09/11/2020
King Of Summer - 2013 ( ග්රීශ්මයේ රජවරු) 🎈
මන් බලපු මන් ආස කරපු සහ මගේ ලිස්ට් එකේ තාමත් Teen කියන කැටගරි එකේ උඩින්ම තියන ෆිල්ම් එකක් කියලා කිවුවොත් මේ ෆිල්ම් එක නම් කරන්න මන් කැමතියි. ඉස්කෝලේ යන දවස්වල අපි හැමෝම කැමතියි, ඉක්මනට ලොකු වෙලා හොද රස්සාවක් අරගෙන තනියම පොරක් වගේ ජීවත් වෙන්න. මේ කතාවේ කතා නායකා වෙන ජෝයි කියන කොල්ලටත් දවසක් අන්න එහෙම හිතෙනවා. ඉතින් මෙහෙම හිතෙන්න ගන්නේ තමන්ගේ දික්කසාද වූ දෙමව්පියන් නිසාත්, ජෝයි තමන්ගේ දෙමව්පියන් වදයක් විදිහට දකින නිසාත් කියලයි මට හිතුනේ. හැම වෙලාවෙම ජෝයි කියන චරිතය අම්මා තාත්තා යන දෙදෙනා ලගටම ගියත් ඔවුන්ගේ දික්කසාදය බොහෝ විට වදයක් විදිහට ජෝයි දකින්නට ඇති. ඒ කෙසේ උනත් දික්කසාද වූ දෙමාපියන් දෙදෙනෙකුගෙන් උපදෙස් මට මොකටද කියලා හිතුනද කියන්නත් බැරි නෑ.
තරුන එවුන් හරිම මුරන්ඩුයි කියලා අපේ ආච්චි කියනවා මන් අහලා තියෙනවා. ඉතින් මෙහෙම මුරන්ඩු වුන ජෝයිට හිටියා ඒ වගේම පට්ට යාලුවෝ දෙන්නෙක්. ඒ බියාජියෝ සහ පැට්රික්. ඉතින් මේ යක්කු දෙන්නටත් ගෙදරින් කෝටියකට බැනුම්. බියාජියෝගේ ගෙදර හරියට මිලිටරි පාසලක් වගේ. හැම වෙලාවෙම යුද්දේ ගැනමයි දේශනාව. පැට්රික් ගැන කියනවානම් පැට්රික්ගේ දෙමාපියන් කොච්චර බලාපොරොත්තු තියාගෙන හිටියත් මේ මනුස්සයා යන්නෙම රුවිතෙට. හැමදාම බැනුම් අහන පැට්රික්ටත් ගෙදර ඉන්න එක ටික ටික එපා වෙන්න ගන්නවා. ඉතින් කතාව බලද්දී තේරෙනවා මුන් තුන් දෙනාම එක වල්ලේ පොල් ගෙඩි තුනක් කියලා.
ඉතින් මෙහෙම දවසක් ගෙදර එක්ක ඇරගන්න ජෝයිට හිතෙනවා තමන් තනියම ජීවත් වෙන එක හොදයි කියලා. ඉතින් මේ මනුස්සයා තමන්ගේම කියලා ගෙයක් හදාගෙන ජීවත් වෙන්න කැලෑ පනිනවා. හැබැයි තනියම නම් නෙවේ තමන්ගේ හොදම යාලුවෝ දෙන්නා වෙන බියාජියෝ සහ පැට්ර්ක්ටත් වයිරස් එක ඔලුවට දාලා. පස්සේ මුන් තුන් දෙනා කැලෑ පැනලා හෙමීට හෙමීට ලස්සන ගෙයකුත් ගහගෙන කැලෑවේ ආතල් එකේ ජීවත් වෙන්න පටන් ගන්නවා. හැබැයි මේ අයගේ දෙමාපියන් නම් හිතන්නේ මේ ගොල්ලෝ පැහැරගෙන ගිහින් කියල තමයි.
හැම ආතල් එකටම හරස් වෙන කෙල්ලක් ඔන්න ටිකෙන් ටික කතාව අස්සට ගේන්න පටන් ගන්නවා. අපේ ප්රදාන කතා නායක ජෝයි ස්කෝලේ යන කාලේ ඉදලම කෙල්ලක්ට ලයින් දානවා. කෙල්ලත් මූත් එක්ක ෆිට් හැබැයි ජෝයි එක්ක ලව් එකක් පටන් ගන්න තරම් ඒකිට වුවමනාවක් නෑ. පස්සේ කොහොමෙන් කොහොමහරි ජෝයි මෙන්න මේ ක්රශ් එකටත් තවත් ගෑනු යාලුවෙක් එක්ක තමන්ගේ කැලෑ ගෙදර නතර වෙන්න එන්න කියනවා. මේ කෙල්ලත් ඉතින් බෑ නොකියා මේ කොල්ලෝ තුන් දෙනාගේ ගෙදර එනවා.ඊට පස්සේ තමා හොදම හරිය...
ජෝයිගේ ක්රශ් එක කෙලී තමන්ගේ හොදම යාලුවා වෙන පැට්රික් එක්ක සම්බන්දයක් පටන් ගන්නවා. දවල් හීන දැකපු ජෝයිට ඔන්න ටික ටික මල පනිනවා. හැමදේම එපා වෙන්න ගන්නවා. එතනින් එහාට කතාව ගැන දැනගන්න බලලා නැත්නම් අනිවා බලන්න. කවුරුද කවුරුද දැන් ලොක්කොන්ගේ කතාව අවසානයට අපිට ගොඩාක් දේවල් හිතන්න දෙයක් ඉතුරු කරලා යනවා.
මේ පේජ් එකට ආපු ලයික් නිසා තමයි මේ වගේ මන් බලපු ෆිල්ම් ගැන පොඩි පොඩි හින්ට්ස් දාන්න හිතුනේ. මේ පෝස්ට් එකට ලයික් වැටුනොත් අනිවාර්යෙන්ම මන් බලපු චිත්රපටි, ගේම්ස් වල තියන කතා ගැනත් මන් ඔයාලට අරගෙන එන්නම්. මම JB
