19/11/2025
ගෙදර අද හරිම පාළුයි... වෙනදාට ඒ ගේ පුරාම දුව දුව සෙල්ලම් කරන, කෑ ගහන අවුරුදු තුනේ චූටි දුව අද ගෙදර නෑ. එයා ඉන්නේ රෝහලේ දැඩි සත්කාර ඒකකයේ. එයාගේ පුංචි උගුර, ආමාශය දරුණු විදිහට පිච්චිලා ගිහින්.
ඇයි දන්නවද? එයා කළේ වරදක් නෙවෙයි. එයා කළේ, එයා ආසම කරන "ස් ට්රෝබෙරි ජූස්" බෝතලේ කටේ තියාගත්ත එක විතරයි.
අවාසනාවකට... අම්මා සින්ක් එක යට තියලා තිබුණු ඒ "ස්ට්රෝබෙරි පාට" දියරය, ජූස් නෙවෙයි. ඒ ගෙදර බිම පිහිනන දියරය (Floor Cleaner).
දරුවාගේ ඇස් වලට පේන ලෝකය
අපි ලොකු මිනිස්සු විදිහට බෝතලේ ලේබල් එක කියවනවා. "ආ මේක විෂයි, මේක බිම පිහිනන එකක්" කියලා අපි දන්නවා.
ඒත්, පොඩ්ඩක් දණගහලා, ඔබේ දරුවාගේ උස මට්ටමට එන්න. එයාට අකුරු කියවන්න බෑ. එයාට පේන්නේ පාට විතරයි.
තැඹිලි පාට: "ආ! මේ අර බීම එක වගේ!" (ඒත් ඒක ටොයිලට් ක්ලීනර් එකක්).
රෝස පාට/කහ පාට: "ෂා! මේක පැණි රහ සිරප් එකක් වගේ!" (ඒත් ඒක ඩිෂ් වොෂ් දියරය).
දරුවාගේ ලෝකයේදී, පාට පාට හැමදේම "කෑමක්".
අම්මා කුස්සියේ වැඩ. චූටි දුව සෙල්ලම් කර කර ඉන්නවා. අම්මා හිතුවේ දුව එයාගේ බෝනික්කා එක්ක සෙල්ලම් කරනවා කියලා.
දුව බඩගාගෙන ගියේ පැන්ට්රි කබඩ් එක ළඟට. එතන දොර පොඩ්ඩක් ඇරිලා. ඇතුළේ ලස්සන, පාට පාට බෝතල් පේළියක්.
දුව එතනින් ලස්සනම රෝස පාට බෝතලේ ගත්තා. "ජූස්..." එයා මූඩිය ඇරියා. කටේ තියාගත්තා.
කුස්සියේ හිටපු අම්මට එකපාරටම ඇහුණේ, වීදුරුවක් බිම වැටෙන සද්දයක් සහ දරුවාගේ හුස්ම හිරවෙන කැස්සක් විතරයි. අම්මා දුවගෙන එනකොට... දරුවාගේ කටින් පෙණ දානවා. මුළු ඇඟම රතු වෙලා. ඒ පාට පාට දියරය, දරුවාගේ මෘදු උගුර, බඩවැල්... තත්පර ගාණකින් පුච්චලා දාලා ඉවරයි.
💁♀️අම්මලා කරන ලොකුම වැරදි දෙක
මේ ඛේදවාචකයට පාර කපන්නේ අපිමයි.
🤷♂️ "Child-Proof" මූඩි විශ්වාස කිරීම: බොහෝ ක්ලීනර් බෝතල්වල තියෙනවා "Child-Proof Cap" (දරුවන්ට අරින්න බැරි මූඩි) කියලා ජාතියක්. ඒත් ඇත්තම කතාව මේකයි: සමහර දරුවන්ට මේක "ප්රහේලිකාවක්" විතරයි. එයාලා දඟලලා දඟලලා කොහොමහරි මේක අරිනවා. සමහරවිට අම්මලා වැඩේ ලේසි වෙන්න මූඩිය බාගෙට වහලා තියනවා.
🤷♂️ පරණ බෝතල්වලට වස දැමීම (The Deadly Mistake): මේක තමයි ලංකාවේ අපි කරන භයානකම දේ. හිස් වෙච්ච වතුර බෝතලේට, ස්ප්රයිට් බෝතලේට අපි භූමිතෙල් දානවා, තිනර් දානවා, ඇසිඩ් දානවා. දරුවා දන්නේ නෑ ඒකේ තියෙන්නේ භූමිතෙල් කියලා. එයා දකින්නේ එයා ආසම කරන "ස්ප්රයිට් බෝතලේ". එයා කෙලින්ම කටේ තියාගෙන බොනවා.
💁♀️ ඔයාගේ දරුවා වෙනුවෙන් මේ දේ අදම කරන්න!
මේ අනතුර වෙන්න යන්නේ එක තත්පරයයි. ඒත් ඒකෙන් දරුවාගේ අභ්යන්තර අවයවවලට වෙන හානිය ජීවිත කාලෙම තියෙනවා.
🔴 උසින් තියන්න (Go High): ඔබේ ගෙදර තියෙන පිරිසිදු කරන දියර, බෙහෙත්, භූමිතෙල්... මේ කිසිම දෙයක් "බිම මට්ටමේ" (සින්ක් එක යට, බාත්රූම් එකේ මුල්ලේ) තියන්න එපා. අදම ඒ හැමදේම දරුවාට අත තියන්න බැරි තරම් උස කබඩ් එකකට මාරු කරන්න.
🔴 අගුලු දාන්න: පහළ කබඩ්වල තියනවා නම්, අනිවාර්යයෙන්ම දරුවන්ට අරින්න බැරි "Safety Locks" (ආරක්ෂිත අගුලු) දාන්න.
🔴 බෝතල් මාරු කරන්න එපා: කවදාවත්, කවදාවත්... කෑම බීම දාන බෝතල්වලට (Water bottles/Soft drink bottles) වස විස දාලා තියන්න එපා.
"අනේ මගේ දරුවා ඕවා බොන්නේ නෑ, එයාට තේරෙනවා" කියලා හිතන්න එපා. එයාලට තේරෙන්නේ නෑ. එයාලා දකින්නේ පාට විතරයි. ඒ පාට පාට මාරයාගෙන් ඔබේ දරුවා බේරගන්න.
අවධානමට පෙර අවධානයෙන් ඉන්න!
ස්තූතියි.
-හෙදියකගේ දිනපොත-
#හෙදියකගේදිනපොත
