17/10/2025
---
*الحاجة للماضي !*
اليوم شفت بنت صغيرة، محفظتها فوق ظهرها وغادا تقرا… شبهات ليا بصاحبتي القديمة، نفس الوجه، نفس الخطوات نفس الملامح 🥹. رجعت بيا الذاكرة سنين لور، وتفكرت أيام المدرسة، الضحك، اللعب، بلا همّ ولا مسؤولية.فكرت نمشي عندها في لحضة قلت يمكن هيا ولكن في تواني معدودة عرفت بلي صحبتي حتا هيا غتكون كبرات وتزوجات ورجعات أم حنت تقريبا 10 سنين مشفتهاش و البنت لي تتشبه ليها وجعلتني ل 10 سنين قبل
الصحاب ماشي ديما تتفارقو بسبب خصام… أحيانا غير الزمن يفرق. كل واحد تيمشى فطريقو جيران تبدلو، البنات تزوجو، الولاد خدمو، وحتى الخوت فرقتهم الدنيا.
كون غير كان الزمن يرجع…
شحال من واحد حاليا تعيش بيخير ولكن يتمنى يرجع صغير يرجع لطفولة واخا بديك البساطة والحرمان يرجع الخبز مع البطاطا في طريق المدرسة وداك المداق المميز ،ديك الدرهم لي تتكون في يدينا ويدينا تتعرق بالفرحة لي تنحسو بيها ، نضحكو فالساحة، لعبو نتمناو نهار الحفلة غير عصير وقطعة حلوى.
اليوم عندنا سيارات، خدمة، فلوس… ولكن فقلوبنا، كلشي باغي الطفولة ترجع ❤️
*بغيت نقول ليكم استمتعو بحياتك دابا، راه حتى هاد الوقت بأفراحو وأحزانو و أحلامو غادي تولي عليه تقول: شحال كنت بخير حنت ضروري كينا شي حاجة تخليك واحد نهار تمنى ترجع ليه واخا تحقق لأحلام لي نتا دابا مقلق على قبلها وتتمنى توصل ليها دكشي علاش تمتعو بكل لحضة ممكن تحقق أحلام مقلقينك دابا ولكن من بعد تمنا يرجع بيك الوقت لهاد الزمن لي تتقرى فيه هاد المنشور مهما كانت أوضاعك الحالية غيجي واحد الوقت تمنى يرجع الوقت كيف دابا تتمنى ترجع طفولتك
يمكن تمناه يرجع على قبل شباب تاعك لي غادي تفقدو ولا على قبل خوتك ولا صحابك …..مكم غادي تمنى ولكن لأسف مستحيل لذالك عيشو كل لحضة سوا بفرحتها ولا حزنها
…نتى لي تتقراي دابا هاد المنشور واش تتمناي الطفولة تاعك ترجع وشنو لي خلاك تمنايها ترجع شنو اللحضات لي مزال في بالكً
---
نتمنى هاد المنشور يعجبكم ولبغيتو نبقا نكتب ليكم فحال هادشي خليو ليا تعليق على الموضوع لي بغيتو
