السريعة للخدمات النسائية

22/05/2016

انا لله وانا اليه راجعون .... نظرا للظروف اللي انمر بيها من وفاة ابني البكر باول شهر رجب اثر حادث اليم .. حنوقف نشاطي .. وحبيت نقول لكل اخت وسيدة تشرفت بخدمتها ..ان شاءالله كنت قد المسئولية وكنت جدا فخورة بتشجيعكم و مساندتكم ..

18/10/2015

01/06/2015

يومكم سعيد مبارك لكل زوار صفحتي ... امس اتصلت بشركة للتوصيل وقلت خلي نسأل علي اسعار التوصيل بالك نستفيد من خبرتهم ومدايرين دعاية قوية علي الراديو ... لقيت اسعاري ارحم بكثير منهم واللي يعرفني يفهم هذا ... الحال حال الله خاصة مافيش مرتبات .. ياريت ما يحسبوش الطلعة بسعر الدولار بالسوق هههههههه .. وربي يعاونهم ويعاونني

27/05/2015

جولة تسوق اليوم بعد الظهر .. جولة ما بين محلات التحف والهدايا و محلات بيع الاقمشة والمواد المنزلية .. استمتعت بالمشوار اكثر مع الزبونة العسل ..ان شاءالله بيتك ديما عامر

10/03/2015

السلام عليكم .. لمناسبتك واحترتي من وين بتوصي علي الكيك ؟؟ خشي علي الصفحة هادي واطلبي والطعم ولا اروع عن تجربة شخصية .. والتوصيل علينا

to make different types of cake & cupcake

13/02/2015

بسم الله وما شاءالله امس كان توصيل طلبيات للحلو 🎂 كب كيك وبوبس وتورتات ووحدة منهم كانت بمناسبة خطوبة بنت اختي ربي يسعدها ويهنيها ..والفأل لكل صبية وعزري 💐🎉🎉

25/01/2015

مشاوير امس كانو مميزات .. ترافقت فيهم مع سيدة نزاكة وذوق وبصراحة محسيتش بالوقت كيف مشي معاها .. أم بلال .. ربي يحفظك والسيدة الثانية بمقام بنوتي الثانية اصبحت وكانو مشاوير متنوعة والحمدلله مشو بسرعة ..مباركة المكنسة الكهربائية والعائلة الثالثة كانت مشوار تسوق لمناسبة عرس ربي يهنيهم و يسعدهم ... تشرفت بخدمتكم غالياتي

21/01/2015

الحمدلله اليوم كانت جولة مكوكية وفي مناطق مختلفة من طرابلس ..من بن عاشور والظهرة لباب بن غشير وبعدين للترسانة ومنها لتاجوراء ورجوعا للترسانة وباب تاجوراء و فشلوم وبعد الظهر من حي الاندلس لعند السبعة والبيفي .... يوم جري في جري والحمدلله تشرفنا بخدمة سيدات جدد ويارب يكونو راضيات علي مستوي الخدمة ... ربي يحفظكم 😍😍

21/01/2015

علبة شكلاته والظرف المرفق معاها ..فلوس الجمعية من بنوته عسل وذوق دائما مميزة في اللي نوصلها فيه لصاحبتها المكلفة بتجميع فلوس الجمعية

15/01/2015

الحمدلله اليوم الصبح الساعة 10 كانت طلبية تورته واصلة من منطقة البيفي للهاني ..وبعدها مشوار تسوق مع احلي عميلة عندنا ربي يحفظها مابين ابو سته في محلات مواد التنظيف والنوفليين وسوق المهاري

14/01/2015

اليوم والحمد لله كانو مشاوير متنوعة .. قدمنا خدمتنا لسيدة لعند مغسلة الملابس ومحلات مستلزمات الافراح (ربي يدوم افراحهم ) والمشوار الثاني لسيدة لعند سوق المهاري ومحل الخضروات والفواكه .. والمشوار الثالث لجامعة طرابلس وصلت طالبتين عسل لمنزلهن بالمدينة ... والحمد لله كسبت خدمة عميلاتنا وان شاءالله يكونو راضيت علي الخدمة