Органски ѓубрива од ЛАГ Преспа

21/04/2022

Naskoro novi kolicini kompost 10 litri za 120 denari. Tel. 070 688 856

23/07/2020

Novi kolicini otsean kompost, novi povrsini so ovosni, gradinarski i hortikulturni rastenija tretirani so kompost. Prakticni obuki za dobivanje i nacini na upotreba na kompost, organski gubriva i mulceviUnformacii Ljupco Krstevski 070 688 856.

26/05/2019

Наскоро!! Употреба на компост во урбани градини во Ресен! Достава на компост и совети за употреба на истиот! 🍃

26/04/2019

Промоција на проектот ,,Локално партнерство за одржливо управување со органскиот отпад во Ресен,, ЛАГ Преспа, демонстрација на неколку видови на компост.

02/04/2019

28/03/2019

За помагање и практикување на компостирање во Преспа Здружението за рурален развој ЛОКАЛНА АКЦИНА ГРУПА ПРЕСПА Ресен ги има следните ресурси: капацитети за едукација со сопствени кадри, едукативни материјали, извештаи од експертиза за компостирање во пракса, познавање на технологија, избор на машини, пратење на параметрите при рециклирањето на органскиот отпад во квалитетен производ на терен, лабараториско испитување на квалитетот на компостот; практикување на добивање на органски ѓубрива, мулчеви, супстрати во цврста форма на пелети, прашковидна форма како отсеан компост, ѓубрива во течна форма, употреба на компостот за зеленчукови, овошни градини, хортикултура, уредување на дворови, просторина.
Во овој најсовремен овоштарник покрај производство на првокласни јаболка се создаваат значителни количини на органски отпад. Низ разговорите со учениците од земјоделските паралелки и одговорните перофесори ги добивме следните информации: Од произведените 100 тони јаболка околу 5 тони се отпадни-трули јаболка, и 40 м3 остатоци од резидбата на овошките. Трулите јаболка се товарат на сопствени тракторски приколки и се депонираат на ресенската депонија. Мал дел од остатоците од резидбата се мулчираат и се оставаат во почвата на овоштарникот заедно со искосената трева и паднатите лисја. Но најголемиот дел – околу 30 м3 непотребно и штетно по околината се запалуваат до самиот овоштарник. Во нашиот проект тие гледаат одлична шанса овој отпад да го претворат во вреден производ - органско ѓубре кое ќе им го подобри квалитетот и квантитетот на јаболковиот род. Како додатен ефект тие го вреднуваат самиот процес на практично учење на учениците за поеколошко производство и искористување на ресурсите.
Ете извонредна можност за соработка на јавниот и граѓанскиот сектор при компостирањето. Напролет ќе ги видиме ефектите од тоа.

26/03/2019

Во рамките на информаривно-едукативната кампања во проектот ,,Локално партнерство за одржливо управување со органскиот отпад во Ресен,, се прават теренски посети. Преку посетите се добива попрецизна слика за сегашниот начин на управување со органскиот отпад во Преспа и се дискутира со сите засегнати страни за можности за унапредување преку градење на партнерства.

На ниво на општина или регион компостирањето може да биде централизирано – заеднички за цела општина или регион во градска или регионална компостара и децентрализирано во дворови, градини, фарми, простори на бизнис сектор, изведувано само од прептријатија, поединци или здружени поединци во месна заедница, село, улица, граѓанска организација. При централизираното компостирање органскиот отпад се одделува на изворот на настанување од страна на жителите и правните лица, од домовите, градините, фармите, деловните простории, фабричките хали и магацини. Од таму се носи на собирни пунктови или директно на компостара. Таму со машини и посебни технологии се преработува во компост кој може да биде во зрнеста/прашковидна состојба, во вид на пелети или во течна состојба и се нарекува ,,компостен чај,,.
Кај децентрализираното компостирање органскиот отпад се одделува од домот, градината или фармата и на лице место се компостира на отворен простор, во затворени или оградени простори – компостери. Готовиот компост воглавно се употребува на самото место на добивање за сопствени потреби или може да се употребува на друго место. Самосталното децентрализирано компостирање има повеќе предности: заштедува пари, се избегнува превоз на органски суровини и компост, не е потребна скапа механизација, лесно се контролира процесот бидејќи се врши на мала количина, ако добро се управува нема мирис, компостот се употребува и тестира на лице место каде на сопствената почва и се враќаат потребните хранливи состојки. Според видот на технолошките процеси на добивање компостирањето може да биде:
- аеробно – со користење на воздух во отворени редови надвор, во компостер или во затворен простор;
-анаеробно без присуство на воздух во затворен простор и пасивно компостирање на отворено каде само се одложуваат материјалите без да се превртуваат поради што ова трае подолго.

Органските суровини потребни за компостирање се обезбедуваат од:
- Општински цврст отпад од домовите–делот кој е биоразградлив
- Остатоци од комунални отпадни води - тиња од пречистителни станици
- Шталско ѓубриво
- Земјоделски култури и отпадоци од храна
- Индустриски органски отпад
- Остатоци гранки од режење, преработка на дрво, шумарство
- Разни други видови органски отпад

24/03/2019

Во рамките на проектот ,,Локално партнерство за одржливо управување со органскиот отпад во Ресен се организира наградна игра.
Секој поединец кој ќе одвои органски отпад повеќе од 1 метар кубен на куќниот праг или во својата градина добива 30 килограми квалитетен компост. За одделување на повеќе од 20 метри кубни органски отпад се добива компост и бесплатно уредување на Ваш простор од 40 метри квадратни. Здружението за рурален развој ЛОКАЛНА АКЦИОНА ГРУПА ПРЕСПА Ресен ќе го подигне одделениот органски отпад со свои возила и работна рака.

22/03/2019

ДООЕЛ ,,Румко,, е реномирано претпријатие за трговија, одгледување и преработка на земјоделски производи. Од оваа година е пуштена во употреба линија за преработка на јаболка во сокови и концентрати. При овие преработки и при пакување на откупени и сопствени јаболка, круши, цреши, сливи и праски се создава органски отпад. Органскиот отпад е отпадно-труло овошје околу 30 тони годишно и остаток од преработката на јаболка – јаболкова пулпа околу 300 тони годишно (со тенденција на пораст). Овој отпад работниците на ова претпријатие го товарат возила од претпријатието и го депонираат на градската депонија.
Според зборовите на сопственикот на ДООЕЛ ,,Румко,, Илија Ангелевски ,,ова е извонреден пример за партнерство помеѓу приватен, граѓански и јавен сектор,,.
-Приватниот сектор ги намалува трошоците за справување со отпадот но и добива дел како компензација а дел по ефтини цени квалитетни органски ѓубрива за нивните овошни насад со јаболка, круши и цреши кои се најголеми во Преспа – 70 хектари. Освен тоа ја подобрува својата корпоративна одговорност и реноме бидејќи покрај бизнис активности помага за создавање на јавни добра и подобрување на јавните услуги;
-Јавниот сектор добива поквалитетно и поекономично управување со органскиот отпад во Преспа како прва општина во Р Македонија и развој на земјоделството во Преспа преку примена на органски ѓубрива добиени со рециклирање на органскиот отпад;
-Граѓанскиот сектор ја унапредува својата работа, добива нови финансиски средства кои ќе ги употреби за поквалитетни програмски активности и подобар имиџ. Граѓанска организација ЛАГ Преспа покрај едукативни, промотивни активности дава и стручни услуги при призводство и употреба на компост, органски ѓубрива и мулчеви-прекривки. Освен тоа ЛАГ Преспа самостојно произведува и употребува органски ѓубрива и влијае врз квалитетот и економичноста на земјоделското производство во Преспа.

20/03/2019

Во рамките на информативно-едукативната кампања во проектот ,,Локално партнерство за одржливо управување со органскиот отпад во Ресен,, се посетуваат субјекти кои создаваат органски отпад. Во овој дел од кампањата се разменуваат мислења за количините на органски отпад што ги создава секој субјект и како се справува со него.

Ова претпријатие покрај со трговија изведува градежно занаетчиски услуги воглавно со преработка и монтажа на дрвени производи. Најголем дел од органскиот отпад е во форма на ситни дрвени парчиња и во вид на пилевина. Вкупна годишна количина на создаден органски отпад во ова претпријатие се проценува на околу 100 м3. Од оваа количина 20 м3 ја користат за греење на работилницата, а 80 м3 работниците на ова претпријатие ја товарат на сопствен трактор и ја пренесуваат и одлагаат на градската депонија. Од разговорите со одговорниот шумарски инжињер Јорде Еленчевски го издвојуваме неговото мислење: ,,Поекономично е ако оваа количина наместо да се носи на депонирање, да се подига на лице место од граѓанскиот сектор и да се употребува како суровина за произведување на компост и други органски ѓубрива. ЕМ ПОЕКОНОМИЧНО ЕМ ПОКОРИСНО,,.

СЛИКИ. Посета на ДООЕЛ ,,Тајн инжињеринг,, од Ресен