AMGuides

AMGuides تطوير يعني قيمة وكسب مكان أفضل فقد حان الوقت لكي تتخذ القرار الصحيح لتطوير أعمالك فأهلاً بك

"بين زحمة الطرق، وفنجان القهوة السريع الصبح.. يبدء يومنا ......في واقعنا اليوم، كل مشكلة في السوق هي في الحقيقة فرصة ليك...
10/06/2026

"بين زحمة الطرق، وفنجان القهوة السريع الصبح.. يبدء يومنا ......

في واقعنا اليوم، كل مشكلة في السوق هي في الحقيقة فرصة ليك !!!

نقص خدمة أو بضاعة معينة، تأخر في التوصيل، أو تحديات في الدفع الإلكتروني، أومشاكل ثقنية متكررة..
كلها مشاكل تستنى في من يسبق ويحلها ويستغل الفرص.

فهل إنت مستعد لحلها اليوم؟

توكلنا على الله، وربي يسهل لكل واحد في مسعاه

#طرابلس #ليبيا #نجاح #بزنس

لو حاس روحك اليوم بدأت أسبوعك وأنت مضغوط ووسط فوضى الإداريات والمبيعات.. إتفكر إن الحل مش إنك تخدم أكتر، الحل إنك تخدم ب...
01/06/2026

لو حاس روحك اليوم بدأت أسبوعك وأنت مضغوط ووسط فوضى الإداريات والمبيعات..
إتفكر إن الحل مش إنك تخدم أكتر، الحل إنك تخدم بـ ذكاء وتبني السيستم صح.

أسبوعكم موفق ومثمر جميعاً... 🚀

كل عام وانتم بالخيرات مُنعميين وبالأعمال الصالحة مقبوليين
26/05/2026

كل عام وانتم بالخيرات مُنعميين وبالأعمال الصالحة مقبوليين

الحج مش مجرد عبادة.. هو أكبر درس "إدارة وتخطيط لوجستي" في العالم...لو تأملنا في فريضة الحج بعقلية بزنس وتطوير أعمال، ح ن...
25/05/2026

الحج مش مجرد عبادة.. هو أكبر درس "إدارة وتخطيط لوجستي" في العالم...

لو تأملنا في فريضة الحج بعقلية بزنس وتطوير أعمال، ح نطلعوا بـ 3 دروس أساسية تحتاجها شركتك اليوم بيش تنجح وتتوسع:

1️⃣ قوة "السيستم" الموحد:
ملايين البشر من مختلف اللغات والثقافات يتحركوا في نفس اللحظة، وبنفس الخطوات، ومن غير فوضى. ليش؟
لأن فيه "منظومة عمل" واضحة وقوانين ثابتة.

شركتك مش ح تكبر إلا لما أدير "سيستم" يخلي الموظفين يشتغلوا بدقة حتى في غيابك.

2️⃣ التخطيط للمواسم والأزمات:
إدارة الحج تعتمد على التنبؤ بالحشود وتجهيز البدائل قبل وقوع أي مشكلة.

في السوق الليبي، الشركات اللي تنجح هي اللي تملك "إدارة تطوير لأعمالها" أتخطط للمواسم، وتدرس حركة المنافسين، وتحسب حساب الأزمات المادية والتشغيلية مسبقاً.

3️⃣ وضوح الرؤية والهدف:
الكل حريص في الحج يعرف وجهته الجاية بالدقيقة والثانية (من عرفات، لمزدلفة، لمنى).

لو موظفينك وتيم المبيعات عندك يشتغلوا من غير أهداف شهرية واضحة ومقاسة (KPIs)، فأنتم إتضيعوا في وقت وجهد وفلوس في الفاضي.

الخلاصة: النجاح العشوائي ينتهي بسرعة، والنجاح المستدام يبي "تخطيط واستراتيجية مستمرة".

لهذا... خلي عندك نظام عمل يخدملك للقدام

بين شركة واقفة على "السيستم" وشركة واقفة على "صاحبها".. وين مشروعك اليوم؟ خلونا نكونوا واقعيين بلغة البزنس:تليفونك ما يس...
21/05/2026

بين شركة واقفة على "السيستم" وشركة واقفة على "صاحبها".. وين مشروعك اليوم؟

خلونا نكونوا واقعيين بلغة البزنس:
تليفونك ما يسكتش من الصبح إلى الليل؟ "يا حاج البضاعة نقصت"، "يا مدير الموظف ما جاش"، "يا بشمهندس الزبون يبي تخفيض"..

مبيعاتك بالآلف وأكثر صح.. بس قاعد غارق في "دوامة التفاصيل اليومية".

القاعدة تقول: إذا كان مشروعك ما يمشيش من غيرك.. فأنت ما تملكش شركة، أنت تملك "وظيفة بتعب قات-ل".

هنا يجي دور مطور الأعمال المحترف:
مش جاي يعلمك كيف تبيع.. هو جاي يـبني "السيستم" اللي يخلي شركتك تشتغل وتتوسع وتجيب فلوس، حتى وأنت مسافر أو واخد إجازة.

الشركات اللي تكتسح السوق الليبي حالياً مش لأن بضاعتها سحرية، بل لأن صاحبها قرر يطلع من دور "الإطفائي اللي يطفي في المشاكل"، ودخل لدور "القائد اللي يخطط للتوسع".

لكل صاحب شركة حاسس روحه مخنوق من الفوضى الإدارية ووصل لسقف نمو:
📥 ابعتلي رسالة على الخاص بكلمة (تطوير)، وخلينا نشخصوا الوجع الحقيقي لمشروعك في جلسة استشارية مغلقة.

من إللي متحكم في سوقك.. أنت ولا المنافس والمورد؟ 🧐في السوق اليوم، هلبا أصحاب أعمال يحسابوا إن نجاحهم يعتمد بس على "شطارت...
13/05/2026

من إللي متحكم في سوقك.. أنت ولا المنافس والمورد؟ 🧐

في السوق اليوم، هلبا أصحاب أعمال يحسابوا إن نجاحهم يعتمد بس على "شطارتهم في البيع". لكن الحقيقة، فيه قوى خفية تتحكم في السوق وممكن تسببلهم خسائر وهم مش حاسين!

اليوم كلامنا علي الأداة الثانية من سلسلة ، حنتكلموا على أداة تشخيصية قوية جداً اسمها:
[تحليل القوى الخمس لبورتر - Porter’s Five Forces]

الأداة هذه تخليك تقيس "مدى سيطرتك" على مشروعك من خلال 5 قوى أساسية:

1️⃣ قوة الموردين (Supplier Power): لو بضاعتك تجيب فيها من تاجر جملة واحد أو مصنع واحد من الصين أو تركيا، ومفيش غيره.. معناه هو اللي يتحكم فيك وفي هامش ربحك!

2️⃣ قوة الزبائن (Buyer Power): لو مشروعك معتمد على 3 أو 4 زبائن كبار بس، لو سيبوك، مشروعك حيوقف.. معناها الزبون هنا قوته أعلى منك وهو اللي يفرض في السعر.

3️⃣ تهديد المنافسين الجدد (New Entrants): هل مشروعك ساهل أي حد يقلده؟ لو الإجابة "نعم" (زي محلات القهوة أو صفحات الملابس)، فالسوق حيزدحم بسرعة وتبدأ حرب تكسير الأسعار.

4️⃣ المنتجات البديلة (Substitutes): الزبون لو غليت عليه السعر، هل عنده بديل ثاني يحل مشكلته؟ (مثلاً: لو أنت شركة تدريب، البديل ليك هو الكورسات المجانية على اليوتيوب).

5️⃣ المنافسة الحالية (Rivalry): كم فيه منافس مباشر ليك في منطقتك؟ وهل المنافسة شريفة ولا حرب إعلانات وأسعار؟

ليش لازم تدير التحليل هذا اليوم؟
بيش تعرف وين "نقطة ضعفك"؛ لو لقيت المورد متحكم فيك، تبدأ تبحث على موردين ثانين. ولو لقيت المنافسين الجدد يهددوا فيك، تبدأ تطور وتهتم بجودة وقيمة خدماتك وتصنع "ميزة تنافسية" يصعب تقليدها.

في الآخر...
بيش تقيس قوة مشروعك في السوق وماتقعدش تحت رحمة الظروف، جهزنالك اختبار تقييمي سريع من 5 أسئلة يوريك من اللي مسيطر على سوقك!

علق بكلمة "سيطرة" وحنبعتلك الاختبار على الخاص فوراً! 👇

#بزنس #استراتيجية

كيف تشوف مشروعك بـ "أشعة إكس"؟أغلب أصحاب الأعمال والشركات يديروا في مشاريعهم بـ "البركة" أو "بالروتين اليومي المتكرر". ل...
09/05/2026

كيف تشوف مشروعك بـ "أشعة إكس"؟

أغلب أصحاب الأعمال والشركات يديروا في مشاريعهم بـ "البركة" أو "بالروتين اليومي المتكرر". لكن لما يكبر الشغل والمشروع أو تزيد المنافسة، الروتين بروحه ما يكفيش!!!

لهذا أنت تحتاج أدوات تخليك أتشوف "العظام" والأساسات اللي واقف عليها بزنسك، وتكشفلك وين "الكسر" أو الخلل اللي بسببه يخليك تبذل في مجهود كبير والربح مش زي ما توقعته.

وأول أداة نبدوها معاكم في سلسلة هي
[مخطط نموذج العمل التجاري كانفس - Business Model Canvas] وهو أقوى أداة تشخيصية في العالم... أعلاش ؟؟؟

لأن بدل الكلام النظري والعشوائية، هذه الأداة تعطيك "صورة كاملة" لمشروعك في ورقة واحدة مقسمة لـ 9 مربعات سحرية أهمها:

🔍 مربع القيمة (Value): شنو الشيء اللي يخلي الزبون يسيب غيرك ويجيك أنت بذات؟ (مش السعر بس، فكر في الثقة، السرعة، أو الحلول الذكية).

🔍 مربع الزبائن (Segments): هل أنت تستهدف في "الكل"؟ (اللي يستهدف في الكل، ما يوصل لحد.. حدد جمهورك بدقة).

🔍 مربع الإيرادات (Revenue): هل فلوسك جاية من مصدر واحد؟ كيف تقدر تطلع فلوس من زبائنك الحاليين بطرق ثانية؟

ليش الـ كانفس هو "أشعة إكس" لمشروعك؟
لأنه ببساطة يوريك لو كان عندك "خلل في التوازن"؛ زي إنك تصرف ميزانية كبيرة على التسويق (اعلانات ودعايات) لمنتج الزبون مش محتاجه أصلاً !!!

الخلاصة...
لو تبي تبدأ "تصوّر" مشروعك بالأشعة وتعرف نقاط قوتك وضعفك، كتبتلك دليل عملي بسيط يشرح المربعات التسعة لشغلك.

علق بكلمة "كانفس" وحنبعتلك الدليل على الخاص هدية 👇


#استراتيجية

شني أكثر مشكلة واجهاتك مع الزبائن ولتوة ما لقيتلهاش حل ؟؟؟شاركنا تجربتك وحيوصلك حل من حلول برنامجنا الخاص بطرق التعامل م...
07/05/2026

شني أكثر مشكلة واجهاتك مع الزبائن ولتوة ما لقيتلهاش حل ؟؟؟
شاركنا تجربتك وحيوصلك حل من حلول برنامجنا الخاص بطرق التعامل مع الزبائن ومشاكلهم...

فرصتك تحل مشكلة من مشاكل البيع وتكسب زبائنك الآن 👇🏻

اكبر خطأ انك تستخدم أسلوب واحد مع كل الزبائن.لأن البيع مش عرض منتج.... البيع هو ترجمة المنتج بلغة وشخصية وحاجة الزبون......
04/05/2026

اكبر خطأ انك تستخدم أسلوب واحد مع كل الزبائن.

لأن البيع مش عرض منتج.... البيع هو ترجمة المنتج بلغة وشخصية وحاجة الزبون...

خبرنا.. هل تعرف تتعامل مع كل زبون بأسلوب مختلف عن التاني؟ أو هو روتين وكلام يكرر بعضه !!؟؟

“شوفوا شني عجبكم وقولولي” 👀جملة نسمعوا فيها هلبا في محلاتنا !!!لكن السؤال ⁉️هل فعلاً تخلي الزبائن يشروا؟ولا تخليهم يطلعو...
27/04/2026

“شوفوا شني عجبكم وقولولي” 👀

جملة نسمعوا فيها هلبا في محلاتنا !!!
لكن السؤال ⁉️

هل فعلاً تخلي الزبائن يشروا؟
ولا تخليهم يطلعوا بدون ما يرجعوا؟

خلونا نسألوكم بصراحة....
لو صارلكم نفس الموقف، ودخلتوا محل وقالولكم الجملة هذه…

شن حتديروا ؟؟؟؟ 🤔

1. نرتاح ونشوف بروحي
2. واضح مفيش إهتمام ونطلع
3. نحتار ونستنى حد منهم يساعدني

اكتبولنا اختياركم 👇

"الجواب حيكون صادم لأصحاب المشاريع"

Address

طرابلس
Tripoli

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Saturday 09:00 - 19:00
Sunday 09:00 - 19:00

Telephone

+218910660888

Website

,

Alerts

Be the first to know and let us send you an email when AMGuides posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AMGuides:

Shortcuts

Share

Category