02/12/2022
විස්මිත සුවදෙන මුරුංගා
මුරුංගා එළවළු අතරින් විශිෂ්ටතම එළවළුව වශයෙන් හැඳින්විය හැකිය. මන්ද ලොව ඇති කැල්සියම් බහුල ආහාරයකි.රෝගාබාධ තුන්සීයකින් ඔබව ආරක්ෂා කරයි ආතරයිටිස් ඇතුළු අස්ථි සන්ධි සම්බන්ද රෝග දියවැඩියාව අධි රුධිර පීඩනය කොලෙස්ටරෝල් ආර්තව ගැටළු සඳහා ද වඩාත් උචිත වේ.ලිංගික ශක්තිය ඇති කර සරුබව වැඩි කරයි බුද්ධිය වර්ධනය කරයි. මුරුංගා එපමණට ම පෝෂ්යදායි ආහාරයක් වන නිසාය. කිසිම කෘෂි රසායනිකයක් එකතු නොකර, ස්වාභාවිකව වැවෙන මුරුංගා ගසේ කරල් පමණක් නොව මල්, පත්ර පවා ආහාරයට ගනු ලබන අතර ඒ සියල්ලම අතිශයින් ගුණදායක බව තහවුරු වී ඇත.
මුරුංගාවල ඇමයිනෝ අම්ල සියල්ලම පාහේ අඩංගුය. මුරුංගා කරල්වල අඩංගු ඇමයිනෝ අම්ලය 20% - 30% අතර ප්රමාණයකි. මුරුංගාවල අඩංගු ෆ්ලේවොනොයිඩ්ස් (Flavonoids), ෆිෙනාලික් අම්ලය (Phenolic Acids), ඔමෙගා අම්ලය (Omega Acid) වැනි සංඝටක රාශියක් අඩංගුය.
එබැවින් මුරුංගාවල ප්රතිඔක්සිකාරක ගුණය ඉතා ඉහළය. අනෙක් වැදගත් කාරණය වනුයේ ශරීරයේ ඇති ප්රතිඔක්සිකාරක එන්සයිම වන සුපර්ඔක්සයිඩ් ඩිස්මියුටේස් (Superoxide Dismutese) ග්ලුටතයෝන් පෙරොක්සිඩේස් (Glutathione Peroxydase) ග්ලුටතයෝන් රිඩක්ටේස් (Glutathione Reductase) සහ කැටලෙස් (Catalase) සක්රිය කිරීමේ හැකියාව මුරුංගා සතු වීමයි. මේ නිසා මුරුංගාවල ප්රතිඔක්සිකාරක ගුණ වැඩි වේ.
මුරුංගාවල ඇති ගුණ
පිළිකා නාශක ගුණ ඉතා ඉහළ ය. විශේෂයෙන් මුරුංගා මොළයට විසරණය වන නිසා මොළයේ පිළිකා මර්දනයට හැකියාව ඇත.
බැක්ටීරියා නාශක, දිලීර නාශක සහ වෛරස් මර්දන හැකියාව ඇත.
හෘදය වස්තුව ආරක්ෂා කරයි.
කොලෙස්ටරෝල් පාලනය කරයි.
උණ අඩු කරයි.
තුවාල සනීප කරයි.
වලිප්පුව වළක්වයි.
අග්න්යාශයේ ඉන්සියුලින් ශ්රාවය උත්තේජනය කිරීමෙන් දියවැඩියාව පාලනය කරයි.
මව්කිරි ස්රාවය වර්ධනය කිරීමේ හැකියාවක් ඇත.
විටමින් A මුරුංගාවල බහුලව අඩංගු බැවින් ඇස්, සම, හිසකෙස් සහ ශරීරයේ අපිච්ඡද පටක, ස්රාවීය ග්රන්ථි, නිර්නාල ග්රන්ථි නිරෝගීව තබා ගැනීමට උපකාරි වේ.
මුරුංගා කොළවල පෝෂණ සාන්ද්රණය ඉතා වැඩිය.
මුරුංගා කොළවලට ශරීරයේ විෂ ඉවත් කිරීමේ හැකියාව ඇත.
ඇදුම සහ සෙම වැළැක්වීමේ විශේෂ හැකියාව පවතී.
මුරුංගා කොළ තයිරොයිඩ් ග්රන්ථියේ රෝගවලට මනා ඖෂධයකි.
මුරුංගාවල අඩංගු කැල්සියම් ප්රමාණය ඉතා ඉහළ බැවින් අස්ථි වර්ධනය කිරීමේ හැකියාව ඇත.
මුරුංගාවල අඩංගු යකඩ ප්රමාණය ඉතා ඉහළ බැවින් රුධිරයේ හිමොග්ලොබින් වර්ධනය කරයි.
මුරුංගා ඇටවල ටෝකොෆෙරෝල් වර්ග 3 ක්, එනම් විටමින් E ප්රමාණය අධිකව සංයෝග වී ඇති බැවින් විටමින් E වලින් ලැබෙන ගුණ ඉහළින් ම ලැබෙනු ඇත.
මුරුංගා ඇට මඟින් අක්මාවේ ෆයිබ්රෝසිස් තත්වය වළක්වයි.
මුරුංගාවල ඇති ඩයියුරසිස් ගුණය නිසා වකුගඩු ආරක්ෂා වේ.
මුරුංගා පොතුවල ඇස් සුව කිරීමේ සහ ස්නායු දුර්වලතා වැළැක්වීමේ ගුණ ඇත.
