27/08/2026
"උක්කාධාරෝ මනුස්සානං නිච්චං අපචිතෝ මයා"
(මිනිසුන්ට ආලෝකය දෙන්නා නිතර බුහුමනට ලක්වෙයි)
නිකිණි පුර පසළොස්වක පොහෝ දිනය බෞද්ධ ජනතාවට ඉතා වැදගත් වූ උතුම් පුණ්ය දිනයකි. බුදුරජාණන් වහන්සේ පිරිනිවන් පෑමෙන් පසු පළමු ධර්ම සංගායනාව ආරම්භ වූයේ නිකිණි පොහෝ සමයේදීය. මහා කාශ්යප මහරහතන් වහන්සේගේ ප්රධානත්වයෙන් පැවැත්වූ එම සංගායනාව තුළින් බුදු දහමේ පිරිසිදු බව හා ශාසනයේ අඛණ්ඩ පැවැත්ම රැකගැනීමට මහත් මෙහෙයක් සිදු විය.
එමෙන්ම ආනන්ද මහරහතන් වහන්සේ අරහත්වයට පත්වීම ද නිකිණි පොහෝ දිනය හා සම්බන්ධ වැදගත් සිදුවීමකි. නිකිණි පෝය වස්සාන සමය හා භික්ෂූන් වහන්සේලාගේ වස් විසීම සමඟද සම්බන්ධ වන අතර, ශාසනික වගකීම් සහ විනය සිහිපත් කරන කාලයකි.
අපගේ කාර්යබහුල ජීවිතයෙන් මඳකට මිදී, සිත දෙස නැවත හැරී බලමින්, අයහපත් සිතුවිලි දුරු කරගෙන, දානය, ශීලය, භාවනාව හා ධර්ම ශ්රවණය තුළින් ජීවිතය යහපත් කරගැනීමට මෙම උතුම් දිනය අවස්ථාවක් කරගනිමු.
සියලු සංස්කාරයන් අනිත්ය බව සිහිපත් කරමින්, අප්රමාදයෙන් කුසල් දහම්හි යෙදෙමු.
සැමට පින්බර නිකිණි පුර පසළොස්වක පොහෝ දිනයක් වේවා! තෙරුවන් සරණයි!
පීඨ ශිෂ්ය සංගමය
පශු සම්පත්, ධීවර හා පෝෂණ පීඨය
ශ්රි ලංකා වයඹ විශ්වවිද්යාලය
