صاحب القلم المبدع بطريقة ساخرة ولغة دارجية

نبدة عني

الإسم الكامل محمد رضا بوجيدة
العمر 18

ساكن فالحي الحسني

تلقيت أبجديات التحرميات داخل أزقة المدينة القديمة من طرف خالي نبيل لي مسكين باقي بلا زواج علمني كاع ديك التسطية مع العلم أنني كنت تانحنقز من صغري في سن الرابعة إلتحقت بالروض قريت فيه غي مع الأشرار ديال الحي الحسني كنت طفل طموح يسعى وراء النجاح ومع ذللك كان لابد من القيام بأعمال شيطانية تفوق 5D لي كاينة دابا هههه
طلعت للإبتدائي لي دوزت فيه جميع أنواع التسطية منها التصاحيب عن طريق كتابة رسائل بالدارجة الماروكية وصولا إلى هروب الدائم من القسم إلى التحرش بالفتيات ههههه إنتهاءا بالعمل الذي مازال راسخا في ذهني وهو هروبي بمال التلاميد فالصف الخامس ويقدر ب 4000 ريال جمعت للنظافة والصيانة داخل القسم ههههه ثلات أيام وانا جالس فالمزل بحجة المرض ههههه وما خفي من الزبايل والمصائب كان أعظم ههههه عند وصولي للإعدادية تماك في وصلت لقمة القفوزية والتنقاز من سور الإعدادية العظيم وماتخلله من تقارير وجيب ولي أمرك الذي أتى مرة واحدة في سنوات كأنه جاء ليطوف هههه ولكن القسم لي تجمعو فيه غي الكوارت الطبيعية كان 3/7 أو بما كنا نسميه القسم رقم 8 جمع كلشي من قحاب لدريات فسيسرات ووصولا لأشر خلق الله كنا حنا 7 ديال الدراري معروفين لدى الحراسة بالأئحة السوداء والأسماء كالأتي بوجيدة /قربان/ بنغالة عبد الرحمان وأخوه الكبير عمر /والجوكير ديالنا فريوة حمزة بالإضافة إلى السويني و نوادي حمزة

كلشي سقط فيهم إلا أنا ي نجحت خورتهم هههههه طلعت للثانوية ففي السنة الأولى ناس قراو أشهر وأنا العام كامل قاري فيه شهر ونص ههه تاندخل غي الوقت لي قالها لي راسي ونجحت بإذن الله مع العلم أن الكل تعجب هههه لهذا النجاح ولكن لم أفعل شئ يذكر

غي طلعت للسيزيام وليت واحد أخر بدلت السيسطيم لي غادي بيه كنت على بونت ونفروح واحد الأستادة ديال الإنجليزية سميتها فوعيزي وقد بصمت على موسم دراسي رائع بإمتياز مازالت المصائب ديالي تذكر لحد الأن وكل هذا كان قبل خوض أي تجربة ديال التصاحيب حقيقية وكنت الله يسمح ليا لي كانت تاتجي فالمقلة تتقلى
وصلت لأخر المشوار البكالوريا منبت الرجال بإمتياز جابني زهري فواحد القسم باقي نتفكرو لحد الأن قراو معايا غي الثوار وصحاب عشرين فبراير هههه كنت خاشي راسي معاهم غي باش نتمركن ولكن كاملين كانو رجال واخا القسم كان فيه غي المسطشات إلى من رحم ربي هههه تانتمركن بالهاربات تحت توب هبيل كنت مشيبهم
ومازال والحمد عبد ربه مازال مواصل المسيرة النضالية لمحاربة التبعصيص بشتى أنواعه من المعيار إلى توقيفهم وعمل أعمال لا يعلم بها إلى ربي وسمحوليا إلى تعطلت عليكم مع تحيات زعيترة هه