11/03/2026
ගැසට් කර ඇති නවතම දේශීය ආදායම් සංශෝධන පනත් කෙටුම්පතට අනුව, අප්රේල් මස සිට බොහෝ අත්යවශ්ය කාර්යයන් (සේවාවන්) රැසක් සඳහා TIN (Taxpayer Identification Number) සහතිකය ඉදිරිපත් කිරීම අනිවාර්ය කර ඇත.
එම අත්යවශ්ය කාර්යයන් (සේවාවන්) සිදු කිරීමට ඔබගේ TIN අංකය අදාළ නිළධාරීවරයාට යොමු කළ යුතුය. පනතේ සඳහන් ආකාරයට එම කාර්යයන් (සේවාවන්) සහ ඊට අදාළ වන නිළධාරීවරයා සම්බන්ධ තොරතුරු පහත දැක්වේ.
01. ඕනෑම මූල්ය ආයතනයක ගිණුමක් විවෘත කිරීමේදී - මූල්ය ආයතනයේ කළමනාකරු (අදාළ නිළධාරීවරයා)
02. ගොඩනැගිලි සැලැස්මක් සඳහා අනුමැතිය ලබාගැනීමේ දී - පලාත් පාළන ආයතනයේ සභාපතිවරයා, බලාත්මක කිරීමේ අධ්යක්ෂවරයා හෝ කොමසාරිස්වරයා (අදාළ නිළධාරීවරයා)
03. මෝටර් වාහනයක් ලියාපදිංචි කිරීමේදී - මෝටර් රථ ප්රවාහන කොමසාරිස් ජෙනරාල්වරයා (අදාළ නිළධාරීවරයා)
04. මෝටර් වාහනයක බලප්රත අලුත් කිරීමේදී - පළාත් ආදායම් කොමසාරිස්වරයා හෝ ප්රාදේශීය ලේකම්වරයා (අදාළ නිළධාරීවරයා)
05. ඉඩමක් හෝ ඉඩමක හිමිකමක් ලියාපදිංචි කිරීමේදී - රෙජිට්රාර් ජෙනරාල් දෙපාර්තමේන්තුවේ රෙජිට්රාර් ජෙනරාල්වරයා (අදාළ නිළධාරීවරයා)
06. ව්යාපාරයක් ලියාපංදිචි කිරීමේදී - ප්රාදේශීය ලේකම්වරයා (අදාළ නිළධාරීවරයා)
07. පැවරුම්ලාභියෙකු සහ පැවරුම්කරුවෙකු ශ්රී ලංකාවේ සංස්ථාපිත සමාගමක කොටස් පැවරීමේ දී - සමාගම් රෙජිට්රාර් ජෙනරාල්වරයා (අදාළ නිළධාරීවරයා)
08. ණය කාඩ්පතක් ලබා ගැනීමේදී - බැංකුවේ හෝ ණය කාඩ්පත් නිකුත් කරන අස්ථිත්වයේ කළමනාකරු (අදාළ නිළධාරීවරයා)
මෙම නව ක්රමය මඟින් බදු ගෙවීම් පද්ධතිය තවත් විධිමත් කිරීම සහ බදු අනුකූලතාව වැඩි කිරීම රජයේ අරමුණ වී ඇත.
වැඩිදුර විස්තර සඳහා:
☎️ Hotline: 077 744 0265
📞 WhatsApp: 077 744 0265
