ඔයාගෙ කවිය / It is your Poem

ඔයාගෙ කවිය / It is your Poem ඔයාට කවියක් ඉල්ලන්න තැනක්.

ගෙයි ගිණි පිටත්පිට ගිණි ගෙටත්යනු එනුවලකනු වස්මැද සිට දැවෙන....සියලුම ධෛර්යය සම්පන්න ගැහැණුන් වෙත,ආදරණීය සුබපැතුම් ❤️
08/03/2024

ගෙයි ගිණි පිටත්
පිට ගිණි ගෙටත්
යනු එනු
වලකනු වස්
මැද සිට දැවෙන....

සියලුම ධෛර්යය සම්පන්න ගැහැණුන් වෙත,
ආදරණීය සුබපැතුම් ❤️

🩶🩶බොහොම වෙහෙසුනදිනක දාහයසයුරු පතුලේගිල්ලවාදැවුනු තැන් ටිකනිවා ගන්නටදියට බැසි සේසූර්යයා නිවෙනු සැනසෙනුපිනිස නුඹ වෙතපුරුද්...
04/03/2024

🩶🩶
බොහොම වෙහෙසුන
දිනක දාහය
සයුරු පතුලේ
ගිල්ලවා

දැවුනු තැන් ටික
නිවා ගන්නට
දියට බැසි සේ
සූර්යයා

නිවෙනු සැනසෙනු
පිනිස නුඹ වෙත
පුරුද්දට සේ
පෑහෙනා

අහිමි හිමියනි
මම නොවෙද නුඹෙ
සසර සරනා
භාර්යයා...

මුදුවකින් හුවමාරු
නොකලට
සපත කර
හදවත් පුරා

සමහරක් තරු
සඳට අවනත
උනත් හිරුටම
පෙම් කලා

රිදෙන රිදවන
තැනින් ඉඳහිට
මිදෙන මොහොතක්
ගැන පතා

දවස අවසන
හිරුට හිමි මල්
සඳට පෙම් බැඳ
මිය ගියා...

💔ලිහුනාට පසු තදින් සබැඳුනුරන් මුදුව ලූ අපේ වෙදැඟිලිතවත් නම් නෑ කවරදාවත්මම නගන්නේ නුඹට මැසිවිලිදෙපා පාමුල බිඳී වැටුනමහීන ...
29/02/2024

💔
ලිහුනාට පසු තදින් සබැඳුනු
රන් මුදුව ලූ අපේ වෙදැඟිලි
තවත් නම් නෑ කවරදාවත්
මම නගන්නේ නුඹට මැසිවිලි

දෙපා පාමුල බිඳී වැටුනම
හීන ලෝකෙක පුංචි කැබිලිති
ඉතිං හිතවත මට පලක් නෑ
අදින් පසුවට නුඹේ සිතිවිලි

අපිට තිබුනා හීන කන්ඳක්
අනාගත අපෙ පැටව් එක්කම
අපේ මාවත පාදා ගත්තෙත්
එකට එක් වී දෙන්නා එක්කම

කුමරු ගෙම්බෙක් උනා දැක්කා
නපුරු මායාවියක් සිම්ඹම
බිඳුණු හදවත වටා සැරහුම්
දමා ගත්තා සින්ඩරෙල්ලාම

යන්න ඈ වෙත ඇයනෙ ඔබගේ
සිතේ ඉන්නා මාධවී
මමත් හිනැහෙමි කඳුලු පිස යලි
සොඳුරු හිතකට හාද වී

දිනක හිතුනොත් නැවත එන්නට
හැරී නොබලන් හිනා වී
නුඹව දැකුමත් එපා හිතවත
නොවෙමි මම නම් කන්නගී 😌

නිවෙනවද රිදුනු තැන් වැටුනාම පපුව උඩදැනෙනවද මගෙ පපුවෙඋඹට හිමිවෙච්ච ඉඩරිදෙනවද අස අසාඅත් වලින් කරන් වටගෙවෙනවද... සිපගනින්හි...
24/02/2024

නිවෙනවද රිදුනු තැන්
වැටුනාම පපුව උඩ
දැනෙනවද මගෙ පපුවෙ
උඹට හිමිවෙච්ච ඉඩ

රිදෙනවද අස අසා
අත් වලින් කරන් වට
ගෙවෙනවද... සිපගනින්
හිටිවනම දෙතොල් පට

හිඳෙනවද... නෑ නෙ බං
දිය පිරුනු සාගරය
මැරෙනවද... ඉඳහිටලා
පෙන්නුවොත් ආදරය 😏😏

කට ඇරිලා නැති නිසාබඩ ළඟින් බොත්තමඋඩම බොත්තම නොදාකමිසයට ලස්සනකමිස අත් නැමුවාමපිලිවෙලත් එක්කමවැලමිටත් පෙනුනාමවැඩියෙන්ම ලස්...
22/02/2024

කට ඇරිලා නැති නිසා
බඩ ළඟින් බොත්තම
උඩම බොත්තම නොදා
කමිසයට ලස්සන

කමිස අත් නැමුවාම
පිලිවෙලත් එක්කම
වැලමිටත් පෙනුනාම
වැඩියෙන්ම ලස්සන

එහෙ මෙහෙ වෙලා කෙස්
දහදියත් එක්කම
පුංචි අවුලක් එක්ක
කොණ්ඩෙ නම් ලස්සන

එබීගෙන ඉන්නකොට
සුදුත් කලු එක්කම
රැවුල් මූනට තමයි
පිරිමි හරි ලස්සන

විටින් විට ගැහැනු ඇස්
ඇදුනාට පස්සෙම
මායිම් නොකරනා
උජාරුව ලස්සන

නුඹටත් හොරෙන් මං
නුඹේ හැඩ විස්තර
බල බලා ඉද්දි නුඹ
හැරී බැලු ලස්සන

කල්පයක් කල් දුටුව
හීනයක විස්තර
ඇස් මානෙ මැවුනා වගෙ
තිගැස්සුන ලස්සන

හීනි දිග ඇස් වලින්
මගේ ඇස් දැක්කම
ඔය ඇස්වලින් මා
උරාගත් ලස්සන

කට කොනින් වෙන අයට
හිනාවක් දුන්නට
මට හිනා දෙන්නැතිව
බලා උන් ලස්සන

වෙනත් මොනවා උනත්
නුඹේ වග විස්තර
මටත් නොදැනිම මමත්
නැවතිච්ච ලස්සන

නුඹ මගේ උනෝතින්
මුලු දවස තිස්සෙම
නුඹව රැකගන්න වෙයි
එතරම්ම ලස්සන 🖤

තනිපංගලමට හුරු උනපුංචි කන්දක මුදුනක වැඩිය ලොකු නැතිසුදු තින්ත ගෑ ගෙදරකහඳෙන් කාලක් සහතරු ටිකක් ඇති රැයකටඅඩවල් කරන් කවුළු ...
18/02/2024

තනිපංගලමට හුරු උන
පුංචි කන්දක මුදුනක
වැඩිය ලොකු නැති
සුදු තින්ත ගෑ ගෙදරක
හඳෙන් කාලක් සහ
තරු ටිකක් ඇති රැයකට
අඩවල් කරන්
කවුළු පියනක් හෙමිහිට
අඳුර බිඳි පහන
මා වෙද්දි ඒ ගෙ'තුලට

මුලු ලෝකෙන්ම
අභිනික්මන් වෙච්ච එක දවසක
ඩේටා වයිෆයි
නොඑන එක් තනි රැයකට
උණුසුමෙන් පිරි
හයිය දෑතක් මා වටකොට
හිසත් සිඹ සිඹ
ගැඹුරු හඬකින් කවි කියද්දී මට
දෙගිඩියාවක් නැත.. අදහමි
මම නම් ආදරේ කියන්නෙම ඒකට ❤️

🖤ඔලුව දොස් කියද්දිත්පපුවෙ දොර ඇරියා නම්ලේ නහර වල පවාඉඩක් දී තියෙයි නම්හුස්ම ගැන කියද්දිත්සිහිවෙන්නෙ එයා නම්සැකයක් නැතිව ...
17/02/2024

🖤

ඔලුව දොස් කියද්දිත්
පපුවෙ දොර ඇරියා නම්

ලේ නහර වල පවා
ඉඩක් දී තියෙයි නම්

හුස්ම ගැන කියද්දිත්
සිහිවෙන්නෙ එයා නම්

සැකයක් නැතිව ඒ
ආදරය තමයි බං 🩶

🥰බරම බර හාදුවක්මගේ නලලත තියාතව වරක් දෙතොල් පෙතිහෙමින් යන්තම් තෙමාකෙහෙරැලිති පොඩි නොකරහිස සෙමින් අත ගගාලේ පිරුනු රතුපාටකන...
15/02/2024

🥰

බරම බර හාදුවක්
මගේ නලලත තියා
තව වරක් දෙතොල් පෙති
හෙමින් යන්තම් තෙමා
කෙහෙරැලිති පොඩි නොකර
හිස සෙමින් අත ගගා
ලේ පිරුනු රතුපාට
කන්පෙත්ත කිතිකවා

කලු පාට කමිසයක
උඩම බොත්තම නොදා
මටම විතරක් ඇරුනු
පපුවෙ මගෙ හිස තබා
මතු දිනෙක මියෙන තුරු
මගෙම විතරයි කියා
ආදරේ දිග පලල
කියලා දුන්නෙත් ඔයා

තව දිනක හමුවන්න
අද වෙන්ව යමු කියා
තව වරක් අතින් ඇද
කොහොම යන්නද අසා
ඇස් අස්සෙ එබීගෙන
ආදරේ සොය සොයා
මං ආස ඒ මොහොතෙ
බැලුව විදියට ඔයා

තනිවම කලත් සුළඟේ හැපි හැපි වාදවෙරළ ළඟදි දණ නමනවාපණ්ඩිත මූදලෝකය එක්ක කලමුත් නෙක සංවාදනුඹෙ එක බැල්මකට වුවඅවනත වෙමි මා දවිය...
13/02/2024

තනිවම කලත් සුළඟේ
හැපි හැපි වාද
වෙරළ ළඟදි දණ නමනවා
පණ්ඩිත මූද
ලෝකය එක්ක කලමුත්
නෙක සංවාද
නුඹෙ එක බැල්මකට වුව
අවනත වෙමි මා ද

වියරුව ගිලින මහ නැව් හා
තව දේ ද
මුහුදක්, වෙරළ මත අතුරනවා
මුදු සේද
මහ වීරියෙන් ලෝකෙට
කරමින් නාද
නුඹ ළඟ සිනිඳු වෙමි එය
'ප්‍රේමය' නේද ❤️

අහස මැද්දටසඳක් නාවමතරුත් ඉන්නේ පාලුවෙන්පිපුනු මලකටබඹරු නාවමසුලඟ හැමුවෙත්ශෝකයෙන්ටිකක් නුඹ ලඟඉන්න ආයෙමඉඩක් ලැබුනොත්ආදරෙන්එ...
10/02/2024

අහස මැද්දට
සඳක් නාවම
තරුත් ඉන්නේ
පාලුවෙන්

පිපුනු මලකට
බඹරු නාවම
සුලඟ හැමුවෙත්
ශෝකයෙන්

ටිකක් නුඹ ලඟ
ඉන්න ආයෙම
ඉඩක් ලැබුනොත්
ආදරෙන්

එදා වාගෙම
කොපුල් රතුවෙන
හින්දා නොම ඉඳ
කෝලයෙන්

නොගෙන අවසර
නැතිව කලබල
තෙමමි තොල්පෙති
හාදුවෙන් ❤️

අවසාන වූ නමුදුමල් පිපෙන වාරයසමහරක් තැන් තිබේපූදිනා ආලයමායිම් කල යුතුදඉන් මනත ලෝකයසුන්දරම තැන් අහිමිවෙන එකයි රීතියබර වැඩි...
08/02/2024

අවසාන වූ නමුදු
මල් පිපෙන වාරය
සමහරක් තැන් තිබේ
පූදිනා ආලය
මායිම් කල යුතුද
ඉන් මනත ලෝකය
සුන්දරම තැන් අහිමි
වෙන එකයි රීතිය

බර වැඩියි තමයි හිත
සම්මතය බිඳීමෙන්
ඒත් යලි ඉපදුනේ
නුඹව මුණගැසීමෙන්
දැන් ඉතිං වෙද පලක්
හරි වැරදි සෙවීමෙන්
මඟහැරලා යා හැකිද
සංසාර බැඳීමෙන්

නෙලාගන්නම නොපිපි
මලක් වූ නිසාවෙන්
සලකුණක් වත් නැතිව
සිපගන්න දනියි දැන්
රාවණා ළඟ දැනුන
විසල් වූ සෙනෙහසින්
සියපතක් සේ පිපෙන
සීතාව වෙමී මං ❤️

Address

Colombo

Telephone

+94719605246

Website

Alerts

Be the first to know and let us send you an email when ඔයාගෙ කවිය / It is your Poem posts news and promotions. Your email address will not be used for any other purpose, and you can unsubscribe at any time.

Shortcuts

Share

Category