بنت ليبيا

11/06/2026

07/06/2026

السلام عليكم
يا بنات نبي نشاوركم في قصة صايرتلي ومستعجلة نبي رايكم بسرعة
عزوزتي ليها أسبوع في المستشفى بين حيا والموت وأمس الدكاترة قالولنا خلاص ميتة سريريا والوضع منتهي
أنا كلمت صاحبتي اللي تخدم في الحلويات وقتلها ديريلي كيكة تكون مناسبة للموقف
اليوم الصبح وعينا على خبر وفاتها ربي يرحمها ويغفرلها
اتصلت بصاحبتي جابتهالي وتوا العيلة مروحين بجثمانها من المستشفى للحوش عشان تطلع الجنازة من هنايا
الكيكة توا عندي في الحوش والناس بدت تخش وأنا مش عارفة شن ندير
انقدم الكيكة توا للناس اللي جايين للجنازة ولا نستنى لين يمشوا يدفنوها
وبعدين انزلها للناس

متابعة الصفحة لمتابعة المنشور التالي

04/06/2026

#ماتبخلش على بلادك شوف المشهد في فيديو اليوم شوف غيرة وحرارة دم اللليبين

04/06/2026

السلام عليكم
أنا تطلقت من راجلي وحاسة روحي ضايعة ومش عارفة كيف نوقف على رجليا من جديد
كنا متزوجين لينا 7 سنين وعندنا 3 صغار أختي لقتلي خدمة كويسة ولما قلت لراجلي إني نبي نخدم رفض وقالي أنا قايم بيك وقايم بالحوش وبالصغار ومش منقص عليكم شي
انا صكرت راسي وأصريت على الخدمة صارت بيناتنا مشاكل كبيرة وقلتله طلقني لكن هو رفض وقالي عشان الصغار اعقلي بعدها أختي نصحتني ولعبت في راسي وقالتلي ارفعي قضية طلاق ورفعت وخسرتها قالي ما عاش عندك حل إلا الخلع ومشيت رفعت قضية خلع وبعد 4 شهور خلعتـه ورفعت قضايا نفقة للصغار الغريب إنه وقتها كان ساكت وما عاندش بكل والحاجة هادي خلتني نستغرب وأختي قالتلي ممكن خايف من القانون والمحاكم
لكن بعد سنة ونص في المحاكم فجأة اكتشفت إنه بدأ يتحرك قانونيا قلب وضع الشقة وطلعني منها وسكني في شقة إيجار ورجع هو لشقتنا الملك
هو شريك مع خوه في مصنع لكن ما فيش أي حاجة مسجلة باسمه ودار أوراق وإثباتات إنه مش موظف وما عنده أملاك بكال
والنفقة نقصت لفيت على محاميين هلبا وما حد قدر يزيدهالي
ولما كلمته هزبني وسمعني كلام يوجع وقالي زي ما درتي فيا أنا حنعاملك بالمثل وحنحاسبك على الحرام قبل الحلال
توا أنا مش عارفة كيف بنعيش أنا وصغاري خاطري مكسور عليهم وزعلانة لأنهم انحرموا من حوش واحد ومن بو وأم مع بعضهم
لو في حد مر بتجربة زي هادي أو يعرف حل قانوني وثغرة ممكن نمشي فيها يا ريت يفيدني
بارك الله فيكم

02/06/2026

السلام عليكم ورحمة الله ع
مرتي تبارك الله عليها ناعمة بكل من يوم تزوجنا وانا ديما نطيب لأني نخاف على إيدياتها وظوافرها من الصابون والتعب حتى الماعين أنا اللي نغسل فيهم إيدياتها ناعمات ومش متعودات على الشقا والتبهديل زي باقي النساوين
لكن الله يسامحها أمي كنت عندها وقالتلي مرتك مدلعة زيادة عن الزوم وما تعرف دير حاجة في الحوش بصراحة أمي رقتلي اعصابي وحرقتلي دمي
امس قلت لمرتي تقليلي كبدة لما قالتلي ما نعرفش طحت فيها وهزبتها وعيطت عليها الله يقطع لساني إن شاء الله ينقص لساني لو عليت صوتي عليها مرة تانية
وهي واقفة تدير في الكبدة تنطر الزيت على إيدها وحرقها بدت تبكي بالدموع خديتها وطرت بيها للدكتور والله قلبي يتقطع عليها تقطيع الدكتور عطها مرهم وكل ما تدهن منه تزيد تتوجع
تبكي وتقولي مش مسامحاتك ومن وقتها وأنا مش قادر نسامح روحي من وين جاني الجفاء والقسوة هذه كلها
نبيها ترجع تسامحني ونبي نرتاح لكن مش عارف كيف انصحوني بالله عليكم

02/06/2026

السلام عليكم أنا فرق بيني وبين المرأة لخاطبها 10 سنين اكبر مني لي القيته فيها مالقيتاش في لي اصغر منها قصدي لي نقوله تقولي حاضر وتؤمر وترفعش في صوتها عليا نهائي هيا سلفية على الجادة اللهم بارك ومفيش منها بامانة وقتنا هذا اللهم بارك حتى تلفون عندهاش أنا درتهولها من الحشمة والدين والعلم المشكلة امي وبوي مش راضيين عليا انه نأخذها بحكم اكبر مني لكن والله البنت أخلاق ودين وجمال وذراع تطييب ونظافة مالقيت زيها على خاطر فرق عمر نتنازل عليه في سبيل نحصل كل المزايا هادي

02/06/2026

السلام عليكم ورحمة الله وبركاتة
انا بنت مواليد2007وعلى مايقال ومش شكارن في نفسي بس انا بنت جميله جدا لي السبب هوا قعدت في المنطقه متاعي انحصل في مضايقات بشكل مبالغ فيه لعند وصلت انه في اولاد يبو يشوهه سمعتي ويختصبوني لانه متجاهلتهم وقعدو يطلعو عليا في كلام طالع نازل معا انه معندهم ولا دليلل عليا حبيت شخص وع ميقال كلمه راجل فيه شوي بس النصيب فرقنا وهلنا مافوقش لانه مش متافهمين ولانه هما عندهم قصه في عيلتهم زمان رفضوه عموما لولاد الي يضايقو فيا عرفتهم وحكيت لي عمي الصغير ولقريب ليا وهوا تصرف معاهم ومازلت طبعا عالقه في القصه وعمي قاعدين يلفو ويديورو عليه ودخلوه في دوامه لعند حسيته شك فيا قولولي الي درته صح ولا غلط؟

02/06/2026

السلام عليكم
نبي رايكم في قصتي
اني متزوجة مواليد 2000 عندي تلاتة ولاد عمرهم الكبير 5 سنين والتاني 3 والصغير سنة جاني في ولدي الاخير سكر حمل وتنحى مني زوجي تزوج عليا وحدة داير معاها علاقة تخدم معاه واكبر مني تزوجها من غير علمي قال بيسافر دورة برا وبيروح بعد شهر ونص تزوج وسافر لتونس اول ماسافر جتني سلفتي قاتلي اني نصدمت ومرضت اماليا بدو يعانوا في صغاري واني جاني السكر وقعد مع العلاج عندي هبوط ومرة ارتفاع مش منتظم الدكتور قالي من التوتر والضغط النفسي قعدت فوق الشهرين على هالحالة روح العريس يحساب بيلقى حوشه الاول زي ماكان صارت مشاكل واني رفضت نرجع بحكم ظرفي الصحي بعدين خشوا اماليه وساطة وكذا روحت ومعاش عندي فيه رغبة ماطلبتش الطلاق لانه بابا قالي حرام قعدت واني معاه ميتة سامحته في المبيت عندي وهو رفض اني معاش عندي فيه رغبة نهائي وهو لما شاف هكي قعد يحاول معاي واني نفسي رافضاته قعدنا نبعدوا لدرجة حتى الماكلة لما يبدأ دوري مانطيبش نقوله امشي لمرتك التانية تغدى عندها وكم مرة الشيطان يوسوسلي اني اندير علاقة في النت ونتعوذ من الشيطان قعدت نصلي في قيام الليل وندعي لربي يصلح حالي ويبعدني على اللي يغضبه مني صكرت الخاص واي شي يدخلني في الحرام حتى العيد الكبير ماخليتاش يذبح عندي قتله اذبح عندها وجيب اللي تبيه عارض وقال كيف الصغار قتله عادي كان تبي ترفعهم ارفع يعيدوا معاك معاش عندي شغف لشي كلها عندي زي بعضها معاش نحس في شي مشاعري ماتت ماما شايفة حالي قاتلي اطلقي منه وارتاحي والسكر قعد مستمر عندي بسببه اني مش عارفة شن اندير كنت كل شي انديرله فيه ومدللاته نبي رايكم واسفة عالاطالة

21/05/2026

قصص دينية

17/05/2026

#ليبيا #طرابلس #الاتحاد #ليبيا