10/05/2016
قصة أميراتي شمالية بالدارجة المغربية - الجزء 1 -
ﺍﻻﻡ: ﺍﻣﻴﺮ ﺍﻭﻟﺪﻱ ﺍﻟﻠﻪ ﻳﻬﺪﻳﻚ ﻭﺍﺵ ﻣﺎﻋﻨﺪﻛﺶ ﺣﺘﺎ ﻧﻬﺎﺭ ﺑﺎﺵ ﺗﺠﻲ ﺗﺸﻮﻑ ﻣﺎﻣﺎ ﻙ... لا هاد اشي بزااف .......والله الا حشومة عليك هاد اشي الي كدير فيا
ﺍﻣﻴﺮ:ﻣﺎﻣﺎﺍﺍﺍ ..ﻭﺍﺵ ﺍﻧﺎ ﻗﺪﺭﺕ ﻭ ﻣﺒﻐﻴﺘﺶ.. ..ﺭﺍﻩ ﻋرفني بلي راني ﻛﻨﺼﻮﺭ ﺍﻟﻔﻴﻠﻢ ﻭﻫﺎ ﺍﻧﺘﻲ.كتشوﻑي ﺷﺤﺎﻝ راني ﺑﻌﻴﺪ ﻋﻠﻴﻜﻢ ....ﻭﺭﺍﻩ ﻛﻨﺨﺪﻡ ﺣﺘﺎ ﺳﺒﺖ ﻭﺍﻻﺣﺪ ﺑﺎﺵ ﻧﺴﺎﻟﻲ ﺩﻏﻴﺎ ﻭ ﺭﺟﻊ ﻭﺍﻧﺘﻲ ﻛﺘﺰﺩ ﻋﻠﻴﺎ هم اخرا على ﺍﻟﻬﻢ الي في قلبي
ﺍﻻﻡ: يمها وهي كتحصر على فراق ولدها ....ﻭﺍﺧﺎ ﺍﻭﻟﺪﻱ ﺍﻟﻠﻪ ﻳﺮﺿﻰ ﻋﻠﻴﻚ ...ﻭﻟﻜﻦ ﻣﺎﺗﻨساﺵ ﻣﺎﻣﺎﻙ ....ﻭﺧﺎ ﻏﻴﺮ ﻣﺮﺓ ﻣﺮﺓ ﺍﺟﻲ ﻃﻠﻞ
ﺍﻣﻴﺮ ﻭﻫﻮ ﺷﺎﺩ ﻓﻲ ﺭﺍﺳﻮ :ﺻﺎﻓﻲ ﺍﻣﺎﻣﺎ .ﺍﻧﺎ ﻏﺎﺩﻱ ﻧﺸﻮﻑ ﻛﻴﻒ ﻧﺪﻳﺮ ﺑﺎﺵ ﻧﺠﻲ ﻧﻬﺎﺭ ﺳﺒت ﺍﻟﻲ ﺟﺎﻱ
ﻗﻄﻊ ﺍﻣﻴﺮﺓ ﻣﻌﺎ ﻣﺎﻣﺎﻫﺎ ﻭ ﺧﻄﺎ ﺍﻟﺨﻄﻮﺍﺕ ﺩﻳﺎﻟﻮ ﻋﻨﺪ ﺻﺎﺣﺒﻮ ﺍﻟي ﻛﺎﻥ ﺟﻠﺲ ﻓﻲ ﺍﻟﻘﻬﻮﻯ ﺟﻠﺲ ﺣﺪﺍﻫﺎ ﻭ ﺣﺎﻃﺎ ﺭﺍﺳﻮ ﻓﻮﻕ ﻃﺒﻠﺔ ﻭ.ﻃﻮﻗﻬﻢ ﺑﺎﻳﺪﻳﻪ
ﺍﻟﻴﺎﺱ:ﻣﺎﻟﻚ ﺍﺧﻮﻳﺎ ﺍﻣﻴﺮ ﻳﺎﻙ ﻟﺒﺎﺱ؟؟
ﺍﻣﻴﺮ:ﻋﻴﻴﻴت اﺧﻮﻳﺎ ..ﻭﺍﻟﻠﻪ من ﻫﺎﺩ ﺍﻟﺨﺪﻣﺔ ...ﺭﺍﻩ ﻛﻞ ﺧﻄﺮﺍ ﻣسيبنا ﻓﻲ ﻗﻨﺖ
ﺍﻟﻴﺎﺱ:ﺍﻭ ﺍﺵ ﺑﻐﻴﺘينا ندﻳﺮﻭ ...ﺭﺍﻩ ﻫﺎﺩ ﺍﻟﺨﺪﻣﺔ ﺭﺍﻙ ﻋﺎﺭﻓﻬﺎ ﻛﻲ ﺩﺍﻳﺮﺓ .ﺭﺍﻩ ﺣﺴﺐ ﺍﻻﻣﺎﻛﻦ ﺍﻟﻲ ﻣﺪﻛﻮﺭﺓ ﻓﻲ ﺳﻴﻨﺎﺭﻳﻮ ﻭﺯﻳﺪﻭﻥ ﺭﺍﻩ ﺍﻟﻤﺨﺮج الي ﻛﻴﺤﻜﻢ
ﺍﻣﻴﺮ ﺷﺎﻑ ﻓﻲ ﺟﻴﻬﺎ ﺍﺧﺮﺍ ﻭ ﺗﻨﻬﺪ ﻭﻃﻠﺐ ﻣﻨﻮ ﻳﺒﺪﻟﻮ ﺍﻟﺒﻼﺻﺔ
ﺍﻣﻴﺮ ﺷﺎﺏ ﻓﺤالو فحال ﺍﻱ ﺷﺎﺏ ﻣﻐﺮﺑﻲ ﺍﻻﺳﺮﺓ ﺩﻳﺎﻟﻮ ﻧﺎﺱ ﻋﺎﺩﻳﻦ ﻣﺘﻜﻮﻧﺔ ﻣﻦ ﺍﻻﻡ ﻭ ﺧﻮﻩ ﻭﺧﺘﻮ ... الاب ديالو مات وخالهم في دار جدو و الي كانت ماتت في داك الوقت حتا الجدة ديالو ماتت..هاد اشي الي خالا الجد ديالو يتزوج بمرا صغير ة و يولد معاها قبل ماتموت الجدة كتبت لولدها الي هو الاب ديالو وولدها الوحيد الي كان عندها دار الي كانت ورتتها من عاىلتها ..... ...يعني دار دابا ولات د اميرو وخا ساكنين فيها عائلة جدو الي حتا هو مات الله يرحمو ..الاحلام ديالو كانت هي عشقو للفن و التمتيل ملي كان ولد صغير ﺍ ﺣﺘﺎ ﻛﻤﻞ ﻻﻓﺎﻙ ﻭﻣﻦ ﺑﻌﺪ ﺗﻘﻴﺪ ﻓﻲ ﻣﻌﻬﺪ ﺗﻤﺘﻴﻞ ﻭﺑﺴﺒﺐ ﻭﺳﺎﻣتو ...وجسمو رياضي ..ﻭﺍﻟﻤﻼﺣﺔ ﺍﻟﻲ ﻋﻠﻰ ﻭﺟﻬﻪ ﺣﻴﺖ اﻻ غير ﺑﺘﺴﻢ ﻛﻴﻄﻴﺮ ﺍﻟﻌﻘﻞ ﻫﻬﻬﻪ. بسرعة تقبل في الكستينج و بدا يمتل حتا وفي وقت قصيررر حتل مكانة البطولة في الافلام سينماىية
البارتي التاني
هاجر: سلام وعليكم اخالتي كيف انتما لباس؟؟
ام وسيمة:زيد ..ابنتي زيد ...ادخل شعندك .وقفتي في الباب .ككتحشم؟؟ ...
هاجر دخلت و سلمت عليها و بقات كضرب عينيها شكون كاين في دارملقات حدا
هاجر:خالتي فاينيا ديك زغبية د وسيمة ..ياكما تكون خرجت بلا خباري
الام د وسيمة:لا ابنتي....ها هيا غير في سطح ..طلع نعندا من البرح وهياتبكي حيت باها مابغاشي يعطيها الفلوس باش تمشي الحمام ..قالا انتينا دائيما مخشيا في الما فحال كرانة ههه يعني جرانة.... اش ماشا تمشي تقي تما ؟؟
هاجر:هههه لا اخالتي ..عاوتينيك الحمام ماشي هو دار ...وصافي انا عادي نطلع نعندا نسطح واخا؟؟
الام د وسيمة :نوض ابنتي عاد كتصقسي ...هيا انتينا كنحسبك فحال بنتي ور بي شاهد
طلعت هاجر تجري في داك دروج ال مضيقين و كتعتر و تسب في داك جلبا الي غير سارقها من ختاها
هاجر:وسيمة شكتعمل هنايا اصاحبتي ...قايلة باقي كتحرق في سما ؟؟
وسيمة:بسم الله رحمان الرحيم ...انتينا الي علاش ماجا عندي في هاد ساعة تحرق لي غير راسي ....ندمت الي محرطتومشي مايفتحولكشي لباب
هاجر:مايفتحوليشي لباب هههه /؟؟وهيا لباب ديالكم مكتشاد بعدا
وسيمة وهي معاليا يدا لسما:الله يعطيني شي رفض من هاد دار وفي هاد صيف نكون في دار ديالي
هاجر:ههه اه ختي انتينا الي عبرتي دبرتي على العايل دخالتك الي في اسبانيا ..اما انا وتقول واش عندي ياختي شي واحد في الخارج
العيلا دالعائلة ديالي كاملين كتجبروم كيبيعو غير في سوق ..إما حواتا ولا خضارا
وسيمة:ههه او شكون فحالك بحرا يضبورلك حتا انتينا شي خدمة تبيع ربيع اولا نعناع معاهم ههه
هاجر:هههه الله يمسخك ضحكتيني ..مهم هاك قرا شني كتبين هنايا وعلات حاجبة و نزلت لاخور
وسيمة شدت داك المجلة و هيا كيبان ليها امير في الغلاف و جلست في الارض و بدات كتمعن فيه
وسيمة:علاش جبتلي اختي هاد المجلة زعما غير باش تحرق لي قلبي ياك الحرايميا
هاجر:ههه لا ..ماشي قولتي خصك تمشي الحمام ..وديك نهار عاوتنيك قولتي خصك تشري ماكياج و معاندكشي الفلوس؟؟
وسيمة نزلت داك المجلة و شافت فيه و تناهدت
وسيمة:اه اختي والله إما كرهت و زيد عليهم حتا كولونيا .وديك لبيسة في الخضر ايما ااا يا هاجر كو كانو عندي فلوس مانقولكشي وصافي
هاجر:ههه شوف العايلة غدا من لي نمشيو للكلية عادي نتخاطر معاك قدام بنات وعادي نشجعوم حتا هما يتخاطرو ماعك بالفلوس باش تخلي امير ديك الممتل الي كتحمق عليه يتعجب بيك ويقولك خصو يتصاحب معاك
وسيمة ناضت من بلاصتها و در ت ايديها في نوصها و بدات تخرج فيها عينيها و تغوت عليها
وسيمة:شني ..شني قولتي ...واش انتينا حمقا اولا كتفتش علا من تحمق ..وانا فاين عادي نجبر هاد اميررباش نتحلون عليه و نخاليه يتعجب بيا
هاجر:حيتاش الحمرة. ..هه حاشاكم ماقريتيشي شني مكتوب تحت تصويرة بقيتي هي مبهوطة فيه
رجعت شدت داك المجلة من جديدة و بدات تقراها ..لقات بلي امير كيصور الفيلم ديالو الجديد في طنجة وبلي هاد الايامات غادي يصور في اشقر هاد البلاصة جات جيهة لبحر
وسيمة شافت فيها بجنب وجهها و ابتسمت و قالت ليها والله لا فلتو ..
البارتي التالت
نزلت كتجري هيا وصاحبتها في دروج حتا وصلو لتحت
وسيمة:ماما خايلاه عطيني ديك تليكومونض
الام:الا ....مشي ادا عندك شي حاجة قيها و خليني نتفرج
وسيمة:ماما...شني كاتشوف خايله في هاد اشي ..واش ماكيحرقوكشي في قلبك
الام :أهيا . ... ماكيحرقنيشي في قلبي؟؟؟؟ ...ليهود كيقتلوهم مساكن بليل و بنهار ..شني هاد المصيبة و مكينشي حتا شكون ليهدار معاهم..
وسيمة:اماما هاد اشي واقعلو كتر من خمسين سنة وانتينا هنايا كطرطاق
الام:أ الله يابنتي ...كا هاد اشي عندو كتر من خمسين سنة الام ملي سمعت هاد الهضرا ناضت. طلعت بحالها لفوق
وسيمة و صاحبتها شافو في بعضياتهم وغلبتهم ضحكة
شادت وسيمة داك تليكومنض و بدات تبدل
هاجر:قلبتييي لي راسي شبار شي اداعة و احدا وهانينا
وسيمة:كنفتش على شي اداعة د الهنداوين ههه باش نعرف نمتل عليه الحمقا ...ختك راه شديييدة
هاجر:انتينا مارررا طراطق...
رجعو عند امير
امير:الو ماما كي دايرا لباس توحشتك و تحشت خواتاتي حتا هما
الام:حتا احنا اولدي توحاااشنك وبدات تبكي
امير ناض من بلاصتو و خطا جيهت البلكون :
امير:اماما....علاش دابا كتبكي واش باغا ني نخالي هاد اشي كلو و نجي ؟؟
الام ديالو. : لا ولدي ..وراك انت الي طلعت بيه ولد من هاد دنيا
امير:اه امام عارف
الام:امير ..ياك اولدي نهار سبت ملي تجي غادي نمشي نخطب ليك بنت خالتك
امير:مامااا الله يهديك ..كيف ببغيتيني نتزوج وانا كل مرة مليوح في قنت واش بغا لمرا ترجع لدارهم في سيمانة لولا ولا شنو؟؟
الام:ههه بلاماتخاف اولدي راه بنت خالتك عارف ضروف ديالك وقابلةعليك
امير:ماما ...اوا فين غادي نسكنها . بسلامة .....راه باقي معنديش دار
الام:غادي تسكنو معانا و حتا هادي راه قبلت عليها
امير:فين قلتي غادي نسكنها اماما:؟؟..علاش انتي كتبان ليك دارنا خاويا ولا كيفاش ..باش نزيد فيها حتا مرتي من الفوق ..راه ماكتشوفيش شحال من واحد تمايك؟؟...وزيدون مانقبلاش على مراتي تسكون في دار عامرا رجال ماكتشوفيش عمايمي باقيين متزوجو؟؟
الام:مااالك اولدي راسك قاصح ..راه نهضرو في البنت هو الاول ومن بعد نشوف اش غادي نديرو
امير:صافي امام حتا نجي و يكون خير انشاء الله
البارتي الرابع
ناضت وسيمة في صباح دوشت عليها ولبست و قادت راسها مزييان و مشات باش تلقا بصاحبتها حدا بلاصة ديال طاكسيات
وسيمة و كلشي كيبسل عليها :اوووفف فوقاش يربي نوض نفتح عيني شي نهار و نجبرا راسي فيقت من هاد كابوس
هاجر:صباح الخير الزين د العالم
وسيمة:زيد ...زيد صربي راسك شمن زين دالعالم شمن زمر ...ماعندي منعمل بشي زين من غير الفلوس..واش اصاحبتي خصني غير نمشي غير نالحمام خصني نمشي ننصب على صوحابي والله الا حشوما على ديك ابا بلحاق واخا بالتي يجي العايل دخالتي من اسبنيا ويتزوج بيا والله القهوا الاخرا من تما مان جيبالو وعقال عليها
هاجر:ههه وانا شني عادي تجبلي او سيمة ...شوف انا اختي كنحمق على ديك الحلوى وشوكلاط
وسيمة:والله لا كليتيه ا هاجر مورايا ودابا زيد نداحسو معا ديك الهجيج في طاكسي
مشاو البنات دخلو الكلية سالو و هما خرجين حتا شافو واحد المجموعة د يال البنات واقفين حدا واحد القنت .شافت هاجر في وسيمة و ابتسم ليها و طلبت منها تتبعها
هاجر:صباح الخير البنات
البنات :صباح الخير
هاجر:شكون بغات تزيد معانا لاشقر كيف قلت ليكم هادي بلاصة في جيهت البحر
واحد ا من البنات':علاش شني كاين تماك؟؟
هاجر:علاش مابخبركمشي عادي يصورو تمايكواحد الفيلم
وسيمة:اه ههه وزيدكم ديك ممتيل الي مزييييون ااي اسمو امير عرفتوه
البنات:اه ..اه ..شعندو
وسيمة:اوا هادك البطل ...حتا هو عادي نشوفوه مباشرة ...او شني بالكم ؟؟
البنات شافو في بعضم وعجباتم الفكرة وتافقو باش يشد وطاكسي و يمشي ملي وصل لقاوهم حاطيين دال الكاميرات و المسائل و الديكورات باش كيصورو بيها المشاهد ديال داك الفيلم
جلسو البنات قبالتهم وكاملات حاطات عينيهم على امير الي كان لباس غير شورط و كيصور واحد مشهد غرامي مع واحد البنت
وسيمة بقات كتحرك في صاحبتها هاجر باش تطراح الفكرة على البنات
هاجر:البنات شيني بالكم نمشيو من بعد نسلمو على امير و نتصورو معاه و من بعد يفرمنا في هاد دفاتر على الله يكون في يدو البركة ونفتحهم شي نهار
وسيمة:ههه واش اقاحبتي صحابلك غير اجي وقرب عندو واش ماكتشوفشي ديك جوج درجال الي مدورن بيه و غمزاتا
هاجر:اوا ماعديشي نجبرو حسن منك اوسيمة حيت انتي الي تقدر تجبدو عندك ديك العينين حتا شي واحد ماكيقدار يقاومهم
وسيمة:لا ..اختي خالين في حالي فاش كالي لحمي عزييزة عليا ...وينوضو ديك جوجا ويعطيوني شي تمليحا انتينا في داك ساعة عادي تحاما عليا
هاجر:لا ..كا ين الي عادي يتحما عليك ...هاك ها20 درهم ديالي.وشافت في البنات وغمزاتوهم كل واحد فيهم حاطت ليها ،20 الا واحدة حاطت ليها 50 درهم وقاتليها ..عارفها ماغديهاشي فيك هههه
وسيمة ملي سمعت داك الهضرا بقا فيها الحال و ناضت وبدات تعمل بلانات بعينيها
هاجر:فاين كتشوف:؟؟
وسيمة:سكوت عليا انتينا ..الله يرحم باباك ..واش انا فايما مشيت نجبرك اهيا العجب ....في دار يالنا حتا كتخلط عليا ...في الكلية ..او حتا في بحر
هاجر شافت فيها و رجعت تجلس حتا شافتا بدات تزول عليها
هاجر:اووعدي شني كتعمل المسخوطة ؟؟
وسيمة:عادي نزول عليا الحوايج باش ندخول نعوم و عادي نعمل راسي فحال ادا كنتحر و كنغراق ونتينا مشي كتجري عندو وقول يجبدني
هاجر:العايلة بلا ماتزول عليك ..الي كنتحرو كيدخلو بحوايجو ..شويا بدات ترجع عليها لباسها
مشات للما و بدات تدخل ..مع علم انها كتعطي قتلة العوم
حتا لقات راسها بلا قد وشويا هاجر هبطت كتجري وكتغوتا
هاجر:الله ياربي صاحبتي مشات ...صافي عرفتا عادي تعمل ..دعوة بيهم الي كانو سباب ديالا
كلشي باد كيشوف فيها ماعرفو باش تبلاو حتا شافت واح الول كان كي بداك يزول شويا هاجر شداتو من لورا وقالت ليه
هاجر:انتينا الحبيب فاين ماشي صافي واحد فيكم يمشي علاش عاد تمشيو كاملين داك الولد بقا غير كيشوف فيها و كيشوف في امير الي كان حتا هو غادي باش يدخول ينقدها دخلو تلاتا بيهم ولكن بحكم انا هيا كان كتعرف تعوم كانت كتخطس و تحاول تقرب جيها ديال امير حتا شادت فيها ودارت موتا دالحمار وبدات تضرب فيها و تحاول تكي عليه في الما. هههه حتا سيد بدا يشرب فيه .شاد ها من لور وتكا عليها لعندو حتا خرجها لبارا ولاحاها و حتا هو بدا كيرود داك الما وكيشد في كرشو
الناس كلها تجمعت عليهم وخصوصا داك البنات الي كانو مخاطرات عليه ههه بداو يقربو عندو ويبغيو يغريواه وسيد مسكين كان عالم عليه غير الله على داك الخلعة الي ضرباتاها لو وسيمة
وسيمة جلست و شدت في راسها و دارت عند صاحبتها الي كانت جالس حداها و من تحت سنانها قالت ليها
وسيمة:الملعوقة دراعني و بدا تحزار فيا باش نعز عليه
هاجر قربت لعنادا وعنقاتها و بدات تقوليها
هاجر:وسيمة ختي والله لا اد قتلتينا بالخلعة عليك و خصوصا مسكين الفنان ديالنا امير ملي شافك مابقاشي يفكر مشا كيجري باش ينقدك
وسيمة بدات تبكي :علاش نقدتوني كو خاليتوني نموت ونتهنا ...حسن لي من.هاد العيشة
امير ملي سمع هاجر قالت داك الهضرا بقا غير كيشوف فيها وقلب وجهو بلحق ملي سمع واسيمة بقا غير مبهوط في داك الكلام الي كاتقول
اميرا:واش اختي ماكينشي شي حال من غير تنتحري و تموتي كافرا و راكي باقا صغير اش واقع ليك كاع باش باغا تقتلي راسك:؟؟
وسيمة قلبت وجها لجيها لخرا ورجعت شافت فيه و حركتلو راسها بلي ماغديش تقدر تهضر قدام داك الجمهور كلو
امير :فهمها وقرب عندها ومكيليها ايديه باش يساعدها تنوض و اشار ليها براسو باش تزيد تمشا معاه شويا
ملي مشاو واحد المسافة
امير:يالله اختي هضري انا كنسمعك
وسيمة:شوف انتينا ماتقولشي ختي عندك نرجاع تاني ننتحر حاد ماانا بقا قريبا نلبحر
امير:علاش واش عندك شي حساسية من هاد الكلمة ولا شنو؟؟
وسيمة:،اه حيت عندي واحد صولكوط دخايا كراهني في دنيا ادا غير شافني كنطلل من سطح كيعطني صلخا ديال داق..وهادي كانت من الاسباب الي كنت عادي نتحر من اجلها وكتحرك راسها فحالا شي برلمانيةهه
امير ملي سمعها غلباتو ضحك وقلب وجهو نجيها خرا
امير:او اشناهما الاسباب لخرين؟؟
وسيمة:خاي اناكنصحك مشي لخدمة ديالي حيتاش انا عندي بزااا ف د مشاكيل بلا منضياعليك الوقت داليك معايا
امير:ماشي مشكيل غير هضرا راكي ماخليتي فيا حتا شي جهد ولا شي كانة د الخدمة
وسيم:واخا سماع ..اجي نقولك ادا باك قولتي لو يعطيك فلوس باش تمشي الحمام ومابغاشي شني غادي تعمل ..ماش غادي تنتحر ..ولا ديك خايا ادا جبارني هي مشا نبقال نتصخر كيشير عليا الحجر تقول هي كيرجمني...ونزيدك ولا بركا عليك
امير:وبجديا باينا على صوتو ...واش هاد تخربق الي كتقول ليا انتيا ..
واش علا هاد اشي باغا تنتحري؟؟ ..وكنتي غادي تقتلين حتا انا معاك
وسيمة:قل حق ماكتعرفشي اتينا تعوم ياك..والله الا عرفتك
امير شافيها وعينه شعلة من الغضب
امير:انا الي مسطي مخالي خدمتي و تابعا برغوشا فحالك. وبدا كيسراع بالخطوات ديالو حتا لقاها شاد الو في ايديهاوحتا هيا تابعاه
كترغب فيه
وسيمة:الله ير حم باباك اخي متفضاحنيشي مع صوحابي راه شبرا منوم 20 درهم ن لواحد
وقف و دار ايديه في نص و بدا كيشوووف فيهاو هيا كتحرك ليه في راسها زعمة اش قولتي
امير:واخا الالة ماغديش نفضحك
ولكن غادي نعطيك ،10 دقايق ملقاش في البحر كلو
وسيمة :شكراا ا زين ديالي ..صراحة كنحمق عليك ولكن المهم مرة اخرا ان شاء الله ومدت ليه ايدها باش تسلم عليه شاف فيها و حرك ليها راسو باش تزيد
مشات وسيمة كتجري هند صحابتا وكتلهت
هاجر:شني قالك العايلة ؟؟
وسيمة وهيا كتشوف فيهم ...مسكينة تربط فيا من نضرة اولا ويالله زيدو زيدو راه تعاطلنا ..بنات شافو في بعطيتوم وقالولا ..او الالة حنا جينا غير باش يفرمنا
وسيمة وهي كتشيار ليهم بايديها ...غدا ..غدا انشاء الله و مشات كتجري هههه
البارتي الخامس
في طاكسي رجعين ندار
ملي وصلو بلاصت طاكسيات وسيمة بدات تحرك في عينيها حتا لقات واحد الولد كتعرفو سراعت بالخطوات ديالها عندو و قالت ليه
وسيمة:محمد ..خاي كيف انتينا لباس؟؟
محمد:اهلا بوسيمة ..غواييب هادي ..اوا شني كتعاود؟؟
وسيمة:ماعندنا ما نعاودو كيف دائمان.....اجي نقولك توصلنا نالحومة؟؟
محمد :الله ياختي. مرحبا
وسيمة:بالحق بلاتي نقولك واحد الحاجة ..ماعندنا اخي محمد حتا فرنك ...والاد الحرام سرقونا
محمد:شكون اختي سراقكم دابا نمشيو ليلوم ..وبدا كيجري جيهت طاكسي ديالو باش يجبد واحد الهراوة ..وهيا تبعاها
وسيمة:مشاااو اخي ..راه تجبروم شبرو طريق د العرائش دابا
محمد ملي سمع داك الهضرا تحصر بوجعو و ةقاليها
صافي اختي وسيمة غير زيد نوصالكم
هي في داك اللحضة رجعت عند صحاباتا و طلبت منو فلوس بحجة غادي
تخلص طاكسي هه
وصلهم نحومتهم و شادات طريقها جيهت دارهم وهيا كيباليها واحد المجموعة ديالدراري جلسين فواحد القنت بدات تحقق حتا كيبان ليها خوها جاس معاهم
وسيمة:هاجر ..هاداك ماشي ايمن خاي جلس معاهم؟؟
هاجر:وهيا كتبتسم و تحقق فيه ...والله الا لا هو ..وبدات تشيراليه بايدها
وسيمة:اوعديييييي علي الملعوق كاتشيرلو .
ايمن ماكنش من العكزين ..هه جا كيجري بواحد المشية ديال ماماه نص في رجليه نص في الارض
ايمن:فاين كونتي العايلا حتا ندابا و يما كتفتش عليك من قبايلا...وشعندك مفزك كاملا
وسيمة:بدات كتبكي ..غير سكوت اخاي الا نعاودلك شني وقاع لي ...طيحت في القادوس ..ولبس ملي معايا هاجر وشافت فيها و غمزاتها باش تهضر
هاجر:اه ..ا ايمن بصح ....شالله غير مادهاشي ...وصافي
ايمن:امصام كو داها وهناني منا حسن ..ورجع عند صحبو
وسيمة :ياربي ...ياربي وشافت في هاجر لقاتها كتشوف فيها ....وكملت كلامها ...لي في بالي .وانتينا عارف شني خصني
هاجر:شني في بالك اوسيمة؟؟
وسيمة:هاجر ..واش انتينا خصك تعرف كلشي اصاحبتي ....خليني يكون عندي غير شي شويش د الاسرار على الاقل
من بعد كل واحدة دخلت لدارهم
رجعو عند امير
الياس:مالك اصاحبي ماخرجش ؟؟
امير:لا راس كيوجاعني بزااف ..ماعرفت مالي
الياس:ههه كنتي مشيتي فيها اخويا ليوم ....وراها راسك كيحرقك غير بداك الردان د قابيلة
امير:يمكن...صافي اخويا غير خرج انا غادي ندخل ننعاس
الياس:وايلي ..واش داخل دابا تنعس ...راه باقي الوقت
امير:عينيا كيحرقوني ..ضروري ما نعس.باش نرتاح شويا
خرج الياس ومع نص دالليل امير حاسة بسخانة طلعت ليه وشدات تو الحمى ..ناض من بلاصتو و لبس عليه و مشا لصبيطار لقاواه ضاربو البرد خرجو ليه شي دوا. و شاد طوموبيلتو و رجاع لدارو فين كاري
ملي دخل خطا جيهت صالو ن بقا جلس تمايك حتا ناض الياس هاد الاخير ملي شافو خطا عندو و قرب عليه
الياس :ياك لباس ا امير؟؟
امير:مريض اخويا ..راه مشيت لصبيطار و قالو ليا ضربني البرد
الياس:راه قولت ليكراه غير بسبب داك الحمقا
امير:ادا كان عندها شي زهر تجيلي هاد نهار في طريقي...وتشوف اش غادي ندر ليها
الياس:ههه واش غادي تمشي ولا غادي تريح
ناض امير من بلاصتو
امير:الا غادي نمشي ..من بعد حتا هما شادو طريقهم لخدمتهم
لبارتي السادس
العشية في باب دار هاجر
وسيمة كدق في بابها ...شويا وهي طل عليها من الفوق
هاجر:وسيمة..شني خصك؟؟
وسيمة:هاجر هبط يالله تمشي معايا باش نشري ديك اشي الي قتلك بارحة
هاجر:مانقدارشي اصاحبتي ..حيت جبرتي ماما غادي تحنيلي شاعري
وسيمة:هاجر هبط دابا عندك نطلع نهبطك من داك شعر
هاجر :صافي ....صافي .تسناني نلبس جلبة و نهبط
لبست عليها هاجر داك جلبة و نزلت عند و سيمة تجري شادو في بعضياتهم مشاو المدينة القديمة شراو داك اشي الي كان خصها و رجعو لدارهم
في صباح لغد ليه ناضت وسيمة كتنقز من بلاصتها ...دوشات ..لبست عليها واحد البسة غير مسلفاها عند جارتهم قادت حالتها مزيييان وحتا هيا تبرك الله منقصاش زين ولكن زادت على زينها ومن بعد خرجت من دارهم جيهت بلاصة طاكسيات و كيف ديما كلشي كيبصل عليها ها الي باغي يتصاحب هالي باغي يخطب وهيا مامعمر ليها عينيها حتا حاد منهم ..
تلقات هاجر و ركبو في واحد الطاكسي
هاجر:وسيمة هاد طاكسي ماكيديش نلكلية ...فاين ماشا بينا؟؟
وسيمة:شكون قالك انا ماشا نشي كلية انتينا غير زيد قدامي و سكوت
هاجر حركت راسها و طبعا سكتت
ملي وصلو الاشقار ..هبطو كيجريو جيهت فين كيصورو الفيلم بدات تضرب بعينيها ما بان ليهاش امير خطات بالخطوات ديالها جيهت واحد الولد كان كيصور
وسيمة:سمحلي اخاي نصاقسيك؟
الشخص:اش حب الخاطر ازين ..والله الا راكي كتحمقي
وسيمة وهيا كتكي على سنانها و كتبتسم ليه
وسيمة:ديك ممتل امير ماجاشي اليوما؟؟
حاسة بيه فحالا ماعجبوش الحال ..بدات شوف فيه و شويا قربت ليه هاجرو بدات تنعت عليها
وسيمة:حيت موصيني على شي عايلة تخملو دار وانا جيبتلو هاديوغمزتا
الشخص:اه قو لي ليا على داك اشي ..واخا الغزالة..وبدا ينعتليها بايديه...شوفي داك القهوى راه من صباح و هو جلس تمايك حقاش اليوما صباح مريض داربو البرد وفيه سخانة
وسيمة ملي سمعت داك الهضرا عرفت راسها راه غير بسبابها وشكراتو وجرت صاحبتها من ايديها و تجهو جيهت داك القهوى
ملي قربو وقفت وطلبت من صاحبتها باش تمشي عندو تعتدار بنيابة عليها
هاجر في الاول رفضت ولكن في الاخر مشات
هاجر:صباح الخير
امير وهو حالتو حالا عينيه حمرين و سخانة طلع ليه و ناعس فوق طبلة ومطواقا ا يده على راسو وبزز ماكيقدار يهضر
ملي شاف فبها عقلها و بدا كيحرك ليها راسو اش جابك نعندي تاني
هاجر:خاي بلا متغنزر فيا وتخصر في الهضرا انا غير مصاخرا وصافي
امير:شااااف فيها وقال ليها اش بغيتي ؟؟
هاجر:صراحة انا غير مصايفطني وسيمة نعندك
امير:شكون هاد وسيمة؟؟
هاجر:ديك بنت الي كانت بارح كتغرق وانتينا جبدتيها
امير:اش بغات تاني؟
هاجر:بغت تعتدرليك ..وبقييتي فيها ملي قالولا انتينا مريط
امير:وانت علاش مصايفطك ..واش جاتها صعيبة تعتدر راسها
هاجر:بدات تشيرليه براسها ..زعمة راه هيا مخبعا في داك القنت..امير بدا يطل عليها حتا شافها بغات تهرب و هو يساك في جيها لخرا حتا تسطحت معاه
بقا واحد شويا كيشوووف فيها حيت هاديك كانت مرة الاولة الي غادي يشوف وسيمة بصاحوعلى خاطرو
بقات مخشيا فيه واحد شويا ملي رجعت الوعي ديالا بعدت عليه وبغات تمشي حتا حاسة بيه شاد ليها في ايديها
امير:فين غاديا وكيحرك ليهارسو؟؟
وسيمة:اهييييا فين مشا ...مشا فحالي
امير وهو باقي شاد ليها في ايديها :وملي انت غاديا ..علاش جيتي ؟
وسيمة:شني غادي نقولك بقيتي فيا بارح ازغبي وجيت نتسامح معاك ..راه الموت كدور هاد الايامات ..يالله ماتو عندنا جوج في الحومة
امير: وانتي جيتي البار ح بغا تقتلني حتا انا ولا شنو غلبو ضحك...واش ماشيفاش حالتي كيف ولات غير من لبارح لليوما ..راه غير بسبابك
قربت عندو وبدات كتلمس ليها في راسو و حناكو وقاتليه
وسيمة:مسكين واقيلة دخلتك الموت ..مشي اخا تسامح مع العاىلة ديالك وشويا بدا كيجرجر بيها لجيها الي كان جالس فيها
امير:جلسي
وسيمة جلست وشافت في صاحبتها لقاتا جلسا و طلبت العصير و كتمنضر
هاجر:هاك قايص اوسيمة هاد العصر كيحمق..شافت فيها وسيمة واحد شوفا ماشي هيا هديك وقلبت وجهها جيهت امير
امير:اش بغيتي تشربي؟؟
وسيمة:رجعت شافت في هاجر وشارت ليه بعينيها زعمة فحال هاد
بقاوو ساكتين واحد شوية
امير:انا كنسمعك هضري؟؟
وسيمة:شني بغيتي نقولك اخي مافهمتشي ؟؟
امير:علاش درتي فيا ديك الحالة لبار ح؟؟واش حالفانا فيا ولاشنو
وسيمة:ا ااخاي حشا ..وعلاش زعمة عادي نكون حلفانا فيك. شني عاملي
امير:علاش انتي ماشوفتيش راسك البارح بديتي ضراب فيا فوسط الما وعاد غير لكرشي
وسيمة غلبتا ضحكا وقالت ليه
وسيمة:ههه تكبر وتنساها
امير بقا غير حال فومو فيها وحرك راسو بمعنا موحااال واش تكون هاد البنت عاديا
شويا وهيا تبان ليهم واحد البنت زوووينا لبسا عليها واحد لباس كتبين لاطاي و طلق شعرها
وسيمة بين سنانها نهاجر
وسيمة:هاد خولة ماجبرت غير فوقاش تبان غير دابا ..اوووف
هاجر: ملي جات خولة ..ههه غير سمي عليه صابر وصافي ههه
امير ملي شاف خولة بقا غير كيشوف فيها ..وسيمة شافت فيه فيه و بدات تحرك في الملامح د وجهها
خولة ملي شافتوم بدات تشيار لوسيمة بإدها
امير:واش انتي زعمة كتعرفي هاد زين كلو
وسيمة:علاش شني بانت لك انا ملكة د الخيبات اولا؟؟
امير:لا لا حاشا حتا انتي كطيري لعقل
وسيمة ملي سمعت داك الهضرا عجبااا الحال و رجعت ليها تقتها بنفسها ...شوية وهو يكمل كلامو ..ولكن هادي حاجة اخرا ..وسيمة ملي سمعتو بغات تمشيو هو يشد ليها ايدها تاني ...سري عايطي لداك صاحبتك تجلس معنا و لا ماعدي عجبك حال راكي شايف حالتي كي ولات بسببك وماشي امير الي كينسا و كيسماح دغيا فهمتي
شافت فيه وسيمة وابتسمت ليه وقاتليه
وسيمة:واخا الحبيب ديالي ماتكون غير على خطرك
مشات وسيمة عن داك صاحبتها خولة سلمت عليها و قالت ليها
وسيمة:شني جابك نهنايا العايلا باقي ماهداكشي الله تعمل عاقلك؟؟
خولة:هههه علاش شني شوفتيني كنعمل كنسرق اولا ..اوا الي كي يجي كيجي بيدو
وسيمة:خهخ مهم يالله تمشي معايا نعرفك على الخطيب ديالي ...بلحق ماتقولا حتا نشي واحد ..حيت اختي ديك اشي باقي عندنا مخباع و انتينا كتعرف هاد اشي كضرب عليه العين ...رجعت شافت فيه لقات كيشوف فيهم و كيبتسم وهيا تغمزو ..ملي رجعو عرفاتو عليها و طلب منها باش تجلس و تطلب شني بغات تشراب
امير:واش حتا انتي من لهنا .
زعمةحتا انتي طنجوية
خولة:اه اخي و انا جار ة دوسيمة كنسكون في الحومة ديالوم
امير:مزيان اختي متشرفين..شويا قرب عند وسيمة وقاليها شوفي ناس كيف كيهضرو ماشي فحالك كتهضري بالاعضاء ديالك كلها
خولة بقات كتشوووف فيه و قالت ليه:
خولة:اجي انتينا ماشي ديك ممتل امير لا؟؟
امير:اييه اختي هو انا ..واش كيعجبوك الافلام ديالي؟؟
خولة:اه كيحمقوني ...صراحة عامل فحال شي ممتل توركي
وسيمة حاسة بواحد الخصة في قلبها معرفتش علاش ...حاسة فحالا عادي تخدليها امير وهي اصلا كاع ماديلاها
ناضت و قفت وقالت لصاحبتها هاجر
وسيمة:يالله ا هاجر في حالنا ..راه تعطلنا
امير:شاد من دراعها ...جلسي
وسيمة:لا .عادي نمشي فحالي...وها هيا خولة عاد تونسك حتا تحايدلك ديك ساخنة
امير:علاش بسلامة شكون دار لي هاد الحالة انتي ولا خولة
وسيمة نترت ايديه من عليها و بدات تسراع بالخطوات ديالها ..امير ملي شافها هاكك تبعاها ورجاع شاداها من دراعها
امير:قوتليك وقفي واش ماكتسمعيش
وسيمة:علااش شني باينك وبيني اخي ..انا يلاه شوفتك البارح وبغات تزيد
امير:ارليا نمرة تليفونك
وسيمة معانديش تليفون
امير:واش كاين شي حد دابا معندوش تليفون ..واش كتكدبي عليا ولاشنو
لحقت عليها هاجر و قالت ليا
هاجر:بصاح اخي والله معندا
امير:وانتي ؟؟
هاجر:اه ..انا عندي كتبت ليه نمرتها وشادو طريقهم ندارهم و حتا خولة معاهم
بارتي سابع
في العشية
هاجر:الو ..شكون معايا
امير:هه انا واش انتي صاحبتها ديال وسيمة لا؟؟
هاجر:اه ..انا صاحبتا د وسيمة كيف انتينا لباس؟
امير:لباس شويا دابا حسن من صباح...اجي ممكن نهضر مع وسيمة؟؟
هاجر:اه واخا تسنا نديلا تليفون ..هاجر طلعت نسطح ديال دارهم كتجري ونقزت لسطح ديال وسيمة ...هاد الاخيرة في داك الوقت كانت في الكوزينة كتصاوب العشا
وسيمة:بسم الله رحمان رحيم اهاجر خلاعتني .....خزيييت على عايلا
هاجر:هاك هاك شبر امير خصو يهضر معاك
وسيمة ملي سمعت هاد الهضرا خدات منها تليفونها و خرجت لبارا في سطح وتخبعت في واحد القنت و بدات تخضر معاه
وسيمة:ا شكون؟
امير:زعمة ماعرفاش شكون ...
وسيمة:شكون انتينا اميراولا؟؟
امير:ايه هو هاد
وسيمة:كيف بقيتي شويش؟؟
امير:لا لباس راه وليت مزيان
وسيمة:اه بصح نسيتك ..ملي شوفتي خولة طاحت لك سخانة
امير:انتي مالكي مع ديك خولة ياك ماغيرتي منها؟؟
وسيمة:علاش عادي نغير منا ..الا كان على لمزير و طليق د شعر كاملين كانعرفو نعملوه ..غير الله يهدي با
وخاي ماكيخاليونيشيام انا نجي حسن منا
امير:ههه او عبرو عليك ..راك ميبناشي سهلا.مهم غاد اش عندك
وسيمة ملي سمعتو طاحا فيها نوص ههه مسكينة
وسيمة:علاش كتصقصيني اخي؟
امير:بغيت نشوفك وزايدون راني باقي مسمحتليك .
وباش نسمحليك باغيك تسريني طنجة كلها .ملي جيت وانا غير الخدمة ودار
وسيمة حاسة بواحد الفرحة كبييير في قلبها ولكن داك الخوف عندك يشوفها باها و خوها خلها مترددة
وسيمة:شني عادي نقولك اخي والله منعرف
امير:غادا انشاء الله غادي تلقاني حد جامع ديال محمد الخامس مع 5:30ومتعطلش عليا واجي بوحدك وقطاع
وسيمة بقات غير مصدومة ماعرفتش واش تمشي ولا
عطات تليفون نهاجر و عاودت ليها داك اشي كلو .
هاجر:شني عادي نقولك ..زعمة هو كيبان عليه ضريف
ومحترم .وبلحق منعرف ..انا اختي ماااكنتيقش
وسيمة:صافي غدا عادي نديك معايا.هاجر ملي يمعت فرحححت حيت هيا اصاا قالت ليها داك الهضرا غير باش تمشي معاها و تحضر بيدا على ديك اشي الي غادي يوقع كلو ههه
وسيمة:اجي بعد شني عادي نلبس انا ماعندي حتا لبيسا في صيفا دناس
هاجر:صاافي جبرت ...خولة عندا شي لباي كيحماق ..غادة في صباح نمشيو نرغبوها
في صباح ناضو صبحو على خولة
خولة:صباح الخير ..ياك لباس انتما ا جوجا ماجين عندي على صلاحعلاش شني واقع
؟؟
وسيمة:هه وخالينا دابا ندخلو
دخلوالبنات عند خولة و قالو ليها على جاو بمعنى وسيمة خصا شي لبيسة حيت عندها موعد مع امير حتا خولة مكاننش عندها مانع تاخد لي بغات
وسيمة بقات تقايص حتا سخفت عاد اقتانعت بواحدة خداتها من عندها و شكراتها و شدت طريقها ندارهم
البارتي التامن
جا الوقت باش تمشي وسيمة باش تلاقا بامير
خرجو هيا و صاحبتها هاجر و شد طريقهم للبلاصة الي داير معاهم فيها
ملي وصلو لقاو امير واقف حدا طوموبيلتو ولباس عليه نضاضر و واحد البسة كتحمق و داير جيل في شعرو وزاد كملها ملي شافهم وابتسم ليهم
وسيمة لصاحبتها
وسيمة:ايييييما يا هاجر وشحال فنيون ...شبارني الملعوقة عندك.نسخف
هاجر:انا كنت كنقول ماعتجبرشي حسن من معاد الخطيب ديالك ..ساعة مبقاشي يبان قدام امير..والله الا عندك زهر ا وسيمة...هاد الاخيرا ملي سمعت ديك الجملة لخرا
وسيمة:ماكنتشي عارفة البلوطة .بمعنى العين .....ماين كتجيني الله يحفض دابا عاد عرفتك انتينا الي كتعيني ا هاجر
وسيمة و هي كتمد ليه ايدها
وسيمة :سلام و عليكم ..كيف انتينا لاباس؟؟
جبدها امير نعندو و قاليها في ودنها
امير:انا راني ولد ماش بنت باش تقولي ليا انتينا ..
وسيمة:ههه او حنايا كنقولولا اخي انتينا حتا نلولد
امير:حرك راسو وابتسم و قاليها ...ركبي الحمقا ..ركبي
وسيمة و صاحبتها بقاو كيدفعو بعضياتهم .ماعرفوش واش يركبو ولا لا حتا شافو واحد جارهم وهما يفتحو الباب و يدخلو كيجريو.بزوج نلور
امير:رجاع شافيهم ...وشاف في وسيمة ..واش ماغديش تجي تجلس حدايا ؟
وسيمة:انا شالله غير قدارت نجي نتلقاك و نركب معاك ..ودابا زيد وحمد الله وسكوت ...
امير شاف فيها من مرايا وابتسم و سكت
امير كيتصل في تليفون
امير:الياس فاينك؟؟
الياس:راني اخويا غير في دار مرياح
امير:شويا غادي ندوز وراك تخرج معانا
الياس:معاكم علاش بسلامة انت ومن ؟
امير:ههه حتا تنزل وتعرف شكون معايا
امير وقف حدا بابا دارهم بدا يتسنا شويا الياس حتا بالو هبط و من بعد دخل عندهم لطوموبيل
الياس:سلام
الكل:وعليكم سلام .
الياس:شاف في امير وبدا يتحلف عليه بوجهو
طريق كلها و هما كيتحاور غير في مواضع عاديا حتا و صلو للمنار
منار منطقة مشهور بزااف في طنجة هيا موقع ديال منارة فين داك ضو الي كيضرب في الما ديال بحر باش كينبه سفن..وتما كاين مجموعة ديال قهوي والمطاعم وموقع ديالوم جاو كيطلو علىى شواطى ديال طنجة كلها تقريبا من جيهت البحر متوسط
ختارو واحد القهوى وهي مطعم في نفس الوقت دخلو جلسو
الياس وهو مقرب عند امير:اش هاد الحصلة حصلتيني ا امير
امير:هههه غلبو ضحك حيت فهمو
الياس:فاينك ا نبيلة تجي من كازا و تشوفيني ..ليوم تخلي دار بويا
امير:او اش بغيتيني ندير راه جابت صاحبتها..ومعديش نلقا حسن منك
الياس:الله يهديك اخويا ..انا راني متزوج بولدي ...اش دنا نجيب راسي شي حرق
امير:انتا غير جلس في بلاصتك و هضر متقرب على حد ههه خاليني غير انا الي باقي حر هه
وسيمة:شوف ا هاجر على منضر كيحماق ..شوف العيلا والله الا اد كتبان سبانيا من هنايا .شوف راهيا
هاجر:او حتا حنايا كيبان نا هاد منضر من سطح ديالنا
وسيمة:سكوت اهاجر عندك ركبك دابا في طرامبيا و ترجعك نسطح ديالكم ..اوا من تما شوف هاد المنضر
امير:اش بغيتو تاخدو:؟؟
وسيمة بقات كتقرا في ديك مينو ..قرات كلشي في اخر قاتلو
وسيمة:جبلي شي كاس داتي يكون مشحححر
امير غلباتو ضحك وبدا يضحك
امير جبليها اخويا داك اشي الي بغات و شاف صاحبتها حتا هيا طلبت فحالا و هو و صاحبو طلبو القهوى
وسيمة:علاش ماطلبتيشي المهاوكر اتاي عرفتي كيفاش كيعادلوه كيحمق ماتشبعشي منو
امير:اش كتقولي راني نص د الهضرا ماكنفهمش بطنجوية ..وزيدون راكي كتهضري بزربة
وسيمة 'مهاوكر ...هو زعمتيك مطرنن
امير شاف فيها و علا حاجب و نزل لخر و شويا بدا يمووت بضحك
وسيمة ملي شافتو كيضحك على هضرتها غنزرت فيه و قلبت وجهها لجيهة لخرا ..بدا كيشوووف فيها وشويش ناض شاد ليها في دراعها وقاليها
امير:نوضي يالله هي باغي نهضر معاك
وسيمة :ما مشا حتا نشي موطاع معاك وحايد يدك مني عندك نكركبك في هاد الحجر
امير:نزل عندها على ركبيه
امير:ههه والله الا هضرتك كضحكني والله اما كنضحك عليك بالعاني.ويالله وسيمة بارك خلاص
وسيمة شافت فيه و ناضت قالت لصاحبتها
وسيمة :حدلي شوليا يعني الكرسي..عندك يجي شي واحد يديه ...والله اهاجر ادا داهلي شي وحيد إحتا نصايفطك على راجلك ندار ديالكم..او ها انا قولتالك
امير:ههه واش انتي ديما هاك مصطيا؟؟
وسيمة:علاش شوفتيني كنقطع حوايجي او لا؟؟
امير:هههه لا حاشا
وسيمة:دابا علاش جيبتيني نهاد اسلاس ...يعني ضلام ...شني خصك؟؟
امير:ماخصني والو غير بغيت ندور واحد شويا هنا وبغيتك تكوني معايا
امير و وسيمة كان الحديت الي دار بيناتو عبارة عن تعرفو هم على بعضياتهم و على جزء من حياتها و حياتو من بعد ملي شافو داز الحال و البنات تعطلو على ديورهم شادو طريقهم تاني وهاد الخطر حاطهم امير قريب لحومتهم
ملي وصلو البنات نحومتهم
الشخص:هاي ..هاي بلالة وسيمة كبرت و بقات تركب في طوموبيلات
وسيمة: ديها في راسك العايلا وماشي شوغلك ...وزيدون هادك خطيبي كتسمع ولا نجي نسمعك
الشخص:وهاد الخطيب ديالك علاش منزلك هنايا ومدخلكش حتا ندار ديالكم ...كو كنت منو انا منعملاشي ...
المهم طريق كلها و درري كيبصلو عليها و حتا على هاجر حقاش حتا هاد الاخيرة عندها حقا من زين
ماي وصلو لديارهم بدلو عليهم حوايجهم و طلعو لسطوح باش يكملو حديتهم هههه
هاجر:بخبرك اوعدي ديك راجل صداق مزوج؟؟
وسيمة:ههه...زهر ديالك اهاجر دائمان مكفس عند ك ههه حتا انتينا اختي معينة فحالي
هاجر:عاررف اختي راسي معاينة ...علاش انتينا ماكتشوفشي ديك سعدية نهار كامل وهي حاديا ديك طاقة
وسيمة:اه ياختي ..ولله الا كراهت هاد الحومة
هاجر'اجي انتينا علاش داك امير نديك اسلاس شيني قالك
وسيمة:اووو..... شني عادي نقولك اهاجر ملي كنت كانشوفلو في عينو كيف كانو كيبريو شبرتني دوخة اختي ...دوخة ..الله يسمح لينا وصافي
هاجر:وشني دابا عاتعمل مع معاد د خالتك؟؟
وسيمة:او معاد دخالتي ملي يجي في صيف عادي ندربو صداق
هاجر:و امير ؟؟
وسيمة:شعندو امير ..ها انا كندوز بيه الوقت علاش انتينا مسمعتيهشي قال غادي ديني غير باش نساريه طنجة و صافي او هو كيتسرا و انا نتسرا معاه .....فحال لي كيدوز حتا هو بيا الوقت .........شني صحابلك هاد نوع د جواج ههه ..... انتنا حااامقا
البارتي التاسع
عند امير :
امير:صباح الخير اماما ..كي دايرين لباس؟؟
الام:لباس اولدي ناقصنا غير انتا
امير':واخا اماما راني هضرت مع المخرج و عطاني و احد تلتيام
الام:او اولدي اش هاد زربة ...كو بعدا عطاك اسبوع على الاقل
امير:ماما راني قريب نسالي و نجيا وتشبعي مني
الام:وصافي ا
ولدي راني تقديت كلشي للخطبة ..باقي نتسنا و فيك غير انتا
امير:واخا اماما مايكون غير خاطرك
قطاع امير مع ماماها و جلس في واحد الكرسي و دار الموسيقى بقا كيتأمل بعينيه و سراحلو تفكير و حتا بدات كترجاعليه داكرتو ملي كان مع وسيمة و بدا كيتفكرها كيف كتهضر و كيف كتحرك راسها و ايدها و كلشي وبدا يضحك بوحدو و بلا مايفطن قال
امير:حمقا بصوت مسموع
الياس كان يالله خرج من بيتو
الياس:ياك لباس اخويا ..ياك ماتسطيتي كتهضر بوحدك؟؟
امير:ههه لا راني غير كنتفكر وسيمة
الياس:ياكماااا...؟؟
امير:لا ...لا ماشي داك اشي ؟؟وزيدون الوليدة مقادياليا باش نمشي نخطب ههه
الياس:او مبروك اخويا والله يجعل كلشي مبروك مسعود...الياس ماحسش بامير فراح ملي قالو داك الهضر
الياس:مالك امير واش مابغيش هاد البنت الي غادي تخطب ليك موك؟؟
امير:اش غادي نقوليك اخويا ..صراحة درية زوينة و بعقلها ولكن مكنحش بحتا شي حاجا جيهتها ..
سوى انها بنت خالتي وصافي..لكن فحال الي كتقول ماما ماعديش نلقا شي واحد ا تقبليا على خدمتي من غيرها
الياس:صاحبي ..اش غادي نقوليك .ياكان انت ماعجبك فيهاد ساعة حتا واحد غير توكل على الله ومن بعد مع الوقت راك غادي تبغيها
امير:حاس بشي حاجة في قالبو ماشي هيا هاديك وشد سوارتو و هبط لطوموبيلتو و اتصل تاني بهاجر
هاجر:صباح الخيرا امير اخاي كيف انتينا؟؟
امير:لباس اختي هاجر نحمدوه و نشكروه
عافك اختي بغي نهضر مع وسيمة واش ممكن؟؟
هاجر:اه وخا اخي تسنا ..وفحال ديما هاجر طلعت نقزت غير من سطح لسطح ههه ولقات وسيمةكتصبن واحد صبردينا دخوها باش يدبار عليها 30درهم
هاجر:مسح يديك العايلا وهاك تليفون امير خصو يهضر معك
مسحت وسيمة يدها طبعا بحوايجها و مشات نواحد القنت جلست وبقات تهضر معاه
وسيمة:سلام وعليكم اخي امير كيف صبحتي؟
امير:هه لباس ..وانتي اش كديري؟
وسيمة:جبرتيني هي كانعدل ضفرين ديدي وصافي وكنصبغوم..وهي كتشوف في داك صبردينا دخوها
امير:واخا ..بصحتك ..اجي نقوليك واش تقدري تخرجي ..باغي نشوف
وسيمة:دابااااا؟؟؟
لا اخي منقدرشي .واش خصك ماما تقطعلي جنابي
امير:ههه في العشية مع الخمسة في نفس البلاصة صافي ..شوف وسيمة عاافك بلا ماتجيب داك صاحبتك واش كتخافي مني ولاشنو
وسيمة:سااااااكتة
امير:الو...الو وسيمة مالكي ساكتا
وسيمة:امير علاش بغيتي تخرج معايا انا ماعرفشي شني خصك مني ؟؟
امير:هه راه انتي واعدتني بلي غادي تسارني طنجة ودابا خصك توفي بالوعد ديالك سمعتي .
وزيدون راني باقي ماسمحتش ليك...يالله مع الخمسة في نفس البلاصة
قطاع امير مع وسيمة وخالاها في حيرتها
هاجر:شني قالك؟؟
وسيمة:قالي خصو يتلقا معايا في العشية ...
هاجر:ويالله نوض ...نوض يالله ندركو اصاحبتي باش نسلفو الحوايج و نسكسفو زعمة نتقادو
وسيمة:بلا متعدب راسك اهاجر حيت انتينا مامشاشي معيا هاد ناوبا ...العايلا قالي اجي بوحدك
هاجر ملي سمعت داك الهضرا بقا فيها الحال و قالت ليها
هاجر:صافي ...صافي ..حتا يانا جبرتني ماشي نعزي مع ماما ...او شني عادي تلبس
وسيمة:عادي نلبس جلبة ديالي د العيد و صباط وصاك دياللا و عادي نمشي عااااديا ا هاجر حيت راجل معايطلي غير باش نساريه فهمتي واليوم عادي نقولو مايرجاعشي يعايطلي كتر
هاجر:حتا جلبة كتجيك كتحمق ...كنت عادي نصلف منك بلحاق خصرا
وسيمة:واش اهاجر عادي تمشي تعزي بجلبة في الحمر و فيها دهبي هاك تليفون ديالك و رجع ندار ديالكوم وخاليني خايييلها عليك غير واحد شويش
البارتي العاشر
وسيمة هاد الخطرا قررت انها تمشي عادية دارت غير شويا ديال الكحل و شويا ديال الكلوز ماشي باين و لبست جلابتها و شدت طريقها عند امير
ملي وصلت لقاتو اسم على مسمى ندمت على جات بديك الحالة ولكن تكات على قلبها وزاد ت لعندو
امير:اهلا وسيمة ؟؟
وسيمة :وهيا محملاش راسها بلي هو جا حسن منها
اهلا اخي امير
امير:طلعي يالله نمشيو نشي بلاصة
طلعت وسيمة جلست حداه دارت سمطة وبدات كتحرك عينيها في كل قانت عندك يكون شافها شي حد كيعرفها امير شاف فيها وغلباتو ضحك وكسرا وزاد
امير:وهو كيشوف فيها ...فين غادي تاخدني ليوم
وسيمة:يالله نمشيو نرميلات مزيوونة حتا هيا اوالله
امير:او اش كاين في هاد الرميلات
وسيمة:تما كاين طبيعة مزيييونة والهدوء و القهوي و المطاعم وكلشي .وادا بغيتي تاكل بيصرة معاليك غير برميلات...وزيدون تماك عندنا حتا الفيلات د سواعدة وناس لاباس عليهم
أمير:يالله الالة نشوفو هاد الرميلات كيف دايرا
مشاو نداك البلاصة ونزلو ودخلو نواحد القهوى وجلسو
وسيمة:واش انتينا عادي تبق دخلنا من القهوة لقهوى يالله نمشيو نتساراو على رجلنا
أمير:او انتي الي جايباني لهنا
وسيمة:يالله شراب ديك قهوى دغيا ويالله نهاودو في ديك الغاية
امير:واخا هانا غادي نشربها ونزيدو
ملي كملو طلبت منو يتبعها بقاو هوادين في واحد الغابة حتا وصلو لواحد جيها و طلبت منو يجلس في واحد الحجرة
وسيمة:شوف على منضر ...شوف ..كايحمق
امير:اه بصح زوووين وحتا الهوا نقي..واش هاد البلاصة قريبة على ديال لبارح حيت حتا ملهنا كيبان ليا لبحر
وسيمة :لا هادي جيهة اخرا ماعندا حتا علاقة معا ديال بارح..بحر الي كونا فيها بارح ...البحر المتوسط و هادا الاطلسي
هيا باقي كتشرح ليه حتا بان ليها خوها و واحد زوج صحابو جين جيهتهم.....ملحقا أمير عليها حتا وقفت قدام طوموبيلتو وكترغبو يفتح ليها الباب ...دخلو واكسراو جيها اخرا الي كانت قريبا نهاد لبلاصة سميتها . مرقالة وهاد الاخيرة عاد تبنا ت جديد وهي عبارة عن كرنشي جا قرييب من المرصى منطقة ديال صيد بطريقة تقليدية..ولكن هاد الخطرا ما هبطوشي بقاو جلسين في طوموبيلا
امير:اش وقاع جايا بيا هاكك كنجري ؟؟
وسيمة:او ماشوفتيش اوعدي خي كو كان شافنا هاد نهار نهارنا
امير:ههه علاش مالو غادي يقطعنا ريوسنا ولا شنو؟؟
وسيمة:شوف اخي هانا ساريتك ..صافي ماكينشي شي حاجة اخرا غادي تشوفا كتر هنايا ..دابا انا مكتسالني ماكنسلك صافي ..او كلو واحيد فينا يشبار طريقو ...تلقينا خوت و نتفرقو خوت
امير:هه بشويا ..بشويا هضر ي راني كنفهمك بز ز..راكي كتزبي بزاف في الهضرا
وسيمة:خي يالله تمشي توصلني ...راه بقا ت كتسلس علينا الدنيا
امير:او راه حنا يالله تشوفنا .عاد دابا شويا ...وبزربة باغا تمشي؟؟وزيدون انا غادا راه غادي نكازا
وسيمة ملي سمعاتو مشي حاسة بشي حاجة حبسا ليها في حلقها .ماعرفتش اش غاديا تقولوليه
امير:مالكي او سيمة وليتي صفرا هاك ياك ماشوفتي خوك تاني؟؟
وسيمة:لأ..وقلبت وجها جيهة لخرا
امير:واش مابغاش نمشي؟؟
وسيمة رجعت حمرة وحشمت ودارت عندو؟
وسيمة:علاش اخي انا شيني بين و بينك ..وابتسمت؟؟
امير:قرب عندها شويا وبصوت حنين...وسيمة معندكش شي علاقة مع شي حد ؟؟
وسيمة:حاسة بلي لسانها تشلل و ماقدرتش ترد عليه
امير رجع لجيهتو وبدا يشووووف حداه وبصوت حزين ...ادا عندك ....كسرا و شاد طريقو جيهت حومة دوسيمة ملي وقف
امير:خد اوسيمة هاد الكادو من واحد دوز معاك اجمل ايام في حياتو وخا كانت قليلة مي تيقني ماغديش ننساها عمري في حياتي
وسيمة شافت فيه و ماقدرتش تكمل فيه شوفا خدات داك الكادو الي جاب ليها وشادت طريقها لدارهم
الحادي عاشر
رجعت وسيمة لدارهم وهيا عالم عليها غير الله ...حاسة بواحد الاحساس غرييب ماعرفاش اش باغا ولا اش واقع ليها كلشي في حومتهم رادوليها البال ماشي هاديك و سيمة ديما
حتا امير مشا لدارو لكاري بدا يجماع في حوايجو تلاحا فوق ناموسيتو وبدا يفكر في هاد اشي الي وقاع ليه هاد الايامات الاخيراالي مكانش ضرب ليه الحساب حتا لقا راسو نعاس ماناد حتا سمع المنبيه...دخل لحمام دوش ولبس عليها و تقاد و راش ريحتو و شاد ڤليزتو و اكسرا جيهت كازا
ملي وصل لقا عائلتو منتضرينو وموجديليه من الاكل مالد وطاب سلم عليهم وجلس يتحدت معاه
امير:او اش خباركم ؟؟كي دارين
الام:الحمد الله اولدي لباس علينا
اية الاخت ديالو:امير خويا راني نجحت ..امير ملي سمعها بلفرحة ناض و عنقها وبسها و قاليها مبروك على اختي ...اوداب طلبي الي بغيتي وخوك راه موجود
اية:باغا تليفون
امير:هه صافي راه عندك
عنقاتهو حتا هيا بدورها وقالت ليه
اية:لهلا يخطيك علينا اخويا
الام:او الله يفرحك اولدي فحال الي فرحتيها ونشوفك بدارك و بولادك
امير:وهو كيتنهد ..ان شاء الله اماما
رجعو عند وسيمة
وسيمة:هاجر...هاجر
هاجر:اوسيمة شيني كاين ؛؟
وسيمة:فتح باب خصني نهضرمعاك
هاجر:بلاتي انا هاودا نفتحلك
هبطت هاجر فتحت ليها لباب و دخلو وجلسو لتحت
وسيمة:هاك شوف العيلا شني جاب لي أمير
هاجر:ارا نشوف ..بدات تفتاح في داك الكاخا حتا لقات تليفون ومن نوع لغالي
بقاو بزوج مصدومين وفتحين فومهم
وسيمة:اوعدي تليفون
هاجر:ياااختي فنيون ...هادو العيلا عاد خرجو لخرا ..ار نشوف
وسيمة ضربت ايها ايدها و قاتليها نزل تما حتا يكون ديالك وهزو
هاجر:او علاش كتورهلي الا ماخصكشي نهزو
وسيمة:انا عادي. رجعو لمولاه
هاجر:اهيييا عادي ترجعو لمولاه..انتينا كنشوفك حمقا
وسيمة:او ادا حصلوه لي دار ديالنا شني عادي نقولوم؟؟
هاجر:قولوم جبارتو
وسيمة:واش كضحك عليا زعمة جبرت درهم
هاجر:عرفتي شني كاين خابو عندي ..وحتا شي واحد ماغدي يعرف ملي تبغيه نعطه ليك
وسيمة بدات كتفكر شويا قالت ليها
وسيمة:صافي مشات ..او اري بعد نعدلو لو كارطا و نخدمو ه
في لغد ليه في صباح في دارامير في كازا
امير:صباح لخيرعليكم
الكل:صباح نور العريس
امير:صافي زوجتوني دغايا ...باغين غير تفاكو مني ههه
الام:الله ياولد ماتقولش ه
