Aïcha Salma

21/09/2021

السلام الغزالات ديالي 😍
السولتوني بزاف على حل القشرة الشعر المزعجة وهاد الوصفة ماشي كتحيد غي القشرة كتحيد حتى الحكة في الشعر بدون سبب حيت فيها مواد معقمة لفروة الرأس لي كتحارب البكتيريا لي كتسبب القشرة والحكة 💯 وندوزو أول بخاخ
غادي ناخدو بخاخ نعمرو نصفو ب خل التفاح ونصف الآخر عصير الحامض ونخلطوه ونبقاو نرشو بيه غي جلدة الشعر قل الإستحمام بساعة ونغطيوه بلاستيك
بالنسبة الوصفة التانية غادي تاخدو جوج معالق دانون مسوس (طبيعي) و ملعقة كبيرة ملح و جوج معالق خل الطبخ غادي نخلطو كلشي و بالنسبة هاد الوصفة غادي تشقي بيها جلدة الشعر و تخليها ساعة و تغسليه
من أول مرة كتبان النتيجة(أنا جربتها شخصيا وعجباتني ) بغيت أي وحدة كتعاني من القشرة تعطيها ليها هدية مني راه واعرة بزاف ومتنساوش لي كيشوف هاد الصفحة أول مرة إشترك فيها وتفاعلو باش دعموني الغزالات

16/09/2021

البنات هاهي الوصفة لي واعدتكم بيها 😘
مكوناتها :كتاخدي أفوكا تكون طايبة مزيان على حساب طول شعرك أنا شعري طويل درت زوج
وغادي تاخدي جوج معالق بيرلي (دانون بدون سكر)
وجوج معالق زيت كوكو
ملعقة من بلسم الشعر
ونطحنو كلشي حتى ينسجم الخليط ونطبقو على شعر مسرح وتبقاو تماسيو بحل شكل ترطيبة خصلة بخصلة وغادي تغطيو شعركم بلاستيك لمدة 3ساعات
وبصحتكم الوصفة
متنساوش تشتاركو فهاد الصفحة باش تعم الإستفادة الغزالات 😍💯😘

16/09/2021

البنات كيفكم الغزالات😍 الموهم درت واحد الوصفة من شحال هادي ما درت شي حاجة شعري ولالي ناشف ودرت وصفة الأفوكا البنات لي مهتمة تخلي تعليق ونحطها ليكم💯

11/09/2021

السلام حبيباتي اليوم غانحط ليكم أول جزء من سلسلة تقوية وتطويل الشعر لي طلبتوني عليها
أولا كنحدركم هاد الوصفة تقيص شي بلاصة من غير الشعر وحيت كتنبتو بسرعة جربتها على ماما ولقيت نتيجة واعرة لي كان شعرها كولو طاح ليها 😘ونحتاجو للوصفة الأولى :
الحنة (إلى كان شعرك أشقر استغناي عليها)
أوراق السدر
ورقة سيدنا موسى
الكركديه
القرنفل
الخزامى البلدية
السالمية
القرفة
قشور الرمان
العرعار
اليازير
الورد البلدي
جيل ألويفيرا
كناخدو شوية شوية من كل هاد المكونات (على حسب شعرك) ونطحنوهم عند العطار مزيان ونغربلوهم من بعد ناخدو كمية منهم ونضيفو عليها زيت الخروع (إختياري)ونضيفو صفر بيضة معاهم وتبقاو نزيدو ألويفيرا حتى ينسجم الخليط ونطبقوه على شعر من جدور إلى الأطراف من 6ساعات حتى ليلة كاملة ونغسلوه وتبقاو تكرروها كل ما تغسلو شعركم
حبيباتي إلى لقيت تفاعل بزاف غنزيد نكمل فهاد سلسلة 💯

05/09/2021

سلام بنات لاباس عليكم زوينات 😘😍
هادي جوج سيمانات وأنا متبعة واحد روتين لشعر ماما كولو طاح و فيه فراغات وبديت ليها واحد الروتين دابا شعرها بدا كيقوى ويكبر وغادي نكمل ليها شهر بهاد الروتين البنات ولي مشكلتها بحال ماما تخلي كومنتير إلى كان تفاعل طالع غادي نحطها باش كلشي إستافد 😊
غادي ندير ليكن سلسلة من هاد الروتين تقوية الشعر 💯💯

29/08/2021

السلام حبيبات سمحولي تعطلت عليكن الموهيم الوصفة لي سولتوني باش طولت شعري هيا هادي لغادي نعطيكم دابا من أنجح الوصفات لي ساعدتني كان شعري قصير بزاف
غادي نبداو بالشاموان لي مهم إكون ديال أطفال ونزيدولو حبات قرنفل وقطرات من زيت الخروع ونحطوه مدة سيمانة عاد نبداو نستعملوه
ثانيا كاين بخاخ لي زوين لغادي نحتاجو فيه أرز أبيض نضيفو عليه جوج كيسان ماء ساخن و نزيدو لبان الدكر ونغطيوه ليلة كاملة و فالصباح نصفيوه وناخدو الما ديالهم و نحتاجو فلفلة خضرة نحكوها وناخدو غي الما ظيالها ونخلطو مع ماء ديال الروز ولوبان الدكر(ممكن تضيفو جوج معالق جل ألويفيرا و زيت الخروع أو أي زيت إختياري )
ونديروه ف بخاخ(رشاشة)ونبداو نديروه يوميا فاليل لمدة شهر ونغسلو بداك شامبوان لي صاوبنا وبصحتكم الوصفة نفعتني بزاف داكشي علاش مبغيتش نخبي عليكم وبالصحة والراحة 💯♥️

27/08/2021

الوصفة لي طلبتوني باش طوال ليا شعري قريب نحطها وصفة خاصة بالتطويل وبلي شعرها مكيطوالش ليها مخلات ما دارت ليه قريب نحطها البنات إنشاء الله 💯♥️

26/08/2021

صافي ليوم غادي نفقص المسمومات لي مكيبغيوش يعطيكم الوصفة
على لسان صاحبتي الصحراوية لي غلاضت فمدة قصيرة وأخيرا عطاتكم السر ونحتاجو:
النافع
حب العزيز
حبوب اللقاح
الشوفان
الزبيب(مهم فالوصفة)
فواكه جافة(إختيارية)
سيريلاك (ديال القمح)
بيرلي(بيرلي أحسن ماركة ياغورت ممكن تغلضك)
زنجلان(نص منو محمر ونص مطحون)
صوجا(كتزيد فالمناطق أنتوية بشكل كبير)
هادشي كامل تاخدوه وتحمرو زنجلان وحب العزيز وحبوب اللقاح وطحنوهم ونزيدو الصوجا ونعاودو نطحنو نكبو كلشي فطاسة ونضيف فواكه جافة مقطعة ونكبو هداك سيريلاك معاه(إلى بغيتو ضيفو حتى نيدو كيبقا ختياري) وتقديرهم فطاسة وتبقاو ناخدو منهم كمية قبل النوم مع بيرلي (شكولاط حسب الدوق)
والنتيجة غتشوفوها ف أيام الأولى من مداومة الوصفة بالإضافة سيرو أنتي نوريكس حتا هوا نصحاتكم بيه ملعقة كبيرة قبل أكل بنصف ساعة كيجيب النعاس و كيفتح الشهية (وقالتلي حتا هوا عطا نتيجة مع وصفة) بصحتكم الوصفة بارطاجيوها البنات والله يسهل على كل وحدة

26/08/2021

Bnat blil ranhot lwasfa li nf3t bzaff Bnat f ziyadat lwazn bi sor3a

26/08/2021

YouTube dyali li ranb9a nhot Fih vidyowat👉

Share your videos with friends, family, and the world

25/08/2021

بنسبة وصفة تبييض اليدين والقدمين نحتاجو واحد بيرلي ناخدو منو ثلاتة معالق كبار و ملعقة كبيرة ماء أكسيجين و ملعقة نشا الذرة نخلط الكل ونطبقها على أيادي نضيفة لمدة عشرة دقائق وغسلوها وغادي تلاحضو الفرق واعرة بنات كتبيض من أول مرة

25/08/2021

مشكلتك مع شعرك 🤔؟

Send a message to learn more