරම් දුරට තේරුම් ගන්නවාද යන්න මතයි. "මිනිස් මනස" (Human Mind) නිවැරදිව කළමනාකරණය කරන නායකයාට කිසිදාක සේවකයින් සමඟ ගැටුම් ඇති කර ගැනීමට අවශ්‍ය නොවේ.

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

27/03/2026

Boss - " කවීන්, ඔයාලගෙ Team එකට අලුත් policies ගැන කියන්න Meeting එකක් තියෙනවා. "
Kaveen - "සර් ඕක අපේ whatsapp Group එකේ share කරගන්න බැරිද ? "
මේ වගේ මතවාද ඔබේ ආයතනයේත් ඇතිවෙනවාද ? මේ පිලිබද ව විග්‍රහයක් අද දවසේ අපි කතා කරමු.

වර්තමාන වේගවත් ව්‍යාපාරික ලෝකයේ, දැනුම යාවත්කාලීන කිරීම (Upskilling) අත්‍යවශ්‍යයි. නමුත් එය සිදු කරන ආකාරය ගැන විශාල විවාදයක් පවතිනවා. එක් පසෙකින් දශක ගණනාවක සම්ප්‍රදායික, දීර්ඝ පුහුණු වැඩමුළු පවතින අතර අනෙක් පසින් නවීන තාක්ෂණය සමඟ උපන් ක්ෂණික ඉගෙනුම් ක්‍රම පවතිනවා.

👉 පලමු කොටස දීර්ඝ පුහුණු වැඩමුළු (Long Workshops)

පැරණි පරම්පරාවේ කළමනාකරුවන් බොහෝ විට ඵලදායී ක්‍රමය ලෙස දකින්නේ සම්පූර්ණ දිනක් හෝ කිහිපයක් පවත්වන පුහුණු වැඩමුළුය.

මෙහි තිබෙන වාසිය වන්නේ එක් විෂයක් පිළිබඳව ගැඹුරින් අධ්‍යයනය කිරීමට, ප්‍රායෝගික අභ්‍යාස කිරීමට (Group Activities) සහ පුද්ගලික සබඳතා ගොඩනගා ගැනීමට (Networking) ඉඩ ලැබීමයි.

නමුත් ගැටලුව වන්නේ වර්තමාන සේවකයින්ට කාර්යාල වේලාවෙන් විශාල කාලයක් මීට කැප කිරීම අපහසුය.

👉 දෙවැනි ක්‍රමය කෙටි වීඩියෝ සහ ක්ෂණික ඉගෙනුම් (Micro-learning)

Gen Z සහ මිලේනියල් පරම්පරාව ප්‍රිය කරන්නේ තමන්ට අවශ්‍ය වේලාවක (On-demand), විනාඩි 5-10ක් වැනි කෙටි කාලයකින් දැනුම ලබා ගැනීමටයි.

මෙහි වාසිය වන්නේ ජංගම දුරකථනයෙන් වුවද ඉගෙන ගත හැකි වීම නිසා ඵලදායීතාවය වැඩි වේ (Highly Convenient). එක් පණිවිඩයක් කෙරෙහි පමණක් අවධානය යොමු කරන නිසා (One key concept per lesson) මතක තබා ගැනීම පහසුය.

නමුත් මෙහි ගැටලුව වන්නේ ගැඹුරු විෂයක් පිළිබඳව පුළුල් අවබෝධයක් ලබා ගැනීමට හෝ සංකීර්ණ කුසලතා වර්ධනය කිරීමට මෙය ප්‍රමාණවත් නොවිය හැකියි.

ව්‍යාපාරික උපදේශකයෙකු ලෙස මම යෝජනා කරන්නේ මෙම ක්‍රම දෙකෙහිම හොඳම දේ එකතු කරගත් "සම්මිශ්‍රණ ආකෘතියක්" (Blended Learning Model) ඔබ ආයතනයේ භාවිතය සුදුසුය.

✔️ ගැඹුරු කුසලතා (Deep Skills) සඳහා වැඩමුළු

නායකත්වය (Leadership), විකුණුම් උපායමාර්ග (Sales Strategy) හෝ චිත්තවේගීය බුද්ධිය (Emotional Intelligence) වැනි ගැඹුරු මනස කළමනාකරණය (Mind Management) අවශ්‍ය විෂයන් සඳහා දීර්ඝ වැඩමුළු පවත්වන්න.

✔️ ක්ෂණික දැනුම (Quick Knowledge) සඳහා Micro-learning

අලුත් මෘදුකාංගයක් භාවිතා කරන ආකාරය, ආයතනික ප්‍රතිපත්ති යාවත්කාලීන කිරීම් (Policy Updates) හෝ සන්නිවේදන කුසලතා පිළිබඳ (soft-skills) කෙටි උපදෙස් සඳහා කෙටි වීඩියෝ සහ Quiz භාවිතා කරන්න.

ඔබේ කණ්ඩායමේ විවිධ පරම්පරා වල සේවකයින් සිටී. එමනිසා, එකම ක්‍රමයක් සැමට අනුගමනය නොකර විවිධ වැඩසටහන් තුළින් ඔවුන්ගේ මනස නව ඉගෙනුම් ක්‍රම වලට හුරු කරන්න. සාර්ථකත්වය රැඳී පවතින්නේ ඔබේ කණ්ඩායමේ වේගය (Speed) සහ ගැඹුර (Depth) අතර නිවැරදි සමබරතාවය පවත්වා ගැනීම මතයි.

පුහුණු ක්‍රමවේදය වෙනස් කර, ඔබේ කණ්ඩායම බලගන්වන්න

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

26/03/2026

වැඩ ඉවර නැත්නම් නිවාඩු නැහැ
තරමක් වේදනාත්මක හැගීමකින් කසුන් තම ප්‍රධානියාගේ Office room එකට ඇතුලු වූයේ හෙට දවසේ නිවාඩුවක් ලබාගැනීමටය. ඒ තමන්ගේ අත්‍යාවශ්‍ය පෞද්ගලික කාරණයක් නිසාය.

" සර්, හෙට මට නිවාඩුවක් ගන්න ඕනි "

"අහ් කසුන් ! මොකද මම ඔයාට දුන්නු Project එකේ තත්වේ ? ඒක ඉවරයිද ? "

" තාම නෑ සර්. ඒක අද ඉවර කරන්න අමාරු එකක් "

" අහ්, එහෙනම් ඒක ඉවර කරලා ම ඔයාගෙ නිවාඩුව ගන්න "

කසුන් එම room එකින් පිටත් වූයේ පරාජිත හැගීමකිනි.

සාමාන්‍යයෙන් බොහෝ ආයතනවල පාලනාධිකාරිය පවසන්නේ

"වැඩ අවසන් නැත්නම් නිවාඩු දිය නොහැකි"

බවයි. නමුත් සේවකයා පවසන්නේ

"නිවාඩු ගැනීම තමන්ගේ අයිතියක්"

බවයි. මෙය කෙලින් ම නොපැවසූවත් Facebook post හරහා හෝ ඔවුන් අදහස් බෙදාගන්නවා.

එසේ නම් ආයතනයක මේ දෙපැත්තම සමබර කරගන්නේ කෙසේද?

මුලින් ම අපි ආයතනය දෙස බැලුවහොත්,

👉 ඵලදායීතාවය සහ ඉලක්ක

ආයතනයක් පවතින්නේ එහි ඉලක්ක (Targets) සහ පාරිභෝගික අවශ්‍යතා (Customer needs) සපුරාලීමටයි.

👉 Deadlines

යම් ව්‍යාපෘතියක අවසාන දිනය ආසන්න වී තිබියදී ප්‍රධාන සේවකයින් නිවාඩු ගැනීම මුළු කණ්ඩායමේම වැඩ අඩාල වීමට හේතු වේ.

👉 වගකීම

සේවකයෙකුට වැටුප් ගෙවන්නේ යම් රාජකාරියක් ඉටු කිරීමටයි. එම රාජකාරිය නිසි පරිදි ඉටු නොකර නිවාඩු ගැනීම වෘත්තීය විනයට පටහැනි බව කළමනාකාරිත්වය විශ්වාස කරයි.

නමුත් මෙය සේවකයා පැත්තෙන් බැලුවහොත්

👉 මානසික සෞඛ්‍යය සහ හදිසි අවශ්‍යතා

ඕනෑම මනුෂ්‍යයෙකුට විවේකය සහ පෞද්ගලික අවශ්‍යතා සඳහා කාලය අවශ්‍ය වේ.

👉 Burnout

දිගින් දිගටම නිවාඩු නොමැතිව වැඩ කිරීමෙන් සේවකයාගේ මානසික ආතතිය වැඩි වී ඵලදායීතාවය (Productivity) තවත් අඩු විය හැකියි.

👉 අයිතිය

කම්කරු නීතියට අනුව හිමි නිවාඩු ලබා ගැනීම සේවකයාගේ අයිතියකි.

ඔබ නායකයෙකු වුවත් වගකීම් සහගත සේවකයෙකු වුවත් එක් පාර්ශයක් දෙස පමණක් නොබලා මෙම මැද මාවතක් අනුගමනය කරන්න.

✔️ පූර්ව සැලසුම්කරණය

ඔබට නිවාඩුවක් අවශ්‍ය නම්, එය සතියකට හෝ දෙකකට පෙර දන්වන්න. එවිට ඔබේ වැඩ කොටස වෙනත් අයෙකුට පැවරීමට හෝ කලින් අවසන් කිරීමට කළමනාකරුට අවස්ථාව ලැබේ.

✔️ වැඩ පවරා දීම

ඔබ නැති අතරතුර ඔබේ හදිසි වැඩ ආවරණය කිරීමට කණ්ඩායමේ වෙනත් අයෙකු පුහුණු කර තබන්න.

✔️ ප්‍රතිඵල පෙන්වීම

ඔබ නියමිත කාලයට පෙර ඔබේ වැඩ අවසන් කරන "Productive" සේවකයෙකු නම්, කළමනාකාරිත්වය ඔබට නිවාඩු දීමට කිසිවිටෙකත් මැලි වන්නේ නැත.

✔️ හදිසි අවස්ථා සඳහා නම්‍යශීලී බව

සේවකයෙකුගේ ඉතා සාධාරණ හදිසි අවශ්‍යතාවයකදී (අසනීපයක් හෝ මරණයක් වැනි), වැඩ ප්‍රමාණය පසෙක තබා මානුෂීයව නිවාඩු ලබා දීමට කළමනාකාරිත්වය කටයුතු කළ යුතුය.

වගකීමෙන් තොර අයිතියක් හෝ අයිතීන් තලන වගකීමක් සාර්ථක ආයතනයකට ගැළපෙන්නේ නැත. ඔබ ඔබේ වැඩ කොටසට අවංක වන්න, එවිට ඔබේ නිවාඩු අයිතිය වෙනුවෙන් පෙනී සිටීමට ඔබට ශක්තියක් ලැබෙනු ඇත. කළමනාකරුවන් සේවකයාගේ මනස (Mind) හඳුනාගෙන ඔවුන්ව මෙහෙයවිය යුතුය.

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

26/03/2026

එහෙම බෑ. ඊමේල් එකක් එවන්න
වර්තමාන ලාංකේය ආයතන තුළ, විශේෂයෙන්ම නවීන තාක්ෂණය සමඟ වැඩ කරන ආයතන වල, සන්නිවේදනය සඳහා භාවිතා කරන චැනල් එක පිළිබඳව විශාල මතභේදයක් පවතිනවා. කාලයක් සේවය සිදුකරන කළමනාකරු ඊමේල් එකක් බලාපොරොත්තු වන විට, නව පරම්පරාවේ සේවකයා ක්ෂණික පණිවිඩයක් හෙවත් Instant Message එකක් හරහා අදාල සන්නිවේදනය හෝ දැනුම් දීම අවසන් කිරීමට උත්සාහ කරනවා.

👉 පැරණි කළමනාකාරිත්වය ඊමේල් සන්නිවේදනය අගය කරන්නේ එහි ඇති විධිමත්භාවය (Formalism) නිසාය.

එමෙන් ම ඊමේල් එකක් ලිවීමේදී භාවිතා කරන භාෂාව සහ ආකෘතිය වෘත්තීය මට්ටමේ පවතී.

මීට අමතර ව ඕනෑම අවස්ථාවක ආපසු හැරී බැලිය හැකි ස්ථිර ලේඛනයක් (Permanent Record) එහි පවතිනවා.

අපිට නිතර කාර්‍ය්‍යාලයේ ඇසීමට ලැබෙන "මම ඔයාට මේල් එකක් දැම්මා" යන්නෙන් අදහස් වන්නේ එය නිල නියෝගයක් බවයි.

👉 බොහෝ ආයතනවල Gen Z සේවකයින් ඊමේල් යැවීම කම්මැලි සහ කාලය අපතේ යන වැඩක් ලෙස දකී. ඔවුන්ට අවශ්‍ය වන්නේ ක්ෂණික ප්‍රතිඵලයි.

ඔවුන්ට අනුව විනාඩි 10ක් වැය කර ඊමේල් එකක් ලියනවාට වඩා, තත්පර 10කින් Snap එකක් හෝ පණිවිඩයක් යැවීම ඔවුන්ට පහසුය.

"Hi Boss, done!" වැනි කෙටි පණිවිඩ හරහා සන්නිවේදනය කිරීමට ඔවුන් ප්‍රිය කරයි.

මෙම ක්‍රමයේදී ආයතනික ව්‍යුහය තුල තිබෙන ගරුත්වය පිරිහෙන බවත්, නිල තොරතුරු මකා දැමෙන (Disappearing messages) බවත් කළමනාකාරිත්වය බිය වීමක් දක්නට ලැබේ.

එසේ නම් ඔබ ආයතනයක තීරණ ගන්නෙක් ලෙස මෙම 'සන්නිවේදන පරතරය' පියවන්නේ කොහොමද ?

මේ සදහා සරලව කල යුත්තේ ආයතනයේ Communication Protocol එක නැවතත් පැහැදිලිව අර්ථ දැක්විමයි. ඒ සදහා,

✔️ අවස්ථාව තෝරා ගැනීම

වැදගත් තීරණ, ගිවිසුම් සහ නිල උපදෙස් සඳහා අනිවාර්යයෙන්ම ඊමේල් භාවිතා කළ යුතුය.

✔️ ක්ෂණික සම්බන්ධීකරණය

එදිනෙදා වැඩ කටයුතු සහ සුළු තොරතුරු හුවමාරු කර ගැනීමට Slack, Microsoft Teams හෝ WhatsApp වැනි මාධ්‍ය භාවිතා කළ හැකියි (නමුත් Snapchat වැනි පුද්ගලික සහ තොරතුරු මැකී යන මාධ්‍ය වෘත්තීය වැඩ සඳහා සුදුසු නොවේ).

✔️ අන්‍යෝන්‍ය අවබෝධය

කළමනාකරුවන් නව තාක්ෂණයට හුරු විය යුතු අතර, නව පරම්පරාව වෘත්තීය ලේඛනගත කිරීමේ (Documentation) ඇති වැදගත්කම ඉගෙන ගත යුතුය.

මිත්‍රයා ඔබ පණිවිඩය යවන මාධ්‍යය කුමක් වුවත්, එහි ගුණාත්මකභාවය සහ වෘත්තීයභාවය රැකගැනීමට වගබලා ගන්න. වේගය වැදගත් වුවත්, වැරදි සන්නිවේදනයකින් සිදුවන හානිය නිවැරදි කිරීමට ඊට වඩා කාලයක් ගත වේ.

මාධ්‍යය නොව, පණිවිඩයේ නිවැරදිභාවය ඔබේත් ආයතනයේත් ජයග්‍රහණය තීරණය කරයි

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

25/03/2026

සරසවි මාවතක අහඹුවක් ව මුණ ගැසුණු නුඹව හමු වී අදට වසර 02 යි ❤️

Happy Anniversary My Love Nadeesha Gunawardhana 😍

- Lakruwan Pallewela

25/03/2026

කවුද ඔය ඇදුම ඇදන් වැඩට එන්න කිව්වෙ ?
ඔබ වැඩකරන ආයතනය තුලත් කාර්‍යයාලයට පැමිණෙන ඇදුම පිලිබද ව ගැටලුකාරී තත්වයන් පැන නගිමින් තිබෙනවා ද ?

ඔව්. ශ්‍රී ලංකාවේ බොහෝ ආයතන තුළ අද වන විට Dress Code එක සම්බන්ධයෙන් නිහඬ මෙන් ම එලිපිට සිදුවන සටන් නිර්මාණය වී ඇත. මෙම ගැටලුවේ එක් පසෙක දශක ගණනාවක සම්ප්‍රදායන් රකින, "ටයි පටිය" වෘත්තීයභාවයේ සංකේතය ලෙස දකින සාම්ප්‍රදායික කළමනාකාරිත්වයයි.

අනෙක් පසින් තමන්ගේ පහසුව (Comfort) සහ අනන්‍යතාවය (Identity) අගය කරන නව පරම්පරාවේ සේවකයින්ය.

සැබැවින් ම මෙම ගැටලුව ආරම්භ වන්නේ කොතැනින්ද කියන කාරණයට අපි මුලින් ම අවදානය යොමු කරමු.

ශ්‍රී ලංකාවේ පැරණි කළමනාකාරිත්වය බොහෝ විට බටහිර පන්නයේ නැතිනම් Formal Wear ඇඳුම් රටාවකට හුරු වී සිටිනවා. ඔවුන් විශ්වාස කරන්නේ,

පූර්ණ නිල ඇඳුම (Full Suit/Tie) මගින් සේවාලාභියා තුළ විශ්වාසයක් සහ ගරුත්වයක් ඇති කරන බවයි.

ලිහිල් ඇඳුම් පැළඳුම් (Casual Wear) මගින් සේවකයාගේ විනය සහ බැරෑරුම්කම පිරිහෙන බවයි.

👉 නමුත් නව පරම්පරාවේ බොහෝ සේවකයින් මෙය දකින්නේ,

රස්නය අධික ලාංකේය දේශගුණය තුළ ටයි පටියක් පැළඳීම අතිශය පීඩාකාරී දෙයක් ලෙසයි.

ඇඳුමෙන් නොව, කරන වැඩෙහි ගුණාත්මකභාවයෙන් (Quality) වෘත්තීයභාවය මැනිය යුතු බවයි.

මේ සදහා ඉහල කළමණාකරුගේ පීඩනය නිසා Formal ඇදුම සහිතව කාර්‍යයාලයට පැමිණෙන සේවකයින් සිටිනවා. එමෙන් ම මෙය නිසා ගැටුම් ඇති කරගන්නා සේවකයින් ද සිටිනවා.

එසේ නම් මෙම ගැටලුවට අපට ලබාදිය හැකි සාර්ථක ම විසදුම කුමක්ද ?

මෙම ගැටුම විසඳීමට අපට Smart & Functional ප්‍රවේශයක් ලබාගත හැකියි. මොකක්ද ඒ කියන්නෙ ? ඉන්න පැහැදිලි කරන්නම්.

✔️ Context-Based Dressing හෙවත් අවස්ථාවට ගැලපෙන ඇඳුම

වැදගත් සේවාලාභීන් හමුවන විට හෝ සම්මන්ත්‍රණ පවතින විට Formal ඇඳුම් ඇඳීමත්, සාමාන්‍ය කාර්යාල දිනවල Smart Casual (උදා: Polo T-shirts, Chinos) ඇඳුම් වලට අවසර දීමත් කළ හැකියි.

✔️ සංස්කෘතික නම්‍යශීලීභාවය

කළමනාකාරිත්වය තේරුම් ගත යුත්තේ ඇඳුම යනු සේවකයාගේ ඵලදායීතාවයට බාධාවක් නොවිය යුතු බවයි. සේවකයා මානසිකව සහ ශාරීරිකව සැහැල්ලුවෙන් සිටින විට ඔහුගේ නිර්මාණශීලීත්වය වැඩි වේ.

✔️ ගරුත්වය සහ විනය පිළිබඳ නව නිර්වචනය

ඇඳුමෙන් ලැබෙන ගරුත්වයට වඩා, කතා කරන විලාසයෙන් සහ වැඩ කරන ආකාරයෙන් ලැබෙන ගරුත්වය උසස් බව ආයතනික සංස්කෘතිය තුළ ඇති කළ යුතුය.

Profesionalism යනු ඔබ අඳින ඇඳුම පමණක් නොව, ඔබ සතු දැනුම සහ ඔබ ප්‍රශ්න විසඳන ආකාරයයි.

පරම්පරා දෙකම තේරුම් ගත යුත්තේ ආයතනයේ පොදු අරමුණ ජය ගැනීම සඳහා ඇඳුම යනු එක් මෙවලමක් පමණක් බවයි. ඇඳුමට වඩා ඔබේ මනස වර්ධනය කිරීමට උත්සාහ කරන්න.

ඇඳුමෙන් නොව, ඔබේ දක්ෂතාවයෙන් ලෝකය මවිත කරන්න

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

24/03/2026

ගරුත්වය ලැබිය යුත්තේ පුටුවට ද? නැත්නම් කරන වැඩවලට ද?
අද කාලයේ ශ්‍රී ලංකාවේ බොහෝ ආයතන මුහුණ දෙන ප්‍රධාන ගැටපුවක් වන්නේ කවුරු හිතන දෙයද ක්‍රියාත්මක කරන්නේ යන්න තීරණය කිරීමයි. අදහස් වෙනස් පරම්පරා දෙකක ගැටුම පවතින්නේ මෙතැනයි. එක් පසෙකින් වයස සහ තනතුර මත පදනම් වූ ධුරාවලිය (Hierarchy) පවතින අතර අනෙක් පසින් දක්ෂතාවය මත පදනම් වූ දක්ෂතාවාදය (Meritocracy) පවතී.

පලමු කාණ්ඩය Hierarchy එකට හෙවත් වයස සහ තනතුරට පමණක් හිස නැමීමයි.

බොහෝ සාම්ප්‍රදායික කළමනාකරණය තුළ ගරුත්වය තීරණය වන්නේ පුද්ගලයා සතු අත්දැකීම් කාලය සහ ඔහු දරන තනතුරේ නාමය මතයි.

මෙහි පවතින ගැටලුව වන්නේ ආයතනයේ සිටින අනෙක් සේවකයින්

"බොස් (Boss) පවසන දේ සැමවිටම හරියි"

යන මතයේ සිටියි. එම නිසා තරුණ සේවකයෙකු සතු ඉතා වටිනා අදහසක් වුවද, ඔහු Junior කෙනෙකු වීම නිසා ප්‍රතික්ෂේප විය හැකියි.

මෙහි අවසාන ප්‍රතිඵලය වන්නේ ආයතනයේ නවෝත්පාදනය අඩාල වීම සහ දක්ෂ තරුණ සේවකයින් ආයතනයෙන් ඉවත් වීම සිදු වේ.

මෙහි අනෙක් කොටස වන්නේ දක්ෂතාවයට සහ අදහසට ආයතනයේ ලැබෙන ගරුත්වයයි.

බොහෝ නවීන ආයතන අනුගමනය කරන්නේ මෙම ක්‍රමයයි. එහිදී ප්‍රධාන වශයෙන් ගරුත්වය හිමිවන්නේ කෙනෙකුගේ වයසට නොව, ඔහු ඉදිරිපත් කරන විසඳුමට සහ පෙන්වන දක්ෂතාවයටයි.

මෙහි පවතින වාසිය නම් මෙහිදී සීමාවන් නොමැත. අලුතින් බැඳුණු සේවකයෙකුට වුවද ආයතනයේ උපායමාර්ගික තීරණ වලට දායක විය හැකියි.

අවසාන ප්‍රතිඵලය වේගවත් වර්ධනය, උපරිම ඵලදායීතාවය සහ සියලු දෙනාටම ලැබෙන අන්‍යෝන්‍ය ගරුත්වය ආයතනය පුරා පැතිර යාමයි.

ආයතනයේ නායකයෙකු ලෙස ඔබ තේරුම් ගත යුත්තේ ගරුත්වය යනු බලයෙන් ලබාගත හැකි දෙයක් නොව, ඔබේ ක්‍රියාවෙන් සහ දැනුමෙන් දිනාගත යුතු දෙයක් බවයි. මේ සදහා ඔබට,

✔️ විවෘත සන්නිවේදනය

ඕනෑම තරාතිරමක සේවකයෙකුට බියකින් තොරව තම අදහස් ඉදිරිපත් කිරීමට අවස්ථාව ලබා දෙන්න.

✔️ වැඩ මත පදනම් වූ ඇගයීම

Employee Promotions ලබා දීමේදී සේවා කාලය දෙස පමණක් නොබලා, ඔවුන් ආයතනයට ලබා දුන් සැබෑ වටිනාකම දෙස බලන්න.

✔️ අන්‍යෝන්‍ය ගරුත්වය හෙවත් Mutual Respect

කළමනාකරු සේවකයාටත්, සේවකයා කළමනාකරුටත් ගරු කළ යුත්තේ ඔවුන් දෙදෙනාම එකම අරමුණක් කරා යන කණ්ඩායමක් ලෙස සිතමිනි.

මිත්‍රයා තනතුර නිසා ඔබට ලැබෙන ගරුත්වය ඔබ කාර්යාලයෙන් පිටව ගිය වහාම අවසන් වේ. නමුත් ඔබේ දක්ෂතාවය සහ නිහතමානීකම නිසා ලැබෙන ගරුත්වය ඔබේ නම සමඟ බොහෝ කාලයක් පවතිනු ඇත.

ධුරාවලියෙන් ඔබ්බට ගොස් දක්ෂතාවයට ගරු කරන්න

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

24/03/2026

ගල් කුට්ටිය - ඇයි මිනිස්සු මාව පාගලා යද්දි ඔබට මේ තරම් ගෞරවයක් ?

ගල් පිලිමය - අහගන්නකො එහෙනම් කතාව.

This is Journey of the Unbeaten Mindset By Lakruwan Pallewela.

23/03/2026

ඔබ ඇත්තට ම වැඩකරාට ඔබට වඩා ලකුණු වැඩකරනවා වගේ පෙන්වන අයට ලැබෙනවද ?
අපේ රටේ බොහෝ දෙනෙක් හිතන්නේ දවස පුරා දුවමින්, හති දමමින්, විවේකයක් නොමැතිව සිටීම සාර්ථකත්වයේ ලක්ෂණයක් කියායි. ඒ වගේ ම බොහෝ විට අපේ ආයතන පද්ධතිවල යම් ප්‍රසාදයක් ලැබෙන්නේත් යම් අවසන් ප්‍රතිඵලයක් නැතත් වැඩ කරනවා වගේ පෙන්වන අයටයි.

අනෙක් අතට ඵලදායී ලෙස යම් වැඩක් නිමා කරන පුද්ගලයින්ට බොහෝ වෙලාවට අහන්න ලැබෙන්නෙ,

" ඒක එයාගෙ වාසනාව "

"08.00 ට ආවා 05.00 ට ගියා. ඒ වුණාට ඔක්කොම වැඩ ටිකත් කරලා management එකිනුත් suport කරනවද කොහෙද ? "

වැනි කතායි. නමුත් ඇත්ත වශයෙන්ම කාර්යබහුල වීම (Being Busy) සහ ඵලදායී වීම (Being Productive) අතර අහසට පොළොව මෙන් වෙනසක් පවතිනවා.

කාර්‍යයාලයක ඔබේ වැඩ කාර්යබහුලත්වයකින් පමණක් සිදුකරනව කියන්නෙ හරියට,

එක තැන පල්වෙන රෝදයක් වගේ දෙයක්.

සරලව ම කාර්යබහුල පුද්ගලයා සැමවිටම කලබලයෙන් ඉන්නවා. ඔහුට වැඩ වැඩියි. ඔහුට ඇතැම්විට ආයතනයේ ප්‍රසාදයත් හොදයි. නමුත් අවසානයේ ඔහු අත්කරගත් සාර්ථකත්වයක් පෙනෙන්නට නැහැ.

සරලව ඔවුන් කරන්නේ කුමක්දැයි හරි අවබෝධයක් නැතිව වැඩ ගොඩක් එකවර කරනවා. අනෙක් අතට රෑ 08.00 , 09.00 වනතුරු වැඩ කිරීම යම් වීරකමක් ලෙස දකිනවා.(මේ ආකාරයට කාලය ගන්නේ බොහෝ විට හවස 05.00 වන විට අවසන් කල හැකිව තිබූ කාර්‍යය වෙනුවෙන්)

👉 ඔවුන්ගේ මනස සැමවිටම ආතතියෙන් (Stress) පිරී පවතී.

👉 ඔවුන් දවසේ වැඩි කාලයක් ගත කරන්නේ වැදගත් නොවන (Low value) වැඩ සඳහායි.

නමුත් ඵලදායීතාවයකින් වැඩකරන සේවයකයා කියන්නෙ හරියට

ඉලක්කයට විදින හීයක් වැනි කෙනෙක්.

සරලව ම ඵලදායී පුද්ගලයා සන්සුන්. ඔහු වැඩ කරන්නේ සැලසුමකට අනුවයි. ඔහු අඩු කාලයකින් වැඩි ප්‍රතිඵලයක් ලබා ගන්න උත්සාහ කරනවා. එතරම් සැලකිය යුතු වරප්‍රසාද ඔහුට ආයතනවලින් හිමිවන්නේ නැහැ. නමුත් ඔවුන් විශාල බලපෑමක් ආයතනයට සිදු කරනවා.

👉 ඔහු වැඩ ආරම්භ කිරීමට පෙර වඩාත්ම වැදගත් කාර්‍ය (Priority) තෝරා ගන්නවා.

👉 ඔහු අනවශ්‍ය වැඩ වලට කෙලින් ම බැහැ කියමින් එය ප්‍රතික්ෂේප කරනවා.

👉 ඔහු වැඩ කරන්නේ ප්‍රමාණය (Quantity) දෙස බලා නොව, එහි ගුණාත්මකභාවය (Quality) දෙස බලාය.

වැඩ ප්‍රමාණය (Volume) සහ ප්‍රතිඵලය (Outcome) අතර වෙනස
මට හමු වූ බොහෝ කළමනාකාරුවන් තවමත් දකින්නේ සේවකයෙකු පැය 10ක් වැඩ කරනවා නම් ඔහු දක්ෂයෙකු ලෙසයි. නමුත් මගේ අවවාදය වන්නේ,

" ඔබ පැය 10ක් පුරා ලියුම් 100ක් ටයිප් කරනවාට වඩා, ආයතනයට ලාභයක් ලැබෙන එක දුරකථන ඇමතුමක් විනාඩි 5කින් ලබා ගැනීම වටිනවා."

එසේ නම් ඔබේ ඵලදායීතාවය (Productivity) වැඩි කරගන්නෙ කොහොමද ? ඒ සදහා පහත ක්‍රම අනුගමනය කරන්න.

✔️ Pareto Principle (80/20 රීතිය)

ඔබේ ප්‍රතිඵලවලින් 80% ක් ලැබෙන්නේ ඔබ කරන වැඩවලින් 20% කිනි. එම 20% හඳුනාගෙන එයට වැඩි අවධානයක් දෙන්න.

✔️ Deep Work

දිනකට අවම පැය 2ක් හෝ 3ක් ජංගම දුරකථනය සහ වෙනත් බාධාවන්ගෙන් තොරව ඉතාමත් ගැඹුරින් එක වැඩක් කෙරෙහි පමණක් අවධානය යොමු කරන්න.

✔️ විවේකය කළමනාකරණය

ඵලදායී මොළයකට විවේකය අත්‍යවශ්‍යයි. විවේකයක් නොමැතිව පැය 8ක් වැඩ කරනවාට වඩා, පැයකට වරක් විනාඩි 5ක විවේකයක් ගෙන වැඩ කිරීමෙන් වැඩි ප්‍රතිඵල ලැබිය හැකියි.

ආයතනයක වුවද වීරයෙකු වීමට දවස පුරා වෙහෙසෙන්න එපා. බුද්ධිමත් නායකයෙකු වී Productivity එක කෙරෙහි අවධානය යොමු කරන්න. මතක තබා ගන්න, සාර්ථකත්වය මනින්නේද මැනිය යුත්තේද ඔබ කොතරම් මහන්සි වුණාද යන්නෙන් නොව, ඔබ කොතරම් ප්‍රතිඵල අත්කර ගත්තාද යන්නෙන් පමණි.

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

22/03/2026

බුලත් විට වෙනුවට චුයින්ගම් කන ආර්ථිකයක් 😏
ශ්‍රී ලංකාවේ එක්තරා දේශපාලඥයෙක් තමන්ගේ කතාවක් පවත්වන අතරතුර අමුතු ප්‍රකාශයක් සිදු කලා. ඒ තමන්ගේ ආර්ථික ප්‍රතිසංස්කරණ ගැන කතා කරමින් ප්‍රකාශ කළේ තමන් බලයට පැමිණි පසුව අපේ රටේ ආර්ථිකය බුලත් විට වෙනුවට චුවින්ගම් කන ආර්ථිකයක් කරා සංවර්ධනය කරන බවයි. ඔහු මෙම අදහස ප්‍රකාශ කලේ තමා ඒ තරම් දක්ෂ අන්දමින් මේ ආර්ථිකය සංවර්ධනය කරනවා යන්නට උපමාවකි.

නමුත් මෙහිදී ඔහුට වරදක් සිදුවුණා.

ඔහු මේ පණිවිඩය දුන්නේ සාම්ප්‍රදායික ගැමි ජනතාවක් සිටින පිරිසකටයි. ඔවුන්ට බුලත් විට යනු ඔවුන්ගේ සංස්කෘතියේ, ගෞරවයේ සහ දෛනික ජීවිතයේ වෙන් කළ නොහැකි කොටසකි. චුවින්ගම් යනු ඔවුන්ට නාගරික හෝ සමාජයෙන් වියුක්ත දෙයක් වුණා. ඔවුන් ඒ ගැන කල්පනා කරන්නට වුණා.

ඒ වගේ ම ආර්ථිකය ගැන කිසිදු කතාවක් ඔවුන්ගේ හදවතට ගියේ නැත. ඔවුන්ට ඇසුණේ ම මේ මනුස්සයා අපේ සීයලා කාපු බුලත් විටට පහත් කරනවා වැනි පණිවිඩයකි.

ප්‍රතිඵලය කුමක්ද ?

ඔවුන් එම දේශපාලඥයාට සහ ඔහුගේ දේශපාලන ව්‍යාපාරයට ඡන්දය දීම ඉතාම අවම මට්ටමින් සිදුවිය. ඉතා වටිනා ආර්ථික ප්‍රතිසංස්කරණ ගැන කතා කිරීමට ගොස්, වැරදි සන්නිවේදනය නිසා ඔහුට ලැබුණේ පරාජයයි.

මෙහි තිබෙන දේශපාලන මතවාද පසකින් තැබූ විට වෘත්තිකයෙකු හෝ ව්‍යාපාරිකයකු ලෙස ඔබට ඉගෙන ගත හැකි පාඩම් කිහිපයක් තිබෙනවා. ඒවා නම් ඔබ සතු යමක් සන්නිවේදනය කිරීමේදී,

👉 ශ්‍රාවකයා හඳුනා ගන්න

ඔබ කතා කරන්නේ ඔබේ සේවකයින්ටද, ආයෝජකයින්ටද, නැත්නම් පාරිභෝගිකයින්ටද? ඔවුන්ගේ පසුබිම, විශ්වාසයන් සහ වටිනාකම් මොනවාදැයි තේරුම් ගන්න.

👉 සන්දර්භය තේරුම් ගන්න

ඔබේ පණිවිඩය දීමට සුදුසුම වේලාව සහ ස්ථානය කුමක්දැයි තීරණය කරන්න.

👉 භාෂාව සහ උදාහරණ නිවැරදිව තෝරන්න

ඔබේ ශ්‍රාවකයාට තේරෙන, ඔවුන්ට සමීප භාෂාවකින් සහ උදාහරණ වලින් කතා කරන්න.

👉 ප්‍රතිචාරය කල්තියා සිතන්න

ඔබේ පණිවිඩය ඇසුණු පසු ඔවුන් තුළ ඇති වන හැඟීම (Emotion) කුමක්දැයි කල්තියා සිතන්න. ඔබේ පරමාර්ථය ඔවුන්ව කෝපයට පත් කිරීම නොව, ඔබේ අදහසට එකඟ කරගැනීමයි.

නායකයෙකුගේ සැබෑ දක්ෂතාවය වන්නේ හොඳ අදහස් තිබීම පමණක් නොව, එම අදහස් මිනිසුන්ගේ හදවත් වලට කා වදින සේ සන්නිවේදනය කිරීමයි.

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

22/03/2026

අනිවාර්යයෙන්ම ඔෆිස් එන්න ඕනෙද?.
වර්තමාන රැකියා ස්ථානය පරම්පරා දෙකක දැවැන්ත මතවාදී ගැටුමකට මැදිවී ඇත. එක් පසෙකින් දශක ගණනාවක අත්දැකීම් ඇති, විනය සහ මුහුණට මුහුණ හමුවීම (Face-to-face) අගය කරන සාම්ප්‍රදායික කළමනාකාරිත්වයයි. අනෙක් පසින් තාක්ෂණය සමඟ උපන්, නිදහස සහ ප්‍රතිඵලය (Result) පමණක් අගය කරන Gen Z පරම්පරාවයි.

මුලින් ම අපි මේ කොටස් දෙක ම යමක් දෙස බලන ආකාරය පිලිබද ව පොදු විග්‍රහය්කට එමු.

✔️ මෙහිදී සාම්ප්‍රදායික කළමනාකාරිත්වයේ තර්කය වන්නේ
ඇසට පෙනෙන තැනක සිට වැඩකිරීමයි. පැරණි පරම්පරාවේ බොහෝ කළමනාකරුවන් විශ්වාස කරන්නේ සේවකයෙකු කාර්යාලයේ අසුනක සිටිනු දැකීම පාලනය (Control) සහ විනය තහවුරු කරන බවයි. ඔවුන්ට අනුව,

👉 කණ්ඩායම් හැඟීම (Team Spirit) ගොඩනැගෙන්නේ එකම වහලක් යටදීය.

👉 ක්ෂණික තීරණ ගැනීමට සහ ගැටලු විසඳීමට මුහුණට මුහුණ සාකච්ඡා අත්‍යවශ්‍යයි.

👉 නිවසේ සිට වැඩ කරන විට අවධානය ගිලිහී යා හැකි බව ඔවුන්ගේ බියයි.

✔️ නමුත් මේ අදහසට විරුද්ධවන බොහෝ නව පරම්පරාවේ තර්කය වන්නේ වැඩකිරීමේ නිදහස සහ ඵලදායීතාවයයි. Gen Z පරම්පරාවට අනුව කාර්‍යයක් අවසන් කිරීම සඳහා ස්ථානය (Location) වැදගත් නැත. ඔවුන් පවසන්නේ,

👉 පාරේ වාහන තදබදයට අපතේ යන පැය 3-4 ඉතිරි කරගෙන වඩාත් හොඳින් වැඩ කළ හැකි බවයි.

👉 තාක්ෂණය (Zoom/Slack) පවතින ලෝකයක භෞතිකව පෙනී සිටීම සෝබනයක් වැනි කටයුත්තක් බවයි.

👉 පෞද්ගලික ජීවිතය සහ රැකියාව අතර සමබරතාවය ඔවුන්ගේ ප්‍රමුඛතාවයයි.

එසේ නම් මෙම ගැටුම සමනය කර (Overcome) ජයග්‍රහණය කරන්නේ කෙසේද?

මේ සදහා අපි 50:50 අවස්ථාවක තීරණයක් ගැනීම ඵලදායී විය හැකියි. ඒ සදහා,

🏷️ ප්‍රතිඵලය මත පදනම් වූ කළමනාකරණය

සේවකයා කොතැන සිට වැඩ කළත්, නියමිත ඉලක්කය (KPI) නියමිත වේලාවට සපුරන්නේ නම් ඔහුට නිදහස ලබා දීමට කළමනාකාරිත්වය පියවර ගත යුතුය.

🏷️ Hybrid ආකෘතිය

සතියේ දින 2ක් හෝ 3ක් පමණක් අත්‍යවශ්‍ය සාකච්ඡා සඳහා කාර්යාලයට පැමිණීමටත්, ඉතිරි දිනවල නිවසේ සිට වැඩ කිරීමටත් අවස්ථාව ලබා දීම.

🏷️ සන්නිවේදන පද්ධති ශක්තිමත් කිරීම

කාර්යාලයේ නැතත් වැඩ ප්‍රමාණය නිරීක්ෂණය කළ හැකි මෘදුකාංග පද්ධති හෙවත් Project Management Tools භාවිතා කිරීම මගින් කළමනාකාරිත්වයේ අවිශ්වාසය ඉවත් කළ හැකියි.

🏷️ මනස කළමනාකරණය (Mind Management)

සේවකයින් තුළ ස්වයං විනය ගොඩනැගීමට පුහුණු වැඩසටහන් පැවැත්විය යුතුය. එවිට ඔවුන් අධීක්ෂණයකින් තොරව වුවද උපරිම ඵලදායීතාවය පෙන්වනු ඇත.

ආයතනයක සාර්ථකත්වය රැඳී පවතින්නේ කොතැන සිට වැඩ කරනවාද යන්න මත නොව, "කොතරම් වගකීමකින් වැඩ කරනවාද" යන්න මතයි. පරම්පරා දෙකම එකිනෙකාගේ වටිනාකම් තේරුම් ගෙන නම්‍යශීලී (Flexible) විය යුතුය. අනාගත ව්‍යාපාරික ලෝකය ජය ගන්නේ තාක්ෂණය සහ මානව සබඳතා නිවැරදිව කළමනාකරණය කරන නායකයින් පමණි.

සේවකයින්ගේ කාලය කාර්යක්ෂමව කළමනාකරණය කරමින්, ඔවුන්ව Result-Oriented නායකයින් බවට පත් කරන Modern Leadership & Productivity පුහුණු වැඩසටහන් සඳහා අප අමතන්න.

0710508682

Lakruwan Pallewela
Business Consultant & Corporate Trainer

Lakruwan Pallewela

28/03/2026

28/03/2026

27/03/2026

26/03/2026

26/03/2026

25/03/2026

25/03/2026

24/03/2026

24/03/2026

23/03/2026

22/03/2026

22/03/2026

Address

Telephone

Website

Alerts

Contact The Business

Shortcuts

Share