WandS - Chartered Engineers

22/02/2023

Bathroom layouts

17/06/2022

14/08/2021

08/05/2021

බේස් වලක දිග, පළල, උස හා යෙදියයුතු කම්බි ප්‍රමාණ දැනගන්නේ කෙසේද?
ගොඩක් ඉදිකිරීම් සම්බන්ධ ඇති ෆේස්බුක් පිටු වල මීට සමාන ප්‍රශ්න නිතරම අහනවා. බොහෝ පුද්ගලයින් මේ කාර්යය පවරන්නේ ඉදිකිරීම් කොන්ත්‍රාත් කරුට හෝ බේස් වලවල් කරන්න භාරදුන්නු මේසන් බාස්ට. නිවසක හෝ ගොඩනැගිල්ලක ඉතාමත්ම වැදගත් ව්‍යුහ සැකසුම කොලම් බේස් එකයි. මොකද මේ ඉදිකරන සම්පූර්ණ ගොඩනැගිල්ලේ බර පොළවට යොමු කරන්නේ මේ කොලම් බේස් එක හරහායි. කොලම් බේස් එකේ මාන තීරණය කිරීමට පසෙහි ස්වභාවය පිළිබඳ මනා අවබෝධයක් තිබිය යුතුයි. විවිද පස් ස්වහාව අනුව එහි වර්ග ඒකකයකට දරාගතහැකි බර වෙනස් වෙනවා. වැඩි බරක් දරාගතහැකි පසක් නම් බේස් වලේ ප්‍රමාණය අඩු වෙනවා. මීට අමතරව කොලම් එක මතට එන සම්පූර්ණ බර ප්‍රමණය මත මේ බේස් වලේ ප්‍රමාණය අඩු වැඩි කරන්න වෙනවා.
මීට අමතරව භූගත ජල මට්ටමද වැදගත් සාධකයක්. කොලම් බේස් එකක් ෆේල් වෙන්නේ කොහොමද? කොලම් බේස් එකක් ෆේල් වෙන්න ක්‍රම කීපයක් තියෙනවා.
ස්ථායීතාව බිඳ වැටීමකින්(stability), පසෙහි දරාගැනීමේ හැකියාව බිඳවැටීමකින් (bearing failure), පාදම ලිස්සා යෑමකින් (sliding), ව්‍යුහාත්මක බිඳවැටීමකින්(structural failure) හෝ මේ සියල්ලේ එකතුවක් ලෙස කොලම් බේස් එකක් ෆේල් වෙන්න පුලුවන්. ඉංජිනේරුවෙක් පාදමක් ඩිසයින් කරනකොට ඉහත සියලු දත්ත(loads & soil parameters) සහ පාදමක් බිඳවැටියහැකි ආකාර (failure modes) සියල්ලත් එකින් එක සැලකිල්ලට ගෙන ගණනය කිරීම් කරනවා.
ඉතින් මිලියන ගණනක් වියදම් කර හදන ඔබේ නිවසේ හෝ ගොඩනැගිල්ලේ කොලම් බේස් සැලසුම් කිරීම කුමන පුද්ගලයෙකු ලවා කරගන්නේද යන්න දෙවරක් සිතා බලන්න.
චායාරූප අන්තර්ජාලයෙනි.
By © WandS - Chartered Engineers
Structural Designs, Consultancy & Green Building Solutions

29/04/2021

Dream Villa 🏘 | Programme -25 | 2021-04-25 | Magazine Lanka Rupavahini© 2021 by Lanka Rupavahini All rights reserved. No part of this video may b...

14/11/2020

• Termite Treatment - වේයන් මර්ධනය

ගොඩනැඟිලි ඉදි කිරීම් ක්ෂේත්‍රයේ වේයන් මර්ධනය අනිවාර්ය කටයුත්තක් වුවත් නිවාස ඉදි කිරීම් කටයුතු වලදී ඒ පිළිබඳව වැඩි අවධානයක් යොමු නොකරයි.

1. වේයන් මර්ධනය යනු කුමක්ද?

සරලව ගත හොත් ඔබගේ ඉදි කිරීම අවට පසෙහි ජීවත් වන වේයන් මර්ධනය කිරීම වේ. මෙය නියමිත කාල පරතරයකින් නැවත සිදු කළ යුතුය . මෙහිදී විශේෂිත වූ පළිබෝධනාශකයක් (ටර්මිටයිසයිඩ් )පස තුලට ඇතුළු කර පසට හොදින් අවශෝෂණය කිරීමට සලසන අතර (ද්‍රව භාදකයක් නිර්මාණය කිරීම) පළිබෝධනාශක භාවිත කර වේයන් මර්ධනය කිරීම සදහා විශේෂිත ආයතන ඇත. එම ආයතන කෘෂිකර්ම දෙපාර්තමේන්තුවෙහි Registrar of Pesticides (ROP) කාර්යාලයේ ලියාපදිංචි විය යුතුය.
ටර්මිටයිසයිඩ් යනු නීතියට අනුකූලව ලියාපදිංචි කරන ලද වේයන් විනාශ කිරීම, පලවා හැරීම හෝ අවම කිරීම සඳහා යොදාගන්නා පළිබෝධනාශක වේ.

ක්ෂේත්‍රයේ වැඩි වශයෙන් යොදා ගනු ලබන ටර්මිටයිසයිඩ් වර්ගයක් ලෙස Bisect 10EC (Bifenthrine) හඳුන්වා දිය හැකිය.

2. වැදගත්කම

වේයන්ට ජීවත්වීමට සාමාන්‍ය උෂ්ණත්වය සහිත, තෙතමනය සහිත පරිසරයක් බෙහෙවින් උපකාරී වේ. බොහෝවිට පස තුල ජීවත් වන මෙම සතුන් කාලයත් සමග නිවසේ අත්තිවාරම හරහා බිත්ති තුල ඇති කුස්තූර, පැලුම් ආදියට ඇතුලු වේ. ඉන්පසු නිවසේ දොර ජනෙල්, සිවිලිම, බිත්ති මතුපිට තීන්ත ආලේපිත ස්තරය ආදී ස්ථාන පහසුවෙන් වේයන් ගේ ග්‍රහණයට නතු වේ. මෙය නිසි පාලනයක් නොකල හොත් නැවත අලුත්වැඩියා කළ නොහැකි තත්ත්වයට වුවද පත් විය හැකිය. එම නිසා වේයන් මර්ධනය කිරීම, අලුතින් නිවසක් ඉදි කිරීමේදී හෝ කළින් ඉදි කළ නිවසකට වුවද එක සේ වැදගත් වේ.

3. වේයන් මර්ධනය සිදුකරන ආකාර

ප්‍රධාන වශයෙන් වේයන් මර්ධනය සිදුකරන ආකාර දෙකකි
o පූර්ව-ඉදිකිරීම් වේයන් මර්ධනය (Pre-Construction Termite Treatment)
o පසු -ඉදිකිරීම් වේයන් මර්ධනය (Post- Construction Termite Treatment)

3.1 පූර්ව-ඉදිකිරීම් වේයන් මර්ධනය (Pre-Construction Termite Treatment)

ඉහත ක්‍රම දෙක අතරින් වඩාත්ම නිර්දේශිත ක්‍රමය වන්නේ පූර්ව-ඉදිකිරීම් වේයන් මර්ධන ක්‍රමයයි.
එයට හේතු පහත පරිදි විස්තර කළ හැකිය.
ටර්මිටයිසයිඩ් යෙදීම සඳහා වඩාත් ඵලදායී කාලය වන්නේ ගොඩනැගිල්ල ඉදිවෙමින් පවතින අතරතුර ය. පූර්ව-ඉදිකිරීම් වේයන් මර්ධනය මගින් අවශ්‍ය සියලුම ප්‍රදේශවල ටර්මිටයිසයිඩ් යෙදීමට ඉඩ ලබා ගත හැකිය. පොළව කොන්ක්‍රීට් කිරීමට, අත්තිවාරම් සම්පුර්ණ කිරීමට සහ උප ව්‍යුහයන් ඉදිකිරීමට පෙර නිරාවරණය වූ පස වෙත ප්‍රවේශ විය හැකිය. එමගින් පුළුල් ද්‍රව බාධකයක් යෙදීමට හැකිවන අතර ඒකාකාරී පාංශු අවශෝෂණයක් සිදුවනු ඇත.

3.2 පසු -ඉදිකිරීම් වේයන් මර්ධනය (Post- Construction Termite Treatment)

පසු -ඉදිකිරීම් වේයන් මර්ධනයේදී සිදු කරනු ලබන්නේ ව්‍යුහයක් තැනීමෙන් පසු ද්‍රව බාධකයක් ඇති කිරීමයි. නමුත් මෙය පූර්ව-ඉදිකිරීම් වේයන් මර්ධන ක්‍රමවේදයට වඩා සංකීර්ණ සහ සාර්ථක බවින් අඩු ක්‍රමයකි. ඒකාකාරී නොවන පාංශු අවශෝෂණය, ප්‍රවේශ විය නොහැකි ප්‍රදේශ, සැඟවුණු ඉදිකිරීම් ස්ථාන සහ ටර්මිටයිසයිඩ් ගලා යන්නේ කොතැනදැයි බැලීමේ හැකියාව නොමැතිකම ඇතුළු බොහෝ සාධක පසු-ඉදිකිරීම් වේයන් මර්ධනයේ ඇති ප්‍රධාන අවාසි වේ.
එලෙසම පසු-ඉදිකිරීම් වේයන් මර්ධනය සමඟ ජලනල, කාණු, ළිං සහ විදුලි රැහැන් වලට හානි වීමේ හා දූෂණය වීමේ අවධානම ද වැඩි වේ. එසේම නැවත වේයන් හටගැනිමේ සම්භාවිතාව සහ නැවත ඉක්මනින ප්‍රතිකාර කිරීමේ අවශ්‍යතාවය ඇතිවිය හැකිය.

4. සැලකිය යුතු විශේෂිත කරුණු

4.1 භූගත ජල මට්ටම, ළිං ආදියට ඇති දුර පිළිබඳව අවධානය යොමු කළ යුතුය

4.2 ටර්මිටයිසයිඩයේ මාත්‍රාව ප්‍රමාණවත් නොවීම, අඩු ගුණාත්මක බවින් යුතු ටර්මිටයිසයිඩ භාවිත කිරීම මෙම ප්‍රතිකාරයේ ඵ්ලදායීතාවය නැති කරයි. එලෙසම ප්‍රතිකාර කරන ලද පස් කොටස් ඉවත් කිරීම සහ වෙනත් ඉදිකිරීම් සදහා යෙදූ ද්‍රව බාධකය වෙනස් කිරීම ද මෙහි අපේක්ෂිත අරමුණු කරා ළගා වීමට බාධා ඇති කරයි.

4.3 සැමවිටම නිසි වගකීමක් ලබාදෙන ආයතනයක් හරහා වේයන් මර්ධනය සිදුකර ගැනීම වැදගත් වේ. සාමාන්‍යයෙන් පූර්ව-ඉදිකිරීම් වේයන් මර්ධනය සඳහා අවුරුදු 10 ක් ද, පසු-ඉදිකිරීම් වේයන් මර්ධනය සඳහා අවුරුදු 05 ක් ද ලෙස ආයතන මඟින් වගකීම් සහතික ලබා දේ. නමුත් මෙය වෙනස් විය හැකිය.

නිසි ලෙස යොදන වේයන් මර්ධනය ක්‍රමවේද තම නිවසට මනා ආයෝජනයක් වන අතර එය ඔබගේ කාලයත්, මුදලත් රැක දෙනු ඇත.
චායාරූප අන්තර්ජාලයෙන් උපුටාගන්නා ලදී

By ©WandS Chartered Engineers
WandS - Chartered Engineers
Structural Designs, Consultancy Services and Green Building Solutions

12/11/2020

Retaining walls (පනා බැම්ම හෙවත් රැඳවුම් බැම්ම) පිළිබඳ ඔබ නොදත් දේ....

ඕනෑම බෑවුම් සහිත භූමියක ඉදිකිරීමක් සිදු කරනකොට අපිට retaining wall එකක් දාන්න වෙනවා. අපි ඉදිකිරීම පොළවේ හැඩය අනුව සිදුකරනවනම් සමහර retaining walls ගොඩනැගිල්ලේ කොටසක් ලෙස එකතු වෙනවා. මෙවැනි අවස්තාවක නම් සාමාන්‍ය retaining wall එකකට වඩා අමතර කරුණු කීපයක් සලකා බලන්න සිදු වෙනවා.
නමුත් මේ ලිපියෙන් කතා කරන්නෙ සාමන්‍ය retaining wall එකක් ගැන.
ඉදිකිරීම් කර්මාන්තයේදී විවිධාකාර Retaining walls වර්ග යොදා ගත්තත් බොහෝ නිවාස ආශ්‍රිත ඉදිකිරීම් වලදී අපි කළු ගල් බැම්මක් හෝ කොන්ක්‍රීට් බැම්මක් යොදා ගන්නවා. වියදම මෙන්ම අවශ්‍යතාවය මත මෙම ආකාර දෙකෙන් ගැලපෙන ආකාරයක් තෝරගත යුතු වෙනවා. නිවැරදි ආකාරයෙන් සැලසුම් නොකර ඉදිකරන ලද retainin walls fail වීම නිසා දේපල මෙන්ම ජීවිත හානි වීම් පිළිබඳ අප බොහෝ පුවත් අසා ඇති නමුත් අද බොහෝ දෙනෙක් retaining wall එකක් ඉදිකිරිමේදි තාක්ශණික දැනුම ඇති අයකුගේ සහය ලබාගන්නේ නෑ.
Retaining wall එකක් ලිස්සීමෙන් (Slip), පෙරලීමෙන් (overturn) හෝ ව්‍යුහ සැලසුම් ප්‍රමාණවත් නොවීමෙන් (structural failure) විනාශ වී යා හැකියි. මම පෙන්වන්නම් ඔබ retaining wall එකක් සැලසුම් කිරීමට පෙර කුමන පරාමිතියන් සළකා බැලිය යුතුද යන වග.
1. බිම් මට්ටම් දෙක අතර උස
2. ඉහල බිම් මට්ටමේ බෑවුම් ප්‍රමාණය
3. ඉහල මට්ටමේ බිම මත් යෙදෙන බර සහ බර යෙදෙන ආකාරය (point load, uniformly distributed loads or point loads)
4. පසෙහි ස්වභාවය ( soil friction, density,ets)
5. භූගත ජල මට්ටම
6. වර්ශාව නිසා ඉහල යන ජල මට්ටමින් ඇතිවන තෙරපුම අවම කිරීමට යොදන උපක්‍රම

නිවැරදි ව්‍යුහ සැකසුමක් ලබා ගැනීම තුලින් අනවශ්‍ය මුදල් නාස්තිය වලක්වා ගත් හැකි සේම දේපල හා ජීවිත හානි පවා සිදුවිය හැකි අනතුරු වලක්වාගත හැක.
චායාරූප අන්තර්ජාලයෙන් උපුටාගන්නා ලදී

By ©WandS Chartered Engineers
WandS - Chartered Engineers
Structural Designs, Consultancy Services and Green Building Solutions

මේ හා සම්බන්ද ඔබේ අත්දැකීම්ද අප සමග බෙදාගන්න...

14/10/2020

10/10/2020

පෙරසවි තාක්ශණය බොහෝ ශ්‍රී ලාංකිකයින් අතර ප්‍රචලිත නොවූවක්. නමුත් මෙය ඉතා ලාභදායී සහ කාලය ඉතිරි කරවන ඉදිකිරීම් තාක්ශණික ක්‍රමවේදයකි. උදාහරණයක් ලෙස පෙරසවි තාප්ප හැදින්විය හැකියි. මෙම වීඩියෝව ලංකාවේ ඉදිකිරීමක් නොවූවත් ලංකාවේද පෙරසවි තාප්ප ඉදිකිරීම සිදුකරයි.

installation of precast concrete fencing posts and panels

10/10/2020

How can China build a hospital in 10 days?

A hospital has been built in Wuhan in 10 days to accommodate patients. How did China make it?