SMG

21/06/2024

مطلوب بنت تخدم في وكالة شعبي كاش بني ملال صونتر

27/09/2022

27/09/2022

https://ar.hibapress.com/details-401245.html

15/03/2022

24/12/2021

Vidéo conçue et réalisée par http://www.sydo.frChiffre d’affaires, résultat d’exploitation, résultat financier… On ne sait jamais vraiment à quoi corresponde...

24/12/2021

Vidéo conçue et réalisée par http://www.sydo.frPour fidéliser ses clients ou en attirer de nouveaux, les entreprises distribuent parfois gratuitement leur pr...

29/05/2021

خاص بالطلبة المقبلين على سوق الشغل...

واش عمرك سمعتي هذه الأسئلة :
انا قريت وما لقيتش خدمة ؟ انا عندي bac+5 وباغين يعطيوني خدمة ديال واحد معندوش الباك ؟ الناس ديال bac+2 كيلقاو الخدمة والناس ديال bac+5 جالسين ؟
علاش واحد كان كيجي هو الأول في القسم لقا خدمة ب 3000 درهم وواحد يالله كان كينجح ب 10 لقا خدمة ب 6000 درهم (كمثال ايا كان المبلغ)؟

في هذا البوسط نحاول نفسر لك العقلية اللي كتوصل لهذه الأسئلة اللي هي منطقية ولكن فيها واحد النقص في الفهم كبير ...

تصنت مزيان ... ودير اللي بغيتي من بعد ...

غالب الطلبة والمتدربين اللي كيخرجوا من المعاهد العليا والجامعات والمراكز والمدارس عموما .. عندهم خلط بين جوج مفاهيم :
- مفهوم المعارف connaissances
- مفهوم المهارات compétences

المعارف هي مجموع المعلومات اللي كنراكموها من الدروس اللي قريناها سواءا كانت علمية، أدبية او تقنية..

المهارات هي كيفاش تقدر تحول هذه المعارف إلى شي حاجة عندها قيمة في السوق وتنفع بها الناس اللي دايرين بك ...

مثال : اذا قريتي الجبايات راك تقدر تكون عارف شحال القيمة المضافة على الحليب.. ولكن إذا قلنا لك صاوب فاتورة ديال الحليب واش تعرف تصاوبها ؟ واذا عطيناك تصريح ديال الضريبة واش تقدر تصاوبو وتحطو؟

غالب الطلبة اللي خارجين كيعتبر باللي بما انه عنده المعلومات فراه السوق خاص يتخاطف عليه .. ولكن واخا يكون راسك عامر اللي كيحدد هو اشنو عندك في يديك...

مثال آخر: واحد قاري القانون وحافظ جميع الفصول .. واش يقدر يحول داك المعرفة لمهارة في تحرير العقود مثلا ؟ اذا كنتي حافظ ولكن ما تعرفش تخدم بداكشي اللي حافظ راه بالنسبة لسوق الشغل القيمة ديالك دابا قريبة من الصفر ...

هذه الكفاءات ولا المهارات مكتكتسبش غالبا في المدرسة ولكن كتكتسب في السطاج ولا في التجارب الأولى.. وكل واحد شحال راسو خفيف كاين اللي سطاج كيدير فيه شهر يبدا يعرف وكاين اللي خاصو عام ... وكاين اللي بالذكاء راسو بوحدو كيبدا يلصق المعارف ويستنتج منها ..

بطبيعة الحال قد ما كانت المعارف كبيرة كتسهل اكتساب الكفاءات.. مني كيبدا شي واحد يشرح لك déclaration tva ولا statut راه مني كتكون ضابط الجانب النظري .. دغيا كتفهم علاش هادي كتدار هكذا ولا هكذا ...

اذا كنتي معندكش المهارات النصائح اللي نقدر نعطيك...

اذا كنتي باقي طالب: خاص تجمع اكبر عدد ممكن من المعارف بأنك تركز في قرايتك .. ولكن تكون واعي ان هذا غير جزء من المعادلة ..
هاد العقلية هي الوحيدة اللي خاص تكون عندك ..

اذا كنتي مبتدأ في ميدان الشغل، هنا خاصك تبدا تغير العقلية وتخرج من دائرة المعارف لدائرة المهارات ...
المشكل ديال بزاف الشباب هو كيكونو غارقين في القراية ومني كيخرجوا للواقع كيبقاو في نفس العقلية .. العقلية ديال القراية عقلية طفولية حيث العالم كله مركز على الطالب.. الطالب هو بطل القصة .. الطالب مطلوب منو يدير مجهود باش ياخذ فقط.. ما مطلوبش منه يعطي شي حاجة غير يتلقى ويتلقى مزيان ... حتى الامتحان راه ماشي الطالب كيعطي راه غير كنمتحنو واش شد مزيان داكشي اللي عطيناه .. هذا اولا..
مثلا واخا تكون كتطير ف conjugaison ولكن مني تمشي ل centre d'appel ما تعرف ما تدير ..
علاش؟ المعرفة كاينة والمهارة مازال ما تطوراتش...

في الخدمة كنخرجوا من دائرة المعارف لدائرة الكفاءات والمهارات .. خاص هذاك الشي اللي كيعرف يكون يقدر يحولو لفائدة ملموسة ..

اشنو خاص تدير ؟

اولا، غير الوعي بهذا الفرق راه خطوة أولى إيجابية.. غادي تعطيك جواب علاش واخا قريتي مزيان باقي المشغلين كيشوفوك ناقص ...

ثانيا، استثمر السطاجات مزيان، ماشي غير حيث مفروض تجي تفرج ف يوتيوب وتقول انا غير سطاجيير.. راه السطاج فرصة باش تكون في نفس الوقت محمي في العالم ديال التعلم ولكن تشوف الغابة ديال العالم الحقيقي كيف دايرة ...

النصائح:

- حاول تزيد تتعلم حوايج جداد ولكن تطبيقية .. يوتيوب عامر بالفيديوهات التطبيقية في بزاف الميادين حاول تختار منهم جوج ولا ثلاثة وتزيد تقرأ فيهم بعقلية اكتساب مهارة و ماشي معرفة ...
Savoir faire et pas savoir

- اذا كنتي جالس جالس، وباقي كتقلب خشي راسك في شي سطاج ولا مركز نداء ولا اي بلاصة تتعلم فيها أي حاجة احسن من الجلوس..
حيد عليك فكرة غادي يستغلوني .. استغلهم انت .. سير وسول وحفر وقلب ودير بلاصتك ومني تلقى ما احسن ما تعقل على حتى واحد اسيدي .. حتى انت شوف مصلحتك كيف ما هم كيشوفوا مصلحتهم...

- خلي في بالك واحد الحاجة مهمة : الدبلوم واخا يكون دكتوراه ماحد باقي عبارة عن معارف عامة ما تحولش لمهارة راه لا يسوى شيئا في سوق العمل...مني كتخرج لسوق الشغل عالم آخر .. واش عندك قدرة تنتج شي حاجة.. الناس كيتسناوك تعطيهم انت .. في الخاص راه باش تشد 1000 درهم خاصك تكون كتدخلها لمول الشركة وتخلص ثمن البيرو علاش مريح والماتريال باش خدام والضو اللي كتشعل والماء اللي كتشرب و.. و.. و.. ومن بعد هادشي كامل تربحوا فوق هادشي شوية ..

واي بلاصة مشيتي ليها غادي نفس الوضعية تعاود واش انا قادر ننتج شي حاجة محتاجها هاد الإدارة ولا الشركة ولا المؤسسة كيف ما كانت ...

شكون عرف مني تكتسب التجربة يمكن هداك اللي دابا ما بغاش يعطيك سطاج تولي انت كتنافسو ... ناس قبل منك داروها ...
هادشي كيعتمد غير عليك

غادي تقدر شي ناس تجيهم الهدرة قاصحة.. واللي ما عجباتوش يكمل طريقو بلا ما يركز معايا 😃

ولكن قبل بغيت غير نقول راني قبل منكتب هادشي راني دابا عندي 40 عام منها 20 عام ديال الخدمة ..
وقريت في لافاك وقريت في معهد عالي
وخدمت سطاج بزيرو درهم
وخدمت ب 2000 درهم وب 3000 و ب 6500 و ب 8000 ومن بعد ب 17 و 22 و 27 ...
ودابا راني كناخد الكليان من الناس اللي كانو ما باغينش يخدموني 😃😃{منقول}