AW Consultants

28/11/2024

https://www.facebook.com/share/p/18ofZJUpMz/

Facebook Ads Results ඇත්තටම අඩු වෙලාද?

ටික කාලෙක ඉංදන් Facebook ads campaign run කෙනෙක්ට මේ වෙද්දි වෙනදට වඩා Ads වල Results වල අඩුවකුයි Costs වැඩි වීමකුයි අසාමන්‍යය විදියට පෙන්නන්න පුලුවන්. ඒකට ප්‍රදාන විදියටම බලපාන කාරණා 5කුයි. මේ Challenge එකට විසදුමක් විදියට අපිට කරන්න පුලුවන් දේවල් කිහිපයක් ගැනයි පොඩියට කියලා යන්නම්.

ඇත්තටම මං මේ කියන්නේ 2020 ඉංදලා මේ වෙද්දි Run කරපු ඇඩ්ස් වල වෙච්ච Changes and Challenges වලින් මං Learn කරපු දේවල් වලින්. මට කලින් කරපු campaign වලට වඩා දැන් campaign වල අඩු වෙන්න ප්‍රදාන හේතු විදියට මං දකින්නේ මෙන්න මේ කාරණා 5.

1)Competitive: ඉස්සරට වඩා ගොඩක් බිස්නස් දැන් Online Advertising පාවිච්චි කරනවා. ඒක නිසා හැම වෙලේම ඔයාට ඔයාගේ Competitorට කලින් ඔයාගේ Ad එක Pop Up කරගන්නම වෙනවා. ඒක නිසා ඔයා මොකක් කරන්න පටන් ගන්නත් කලින් ඔයාගේ මේ Competitorsලා මොකද කරන්නේ කියන එක ගැන දැන ගන්න හොද competitor analysis එකක් කර ගැනීම යහපතකී!

2)Consumer Behaviors: මේක නම් ඔයාට ලංකාව ඇතුලේ බිස්නස් එකක් කරන කෙනෙක් නම් තමා උපමා කරලා ලේසියෙන්ම අදුරගන්න පුලුවන්….ඔයා ඉස්සර කොහොමද online shopping එක්ක Engage වුණ විදියයි දැන් කොහොමද ඔයාගේ purchasing power එක ගැන. එහෙම දෙයක් ගන්න කලින් ඉස්සරට වඩා කොච්චර දේවල් බලනවද කියලා හිතුවම ඒහ් touch points ටික cover වෙන්න campaign plan කරගන්න පුලුවන් ( තලගොයෙක් දැක්කත් ලාභයිනේ කියලා ඕර්ඩර් කරන ඔයාලට නම් මේක අදාල නෑ. ඔයාල අපේ සම්පත් ලමයෝ )

3)Targeting Issues: ඔයාගේ Audience Size එක Too Broad and Too narrow වෙද්දිත් ඔයාගේ campaign එක fail වෙන්න පුලුවන්. ඒක නිසා හරියටම ඔයාගේ campaign segmentations ටික කරගන්න එක සහ ඒවගේ cost එක ගැන හරි අවදානෙන් සිටීම යහපතකී!

4)Budget: ඔයාටත් පාඩුවක් නොවෙන්න FB එකටත් campaign learning එක ලේසි වෙන්න කොච්චරක්ද ඔයා දාන්න ඕනේ කියන එක ගැන ඔයාට හරිම clear idea එකක් තියෙන්න ඕන. ඔයා කොතනදිද budget වැඩි කරන්න ඕනේ අඩ කරන්න ඕනේ කියන එක ගැනත් හොදටම අවබෝදයෙන් ඉන්නම ඕනේ!

5)Platform Technical Changes: මේ හැම platform එකක්ම technically සැහෙන්න ඉක්මනට වෙනස් වෙනවා පහසු වෙනවා. ඒක නිසා ඒ update හැම එකක් ගැනම update වෙලා ඉන්න එක ඔයාගේ මුදලත් කාලයත් දෙකම ඉතුරු කරලා දෙන්න වග බලා ගන්නවා!

ඔන්න ඔය ටික නිසා ගොඩක් වෙලාවට ඔයාගේ campaign එහෙ වෙන්න පුලුවන්. ඉතින් ඔය ටිකට විසදුම් ගන්න වෙන්නෙත් ඔය ටිකෙන්ම තමා.. මේ ඔක්කොටම පොදු විදියට අපිට පාවිච්චි කරන්න පුලුවන් හොදම විසදුම තමා අපි පාවිච්චි කරන Creatives. මමයි තව advertisersla ටික දෙනෙක් ඇරෙන්න Ads බලන්නම Facebook use කරන අය සැහෙන්න අඩුයි! මොකද අපි ස්වභාවිකවම කාගෙවත් ඇඩ් පාරකදිවත් බලන්න කැමති නෑ. හැබැයි අපිට වැඩක් තියෙන ඇඩ් එකක් නම් බැලුවත් අවුලක් නෑ. ඉතින් මේ ඇඩ් එකේ Creativity එක හරියටම Plan කරලා Design කර ගන්න එක හරිම වැදගත්. සමහර වෙලාවට මට හම්බෙලා තියෙනවා Ad Budget එක විදියට ලක්ෂ ගණන් දාන්න පුලුවන් ඒත් පෝස්ට් එක හදාගන්න LKR 2500+ වෙයි කිව්වම එච්චර යනවද අහන අය. ඇත්තටම අපි වැඩිපුරම Invest කරන්න ඕනි මේ Creatives වලට. එතකොට හැබැයි මම කියන්නේ නෑ TV Commerical එකකට වගේ වියදම් කරගෙන Creatives හදා ගන්න ඕනේ කියලා. හැබැයි අපි website එකක් නැතිව Msg Objective කරලා කරන් යන campaign වල ඔයාගේ Audience එකේ Attention to Action Engage කර ගන්න ඕනි නම් ඔයාට ඔයාගේ Creatives හොද Core එකකට හදා ගන්නම වෙනවා.

මෙතනින් පස්සේ ඔයාට ආයේ පුරුදු විදියටම් මං කලින් පාරක් දාපු “$10 ඇතිද “ පෝස්ට් එකේ ක්‍රියා පිලිවෙල සමග අතිශය ප්‍රතම වතාවට වුවද වෙනසක් කර ගන්න පුලුවන්! උදාරයි උදාරයි නේද? ඒ පෝස්ට් එක පලවෙනි Comment එකේ…! මීට වඩා දැම්මට කියවන්නේ නැති නිසා මේ ඇති මීට වඩා දැන ගන්න මොනවා හරි තියෙනවා නම් personally මට reach වෙන්න. පොඩි පොඩි දේවල් නම් අවුලක් නෑ ටිකක් ලොකු දේවල් ටිකක් නම් කතා කරන්න තියෙන්නේ ඔයාටත් පාඩුවක් නැති මටත් පාඩුවක් නැති ක්‍රියා පිලිවෙතක් අනුගමනය කරන්නම වෙයි!! එහෙම නම් ජය!!

මොනවා හරි insight එකක් හම්බුනා නම් උදාරයි උදාර්‍යි කියලා Share කරන්න යාලුවේ ❤

17/10/2024

💰 Bank Loan එකක් Apply කරන්න Business Registration එකක් විතරක් තිබීම ප්‍රමාණවත් ද? ඇත්ත වශයෙන්ම එහෙම බැහැ. 🚫

Business Plan එකක් හදද්දී මොනවද බලන්න ඕනෙ.. ?

බැංකුවකින් Business Loan එකක් ගන්නනම් , මූලිකව බැංකුව විසින් ඔබ ව්‍යාපාර කරන කෙනෙක් කියලා හදුනා ගන්න ඕනි. බැංකුවට ඔබ ව්‍යාපාරිකයෙක් කියලා ඒත්තු ගන්වන්න තරම් සාක්ශි ඔයා සතු වෙන්න ඕනි. කෙටියෙන්ම තමන් ව්‍යාපාරිකයෙක් කියලා Confidence එකක් තමන්ට බැංකුව ඉදිරියේදී පෙන්නවන්න ඕනි. Loan එක අරන් ඒක ගෙවන්න තරම් ආදායමක් ලැබෙන බවට ඔප්පු කරන්න ඕනි.

කොහොමද මේවා කරන්නේ ? 🤔

✔️ මුලින්ම Business එක Register කරගන්න. ඊට අදාල බදු හදුනා ගැනීමේ අංක (TIN), නිල මුද්‍රා සහ අනෙකුත් මූලික ලියකියවිලි ටික හදා ගන්න.

✔️ ඔයාට හොදයි කියලා හිතන බලපත්‍ර ලාභී වාණිජ බැංකුවක Business Current Account එකක්, Business Savings Account එකක් , ආනයන අපනයන පැත්ත Target කරනවනම් Business Foreign Currency Account (BFCA) එකකුත් පටන් ගන්න.

✔️ බොහෝ වෙලාවට අලුත්ම Business එකකට Bank Loan එකක් දෙන සම්භාවිතාව අඩුයි. ඒක නිසා තමන්ගේ අතේ ඇති මුදලින් ඔබගේ ව්‍යාපාරික අදහසට අනුව මූලිකවම අදාලා භාණ්ඩය හෝ සේවාව නිර්මාණය කරගන්න වෙනවා.

✔️ අවම මාස 18 ක්වත් ව්‍යාපාරයට අදාල ගනුදෙනු බැංකු ගිණුම හරහා කරලා තියෙන එක හොදයි. එහිදී දැනට යම්කිසි ආදායමක් ඔබ ව්‍යාපාරය හරහා උත්පාදනය වෙනවා නම් ඔබට ගොඩක් වාසි දායකයි.

✔️ ඔබේ ව්‍යාපාරය පැහැදිලි දැක්ම හා මෙහෙවර . ඒ වගේම ව්‍යාපාර වටිනාකම් පිලිබදව පැහැදිලිව නිශ්චය කොට ප්‍රකාශණයන් සකසා ගන්න ඕනි.

✔️ මෙහිදී ඔබගේ වැඩිදියුණු කිරීමට සිතා සිටින ව්‍යාපාර අදහස පැහැදිලිව තියෙන්න ඕනි. භාණ්ඩයක් වෙළදපලට ඉදිරිපත් කිරීමට හිතන් ඉන්නවනම් ඒකේ සාම්පල් එකක් හෝ මූලික ආකෘතියකින් නිර්මාණය කරගන්න ඕනි.

✔️ හොද වෙළදපල අධ්‍යනයක් කරගෙන තියෙන්න ඕනි. තමන් වෙළදපලට නිශ්පාදනය කරන්නෙ ඇයි? මේ නිශ්පාදනය විසින් වෙළදපල විසදන ගැටලුව මොකද්ද ?ඇයි පාරිභෝගිකයා ඔබගේ නිශ්පාදනය මිලදි ගන්නෙ කියන ටික පැහැදිලිව සදහන් කරගන්න ඕනි.

✔️ හොද අලෙවිකරණ සැලැස්මක් තියෙන්න ඕනි. තමන්ගේ අපේක්ෂිත ගැනුම්කරුවා මොන වගේද කියලා විවිධ පැති වලින් හිතලා නිශ්චය කරගන්න ඕනි. ඔවුන් වෙත ලගා වෙන්නෙ කුමන මාධ්‍යකින්ද, ඔවුන්ගේ අවධානය ඔබේ නිශ්පාදනය වෙත ලගා කරගන්න උපක්‍රම මොනවද කියලා හදුනා ගන්න ඕනි.

✔️ ඊට පස්සෙ මේ වැඩේ කරන්න හොද ටීම් එකක් තමන් එක්ක ඉන්න ඕනි. ඒ අය කවුද?එයාලගෙ අත් දැකීම් , සුදුසුකම් වැඩි වන තරමට හොදයි.

✔️ මූල්‍ය පුරෝකතනය - සම්පුර්ණ කාර්‍යය සදහා යන අය- වැය , අපේක්ෂිත ආදායම් වියදම්, වත්කම් , වගකීම් හිමිකම් නියමිත් ආකෘතියකින් සපයන්න ඕනි.
ඊට අමතර බැංකුවේ ලෝන් එක ගෙවන විදිය පුරෝකතනය කරලා තියෙන්න ඕනි.

🏃 දැන් මේ ඔක්කොම ටික Business Plan එකක් විදියට Document කරගන්න ඕනි. ඒ වගේ බැංකුවේ ණය අංශය ඉස්සරහ ඒ කරුණු ටික තමන්ට තනියෙන් Pitch කරන්න පුලුවන් වෙන්න ඕනි.

ඊට අමතරව තමන් පහුගිය ටිකේ කරපු ව්‍යාපාරික ගනුදෙනු නියමිත ආකෘතියට Accounting කරලා Audit ටික හරියට කරලා Tax Return File කරලා රජයේ පැත්තෙන් හරියට Clear කරලා තියේනම් බය නැතිව Business Loan එකක් ගන්න Face කරන්න පුලුවන්.

බැංකුව කොහොමත් Loan එක දෙන්න කලින් Business Plan එක සහ ඔයාගේ Business Confidence එක Review කරනවා. මේ Review එකේදි එයාලගේ Cutoff Score එක පැන්නොත් විතරයි Loan එක Approve වෙන්නේ.

31/12/2021

කට්ටිය LinkedIn වලට බැහැලා Professional වෙමුද? අනිවරෙන් කියවන්න!
ඔයාලා හැමකෙනෙක්ම LinkedIn ගැන අනිවාර්යයෙන්ම අහල ඇති. එත් ඇත්තටම ඒකෙ ප්‍රයෝජනය ඔයා ගන්නවද? නැත්නම්, අපි ඒ ගැන ටිකක් හොයල බලමු.

LinkedIn කියන්නේ මොකක්ද?

LinkedIn කියන්නේ රැකියා කරන වෘතිමය හා ව්‍යාපාරික අරමුණු සහිත සමාජ ජාලයක්. රටවල් 200ක මිලියන 500 කටත් වඩා සාමාජිකයින් LinkedIn වල ඉන්නවා. LinkedIn වල මුලික අරමුණ වෙන්නේ කිසියම් කෙනෙක්ගේ වෘත්තීයමය වටිනාකම හැමෝටම පෙන්වන්නයි. ඒවගේම Facebook, Instagram වල නැති විශාල වාසි රැසක් LinkedIn තුලින් ලබාගන්න පුළුවන්. අද වෙනකොට Job Interview එකකදී කෙනෙක්ගේ CV එකට කලින් LinkedIn Profile එක බලන තැනට LinkedIn කියන Platform එක වැදගත් වෙලා තියෙනවා.

මොන හේතු නිසාද LinkedIn එක වැදගත් වෙන්නේ ?

ඔයාගේ සුදුසුකම් වලට හරියන රැකියා අවස්ථා
LinkedIn වල ගොඩක් Job Vacancies තියෙනවා. ඔයා ඒ Job Qualifications වලට ගැලපෙනවානම් ලේසියෙන්ම අයදුම් කරන්න පුළුවන්. ඒවගේම ජොබ් වලට hire කරන්නත් ගොඩක් අය LinkedIn use කරන්න පෙලබිලා ඉන්නවා. මේ නිසා හැමදාම LinkedIn එකට නිසා අලුත් job vacancies update වෙනවා.

Professional like-minded Groups
LinkedIn වල ගොඩක් groups තියෙනවා. ඔයාටත් ඔයාගේ Field එකට ගැලපෙන group එකකට join වෙලා ඔයාට ගැලපෙන Freindsලා හොයාගන්නත්, ඔයාට තියෙන ප්‍රශ්න, ගැටළු වලට විසදුම් හොයාගන්නත් පුළුවන්.

Networking
LinkedIn Free forums වලට ඔයාටත් join වෙන්න පුළුවන්. මේ වගේ දේවල් වලින් ඔයාගේ Catogory එකට අදාල අයව Follow කරන්න, Chat කරන්න, අලුත් opportunities වලට join වෙන්න ඉඩකඩ තියෙනවා. ගොඩක් හොද Linkedin Profile එකක් maintain කරනවා කියන්නේ බලන ඕනෑම කෙනෙකුට ගොඩක් හොද First Impression එකක් දෙන දෙයක්.

LinkedIn Learning
LinkedIn හරහා ඔයාට පුළුවන් එක එක විෂයන් ගෙන Online ඉගෙන ගන්න. මේකෙදි ඔයාලට course complete කරාම ඔයාට certificate එකක් පවා හම්බෙනවා. මේකත් ඉගෙන ගන්න අයටත් ලොකු වාසියක්.

මේ වගේ වාසි ගොඩක් තියෙන LinkedIn Profile එකක් ඔයාටත් නැත්නම් අනිවරෙන් එකක් හදාගන්න. අනාගතයේදී CV නැතිවෙලා LinkedIn Profile එක විතරක් බලන තැනට පත් වෙන්නත් පුළුවන්. ඒ නිසා දැන්ම එකක් හදාගෙන ඉන්න එක හැමෝටම වැදගත් වෙනවා. හදාගෙන විතරක් මදි එක Update කරන්න ඔයා ගත්ත උසස්වීම්, ඔයා කරපු අධ්‍යයන සුදුසුකම් සැම දේම දන්න.

දන්න දන්න යාලුවොන්ටත් මේ ගෙන දැනගන්න Share කරන්න!! මේ වගේ Apps ගෙන, රටේ ලෝකේ Cyber, Tech වගේ Topics ගැන දැනගන්න කැමතිනං ඔයාලත් සයිබර් Talk අපිව Follow කරලා තියාගන්න!!

31/12/2021

චෙක්පත් ගැන දැන ගනිමු.
Cheques

× චෙක්පත් හැදින්වීම
× චෙක්පත් වර්ග
ධාරක චෙක්පත්
විධාන චෙක්පත්
× චෙක්පත් රේඛණය
සාමාන්‍ය රේඛණය
විශේෂ රේඛණය
× චෙක්පත පිටසන් කිරීම
× චෙක්පත් පිටසන් කරන අවස්ථා
× පිටසන් වර්ග
හිස් පිටසන
සීමාකාරී පිටසන
විශේෂ පිටසන
කොන්දේසි පිටසන
× චෙක්පත අගරු වීම
× චෙක්පත අගරු වන අවස්ථා

වැඩිදුර අධ්‍යනය සඳහා පිවිසෙන්න
https://www.facebook.com/952839964803725/posts/4773306602757023/

31/12/2021

ව්‍යාපාර වල නියැලෙන හා මූල්‍ය අංශයේ රැකියා කරන ඔබ සඳහා වගේම උසස් පෙල ලියන පාසල් ළමුන් සඳහා සුවිශේෂයි..

#චෙක්පත් රේඛනය

පලමුවෙනි කොටසින් චෙක්පතක් කියන්නේ මොකක්ද කියලා වගේම චෙක්පතක මූලික කොටස් මොනවද කියලා මම සටහන් කලානේ. අද ලිපියෙන් චෙක්පත් රේඛණයන් ගැන හා වලංගු කාල සීමාවන් ගැන විස්තර කරන්න තමයි හදන්නේ.

සාමාන්‍ය විදිහට චෙක්පතක් ලිව්වා නම් ලිව්ව දිනයත් ඇතුලත්ව මාස හයක කාලයක් දක්වා වලංගු වන අතරම නීතිමය ක්‍රියාමාර්ග ගැනීමට චෙක්පත ලිවූ දින සිට වසර හයක කාලයක් ඇතුලත හැකියාව තිබෙනවා. චෙක්පතක් රේඛණය කරනවා කියන්නේ මොකක්ද? ගොඩක් අය චෙක්එක ලියලා වම්පැත්තේ උඩ කෙලවරේ සමාන්තර ඉරිකෑලි දෙකක් ගහනවා දැකලා ඇති. ඒ හැරුණම සාමාන්‍ය හා විශේෂ කියලා රේඛණය කොටස් දෙකකට බෙදන්න පුලුවන්. චෙක්පතකට රේඛණයක් යොදන්නේ ඒමගින් චෙක්පතේ ආරක්ෂාව වැඩිකර ගන්නයි

අපි බලමු චෙක්පත් සදහා රේඛණයන් යොදන ආකාරය

1.රූපය ..ආදායකයාගේ ගිණුමට පමණයි
මේක නම් හැමවෙලාවෙම වගේ බහුලව යෙදෙන රේඛණයක්. මේකෙන් කියවෙන්නේ මේ චෙක්පතේ වටිනාකම ලබා ගන්න පුලුවන් වෙන්නේ චෙක්පතේ ආදායකයා වශයෙන් නම සදහන් වෙන තැනැත්තාට පමණයි. ඒ වගේම මේක බැංකුවේ කවුන්ටරයෙන් මාරුකර ගන්න බෑ. අනිවාර්යෙන්ම ආදායකයාගේ නමට තියෙන ගිණුමක තැන්පත් කරලා මාරුකරගත යුතුයි.

2.රූපය ..ගනුදෙනු ක්ළ නොහැකියි.
චෙක්පත් වලින් තියෙන වටිනාම ප්‍රයෝජනයක් තමයි තමන්ට ලැබුන චෙක්පත තමන්ගේ ගණුදෙණුවක් පියවන්නට තවත් අයෙකුට පිටසන් කර ලබාදීමට හැකිවීම. මේක ව්‍යාපාරිකයින් අතර හරිම ජනප්‍රිය ක්‍ර‍මයක් වුනත් සමහරුන් කැමති නෑ තමන් දුන්න චෙක්පතක් අතින් අත යනවට ඒවගේ උදවිය යොදන රේඛණයක් තමයි ගණුදෙණූ කල නොහැක.
මේක යෙදුවහම ඒ චෙක්පත වලංගු වෙන්නේ් මුහුණතේ නම සටහන්ව පවතින ආදායකයාට තම ගණුදෙණුව පියවා ගැනීම සදහා පමණයි.

3.රූපය ..උපරිම මුදලට සීමා පැණවීම
සමහර අවස්ථාවන් වලදී මුදල් අගයක් සටහන් නොකර චෙක්පත් ලබාදීමේදී ආරක්ෂාව තකා උපරිම මුදලක් රේඛණයක් ලෙසින් යෙදිය හැකියි. උදාහරණයක් ලෙස ඉහත චෙක්පතේ රුපියල් 14000/- නොයික්මවිය යුතුයි යනුවෙන් රේඛණයක් යොදා තියෙනවා. ඒවිට චෙක්පත ලද තැනැත්තාට චෙක්පතේ අගය ලෙස සටහන්කර මුදල් ගත හැක්කේ රුපියල් දාහතර දහසක් හෝ ඊ්ට අඩු අගයක් පමණයි

4/5.රූප ..වලංගුවන කාලය සීමා කිරීම
සාමාන්‍යයෙන් චෙක්පතක් වලංගු කාලසීමාව මාස හයයි. නමුත් සමහර අවස්ථාවල දින සීමාවන් පණවමින් චෙක්පත් නිකුත් කරනවා. බොහෝවිට රාජ්‍ය ආයතන වලින් කරනු ලබන ගෙවීම මෙලෙස දින සීමාවට යටත්ව නිකුත් කරනවා. ඉහත උදාහරණයේ පරිදි දින 30 60 90 වශයෙන් සීමාවන් යෙදීමට හැකියාව තිබෙනවා. එලෙස සදහන් දින ගණන පසුවුවහොත් ඒ චෙක්පත අඟරු චෙක්පතක් බවට පත්වනවා

6.රූපය .. විශේෂ රේඛණයන්
මේකේ තියෙන විදිහට මේ චෙක්පත අනිවාර්යෙන්ම ලංකා බැංකුවේ මැල්සිරිපුර ශාඛාවේ ආදායකයා නමින්ම ඇති ගිණුමක තැන්පත් කිරීමෙන් පමණක් මුදල් ලබාගැනීමට පුලුවන්. වෙනත් කිසිදු ආකාරයකට මුදල් ලබා ගත නොහැකියි. නැතහොත් චෙක්පත යලිත් අණකරුවෙත ලබාදී වෙනත් චෙක්පතක් ලබා ගැනීම හෝ යොදා ඇති රේඛණය අවලංගු කරගත යුතුයි.

අනෙක් අය සමග බෙදා ගන්න. 🖋😌

04/11/2020

පොලීසිය විසින් ප්‍රකාශ සටහන් කරගැනීම සහ එම ප්‍රකාශ අධිකරණයේ අදාළ කරගැනීම.

යම් කිසි වරදක් සම්බන්ධයෙන් පරීක්ෂණ පවත්වන පොලිස් නිලධාරීන් හෝ වෙනත් විමර්ශන නිලධාරීන් විසින් ප්‍රකාශ සටහන් කර ගන්නා බව ප්‍රකට කරුණකි.මේ ආකාරයෙන් ප්‍රකාශ සටහන් කර ගැනීමේදී පිළිපැදිය යුතු කරුණු කිහිපයක් අපරාධ නඩු විධාන සංග්‍රහයේ සඳහන් වේ.

මූලික වශයෙන් ම ප්‍රකාශය ලබා ගැනීමට පෙර කිසිදු දිවුරුමක් හෝ ප්‍රතිඥාවක් ලබා නොගත යුතු අතර ප්‍රශ්න කිරීමට ලක් වන තැනැත්තා සිද්ධිය හෝ අදාළ කරුණු පිළිබඳව දැනීමක් ඇති අයෙකු බවට සිතිය හැකි පුද්ගලයකු විය යුතුය. ප්‍රකාශ සටහන් කර ගන්නා අතරතුර විමර්ශන නිලධාරියා විසින් වාචිකව ප්‍රශ්න විමසීමක් සිදු කළ හැකි අතර දෙනු ලබන පිළිතුරු ලිඛිතව සටහන් කර ගතයුතු වේ. ලියාගත් ප්‍රකාශය ඔහුට පෙන්වීම හෝ ඇසෙන සේ කියවීම සිදු කළ හැකි අතර ලියා තිබෙන භාෂාව ඔහුට නොවැටහෙන භාෂාවක් නම් භාෂා පරිවර්තකයකු ලවා ඔහුට තේරුම් කර දිය යුතුය. එකී පැහැදිලි කිරීමෙන් අනතුරුව තවත් යමක් අළුතින් එකතු කිරීමට හෝ වෙනස් කිරීමට අවශ්‍ය නම් එසේ කිරීමේ නිදහස ප්‍රකාශය දෙනු ලබන තැනැත්තා සතුවේ. නමුත් එසේ වෙනස් කළ තැන්හි එම පුද්ගලයාගේ කෙටි අත්සන යොදා තැබීම අනිවාර්යය වේ. ප්‍රකාශය අවසානයේ ප්‍රකාශකරු විසින් අත්සන් කළ යුතු අතර පොලිස් නිලධාරියා හෝ විමර්ශන නිලධාරියා විසින් ද ප්‍රකාශය අවංක ලෙසත් නිවැරදි ලෙසත් වාර්තාගත කරන ලද බවට සහතිකයක් ප්‍රකාශය අවසානයේ ඇතුළත් කළ යුතුය.

මෙහිදී විමර්ශන නිලධාරියා විසින් අසනු ලබන සෑම ප්‍රශ්නයකටම පිළිතුරු දීම අනිවාර්ය ද යත්, තමා අපරාධ චෝදනාවකට හෝ දඬුවමකට හෝ නැතිනම් රාජසන්තක කිරීමකට යටත් විය හැකි ප්‍රශ්න වලට හැර, සිද්ධිය පිළිබඳ තමන් දන්නා සෑම කරුණක් පිළිබඳවම පිළිතුරු ලබාදීමට, ප්‍රකාශය සිදු කරන තැනැත්තා බැඳී සිටී. තමන් නොදන්නා දෙයක් වේ නම් ඒ බව ද ප්‍රකාශයේ සටහන් කිරීමට බාධාවක් නැත.

විමර්ශන නිලධාරියෙකු වෙත කරනු ලබන මෙවැනි ප්‍රකාශ, අධිකරණයේ දී විත්තිකරුට එරෙහි හෝ පක්ෂ සාක්ෂි වශයෙන් පිළි නොගන්නා නමුත්, අධිකරණයේ දී ලබාදෙන සාක්ෂි සමඟ උක්ත ප්‍රකාශය පරස්පර වේ ද යන්න සලකා බැලීමේ හැකියාවක් ඇත. ඒ අනුව වෙනස් අවස්ථා වලදී වෙනස් ප්‍රකාශය සිදු කිරීම නිසා යමෙක් 'විශ්වාස කළ නොහැකි සාක්ෂිකරුවකු' ලෙස අධිකරණය ඉදිරියේ ඔප්පු කිරීමේ හැකියාවක් ඇත. යම් නඩුවක විත්තිකරුවකු විසින් එකී නඩුව විමර්ශන අවස්ථාවේ දී විමර්ශන නිලධාරියකු වෙත කරනු ලබන ප්‍රකාශයක් ඉහත පරිදි ඔහු විසින් ලබා දෙනු ලබන සාක්ෂියක් ( සාක්ෂි දීමට ඉදිරිපත් වුවහොත්) පරස්පර බව ඔප්පු කිරීම සඳහා යොදාගත හැකි වේ.

මීට අමතරව විමර්ශනයේදී හෙළි නොකරන ලද කරුණක් අධිකරණයේදී සාක්ෂි දෙන අවස්ථාවේ දී කියා සිටියේ නම්, එම කරුණ, පෙර හෙළි නොකරන ලද නව කරුණක් ලෙස වෙන්කර සැලකිල්ලට ගනු ලැබේ. එම නිසා සිදුවීමක් පිළිබඳ විමර්ශන නිලධාරියකු ඔබගෙන් ප්‍රකාශයක් ලබා ගන්නා විට දන්නා කරුණු සියල්ලක්ම නොසඟවා පැවසීම සුදුසු වන්නේ යම් හෙයකින් ඔබ සාක්ෂිකරුවකු ලෙස කැඳවනු ලැබුවේ නම් විශ්වාසවන්ත සාක්ෂිකරුවකු ලෙස නඩු කටයුත්ත සඳහා උපකාර කිරීමේ හැකියාවක් ඇති නිසාය.

යම්කිසි ප්‍රකාශයක් සැබෑ සිදුවීමට වෙනස් ලෙස සටහන් කරනු ලැබ එය ඔබ කළ ප්‍රකාශයක් ලෙස අත්සන් කිරීමට යම් විමර්ශන නිලධාරියෙක් ඔබට බල කරන්නේ නම් අධිකරණයේ සාක්ෂි විමසන අවස්ථාවේදී ඒ බව හෙළි කිරීම යෝග්‍ය වේ. එය නිවැරදි නඩු තීන්දුවක් ලබා දීම සඳහා උපකාරී වේ.

සාක්ෂිකරුවන් වශයෙන් වඩාත් ම සිහි තබාගත යුතු කරුණක් වන්නේ, සාක්ෂි විමසීමේ දී, යම් කරුණක් ඔබ විමර්ශන නිලධාරියාට කළ ප්‍රකාශයේ සඳහන් කළා ද යන්න නීතීඥවරයෙකු විසින් ඔබෙන් විමසනු ලබන්නේ නම්, ඒ විමසනුයේ මෙම විධිමත් ප්‍රකාශයේ සඳහන් කරුණු පිළිබඳව ය. එම නිසා තමා ප්‍රකාශ කළ බවට පිළිගත යුත්තේ මෙම විධිමත් ප්‍රකාශයේ සඳහන් කරුණු පමණි.

දුරකථනයෙන් හෝ වෙනත් කතාබහ අතර පවසන ලද දෑ, පොලිසියට හෝ විමර්ශන නිලධාරියෙකුට කරන ලද ප්‍රකාශයක් ලෙස අධිකරණය විසින් නොසලකයි. ප්‍රකාශයක් යන්නෙන් අධිකරණයේදී සලකනු ලබන්නේ මෙම විධිමත් ප්‍රකාශය වන අතර වෙනත් දුරකතන සංවාද හෝ තොරතුරු ලබාදීම් නොවේ. ඒ අනුව විමර්ශන නිලධාරියකුට ප්‍රකාශයක් කිරීමට පෙර ප්‍රකාශයක් සිදු කිරීම පිළිබඳව නීතිමය සහ කාර්ය පටිපාටිමය පිළිවෙත් දැනසිටීම වැදගත් වන බව පෙනේ.

09/08/2020

https://www.facebook.com/102362968173364/posts/148257060250621/

MAGWA Antenna comes with powerful duel amplifiers to boost TV signal to provide crystal clear pictures island wide.. The power inverter has been designed to invert the power by the USB port to the Antenna in order to be compatible with your television anywhere at anytime while enabling ultra-power saving mode... 🔋🎬📺

22/02/2016

Hotel organization structure

05/02/2016

There are number of vacancies in reputed five star hotel in hikkaduwa. Job opportunities as follow :
Front office manager
Front office executive
Receptionist
Chef de parties
Demi chef
Commi I
Kitchen helpers
Salary can be negotiated. experience And good communication skills will be added as advantage..
If you are interested,you may contact: aruna 0777 652 645
Cv upload to http://awclk.com/

02/02/2016

There is a vacancy for front office executive post at one of reputed hotel in Hikkaduwa, salary can be negotiated.... Submit your CV to
http://awclk.com/cv-upload/