14/01/2023
ඉඩක් ලැබෙන හැම වෙලේම මේ දේවල් ලෑස්ති කරගන්න. වෙනම පොඩි ෆයිල් එකක් තියාගන්න. ඒ වගේම ඩ්රයිවර් එකක හරි පෙන් ඩ්රයිවර් එකක හරි මේ හැම ඩොකියුමන්ට් එකක්ම පිළිවෙලට ස්කෑන් කරලා නේම් කරලා පී.ඩී.එෆ් ෆෝමැට් එකෙන් තියාගන්න.
1. පාස්පෝර්ට් එක වර්තමාන සහ කල් ඉකුත් වූ ඒවා ඇත්නම් ඒවාද ස්කෑන් කර තබාගන්න. තවද,
නැතිවූ හෝ අස්තානගත වූ පාස්පෝර්ට් එකක් ඇත්නම් ඒ පිළිබදව ළගම ඇති පොලිඩ් ස්ථානයේ පැමිණිල්ලක් කර, එම පැමිණිලි පත්රයද පාස්පෝර්ට් එක සාදා නිම වීමෙන් අනතුරුව ඔබගේ ෆයිල් එකේ තබාගන්න. එයද විදේශ කටයුතු අමාත්යාංශයේ අනුමැතිය සහිත වීම ඉතාමත් වැදගත්.
2. බැක්ග්රවුන්ඩ් කිහිපයක් සහිත මිණුම් කිහිපයක් සහිත ෆොටෝ
(පිළිවෙලකට කොණ්ඩය සහ ඇදුම් ගැන මනාව සැලකිලිමත් වන්න)
මෙම බයෝමෙට්රික්ස් ෆොටෝස්, කිසි ආකාරයකින් එඩිට් කරන්න එපා ඒ ආකාරවම ස්වාභාවික රූප රාමුව දෙන්න. එසේ නොවුනහොත් ඔබේ වීසා පත රිජෙක්ට් වීමටත් හේතුව වේ.
3. උප්පැන්න සහතිකය සිංහල හෝ දමිළ - ඉංග්රීසියට පරිවර්තනය කරගන්න. මේ සදහා රජයේ අනුමැතිය ලත් පරිවර්තන නිළධාරි කෙනෙකුගෙන් පමණක් එය සිදු කරගන්න.
තවද පාස්පෝර්ට් එකේ සදහන් පරිදි නම එම ඉංග්රීසි අකුරින්ම පිරවිය යුතුව තිබේ.
උදා:- වික්රමසිංහ
Passport- Wickramadinghe
BC translation- Wickramasingha
මෙම E අකුර සහ A අකුර ගැන සැළකිලිමත් වන්න.
හිස්තැන් එහෙම එකට ලියා ඇති අවස්ථාවන් වල එම තැනට අදාළව දිවුරුම් ප්රකාශ ඉදිරිපත් කළ යුතු වන්නේ අධිකරණ අමාත්යාංශයේ අනුමැතිය හරහා ය.
4. විවාහ සහතිකද ඉහත කී ආකාරයටම පරිවර්තනය කරගන්න.
5. සියළුම අධ්යාපනය සහතික, අධ්යාපනය අමාත්යාංශයේ සහතික කිරීම අත්යාවශ්ය වේ
6. රැකියාව සම්බන්ධ සියළුම ලිපි ලේඛන ද ඒ ආකාරව තබාගන්න.
7. වැක්සීන් සහතිකය ඩිජිටල් එක, අදාළ MOH කාර්යාලේන් ලබාගැනීමට කටයුතු කරන්න.
8. අධ්යාපනය සහතික WES අනුමැතිය ලබාගැනීමට කටයුතු ඔබ විසින්ම කරගන්නේ නම් හොදයි.
World Educational System
9. ඉතාමත් සොලිඩ් රීසන්ස් ඇතුළත් SOP - State of Purpose ලිපියක් සකසා ගන්න. එය Educational Visa පතක් නම්- නැවත ලංකාවට ඔබ ඒමට අනිවාර්යයෙන්ම නියමිත බව පිළිගත යුතු කරුණු මගින් සනාථ විය යුතු මයි.
Work Visa අයදුමක් නම් - ඔබ මැනෙවින් එම රට ට යහපත් ලෙස සහ එම රටෙහි මුදල් එම රටටම වියදම් කෙරෙන බවට සදහන් විය යුතුයි. (ස්පොන්සර් කෙනෙක් - එම්ප්ලෝයර් කෙනෙක් එම වීසා පත එවනවා නම් එලෙස බරපතල විය යුතු නෑ) නමුත් පෞද්ගලිකව අයදුම් කරනවා නම් අනිවාර්යයෙන් ම හොද ලිපියක් අවශ්ය වේ.
10. මුදල් පෙන්වීමේ දී, නිශ්චල හා චංචල දේපළ හරියාකාරව ඔබට හිමි අයුරු පෙන්විය යුතුයි. එක වරම ආ මුදල් සම්බන්ධයෙන් කිසි පොසිටිව් ෆීඩ් බැක් එකක් ලැබෙන්නේ නෑ. එම නිසා දේපළ හා මුදල් සම්බන්ධයෙන් ඉතාමත් සැළකිලිමත් වන්න. මන්ද සමහර එම්බසි වලින් ඔප්පු වල පත්තිරු වල අංක පවා අදාල ආයතන වලින් චෙක් වෙනවා.
මුදල් දාලා පෙන්වන ස්පොන්සර්ස් ලාගේ ඔබට දෙන ස්ථීර තැන්පතු ඔප්පුවේ සදහන් මුදල එම්බසි එකෙන් හෙඩ් ඔෆිස් එකෙන් චෙක් කරන වෙලාවට පෙන්වන්නේ නෑ. මේවා ඔබ දන්නේ නෑ. නමුත් සත්ය නම් ඒවා බැංකු නිළධාරියා සහ මුදල් පෙන්වන කෙනා අතර ඇති ගණුදෙනුවකි. අවසානයේ බොද වන්නේ ඔබේ සිහිනයයි!!
ඉහත සදහන් සියළුම ලිපි ගොනු විදේශ කටයුතු අමාත්යාංශයේ අනුමැතිය ලබාගෙන තබාගැනීම ඔබට පහසුයි.
ඉතිං තවත් ලියන්න කැමති, ඔබට වැදගත් සංක්රමණික වීසා රෙගුලාසි පිළිබදව.
නිතරම හැමදේම ගැන අප්ඩේට් වෙලා ඉන්න...
සුභ ගමන්!!!
