Agri-Biz

21/09/2026

Something to think about high density tea cultivation

දිවිත්ව පේළි ක්‍රමයද ත්‍රිත්ව පේළි ක්‍රමයද ?

ඔබ අධි ඝණත්ව තේ වගා කිරීමට සැලසුම් කරන අයකු නම්, ඔබ පැල සිටුවන රටාව කුමක් ද යන්න වගාවට පෙර තීරණය කල යුතුය. ඒ අනුව ඔබගේ වගාවට අවශ්‍ය පැල ප්‍රමාණය සහ අනිකුත් සමස්ථ තීරණ ගැනීම ඒ මත තීරණය වේ. අද අපගේ මෙම ලිපිය තුලින් ඔබ දෙපේලි ක්‍රමය තෝරා ගන්නවද තුන් පේළි ක්‍රමය තෝරා ගන්නවද යන්න කුඩා පැහැදිලි කිරීමක් ඉදිරිපත් කිරීමට බලාපොරොත්තු වේ.

ඔබගේ වගාව දෙපේලි ක්‍රමයද ? තුන් පේළි ක්‍රමයද

දෙපේලි ක්‍රමයේදී සහ තුන් පේළි ක්‍රමයේදී තේ ගසේ මුල පද්ධතිය සහ අතු රාමුව එකිනෙකට වෙනස් ආකාරයේ හැසිරීමක් දැක්විය හැකිය. දෙපේලි ක්‍රමයට වඩා තුන් පේළි ක්‍රමයේදී වඩා වැඩි පැල සංඛ්‍යාවක් සිටුවීම සිදු කරනු ලබයි.

එබැවින් දෙපේලි ක්‍රමය (Double Hedge Raw -DHR ) සහ තුන් පේළි ක්‍රමය (Triple Hedge Raw -THR ) අතර පොඩි සංසදනයක් ඉදිරිපත් කිරීමට කටයුතු කිරීමට සිතුණි.

එකක වර්ගඵලයක පැල ප්‍රමාණය DHR -වැඩි සහ TDR -ඉතා වැඩි.
අතු අතර තරඟය - DHR -වැඩි සහ THR -ඉතා වැඩියි
මුල් අතර තරඟය - DHR -වැඩි සහ THR -ඉතා වැඩියි
පඳුරක මුල් ධාරිතාව - DHR - වැඩයි සහ THR - අඩුයි
පඳුරක අතු ජීව-ස්කන්ධය - DHR වැඩියි සහ THR - අඩුයි
පඳුරක මුල් විහිදී යාම - DHR -වැඩියි සහ THR - සිමා වී ඇත
පඳුරක මුල්වල ජීව ස්කන්ධය - DHR -වැඩියි සහ THR -අඩුයි
පඳුරක අතුවල ජීව ස්කන්ධය - DHR -වැඩි සහ THR අඩුයි

පඳුරක අතු සහ මුල් අනුපාතය - DHR වැඩියි සහ THR අඩුයි.
අක්කර එකක සමස්ථ මුල් සහ අතුවල ජීව ස්කන්ධය - DHR -වැඩියි සහ THR -ඉතා වැඩියි
ජල සම්පාදනයේ වැදගත් කම - DHR -වැඩියි සහ THR ඉතා වැඩියි

එබැවින් මෙම කරුණු කෙරෙහි විශේෂ අවදානයෙන් බලන කල THR ක්‍රමයට විශේෂ සැලකිල්ලක් දැක්විය යුතුය. එසේ නොවුන හොත් දෙපේලි ක්‍රමය සහ තුන් පේලි ක්‍රමය අතර අස්වනු වල විශේෂ වෙනසක් දැක ගත හැකි නොවුන ඇත.

මේ පිලිබඳ තවත් තොරතුරු සඳහා අපගේ අධි ඝණත්ව තේ වගාව පොත ගේනවා කියවන්න පහත වට්ස්ඇප් අංකයට 070 753 2232) අමතන්න හෝ කෙටි පණිවිඩයක් තබන්න

21/09/2026

🌱 හයිඩ්‍රොපොනික් වී පැළ තවාන - වී වගාවේ නව පෙරළියක්! 🌾

පස නොමැතිව සෞඛ්‍ය සම්පන්න, සමව වැඩුණු සහ උසස් තත්ත්වයේ වී පැළ කෙටි කාලයකින් නිපදවිය හැකි නවීන තාක්ෂණයක්.

✅ ගුණාත්මක පැළ
✅ කාලය හා ශ්‍රමය ඉතිරි කිරීම
✅ ඉහළ පැළ වීමේ අනුපාතය

🚜 අනාගත වී වගාවට නව මාවතක්!

#වීවගාව

08/09/2026

තායිලන්තයේ දී උක් වගාවෙන් කරන සරල නිෂ්පාදන

08/09/2026

තායිලන්තයේ Street Foods සංස්කෘතිය

09/08/2026

04/07/2026

ඔබ තවමත් අධිඝනත්ව තේ වගාව පොත කියවා නැතිද? එහෙනම් මෙන්න අනගි අවස්තාවක් අපගේ අධිඝනත්ව තේ වගාව පිලිබද පොත ඔබගේ නිවසටම ගෙන්වා ගන්න. හෝ අපව අමතන්න 0707532232

04/07/2026

වසර 300 කට වඩා පැරණි හල්දොල ,කිර්ණෞදාගම අඹ ගස

14/06/2026

now you can define your taste profile based on your taste we can make tea

ඩයි නැතුව තේ බොමුද මෙන්න අවස්ථාවක්.

--ඔබගේ තේ එක ඔබම සදා ගන්න -- ලෝකයේම පළමු අවස්ථාව ශ්‍රී ලංකාවෙන්.

ශ්‍රී ලංකාව යනු ලෝකයේ ඉහළම ගුණාත්මය සහිත තේ නිෂ්පාදනය කරනු ලබන රටක් වන අතර ඉහළම මිල ගණන් ඔස්සේ ලෝකයට තේ අලෙවි කරන රටක් ලෙස ලොව පුරා ජනප්‍රිය වී ඇත.
නමුත් ශ්‍රී ලංකිකයින් ලෙස ලංකාවේ වෙළද පොළ තුල ඉහල ගුණත්මයකින් සහ රසයකින් යුක්ත තේ එකක් මිලදී ගැනීමට හෝ පානය කිරීමට ඇත්තේ අවම අවස්තාවකි.

එබැවින් ඔබ කැමති පාට ,රසය, සුවද , ඔබ කැමති තේ වර්ගය , ඔබ තේ සදහා දක්වන විශේෂ අවදානය , උඩරට , මැදරට , පහතරට ද ආදී සියලු සාධක සලකා බලා

ඔබේ රස තේ එක ඔබේ කැමැත්ත පරිදි ඔබම විසින් ම නිර්මාණය කර ගැනීමට ශ්‍රී ලංකාවේ අතින් තේ නිපදවන්නන් කටයුතු කරමින් ඇත.

මේ අවස්ථාව උත්සහ කර බලන්න

පහත දිගුව භාවිතා කර ඔබේ බීමට කැමති තේ එකේ විස්තර අපිට කියන්න. https://forms.gle/vs66mtsfn3GFiiwx6
ඔවුන් ඔබගේ තේ එක නිර්මාණය කරණු ඇත.

07/06/2026

තේ ඉඩමකට අවශ්‍ය පොහොර ප්‍රමන ගනනය කිරීම

-තේ ඉඩමක අවශ්‍ය පොහොර ගණනය කිරීම -ලිපි අංක -01
(අදායමෙන් 10% ක් පොහොර වලට යොදමු )

තේ පොහොර මිල වැඩියි ,
අස්වැන්න නෑ ,
මිල අඩු කරන්න ,
දළු නැ ,
පොහොර සහනාධාරයක් අවශ්‍යයි මේ මෙදින වල තේ ගොවියන් විසින් නඟන මැසිවිලි කිහිපයකි.

නමුත් පොහොර යනු තේ වගාවේ ඉතාම නිවැරදි ලෙස කළමනාකරණය කල යුතු යෙදවුමකි. නමුත් පසේ pH අගය , කාබන් ප්‍රතිශතය සහ අනිකුත් පෝෂක සම්බන්ධ කරුණු ගැන තේ ගොවියන් වැඩි අවදානයක් යොමු නොකරන අතර ඔහේ පොහොර යොදන්නම් වලේ පොහොර යොදා අස්වනු බලාපොරොත්තුවෙන් සිටියි .

එබැවින් ඒ පිළිබද ලිපි කිහිපයක් ලිය පල කිරීමට සිතුණි.

--ඔබේ ඉඩමට කොපමණ පොහොර අවශ්‍යද ? -

තේ වගාව යනු සැබවින්ම Science සහ Economics ය එබැවින් ඒ පිලිබදව ඔබට නිසි අවබෝධයක් ඇතුව මෙය සිදු කල යුතුය.

උදාහරණයක් ලෙස ඔබගේ ඉඩමෙන් අක්කර එකකට දළු 550 Kg අවමය කඩන්නේ නම් ,
ඔබගේ ඉඩමේ මාස තුනක අස්වැන්න (550 X 3 = 1650) 1650 Kg ක් වේ.
එය කළු තේ ලෙස ගත හොත් (1650 x 21.5%) 354.75 Kg වේ.
ඔබ ඉඩමට සැපයිය යුතු N ප්‍රමාණය , කළු තේ බරින් 10% කි
එනම් (354.75 Kg x 10%) 35.46 කි.

ඔබ මෙය සැපයීමට U -709 පොහොර මිශ්‍රණය භාවිතා කරන්නේ නම් , එහි N -28% ක් ඇත.
එනම් ඔබට අවශ්‍ය U -709 පොහොර ප්‍රමාණය යනු 35.47 x 100/28 = 127 Kg , දළ වශයෙන් අපි 125 Kg යොදනු ලබයි.
එබැවින් මෙම N ප්‍රමාණය ලබා දීමට ඔබට විවිධ මිල ගණන් ඔස්සේ පොහොර මිශ්‍රණ කිහිපයක් ඇත. U -709, UT -752, U -834, UT-1625, T-1240 ආදී මිශ්‍රණ කිහිපයක් ඇත.
උදහරණ ලෙස ඔබ UT -752 පොහොර මිශ්‍රණය (N -26 %) ඇත ඔබට වැය කල යුතුවන්නේ LKR 30000.00 ආසන්න මුදලකි.

ඔබ අක්කර එකට 550 Kg කඩන්නේ නම් දළු මිල LKR 200.00 නම් , මාස තුකදී ඔබට LKR 330,000.00 අදායමක් ලැබෙන අතර පොහොර වලට වැය කල යුත්තේ ඉන් 10% ක් පමණි.

නමුත් ඔබේ පසේ pH පරීක්‍ෂා කර නොමැත ,
පසේ කාබන් නොමැත ,
අක්කරයට තිබිය යුතු ගස් ගන්න නොමැත ,
පස සේදී ගොස්ය,
අස්වැන්න ද ඉතා අඩුය,

එබැවින් සමහරු සමස්ත අදායමෙන් 50%, ක් පොහොර සදහා වියදම් කරයි. එබැවින් තේ වගාව එපා වී ඇත.