13/07/2026
වැලිකඩ බන්ධනාගාරය, පසු ගිය වසර තුනහමාරේ මගේ නවාතැන. එහි “සිරකරැවෝ මනුෂ්යයෝය “ තාප්පයට පමණි.
——————————-
* මම මෙතනට ආවෙ 2023. 02.24දින වසර 4 ක සිර දඬුවමක් ලැබිල ශ්රේෂ්ඪාධිකරණයෙන්. වරද නීතීඥයෙකු ලෙස මාධ්ය සාකච්ඡා පවත්වා අධිකරණ තීන්දු විවේචනය කොට අධිකරණයට අපහාස කිරීම.
* එහෙම ඉන්නකොට 2023 ජුනි මාසෙ අභියාචනාධිකරණෙන් මාස හයක හා අගෝස්තු මාසෙ කොළඹ මහාධිකරණයෙන් මාස හයක සිර දඬුවම් ලැබුන, ඒ අවුරැද්දත් සමග එකතුව අවුරැදු පහයි.
* ඒත් මාධ්ය හරහා අධිකරණයට අපහාස කිරීමේ චෝදනා
* වැලිකඩ බන්ධනාගාරයේ H වාට්ටුවේ තමයි මුලින්ම නවාතැන් ලැබුෙන.
* මාස පහමාරකින් M වාට්ටුවට මාරැ කළා. එතන තමයි වැඩිම කාලයක් හිටිෙය.
* දැනට මාස තුනකට විතර කලින් නැවත H වාට්ටුවට මාරැ කළා.
* එතන මාසයක් ඉඳල K වාට්ටුවට මාරැ කළා.
* H සහ K වාට්ටුවට සිර කාමරවල තමයි හිටියෙ. හවස 5.30 ට සිර කාමරවලට දාල වහනව. එළිවෙලා 6 ට විතර කූඩු වලින් එළියට ගන්නව. නැවත සවස 5.30 ට වහනකම් එළියෙ ඉන්න පුලුවන් ටිකක් නිදහසේ. හැබැයි රෑ වැසිකිළි යන්න බැහැ. ටින් වලට තමයි ඒව කරන්න වෙන්න.
* M වාට්ටුව ශාලාවක්. ඒකෙ සිර කුටි නැහැ. වැසිකිළි තියෙන නිසා ඕන වෙලාවක යන්න පුලුවන්. ඒක ලොකු වරප්රසාදයක්.
* පෝලිමේ ගිහින් පිගානට කෑම ගන්න ඕන. මිරිස් තුන පහ, පොල් කිරි බොහොම අඩුයි, කෑම දිය රහයි.
* සුදු කොට කලිසමයි, සුදු අත් කොට කමිසයයි තමයි ඇඳුම. කොන්ඩෙ කොටට කපා ගන්න ඕන. රැවුලත් එහෙමයි.
* මරන දඬුවම ලැබුනු සහ අභියාචන නඩු තිබෙන අය හැරැනහම අනෙක් සෑම සිර කරැවෙකුම උදේ 7.30 සිට සවස 3 තෙක් වැඩ කරන්න ඕන. වඩු වැඩ , මේසන් වැඩ , කම්මල් වැඩ, සබන් හැදීම, කොහු වැඩ, වගාව. ඇඳුම් මැසීම වගේ වැඩ තියෙනව . මම හිටියෙ මැහුම් අංශයේ.
* බිම පැදුරැ එළල අපි නිදා ගන්නෙ පොඩි ඉඩක. බෑග් එකක එල්ලල අපි ලගම අපේ සීමිත බඩු භාණ්ඩ තියා ගන්නව. හරිම සරළ ජීවිත.
* ගෙදරින් උයපු කෑම සහ වියළි ආහාර , සීනි කිරි පිටි ගෙදරින් ගෙන්න ගන්න පුලුවන් අවුරැද්දට දින පහක් පමණයි. සැප්තැම්බර් 12 සිරකරැ දිනය, නත්තල් දින, නිදහස් දින, අප්රේල් 13, 14 අවුරැදු දා, වෙසක් දින කියන දින වල පමණයි සුධර්මිකා ගෙදර උයපු කෑම ටිකත් කන්න වාසනාව ලැබෙන්නෙ.
* ඊට අමතරව සිර කරැ දිනයේදි ගෙදර කට්ටිය තුන් දෙනෙකුට සිර ගෙදරට ඇවිත් අපිත් එක්ක පැය තුනක් විතර පැදුරැවල වාඩි වෙලා එකට කෑම ටිකක් කාල කතා බහ කරන්න අවසර ලැබෙනව.
* හිටපු අවුරැදු තුන හමාරට ඉතාම සරළ ජීවිතයක් ගෙවන්න ලැබුන.
* ජීවිතය ගැන ආවර්ජනයක් කරල කරපු හොඳ වැඩ, ගොං කම් , වැරදුනු තැන් ගැන හිතන්න ලොකු ඉඩක් ලැබුන.
* බොහෝ අයට නීති උපදෙස් වගේම මානසිකව වැටිල ඉන්න අයට උපදේශන කරන්නත් මට අවස්ථාව ලැබුන. ( මම මනෝ විද්යා උපදේශකයෙක්)
* අසාධාරණ වැඩ වලට යම් යම් අවස්ථාවල නිළධාරීන් සමග ගැටෙන්නත් වුනා.
* වටිනාම දේ තමයි හිර කාරයන් එක්ක කතා කරල ලැබුණු දැනුම.
* සිර කරැවෝ ද මනුෂ්යයෝය, කියල මෙහෙම එළියෙ තාප්පෙ කොටල තිබුනට සිර කරැවන්ට ඒක අදාළ කර ගන්නව හරිම අඩුයි.
* ගෙදරින් විසිට් එන්නෙ නැති බොහෝ රැඳවියන් සබන් දත් බෙහෙත් ටිකත් අත පාල වෙනත් අයගෙන් තමයි ඉල්ල ගන්නෙ. මාස හයකටවත් සැරයක් බන්ධනාගාරයෙන් සබන් කෑල්ලක් ලැබෙන්නෙ නැහැ.
* අසනීපයකට නිසි ප්රතිකාර ලැබෙන්නෙ නැහැ. ඒ නිසා බොහෝ රෝගීන් හිර ගේ ඇතුලෙම මිය යනව.
* සිර කරැවන්ව සම්මුඛ පරීක්ෂණයකට ලක් කරල ඔවුනට තිබෙන ගැටලු විමසල සහනයක් දෙන්න ක්රම වේදයක් හිර ගෙදර නැහැ.
* එළියෙ ඉඳන් ඇතුලට එන රැඳවියන්ව ගේට්ටුවෙදි බන්ධ පොලීසියෙ අය පරීක්ෂා කරන්නෙ ඇඳුම් ගලවල . පස්ස පෙන්නල තටමන්නත් ඕන නිරැවතින්. එහෙම තමයි කුඩු ගේනවද බලන්නෙ. Scan යන්ත්ර පාවිච්චි කරන්නෙ නැහැ. මේක මානව හිමිකම් උල්ලංඝනයක් කියල මම දවසක් බන්ධ නිළධාරීන්ගෙන් ගේම ඉල්ලුවා. පස්සෙ පස්ස මමත් නිරැවතින් පස්ස පෙන්නල ආව. ( මීගමුවෙ දි අමානුෂික ලෙස ඝාතනය වූ අට දෙනාම වැලිකඩ සිට එදා උදේ මීගමුවට ගිය බන්ධ පොලීසියෙ නිළධාරීන්. ඔවුන් සමග රැඳවියන් ඉන්නෙ හරිම වෛරයකින් )
* හිර ගෙදර පුනරැත්ථාපනයක් නැහැ. හැදෙන එකා හැදෙනවා. නැති එකා නැහැ.
* මරන දඬුවම සහ ජීවිතාන්තය දක්වා සිර දඬුවම් ලබපු රැඳවියන්ට නිදහස ලබන දිනයක් නැහැ. අවුරැදු 32 ක් එහෙම ඉන්න අය මට මුණ ගැසුනා. ඒ වගේ අය අසනීප වෙලා, වයසට ගිහින් හිර ගෙදරම මැරෙනව. ඒක හරිම අමානුෂිකයි.
* බොහෝ රැඳවියන් පවුලේ එකම ආදායම් උපයන්නා, ඒ අය හිර ගෙදර දඬුවම් විඳිනකොට දරැ පවුල් අනාථ වෙනවා, අනාරක්ෂිත වෙනවා. බිරිඳ රැකියා කරන්න එළියට ගියහම දරැවන් ගෙදර අනාරක්ෂිතයි. ඔවුන්ගේ ඉගෙනීම කඩා කප්පල් වෙනව, තරැණ දූ වරැන් අයාලේ යනව. මේක ඛේදවාචකයක්. සරෝජිනී පෝල්රාජ් ඇමති තුමිය මේ ගැන දන්නවද?
* හිර ගෙදර ගැන ඉගෙන ගන්න කෙනෙක් ඉන්නව නම් කතා කරන්න. බන්කු පුටු ගේන්න එපා. කියා ෙදන්නම්
* ඉදිරියට මගේ ජීවිතයේ ලොකු ඉඩක් මම සිර කරැවන් නිදහස් කිරීම හා ඔවුන්ගේ හා දරැ පවුල්වල සුභසාධනය වෙනුවෙන් කැප කරනවා.
* පා පැදියෙන් ගෙදර සිට කි. මීටර් 15 ක් පැදල දූවිලි දහදිය පිටින් තමයි අද උදේ මේ සෙල්පිය ගත්තෙ. මූන කචල් කියල අවුලක් ගන්න එපා.
* තැලෙන , පෑගෙන, පොඩි මිනිස්සු වෙනුවෙන් පෙනී සිටිනව කියල බලයට ආපු ආණ්ඩුව මරන්න ගෙනියන හරක් ඩොල්ෆින් එකට පටවනව වගේ මේ දවස්වල
හිර ගෙවල් පුරවනව. මම ඇතුලට යන කොට සමස්ථ රැඳවියන් 27000 යි ලංකාවෙම හිර ගෙවල්වල හිටියෙ. දැන් 44000 පැනල. සැමන් පැක් කරල වගේ නිදා ගන්නෙ, නා ගන්න ඇඳුමක් හෝද ගන්ක හිර කාරයො මරා ගන්නව. ආණ්ඩුවට වගේ වගක් නැහැ.
* 54 ගහල කුඩු ජාවාරම් කාරයො කියල පොලීසිය අල්ලල ඇතුලට දාන්නෙ කුඩු වලට ඇබ්බැහි වුන සාමාන්ය තරැණයන්. අවුරැද්දකට වැඩිය යනව ඇප ගන්න. ඒකයි හිර ගෙවල් උතුරන්නෙ. ඇත්තටම කරන්න ඕන ඒ අය පුනරැත්ථාපනය කිරීමයි. රෝගීන්ව මෙහෙම සිරගත
කිරීමට පාලකයො ලැජ්ජ වෙන්න ඕන.
* සිර ගෙවල්වල නිළධාරීන් බහුතරයක් ජීවත් වෙන්නෙ වැටුපෙන් නෙවෙයි. මුදලට සිරකරැවන්ට පහසුකම් සපයල. ජංගම දුරකථන, මත් ද්රව්ය හිර ගෙදරට ගේන්නෙ නිළධාරීන්. කීප දෙනක් අහු වෙලා සිරබත් කනව. සමහරැ රක්ෂිත බන්ධනාගාරවල. නිළධාරීන් ගෙවල් දොරවල් හදාගෙන වාහන අරගෙන ඉන්නෙ සිරකරැවන් නිසා.
* ඊෂි කෑෂ් දාන්න සල්ලි නැති දුප්පත් සිරකරැවන්ට නිළධාරි දෙවියන්ගෙ බැල්ම නැහැ. ඔවුන් අසරණයි. මේ අයට පොඩ්ඩ වැරදුනොත් මව් සිහි කරල නැව් ගුටි. යහමින් මුදල් ඇති සිරකරැවන්ට සැප.
* සීආර්පී, මැගසින්, ගාල්ල, කෑගල්ල, මහර හිර ගෙවල් තද බදය නිසා උතුරනව. හිරකාරයො නිදා ගන්නෙ turn එකට. පාර්ලිමේන්තුෙව 225 ට , මහේස්ත්රාත් වරැන්ට ඕනෑම දිනක හිර ගෙවල් ඇතුලට ගිහින් මේ ඛේදවාචකය නිරීක්ෂණය කරන්න පුලුවන්. ඉක්මනට ගියොත් අනිත් හිර ගෙවල් අතරින් ඊ ලග මීගමුව මතු වීම නතර කරන්න යමක් කරන්න පුලුවන් වේවි.
* හිර ගෙදර තදබදය අඩු කරන්න පොලිසියට, නීතිපති දෙපාර්ථමේන්තුවට , ගරැ අධිකරණයට ලෙහෙසියෙන්ම පුලුවන්. ඇප පනතේ 2 වැනි වගන්තියට ගරැ කරන්න. ඒක කියන්නෙ “ ඇප දීම රීතියයි, ඇප නොදීම ව්යතිරේඛීයයි” කියල. සරලව කිව්වොත් හැකි සෑම අවස්ථාවකම ඇප දෙන්න කියලයි නීතිය කියන්නෙ. හැබැයි විමර්ෂණ අවසන් නැහැ වගේ හේතු කියල බොහෝ අපරාධ නඩුවල පැමිනිල්ල අධිකරණයෙන් ඉල්ලන්නෙ ඇප ප්රතිත්ෂේප කරන්න කියල. ඉතින් හිර ගෙවල් පිරෙනව.
* ආණ්ඩුවට තවම බැරි වුනා කුඩු නඩුවල රස පරීක්ෂක වාර්තා අවුරැද්දක් ප්රමාද වීම වළක්වන්න. කළ යුත්තේ රස පරීක්ෂක දෙපාර්ථමේන්තුවට අලුත් ගොඩනැගිල්ලක් එකතු කරල වැඩි පුර නිළධාරීන් බඳවගෙන , ලංකාවෙ නැති නම් ඉන්දියාවෙන් හරි ගෙන්වල වාර්තා කඩිනම් කරන්න. එතකොට අලුත් හිර ගෙවල් හදන්න ඕන නැහැ.
* පොලීසියට බොරැ ටාගට් දෙන නිසා පාරෙ ඇවිදින තරැණයන්වත් බොරැවට කුඩු වලට අල්ලල ඇතුලට දානව. ඒ වගේම ඇප නොදෙන 54 වගන්තියෙන් උසාවියට දානව. පොලිස්පති මේ අපරාධය නැවැත්විය යුතුයි.
* ඔය හිර කරල තියෙන 44000 න් 30000 ක්ම ඇතුලට ආපු සැබෑ හේතුව දරිද්රතාවය. නෝර්වේ, ස්වීඩන්, ඩෙන්මාත්, ෆින්ලන්තය වගේ රටවල සිර ගෙවල් වැහෙන්නත් අපේ හිර ගෙවල් පිරෙන්නත් හේතුව ඒකයි.
* ඉතින් වරද දුප්පත්කම නම් උත්තරය ඔවුන්ව හිර ගෙවල් වලට ගාල් කිරීමද? සමාජ සාධාරණත්වය ඇති රටක් හදන්න වෙර වීරිය ගැනීමද? ඔවුන්ට ආහාර වලට පමණක් රටේ බදු ගෙවන ජනතාව දිනකට කෝටි තුනකට වඩා වැය කරන බව ඔබ දන්නවාද? ඒකම අපරාධයක් නෙවෙයිද?
* අද මම දැක්ක වැලිකඩ බන්ධනාගාරය ඉදිරිපිට මිය ගිය නිළධාරින්ගෙ ඡායාරෑප සහිත බැනර් එකක් එල්ලල ඔවුන්ට නිවන් සුව පතල. හැබැයි ඝාතනය වුන රැඳවියන්ට නිවන් සුව පතල එක හිර ගෙදරකවත් බැනර් නැහැ, ඒ ඇයි? ඔය මිය ගිය රැඳවියන් අතර බහුතරයක් සිද්ධියට කිසිම සම්බන්ධයක් නැති අය බව පසුව ඔබට දැන ගන්නට ලැබේවි.
* කවුරැ හරි දන්න කෙනෙක් මට අවස්ථාවක් දෙන්න ජනාධිපති සහෝදරය මුන ගැහිල මේ ටිත තේරැම් කරල දෙන්න.
* මේ ඇත්ත දන්නව නම් එයා අහවල් කෙනා මුල් පුටුවෙ තියා ගන්න 22 ගේන්න දහං ගැට නොගහ පීඩිත පන්තියෙ දුක් විඳින රැඳවියන්ගෙ ජීවිත සුවපත් කරන්න යමක් කරාවි.
* දුකයි, ඇඬෙනවා, දැනට නවතින්නම්
- සිර අංත B 13815 අජිත් ප්රසන්න
උපුටා ගැනීමකි 🙏
