02/03/2024
علم التشفير او cryptography , صراحة في حماية المعلومات infosec شوية صعيبة تلقى الترجمة بالضبط داكشي علاش انحاول نخلي السميات بالانجليزية.
المهم cryptography هو هاداك العلم ال كيخبي المعلومة بشي طريقة. كتخلي هاديك المعلومة ماعندها معنى.
انحاول نشرح ليكم التطبيق في سيناريو :
تخيل سيمو و المهدي خدامين في شركة و باغين يدويو مع بعضياتهم و تاحاد ماخاص يفهم اش كيقولو من غيرهم حيت كيدويو على شيحاجة مهمة. غادين يخدمو ب الكريبتوغرافي. كيفاش؟
عندهم 3 الانواع ديال cryptosystems لي يقدرو يخدمو بيهم :
ب symmatric : سيمو ايقول المهدي شوف انخدمو بشي symmetric algorithm. عندنا نفس key انعطيه ليك وتبقى تشفر بيه المساجات لي باغي تسايفط و في نفس الوقت تقدر تحل المساجات لي انسايفط ليك وتانا بنفس key.
هنا فهاد النوع symmetric باش تشفر او تفك التشفير كتخدم بنفس key.
ب asymmetric مختالف, كيكونو 2 نواع ديال key. واحد private و واحد public. نرجعو ل سيناريو : سيمو ايقول المهدي شوف انعطيك public key ديالي ملي تبغي تسايفط شي حاجة شفرها بهاد key, وملي اتجيني شي حاجة غادي نفك التشفير ديالها ب private key ديالي. وفنفس الحاجة مهدي ايعطي public key ل سيمو.
فهاد النوع asymmetric كيكونو 2 نواع ديال المفاتيح keys, واحد تقدر تعطيه لأي واحد و لاخر برايفت غير نتا لي يكون عندك.
ب hash هاد النوع الصراحة ماشي ديال التواصل ولكن ديال integrity, مثلا سيمو بغا يسايفط واحد contract للمهدي وخايف شي واحد يسيفط شي contract فيه شي مالوير ولا مبدلين فيها شي حاجة ل مهدي, ايخدم بشي hash algorithm ايحط فيه الكونطرا وغادي يخرج ليه واحد الرقم, المهدي اياخد الكونطرا ايخدم بنفس hash algorithm. لالقا نفس الرقم را الكونطرا هي هي ماتبدلات فيها تا شي حاجة. لا ملقاش نفس الرقم يعني شي حد بدل شيحاجة فالكونترا.
دابا ملي دوينا على الاساسيات نشوفو شنو الفرق بين ال cryptosystems :
ب Symmetric :
سريع حيت خاص غير مفتاح واحد.
ضروري خاص شي طريقة باش تبارطاجي المفتاح حيث لا سيمو سايفط للمهدي المفتاح بلا cryptography كلشي غادي يشوفو key يعني فحالا مادرنا والو. من هاد الطرق asymmetric encryptio ولا Diffie-Hellman key exchange.
ب Asymmetric :
ثقييل لاكان المهدي و سيمو كيدويو بزاف ماصالح حيث كيستهلك بزاف ديال cpu..
كينفع ف Non-repudation, يقدر سيمو يعرف را المهدي هو لي سايفط. حيت لا مهدي شفر ب private key لي عندو غير هو, يعني را 100% مهدي لي سفايط.
#الهاكرزالمغاربة #هاكرز #سيبراني #مبرمج #مبرمجين #مبرمج
