26/12/2025
ජාතික ව්යවසාය සංවර්ධන අධිකාරිය (NEDA) ශ්රී ලංකාවේ සුළු ක්ෂුද්ර, සුළු හා මධ්ය පරිමාණ ව්යවසාය අංශය සංවර්ධනය කිරීම, දිරිමත් කිරීම, ප්රවර්ධනය කිරීම සහ පහසුකම් සැලසීම සිදු කරනු ලබන රාජය ආයතනයකි. එම අභිප්රාය සාර්ථකව ඉටු කර ගැනීම සඳහා දේශීය ව්යවසායකයන්හට දේශීය සහ විදේශීය වෙලඳපොලට තවත් ප්රවේශ වීමේ හැකියාව වැඩි කිරීම, පහසුකම් සැලසීම සහ දිරිමත් කිරීම සිදු කරනු ලැබේ. එම අරමුණ සාක්ෂාත් කරගැනීම සදහා ජාතික ව්යවසාය සංවර්ධන අධිකාරිය විසින් වාර්ෂිකව දිවයින පුරා “Made in Sri Lanka” අලෙවි ප්රදර්ශන සංවිධානය කරනු ලැබේ. ඒ අනුව ප්රාදේශීය මට්ටමින් සහ දිස්ත්රික් මට්ටමින් ‘Made in Sri Lanka’ අලෙවි ප්රදර්ශනය සංවිධානය කරනු ලබන අතර, ඒ හරහා හඳුනාගන්නා ග්රාමීය මට්ටමේ ගුණාත්මක නිෂ්පාදන ජාතික මට්ටමින් සංවිධානය කරනු ලබන ‘Made in Sri Lanka’ අලෙවි ප්රදර්ශන සදහා තෝරාගනු ලැබේ.
ඒ අනුව එම තෝරාගත් දේශීය නිෂ්පාදන ජාත්යන්තරයට හදුන්වා දීම සදහා ‘Made in Sri Lanka’ අලෙවි ප්රදර්ශනය මෙවර දෙස් විදෙස් සංචාරක ආකර්ශනය දිනාගත් සුන්දර ගමනාන්තයක් වන මාතර දිස්ත්රික්කයේ වැලිගම ප්රාදේශීය සභා කොට්ඨාසයට අයත් එම වෙරළ තීරය කේන්ද්ර කරගනිමින් මාතර දිස්ත්රික් ලේකම් කාර්යාලයෙත්, වැලිගම ප්රාදේශීය ලේකම් කාර්යාලයෙත්, සම්පත් බැංකුව, ශ්රී ලංකා සංචාරක ප්රවර්ධන කාර්යාංශය, Bridjin යන රාජ්ය සහ පෞද්ගලික ආයතන සමග අත්වැල් බැදගනිමින් දෙසැම්බර් මස 26, 27 සහ 28 යන දිනයන්හිදී පෙ.ව. 10.00 සිට ප.ව 10.00 දක්වා පැවැත්වේ. මෙහි සමාරම්භක අවස්ථාව සඳහා ප්රධාන ආරාධිත අමුත්තන් ලෙස ගරු කර්මාන්ත සහ ව්යවසායකත්ව අමාත්යාංශයේ නියෝජ්ය අමාත්ය චතුරංග අබේසිංහ මහතා, බලශක්ති නියෝජ්ය අමාත්ය අර්කම් ඉල්යාස් මහතා ඇතුළු පිරිසක් සහභාගී විය.
ගුණාත්මක තත්ත්වයේ දේශීය නිෂ්පාදන සහිත වෙළෙඳ කුටි 128කින් සමන්විත මෙම අලෙවි ප්රදර්ලශනයේදී පහතරට සම්ප්රදායයන් කැටිකොට ගත් දේශීය සංස්කෘතික සංදර්ශනයන්, DJ සංගීතය, කැලිප්සෝ සංගීතය සහ සංගීත ප්රසංගයක්ද සංවිධානය කර ඇත.
මෙම අළෙවි ප්රදර්ශනයට සමගාමීව සජිවී ආහාර සැකසුම් කුටි රාශියක්ද වැලිගම වෙරළ භූමිය තුල ස්ථාපනය කර ඇත. එසේම ප්රදර්ශනය හරහා මිලදී ගන්නා භාණ්ඩ විශේෂයන්ට ප්රවාහනය කිරීම සදහා එම පරිශ්රය තුළ කුරියර් පහසුකම්ද සලසා ඇත.
