The IT Consultants

05/03/2022

ව්‍යාපාරික දත්ත භාවිතය.

ඕනෑම ව්‍යාපාරයක දත්ත යනු ව්‍යාපාරයේ ඇරඹුම, පැවැත්ම සහ අවසානය තීරණය කරන වැදගත් ම සාධකයයි. ව්‍යාපාරයක පාරිභෝගිකයාගේ දත්ත, සැපයුම්කරුවන්, මිළගණන් පිලිබඳ දත්ත සහ ලාභ අලාභ ගැන දත්ත ඕනෑම ව්‍යාපාරයක අනන්‍ය දත්ත ලෙස හඳුනාගන්නට පුළුවන්.

නිසි ආරක්ෂාවක් නැති මේ දත්ත ගබඩා වෙතට යමෙක් පිවිස ඔබේ පාරිභෝගික දත්ත සහ සැපයුම්කරුවන් ලබාදෙන තරඟකාරී මිල ඔබේ ව්‍යාපාරික තරඟකරුවාට ලබාදුනහොත් ඔබට ඇතිවන්නේ කුමන ආකාරයක බලපෑමක් ද?

ඊයේ දිනයේ ඔබේ ව්‍යාපාරයේ විකුණුම් දත්ත සහ පෙර විකිණීම්වල වගකීම් සහතික ගැන දත්ත මකාදැමූවිටෙක ඔබට ඇතිවන්නේ කවරාකාරයේ බලපෑමක් ද?

ඔබේ සේවකයින්ගේ වැටුප් විස්තර ආයතනය පුරාමත් සමාජ මාධ්‍ය ජාලා හරහාත් ප්‍රචලිත කලහොත් හෙට දිනයේ ඔවුන් ඔබ වෙත රඳවාගැනීමට එය රුකුලක් වේ ද?

සිතා බලන්න..

ඔබේ දත්ත ප්‍රමාණවත් පරිද්දෙන් ආරක්ෂා කර තිබේ ද?
ප්‍රමාණවත් ආරක්ෂාවක් යනු කුමක්දැයි ඔබ දන්නවාද?

ඔබේ පිළිතුර නැත යන්න නම්, අමතන්න අපිව. අප ඔබට අවශ්‍ය සහාය ලබාදෙන්නම්.

+94 71 101 7470

24/10/2021

ඕ ලෙවල් ඉවරයි, ඊටපස්සේ?

ඊටපස්සේත් තොරතුරු තාක්ෂණ අංශයේ රැකියාවක් ගැන සිහින මවන ඔබටයි මේ..

අපි කල්පනා කළා ක්ෂේත්‍රයට පිවිසෙන්නට අවශ්‍ය කරන දැනුම ගැන වගේම සම්මුඛ පරීක්ෂණයකට පෙනී සිටින හැටි ගැනත් නොමිලේම කතා කරන්න.

පහත පෝරමය පුරවා ඔබේ ලියාපදිංචිය තහවුරු කරන්න.
https://rb.gy/47psoc

ඕ ලෙවල් ඉවරයි, ඊටපස්සේ?
Sunday, 31 October · 7:00 – 7:30pm
Google Meet joining info
Video call link: https://meet.google.com/gdj-rxch-zso

14/10/2021

ඕ ලෙවල් ඉවරයි, ඊටපස්සේ? ඊටපස්සේත් තොරතුරු තාක්ෂණ අංශයේ රැකියාවක් ගැන සිහින මවන ඔබටයි මේ..

ඔබ දන්නවාද, සාමාන්‍යපෙළ අසමත්වුණත් ඔබටත් තොරතුරු තාක්ෂණයේ දොර විවර බව? ඉතින් එහෙනම් ඒ ගැන තවත් හොඳින් දැනගන්න එන්න අපිත් එක්ක එකතුවෙන්න, මේ නොමිලේ පවත්වන සම්මන්ත්‍රණය ඔබ සඳහාමයි.

අමතක කරන්න එපා, ඔබේ ලියාපදිංචිය පහත පෝරමය පුරවා තහවුරු කරන්න. ලියාපදිංචි සංඛ්‍යාව මත ඔන්ලයින් හමුවේ ආසන සීමිත වනු ඇති. එබැවින් අදම ඔබගේ අසුන වෙන්කරවාගන්න.

https://rb.gy/47psoc

10/10/2021

Anatomy of the Pegasus Spyware.

One of the most feared spywares of the 21st century as it was used to spy on many people and had lead to some large media coverages.

26/09/2021

ඉතිං, ඕලෙවල් නම් ඉවරයි, ඊට පස්සෙ?

මේක ගොඩක් අයට තියෙන දැවෙන ප්‍රශ්නයක්. ගොඩක් සිසු දරුවෝ වගේම තමන්ගෙ ළමයගෙ අනාගතය ගැන හිතන දෙමාපියන්ටත් මේ දවස්වල තියන පොදු ප්‍රශ්ණයක් මේක.

බොහෝ දෙනා වෛද්‍ය, ඉංජිනේරු වගේ ක්ෂේත්‍ර වලට වගේම තොරතුරු තාක්ෂණ ක්ෂේත්‍රයටත් යොමු වෙන්න බලාගෙන ඉන්නවා. ඉතින් ඕනෑම ගමනක් වගේම මේ ගමනත් නො දැන ගියොත් කතරගම යන්න වෙන්නෙ නැති ගමනක්.

ඒ නිසාවෙන් අපි කල්පනා කළා අපේ සමාගමේ නිර්මාතෘවරයා එක්ක තමන්ගෙ අත්දැකීම් ගැන, ඒ වගේම ක්ෂේත්‍රයට පිවිසෙන්නට අවශ්‍ය කරන දැනුම ගැන වගේම සම්මුඛ පරීක්ෂණයකට පෙනී සිටින හැටි ගැනත් කතා කරන්න. මේ හැමදෙයක්ම ඔබට දෙන්නෙ නොමිලේ.

දැනට දිනයයි වෙලාවයි මතක තියාගන්න.
ඉදිරියේදී online හමුවට අවශ්‍ය කරන ලින්ක් එක අපි ඔබට ලබා දෙන්නම්. එතෙක් ඔබ ඔබේ අසුන වෙන්කරවාගන්න පහත පෝරමය පුරවන්න.

https://docs.google.com/forms/d/e/1FAIpQLSffklWig717Zjdm7mgRj6bRNWShmdWCUSF69c_sMYKWnk8AjA/viewform?usp=pp_url

29/08/2021

මොනවද මේ එන්ක්‍රිප්ෂන් කියන්නෙ, කොහොමද මේ හරහා දත්ත ආරක්ෂා කරන්නෙ?

එන්ක්‍රිප්ෂන් කියන්නෙ දත්තයක පවත්නා ස්වරූපය වෙනස් කරමින් ඒක එක එල්ලේ කියවන්නට නොහැකිවන ලෙස සකස් කරන ක්‍රමවේදයක්. මේ හරහා පණිවුඩය යවන්නාත් ලබන්නාත් දන්නා රහස්‍ය කරුණක් එකතුකිරීම හෝ අඩු කිරීම සිදුකිරීමෙන් හැර වෙනත් අයෙකුට පණිවුඩය වටහාගැනීම අසීරු කරනවා.

තව සරළ කරන්නම්. ඔයා ලඟත් මම ලඟත් එක පෙට්ටියක යතුරක කොපි දෙකක් තියනවා. මේ පෙට්ටියට මම යම් පණිවුඩයක් ලියලා අගුලු දාලා ඔබට එවනවා. එතකොට ඒ පණිවුඩය තියන පෙට්ටිය ගේන කෙනාට මේ පණිවුඩය කියවන්න බෑ, එයාට අගුල අරින්න බෑ. නමුත් ඔබට ඒක් කියවන්න පුළුවන්, ඔබේ යතුරෙන් ඔබට පෙට්ටිය අරින්න පුළුවන්.

තේරුණා නේද?

මේක පරිඝණක ආශ්‍රිතව සිද්ධ වෙන්නෙ ගණිතමය ක්‍රම ඇසුරෙන්. ටිකක් සංකීර්ණයි වගේ පෙනුනට ඒක හරි සරළ ක්‍රම එක්ක කෙරෙන වැඩක්. ඒ ගැන කතා කරන්න කලින් අපි මේකෙ විකාශණය බලමු. ඒ හරහා ඔබට ගොඩක් දේ තේරුම් ගන්නට පුළුවන්.

මුලින්ම එන්ක්‍රිප්ෂන් එක භාවිතා වෙලා තියෙන්නෙ ක්‍රිස්තු පූර්ව 1900දී. ඒ එකල ඊජිප්තුවේ සිටි ලේකම්වරු (ලියන්නන්) හයිරොග්ලිෆික්ස් පුවරු මත සාමාන්‍ය අක්ෂර වලින් පරිබාහිරා අක්ෂර (රූප) යොදාගෙන සිදුකල පණිවුඩ විකේතනය මේ ක්‍රියාවලියේ මූලිකම සාක්ෂිය ලෙස හමුවෙනවා. මේක ක්‍රමිකව විකාශණය වෙනවා. ඒ අනුව ක්‍රිස්තු පූර්ව 1500 දී මෙසපොතේමියානුවන්, ක්‍රිස්තුපූර්ව 500දී හීබෲ ග්‍රන්ථයක භාවිතා වූ අබ්ටාෂ් නම් අක්ෂර වෙනස් කල ක්‍රමය මෙහි මූලික විකාශනයේ කොටස්.

ක්‍රිස්තු පූර්ව 50 දී ජූලියස් නම් සීසර් (ඔව්, ඒ සීසර් තමා) සිය රාජ්‍ය පාලන අණ සහ හමුදා අණ ලබාදීමට මේ අද අප භාවිතා කරන ක්‍රමයේ මූලික පියවර තැබුවා. ඒ හෝඩියේ ඕනෑම ස්ථානයක අකුරු 3ක් විතැන් කරමින්. මේකට උදාහරණයක් සටහන් කලොත් ඔබට මේක තේරුම් ගන්න පහසු වේවි.

භාවිත කරන හෝඩිය = ඉංග්‍රීසි

Cesar Cipher = Fhvdu Flskhu

මේක හොඳින් බැලුවොත් ඔබට පෙනේවි C අකුර වෙනුවට F අකුර ආදේශ කර ඇති බව. C_DE_F ඒ අකුරු 3ක ගැප් එකක් නේද? එතකොට අවසාන අක්ෂර? XYZ අකුරු ආදේශණයේ දී මේ ක්‍රියාවලිය අනුව ABC අකුරු පිළිවලින් ආදේශ වෙනවා.

මෙ ක්‍රමයේ දී සෑම විටකම අකුරු 26ක් සමඟ අප ගණුදෙණු කරන අතර ගණිතමය වශයෙන් ඉහත සම්බන්ධය පහත පරිදි විස්තර කරන්න පුළුවන්.

A සිට Z දක්වා පිළිවලින් 0-25 දක්වා ඉලක්කම් යොදනු ලැබූ විටක එහි අක්ෂර වෙනස් කරන සෑම විටකම අක්ෂරයේ වටිනාකමට 3ක් එකතු කල යුතු ය. එසේම අක්ෂර එකතුවේ වටිනාකම 26 හෝ ඊට වැඩි වන විට ඒ එකතුවෙන් 26ක් අඩුකර වටිනාකම යෙදිය යුතු ය.

පැහැදිළියි ද?

ඔය තමයි සීසර් සයිෆර් එකේ සරළ සිංහල පැහැදිළි කිරීම.

ඉතින් ඒ වගේ ක්‍රම එක්ක දියුණුවෙමින් පැමිණි ක්‍රිප්ටොග්‍රැපි තාක්ෂණය ක්‍රිස්තු වර්ෂ 2000 දී රයින්ඩාල් ක්‍රමය සමගින් අද භාවිතා කරන AES ක්‍රමයට ද ඉන්පසු වර්ෂ 2005 දී ECC ක්‍රමය කරා ද විකාශණය වුණා.

එහෙමනම් ඊලඟ කොටසින් අපි බලමු මේ ක්‍රිප්ටොග්‍රැපි තාක්ෂණය වත්මනේ යොදාගන්නා ආකාරය ගැන.

01/07/2021

ඔබත් සයිබර් ආරක්ෂාව ගැන දැනුවත් වෙන්න කැමතිද?

එහෙනම් මේ ඉරිදා මේ ලිංක් එක හරහා අපේ චැට් එකට එකතුවෙන්න පුළුවන්.

එදාට දේශනය පවත්වන්නෙ Yoshika Kehelpannala.
කතා කරන්නෙ ඊමේල් සම්බන්ධ ආරක්ෂාව ගැන.

දිනය : ජූලි 4
වෙලාව සවස 7 ට.

Sunday, July 4 at 6:30am PDT with Yoshika Kehelpannala. තේරෙන සිංහලෙන් අන්තර්ජාලයේ ඔබේ ආරක්ෂාව ගැන කතා කරන්න එන්න.

29/06/2021

ලොව පුරා ඩෙල් පරිගණක මිලියන තිහකට අධික ගණනක් අනතුරේ.

ඩෙල් පරිගණක මෝස්තර 129ක් හරහා පැතිර ඇති BIOSConnect සහ Support Assist මෘදුකාංග වල අළුතින් ම හඳුනාගත් අවධානමට ලක්විය හැකි කොටස් කිහිපයක් නිසාවෙන් ලොවපුරා පැතිර ඇති පරිගණක මිලියන තිහකට අධික සංඛ්‍යාවක් මේ වනවිට හැකර්වරුන් අතට පත්වීමේ අවධානමකට ලක්ව ඇතිබැව් වාර්ථාවෙනවා.

මෙම මෘදුකාංග වින්ඩෝස් සහය දක්වන මෙන්ම වින්ඩෝස් ස්ථාපනය කර විකිණිමට ලබාදෙන පරිගණක වල ස්ථාපනය කර පාරිභෝගිකයා වෙත එවන මෘදුකාංග කට්ටලයේ කොටසක්. මේ හරහා අන්තර්ජාලය ඔස්සේ පරිගණක අපරාධකරුවෙකුට ඔබේ ඩෙල් පරිගණකයට පිවිසීමේ හැකියාවක් ලබා දෙන බව වාර්ථා වෙනවා.

Eclipsium හි පරිගණක ආරක්ෂාව පිළිඹද පර්‍යේෂකයින් පිරිසක් මේ බව ජූනි 24 වනදා වාර්ථා කරනවා. මේ අවධානම අවදානම් ශ්‍රේණිගත කිරීම් වල 8.3/10 ලෙස වාර්ථා කරනවා (අවධානම් අගය 10= අධි අවධානම්/අවදානම් අගය 1= අවම අවධානම)

CVE-2021-21571, CVE-2021-21572, CVE-2021-21573, CVE-2021-21574 යටතේ මේ ගැන වැඩි විස්තර ලබගත හැකි අතර ඩෙල් අඩවියේ (dell.com/support) යටතේ මේ සම්බන්ධව ඔවුන් මුදාහැර ඇති යාවත්කාලීන කිරීම් ලබාගත හැකියි.