GREEN BOYS FAMILY

03/10/2026

الله إرحم لي لبارح كانوا معنا وليوم بقاو غير ذكرى 💚🤲🏼

28/09/2026

FORZA ULTRA
FORZA GREEN BOYS SALÉ 👽

21/09/2026

بداية موسم جديد، بصورة مألوفة تكريسا للهيمنة و بگاع التخزاز، الرجوع ديالنا للحرش ما هو إلا تذكير لأصحاب الذاكرة القصيرة بشكون مالين المكان، فبعدما افتتحنا الملعب فديك الوقيتة اللي بغينا و بالطريقة اللي بغينا، رجعنا اليوم نديرو un petit rappel، و لكن هاد المرة بـ un plus grand nombre، و ديما بنفس الفكرة و الثبات و التلاحم.

اختارينا اللون الأسود و شعلة بعجاج كحل تعبيرا على الوضعية القمعية فهاد البلاد فحق شبان ما بغاو والو من غير يعبرو على راسهم و أفكارهم بحرية و يشجعو فرقتهم. وسط هاد السواد، سطروبو كايسطع باللون الأبيض اللي باقين طامعين نلقاوه فاللخر ديال الطريق حيت نيتنا صافية و الغاية و الطريق ديالنا واضحة، و حيت كنا و غانبقاو ديما ni bandits, ni soumis.

ثم شعلة بفلام حمر متوهج بحال الشغف اللي فينا تجاه هاد الفرقة و الجلدة، و تجاه العقلية و الفكرة السليمة اللي بدينا بيها و غانكملو بيها حتى اللخر.
إعلانا على بداية موسم جديد على نفس الخطى جماهريا، و كلنا أمل و عزيمة يكون بداية العودة للطريق الصحيح للفرقة. حيت من ديما رجانا فالله، و ماشي فالأشخاص.

ديما راجا، غرين بويز ٢٠٠٥.

20/09/2026

Une passion, une force 👽

23/08/2026

المدرجات عمرها ما كانت غير بلاصة فين كيتعالى الصوت، بل كانت فضاء كتحمل فيه الأفكار، كيتختابرو فيه المواقف، وكيبان فيه صدق الانتماء بالأثر اللي كيخليه وبين داكشي اللي كيتكتب وداكشي اللي كيتغنى به فالمدرج، كاينين عبارات ماشي غير شعارات، حيث كتحمل فبضع كلمات تاريخ ديال الإيمان والوفاء، ومن بينها «دماغ، قلب ودم»؛ عبارة ارتبطات بهوية هاد الفصيل، وبقات كتختازل فمعناها الفكرة والوفاء والتضحية.
اليوم من بعد ما خرجات هاد المبادرة من المدرجات لواقع الحياة، ما بقاش الدم غير رمز كيتحط ويتشاف، بل ولى عطاء حقيقي؛ عطاء يقدر يوصل لإنسان ما كنعرفوهش، وما كيجمعنا به لا اسم لا مكان، غير أننا كاملين كننتميو لنفس الحياة. حيت شنو قيمة الفكرة إلا بقات غير كلام؟ وشنو قيمة الانتماء إلا ما قدرش يخلي أثر خارج أسوار المدرج؟

هاد النهار كان صورة أخرى من داكشي اللي كنآمنو به، أن الوفاء ما كيتقاسش غير بشنو كنقولو، ولكن بشنو مستعدين نعطيو، وأن أقوى الشعارات هي اللي كتقدر تخرج من الحيطان وتولي فعل، العطاء هاد المرة كان بلون آخر؛ ما كيبانش فالمدرجات، وما كيتسمعش فالهتافات، ولكن يقدر يجري فعروق إنسان، ويعطيه فرصة جديدة للحياة.
ولاد الخضرة ولاد الخير

28/06/2026

بسم الله الرحمن الرحيم
"يا أيتها النفس المطمئنة ارجعي إلى ربك راضية مرضية فادخلي في عبادي وادخلي جنتي"

ببالغ الحزن والأسى، وبقلوب مؤمنة بقضاء الله وقدره، تلقينا نبأ وفاة المشمول برحمة الله، المربي الفاضل والمؤطر القدير السيد محمد البودالي.

لقد فقدنا اليوم قامة تربوية ورياضية شامخة، أفنى حياته في خدمة الأجيال، وترك بصمات لا تمحى في قلوب وعقول كل من تربى على يديه. إن مسار الفقيد كأحد قدماء المؤطرين في نادي الرجاء الرياضي يظل علامة فارقة، فقد كان مثالا للمربي الغيور الذي آمن برسالة الرياضة في صقل المواهب وبناء شخصية الشباب، تاركا وراءه إرثا تربويا ورياضيا سيظل شاهدا على تفانيه وإخلاصه.

وإننا إذ نعزي أنفسنا وعائلة البودالي الصغيرة، وكافة أسرة نادي الرجاء الرياضي، نسأل المولى عز وجل أن يتغمد الفقيد بواسع رحمته، وأن يسكنه فسيح جناته، وأن يرزق أهله وذويه جميل الصبر والسلوان.

إنا لله وإنا إليه راجعون.

21/06/2026

عيد ميلاد سعيد للحركية ⚓️
21 ومازال 👽

21/06/2026