08/05/2026
රොමේනියාවේ වැඩ කරන අපේ කට්ටියට රජයෙන් අලුත් නීති රීති මාලාවක් හඳුන්වාදෙන්න යන බව දින කිහිපයකට කලින් මම ලිපියකින් ඔයාලට ගෙනාව මතක ඇති. 📢🇷🇴
පසුගියදා රොමේනියානු රජයේ මාධ්ය හමුවේදී විදේශීය සේවකයන්ට සහ රැකියා වෙළඳපොළට බලපාන වැදගත් තීරණ ගැන රජයේ ප්රකාශිකා අයෝනා ඩොගියෝයු (Ioana Dogioiu) නිල වශයෙන් ප්රකාශ කල සිටියා.
ඒ අතර ප්රධාන වශයෙන්,
1. workinggov.ro - අලුත් ඩිජිටල් පද්ධතියක් 💻
විදේශීය සේවකයන්ගේ සියලුම තොරතුරු සහ වීසා කටයුතු වඩාත් විනිවිදභාවයකින් යුතුව පාලනය කරන්න workinggov.ro නමින් අලුත් පද්ධතියක් හඳුන්වා දෙනවා. මේ හරහා රජයට පුළුවන් කවුද එන්නේ, කොහෙද වැඩ කරන්නේ කියලා නියමිත පාලනයක් තියාගන්න.
2. "වැඩට එන සේවකයා සල්ලි ගෙවිය යුතු නැත" (Employer Pays Principle) 🚫💰
මේක තමයි අපේ අයට තියෙන ලොකුම සහනය! අලුත් නීතියට අනුව, රැකියා ඒජන්සිවලට හෝ රැකියා ලබාදීම් කරන අයට සේවකයාගෙන් කිසිම අමතර කොමිස් මුදලක්, ගාස්තුවක් හෝ තැන්පතුවක් (Commissions/Fees/Guarantees) අය කිරීම නවත්වන්න තීරණය කරලා තියනවා.
Documents සඳහා සියලුම පිරිවැය සේවායෝජකයා (Employer) විසින් දැරිය යුතුයි. මේක OECD ජාත්යන්තර ප්රමිතීන්ට අනුව ගත්ත තීරණයක්.
කෙසේ වෙතත් ඒජන්සි හෝ ඒජන්තවරුන් හරහා පැමිණීමේදී ඒ සඳහා වන සේවා ගාස්තු ගෙවීම් සිදු කිරීමට සිදු වෙනු ඇති.
3. ඒජන්සි වලට ලොකු ඇප මුදලක් (Financial Deposit) 💶
සේවක බඳවා ගැනීම් කරන ඒජන්සි දැන් රජයට යුරෝ 75,000 ක ඇප මුදලක් (සේවකයන් 250ක් වෙනුවෙන්) තැන්පත් කරන්න ඕනේ. මොකක් හරි හේතුවක් නිසා සේවකයෙක් අමාරුවේ වැටුණොත් හෝ ඒජන්සිය නීති කඩ කළොත්, ඒ සේවකයාව නැවත රටට යවන්න හෝ අදාළ දඩ මුදල් ගෙවන්න මේ සල්ලි රජය පාවිච්චි කරනවා. මේක කලින් යුරෝ 100,000ක් ලෙස තිබුනත් එය සංශෝධනය වෙලා තියෙනවා.
4. හිඟ රැකියා ලැයිස්තුව (Deficit Occupations List) 🛠️
රොමේනියාවේ ඇත්තටම සේවකයන් අඩු රැකියා මොනවාද කියලා රජය මාස 6කට සැරයක් ලැයිස්තුවක් හදනවා. විදේශිකයන්ව බඳවා ගන්නේ ඒ විශේෂිත රැකියා සඳහා විතරයි. ඒ කියන්නේ පාරදෘශ්යභාවය තවත් වැඩි වෙනවා.
දේශපාලන තත්ත්වය ගැන පොඩි සටහනක්
දැනට රජයේ ඇමතිවරු කිහිප දෙනෙක් (PSD පාර්ශවයේ) අස් වෙන්න යන නිසා පොඩි දේශපාලන උණුසුමක් තිබුණත්, අගමැති ඉලී බොලෝජන් (Ilie Bolojan) මහතා රජයේ වැඩ කටයුතු සහ PNRR වැනි ව්යාපෘති කිසිම බාධාවකින් තොරව සාමාන්ය පරිදි සිද්ධ වෙනවා කියන සහතිකය දීල තියෙනවා.
ඒ වගේම මේ මාධ්ය සාකච්ඡාවේදී දැනට රොමේනියාව ඇතුලේ නිසි ක්රමවේදයකින් තොරව අනීතිකව රැඳී සිටින (Illegal stay) අය සඳහා නිතිමය රැකියා කොන්ත්රාත්තුවක් සාදා ගැනීමට යම් දින සීමාවක් (grace period) ලබාදීම ගැන තොරතුරු වාර්තා උනේ නැහැ. කෙසේවෙතත්, ඉදිරි සති කිහිපය තුලදී ඒ සම්බන්ධව නිසි දැනුවත් කිරීමක් ලබාදෙන්නට හැකිවෙයි.
ඉතින් මේ අලුත් නීති එක්ක රොමේනියාවේ වැඩ කරන අපේ අයට තියෙන අසාධාරණකම් සහ අනවශ්ය ලෙස සල්ලි සූරාකෑම (Illegal commissions) ගොඩක් දුරට අඩු වෙයි කියලා බලාපොරොත්තු වෙන්න පුළුවන්.
_උපුටා ගැනීමකි_
මේ ගැන ඔයාගේ අදහස මොකක්ද?
#ගේමක්ගහමු ゚
