22/08/2025
🛑☝️☕උදේට නොබීම බැරි කිරි තේ එක මේ විදිහට ගුණවත් කරලා බොන්න...
🔥🌷උදේට කිරි තේ එකක් බොන්නේ නැතුව වෙන වැඩක් කරන්න බැරි තරමටම අපි කිරි තේ වලට හුරුවෙලා. ඇත්තටම ඒක නරක පුරුද්දක් නෙවෙයි. නරක දේ තමයි අපි දියර කිරි වලින් ඉවත් වෙලා වස විස වලින් පිරුන කිරිපිටි වලට ඇබ්බැහි වුන එක. බහුජාතික සමාගම් දියර කිරිවල තියෙන පෝෂණීය කොටස ඉවත් කරගෙන ඒ වෙනුවට DCD, මෙලමයින්, සත්ව තෙල් ආදී දේ එකතු කර ඔබ රෝගී කළහැටි අපි ඔබට පසුගිය කාලයේදී කියලා දුන්නා.
🔥🌷 දිනපතා නැවුම් එළකිරි වීදුරුවක් පානය කළ අපි ටිකෙන් ටික වස විස මුසු කළ පිටිකිරි පානයට ඇබ්බැහි වුන නිසා හන්දියක් හන්දියක් ගානේ ඩිස්පෙන්සරි වැඩි වුනා. එක නගරයක ෆාමසි හත අටක්ම වැටෙන තරමට අපි ලෙඩ්ඩු වුනා. පිටිකිරි අපනයනය කරන රටවල් නැවුම් එළකිරි පානය කරද්දී ඔවුන් විසින් සකසපු පිටිකිරි ටික අපි කිසිම හෙවිල්ලක් බැලිල්ලක් නැතිව ඔහේ බිව්වා. දැන් අපි මේවට අරක්කු සිගරට් කුඩු බොන ගානටම ඇබ්බැහි වෙලා. අපිට එක සැරේ මේවයින් ඈත් වෙන්න බෑ. ඈත්වෙන්න කිව්වොත් විවිධ සංකූලතාවයන් හටගන්නවා. දැන් ඒ රසයට අපි හුරු වෙලා තියෙන නිසා නැවුම් එළකිරි ටිකක් බොනකොට අමුතු රහක් එනවා. නරක දේ හුරු වුනාමත් හොඳ දේ අමුතු වෙනවා කියලා කියනවනේ. දිගටම කසිප්පු බොන කෙනෙක්ට පොල් පලා ටිකක් තම්බලා දෙන්නකෝ බලන්න. ඒක බොන්නෙ නෑ.. අපිටත් උනේ ඔන්න ඔය ටිකමයි.
🔥🌷 අද අපි මේ කියලා දෙන්න යන්නේ කුමන හෝ ක්රමයකට කිරි තේ එකක් බොනවා නම්, ඒක තව චුට්ටක් ශරීරයට ගුණදායක ලෙස හදාගන්න ක්රමයයි. මෙයින් කිරි තේ එක රසවත් වෙනවා විතරක් නෙවෙයි ගුණදායකත් වෙනවා. උදේට මේ කිරි තේ තාමත් බොනවා නම් ඒක මේ විදිහට ටිකක් ගුණදායක කරලා බොන්න. ඒකෙන් හොඳක් මිසක් නරකක් වෙන්නෙ නෑ.
☕🌼 ඉඟුරු ඉස්ම කිරි තේ
•••••••••••••••••••••
ඔබට පුදුමත් හිතෙයි. ප්ලේන්ටියක් බොනකොට විතරනේ අපි ඉඟුරු කෑල්ලක් තලලා දැම්මේ. කිරි තේ එකට ඉඟුරු ඉස්ම රසට තියෙයිද? නමුත් ලෝකයේ බොහෝ රටවල ඖෂධයක් හැටියට ඉඟුරු කිරි බොනවා. ඉන්දියාවේ ඉතාමත් ජනප්රිය මසාලා ටී එකේ ප්රධානම රසකාරකය තමයි ඉඟුරු ඉස්ම. කිරි එක්ක බොන ගමන් ශරීරයේ විස නැති කරගනිමින්, ගැස්ට්රයිටිස් පාලනය කරගනිමින් බඩවැල් වල ඇති තුවාල වලට බෙහෙත් කරගන්න මේ මඟින් පුළුවන්. ඒ වගේම උදෑසන බඩට සනීපයක් දෙන්න පුළුවන්. දවස ගෙවෙන කොට උදරයේ ඇතිවන පිපුම, ගැස්ට්රයිටිස් තත්ත්ව, උදරය නෙරා ඒම, කෑම රුචියයක් නැතිකම, ඇඟට කිසිම පණක් නැතිකම මෙමඟින් මඟහරවා ගන්න පුළුවන්.
කිරි තේ හදන්න තේ කොළ දමන කෝප්පයටම අඟලක පමණ ඉඟුරු කැබැල්ලක් හොඳින් තලා දමා විනාඩියක් පමණ වසා තබන්න. පසුව තේත් සමඟ පෙරා ගන්න. එසේ හදාගන්නා ඉඟුරු කහටින් කිරි තේ හදන්න. ඔබට අදහාගත නොහැකි රසයක් දැනෙයි. ටික දිනකින් තේ එක බිව්වට පස්සේ මොකද්ද ප්රබෝධයක් දැනෙනවා කියලත් හිතෙයි. ඒ ඉඟුරු වල විශ්මිත බලයයි. නිකං තේ එකක් බිව්වත් අඟලක ඉඟුරු කෑල්ලක් තලලා දාන්න අමතක කරන්න එපා. එහෙම ඉඟුරු තලලා දමනකොට පොහොර ගෝනියක් විතර දාලා හදන ගොඩක් මහත මස් පිරුන චයිනීස් ඉඟුරු දමන්න එපා. ගමක පොලකින් සොයාගත් ගොඩක් කෙට්ටු ලංකා ඉඟුරු අලයක්ම සොයාගන්න. වඩාත්ම ගුණයක් ඇත්තේ ඒ ඉඟුරු වලයි.
☕🌼 කරදමුංගු කිරි තේ
••••••••••••••••••••
අද ලෝකයේ ජනප්රියම කිරි තේ එක මෙයයි. මේකට බටහිර රටවල් කියන්නේ කාඩමම් ටී (Cardamom Tea) කියලයි.ඉන්දියාව, පකිස්ථානය, යුරෝපය, ඇෆ්ගනිස්ථානය, ඩුබායි, ජෝර්දාන්, ඉස්ලාමාබාද් වැනි රටවල ඉන්න අයගේ දවස ඇරඹෙන්නේ රසවත් කරදමුංගු තේ එකකින්. එතරම්ම එය රසවත්. ගුණවත්. බොහෝ දෙනෙක් රහසක් ලෙස සඟවාගන්න තරුණ වීමේ රහස් බොහෝමයක් කරදමුංගු කරල සඟවාගෙන සිටිනවා. ගැහැණු අයගේ මෙන්ම පිරිමි අයගේ ද හෝමෝන ක්රියාකාරිත්වය වැඩිකරමින් ලිංගික ශක්තිය දෙගුණ කරමින් සමට මනසට ශරීරයට තරුණ පෙනුමක් දෙන්න කරදමුංගු වලට පුදුමාකාර හැකියාවක් තියෙනවා. නමුත් කරදමුංගු නිකන් කන්න පුළුවන් කුළුබඩුවක් නෙවෙයි. ඒ නිසා එය ශරීරයට එකතුකරගත හැක්කේ මේ ආකාරයේ තේ පානයකින් කියලා අද ලෝකයම දන්නවා.
සිතේ ඇතිවන සාංකාව, පාළුව, කම්මැලිකම, තනිකම නැතිකරන්න කරදමුංගු වලට පුදුමාකාර විශ්මිත හැකියාවක් තිබෙනවා. ඒ නිසා පෙර මෝගල් රජ දවස රජවරුන් පවා උදේ හවා පානය කර ඇත්තේ මේ කරදමුංගු තේ පානයයි. අද මේ කිරි පානය පැකට් වශයෙනුත් ටින් වශයෙනුත් අරාබිය, සිංගප්පූරුව වැනි රටවල අලෙවියට තබා තිබෙනවා.
තේ වලට වතුර උණු කරද්දි එයට තේ කොළ දමන ගමන් හොඳින් තලාගත් කරදමුංගු කරල් 05 ක් (තේ එකක් සඳහා) දමන්න. විනාඩියක් වසා තබා කරදමුංගු සුවඳැති තේ වලින් කිරි තේ එක හදන්න. ඒ රසය කිරි තේ එකක රසයට දිව්යමය රසයක් වගේම සුවඳකුත් එකතු කරනවා. වඩාත්ම වැදගත් දේ ඉන් එකතුකරන දිව්යමය තරුණ බවයි.
☕🌼කුරුඳු රසැති කිරි තේ
•••••••••••••••••••••
සේද මාවත දිගේ වෙළදාමේ ආ පර්ෂියන් වෙළෙන්දන් ඉතාමත්ම වෙළෙන්දන් ඉතාමත්ම නීරෝගීව උන්නා කියලා අතීතය සාක්ෂි දරනවා. ඇෆ්ගනිස්ථානය හා අරාබිය නිජබිම කරගත් මුසෙල්මානු ජාතිකයින් නිරෝගීව සිටීම සඳහා රහසිගත යමක් පානය කරන බවත් බොහෝ දෙනා දැක තිබෙනවා. නමුත් පසු කාලයේදී ඒ රහස ලෝකයට හෙළිවුනා. ඒ තමයි කුරුඳු තේ. ඉතාමත්ම පිරිසිදු කුරුඳු වලින් රස ගැන්වූ තේ කෙනෙකුගේ සම්පුර්ණ ශරීර නිරෝගීතාවය ඇතිකරනවා. සුවතාවය වැඩිකරනවා. හෝමෝන ක්රියාකාරීත්වය උපරිම කරනවා. කොලෙස්ටරෝල් පාලනය කරනවා. දියවැඩියාවෙන් ආරක්ෂා කරනවා.
මේ කුරුඳු තේ ඉක්මන් ආර්තවහරණය (මැදි වයසේදී ඔසප් වීම නැවතීමේ ක්රියාවලිය) ප්රමාද කරනවා. කාන්තාවන්ගේ තරුණ බව ඇතිකරන ඊස්ට්රජන් හෝමෝනය ශ්රාවය කිරීම වැඩිකරනවා. ඒ නිසාම ඇය ලස්සන වෙනවා.
කුරුඳු වල රසය තේ එකකට ගලපන්න පුළුවන් ද කියලා බොහෝ දෙනා සිතනවා. එහෙත් එය කර බලන මෙන් අපි ඔබට ආරාධනා කර සිටිනවා. මෙය ඔප්පු වූ දා සිට ඔබ කුරුඳු තේ අත්නොහැර බොන බව අපිට නම් විශ්වාසයි.
ඉතාම හොඳ තත්වයේ කුරුඳු සොයාගන්න. වෙළඳපොලේ බොහෝවිට ඇත්තේ හොඳ කුරුඳු නොවෙයි. එම නිසා හොඳ තැනකින් පිරිසිදු කුරුඳු සොයාගන්න. තේ වලට වතුර උණු කරන විට එයට අඟල් 02 ක පමණ කුරුඳු කැබැල්ලක් දමන්න. තේ කොළ දමා විනාඩි 02 ක් වසා තබන්න. කුරුඳු රසයෙන් රස ගැන්වූ කහටින් තේ හදන්න. තේ කොළ වල රසය සමඟ කුරුඳු රසය ඉතාමත් හොඳටම යනවා.
කුරුඳු තේ එකක් උදෑසන මෙන්ම උදේ දහයටත්, තුනටත්, රෑ නින්දට පෙරත් බොන එක ඉතාම ගුණදායකයි.
☕🌼ගරම් මසාලා තේ..
•••••••••••••••••••••
මේ ඉන්දියාවේ මෝගල් රජවරුන් පවා පානය කළ රහසිගත තේ පානයක්. බිසෝවරුන් පන්සියයක් තබාගෙන ඔවුන් ශක්තිමත්ව උන්නේ මේ තේ බීලා ද කියලත් හිතෙනවා. පිරිසිදු එළකිරි ගිතෙල් ගරම් මසාලා සහ පිරිසිදු මුදවපු කිරි දිනපතා ආහාරයට ගත් ඔවුන්ට එසේ තරුණ මදයක් තිබීම ස්වාභාවිකයි. ෂෝටීස්, අජිනමොටෝ, සෝස්, ක්ෂණික නූඩ්ල්ස්, සොසේජස්, පාන්පිටි ගිලදාපු අපට අවුරුදු තිස් ගණන් වලදිම ලිංගික අප්රාණිකත්වය පුදුමයක් නොවෙයි.
මේ තේ පානය සාදා ගැනීම සඳහා වතුර කෝප්ප 02 ක් සමඟ තලාගත් කරාබුනැටි කරල් 04 ක්, සාදික්කා ටිකක්, වසාවාසි ටිකක්, තලාගත් කරදමුංගු කරල් 04 ක්, අඟලක කුරුඳු කැබැල්ලක්, සූදුරු තේ හැඳි අරික්කාලක්, වියළි ඉඟුරුපියලි තේ හැඳි 1/2 ක් සහ තේ කොළ තේ හැඳි 02 ක් දමන්න. හොඳින් උතුරවන්න. පසුව විනාඩි 02 ක් කහට ටික වසා තබන්න. පසුව පෙරාගෙන ඒ ගරම් මසාලා තේ වලින් කිරි තේ හදන්න. හොඳම ක්රමය වන්නේ මේ වතුර වෙනුවට කිරි දමා සාදාගැනීමයි. නමුත් අපට කිරිපිටි ඕනම නිසා කහට මුලින්ම හදාගෙන ඒකට පිටි දියකරලා තේ හදාගන්න. හරිම ක්රමය වතුර ගන්නේ නෑ. කිරි කෝප්ප දෙක හමාරකට මේ සියල්ල දමා මද ගින්නේ උතුරුවාගෙන විනාඩි 02 ක් වසා තබා පසුව පෙරාගෙන පානය කරන්න.
මේ ආකාරයට තේ එක ගුණවත්ව රසවත්ව හදාගෙන බොන්න. නිරෝගීව තරුණ පෙනුමට හැමදාම ඉන්න.
🛑☝️ අවවාදයයි
=============
පිටිකිරි වලින් හැකිතාක් දුරස් වන්න. අවශ්යම නම් පමණක් දේශීය පිටිකිරි නිෂ්පාදනයක් භාවිතා කරන්න. නැවුම් එළකිරි වීදුරුවක ඇති ගුණය, රසය, පෝෂණය පිටිකිරි වලින් ලබාගත නොහැකි බව තරයේ සිතට ගන්න. මෙම ලිපිය ඔබව පිටිකිරි භාවිතයට හුරුකරවීම පිණිස නොව එයට අධික ලෙස ඇබ්බැහි වූවන් ක්රමානුකූලව නීරෝගී කර එයින් මුදවා ගැනීම පිණිසයි.
ස්තුතිය හෙළ අරණ පිටුව,.
උපුටා පළ කිරීම සහේලි රත්නායක.
