29/05/2018
غيجي واحد نهار لي غادي نتا و لا نتي تندم فيه بزاف غتدم على حوايج بساط غي خليك معاي هاني جاي ، غادي ترجع في بعض الأحيان كتصرف بحال واحد طارلو العصب الرابط مبين التفكير و التركيز غادي ترجع فواحد اللحظة كتحس براسك حمق و الله حتا داوي معاك ، عرفتي شحال مرة و أنا كتوقعلي كنبقى ندير شي تصرفات و كنبقى نشك فراسي واش بصح مزال أنا هو أنا ولا راه حماقيت ، بسباب بزاف إما الضغط إما قوة التفكير إما بسباب شخص ولا أشخاص فحياتي مي الأكترية كانت كتوقعلى بسباب الإمتحان الوطني ، كانت كضربني لفيقة مع جوج دليل و نبقى نصقل و نعاير فراسي عرفتي كتلقا راسك كتبكي كتلقا راسك معلق فواحد لحبل لي راشي كتلقا راسك مبقا ليك أمل وا هاني جاي لصلب الموضوع غي كنمهدليك الطريق ، سمع راه قولتليك طارتي ولا نزلتي غتحط فهاد المواقف غتبقا تشك فراسك بزاف غتفقد فيه الأمل غتندم بزاف علاش فنظرك علاش .. ؟
لا ماشي هكاك
لأن كيجي واحد نهار و نهارات كتكون متكي و كتفكر أنك دير واحد الحاجة كتفكر بلي صافي غتبدل حياتك غتبدل كلشي صافي كدير فراسك العزم و كترسم مخطط لأش غادي دير .مهم معلينا كتبقى على راسك ليوما غدا بعدو و بعدو و نتا ماشي حتي كتلقا راسك مدرتي والوا بحالي أنا من بعد ما عاودت الباك قلت و الله حتا ندير و ندير بقيت كل نهار غا داوي غي ماشي فطريق الهوى سوى حتا لقيت راسي مبدلت والو لقيت راسي متغير فيه والوا لقيت أنه مزالي غير 8 ديال الأيام و كنقول أني غندير معجزة غادي نحقق بزاف فيها و لكن عارف غي كنكدب غلى راسي عارف أنه مزال غادي بنفس الريتم ، أرتكبت الأخطاء بزاف ماشي كيف كظن و لكن الأسباب ورا هادشي كاين العامل ديال الوقت يا صديقي يا صديقتي كنتمنى أنكم تركزوا عاى وقتكم أنكم تبعدوا على كلشي حتى تحقوا ديكشي لي بغيتو بغيت منكم غير دعيو معاي أني نكمل و نجح إن شاء الله و نصيحة لكل واحد فيكم
عافاكم قدروا قيمت الوقت لي فيديكم و عمركوم تأجلوا عمل اليوم لغدا ديما تفكر أن واحد ةلشخص تقريبا رجع حمق هبيل مفروح بسباب أنه متحكمش فوقتوا أنه ضيع الوقت مع ناس كاملين متقول هداك صاحبي ولا صاحبتي راه و الله ميعقلوا عليك شوف غير نوض دابا دير ديك الحاجة لي كتفكر فيها و توكل على الله و متنساش أنك دعي معاي نجح
عفاكم بغيتكم تقدروا هاد الكلمات لأنها تكتبات بالروح الميتة تكتبات بالوقت لي ضاع
كنتمنا لكل واحد فيكم يحقق دات و يحفز راسو براسو مينتظرش أخر يجي يفيقوا من الغفلة
Jamal
