EkoCentar 97

08/10/2020

Винил Хлорид Мономерот безбедно пристигна во Германија

14/09/2020

Соопштение за јавноста во врска со Проект за Безбедно отстранување на хемиски материи од локации и производни погони во кругот на АД “ОХИС” Скопје” – Вагонска цистерна со Винил Хлорид Мономер

Почитувани,

Во врска со “Проект за безбедно отстранување на хемиски материи од локации и производни погони во кругот на АД “ОХИС” Скопје”, Ве информираме дека Винил Хлорид Мономер (“ВЦМ”) беше безбедно и комплетно преточен од старата вагонска цистерна во нова цистерна.
Преточувањето беше извршено од страна на експертскиот тим на CURIUM од Франција, додека пак тимот на Екоцентар 97 беше надзор и техничка поддршка во целиот процес. Работните активности се одвиваа 9 дена, во една или две смени во зависност динамичкиот план. За преточувањето беше користена најсовремена опрема донесена од Франција која што секојдневно се тестираше и инертизираше со Азот пред употреба, со цел ВЦМ да не дојде во контакт со кислород и да се избегнат несакани последици по здравјето на луѓето или по околината.
Преточувањето на ВЦМ се одвиваше во три фази, односно преточување на течна фаза, преточување на гасна фаза и целосна инертизација на старата вагонска цистерна во која што беше складиран ВЦМ со цел да се елиминираат сите остатоци од истиот. При целата постапка на преточување се вршеше континуирано мерење на притисок во цистерните, како и мерење на концентрација на ВЦМ во воздухот непосредно до вагонската цистерна со ВЦМ и до сите вентили со детектор за гас кој што покажуваше 0ppm и експлозиометар кој што покажуваше 0% експлозивност. Ве информираме дека во текот на преточувањето не беа испуштени штетни гасови во околината.
По завршување на преточувањето беа отворени сите вентили и челниот отвор на старата вагонска цистерна. Повторно беше извршено мерење на токсични гасови и експлозивност непосредно до вентилите на вагонската цистерна од страна на експертскиот тим на CURIUM, при што не беше детектирано присуство на ВЦМ во воздухот што е знак за комплетно преточување и успешно инертизација.
Во текот на преточувањето, два пати беше извршен контролен инспекциски надзор од страна на Државниот Инспекторат за Животна Средина, беше подготвен записник за сите активности кои што се одвиваа и не беа забележани неправилности. Исто така беше извршена контрола од страна на стручно лице за Безбедност и Здравје при Работа при што беше констатирано дека сите присутни носеа соодветна опрема за заштита при работа со опасни материи. За време на преточувањето, се вршеше надзор и контрола од страна на консултантската куќа Екомозаик и претставник на АД Охис во стечај.
Со оваа активност целосно се заврши преточувањето на ВЦМ од стара вагонска во нова цистерна. Секојдневно се следи притисокот во новата цистерна во која е преточен ВЦМ и истиот варира помеѓу 4.5 и 5 бари во зависност од дневната температура. Со оглед на тоа што цистерната е тестирана на 25 бари, од страна на стручниот тим на CURIUM беше констатирано дека истата е сосема безбедна и нема потреба од понатамошно ладење. Новата и старата цистерна остануваат под 24 часовно обезбедување се додека новата цистерна извезе, а старата цистерна не се врати во фактичко владение на АД Охис во стечај. Планирано е цистерната со Винил Хлорид Мономер да се транспортира до инсенераторот во Германија во почетокот на октомври 2020 година.
Потсетуваме дека најголем дел од опасниот отпад под Проектот за Безбедно отстранување на хемиски материи од локации и производни погони во кругот на АД “ОХИС” Скопје” е веќе успешно дислоциран, односно извезен за уништување во инсенератори во ЕУ. Останатата количина на хемиски супстанции од околу 10 тони се спакувани во АДР амбалажа соодветна за меѓународен транспорт и уредно складирани во магацин во рамки на ОХИС. За преостанатиот отпад веќе беа обезбедени сите потребни дозволи за прекугранично пренесување на опасен отпад, но за жал дозволите истекоа поради ситуацијата со Коронавирус кога не бевме во можност да организираме извоз. Постапката за вадење на нова дозвола е веќе започната и очекуваме дозволи од надлежните органи на сите транзитни земји, како и на земјите на извоз и увоз.

Со почит,
Екоцентар 97 ДООЕЛ Скопје

06/08/2020

Винил хлорид мономерот ќе се преточи и ќе се транспортира од државата веднаш штом ќе дозволат временските услови потребни за безбедна работа со оваа хемикалија

Во врска со дезинформациите кои деновиве се шират по социјалинте мрежи за опасноста од цистерната во која што е складиран отпаден винил хлорид мономер во кругот на поранешната фабрика ОХИС, Министерството за животна средина и простоено планирање ја информира јавноста дека таквите информации се сосема неточни. Имено на 29.07.2020г. Држаниот инспекторат за животна средина објави целосен извештај од извршени инспекциски надзори во правниот субјект Еко центар 97, Скопје, во врска со реализација на проектот за безбедно отстранување на хемиски материи од локации и производни погони на АД Охис – Скопје, која и МЖСПП ја сподели на своите комуникациски канали. (https://bit.ly/2DBoc9B) .

Клучни информации од Извештајот:

1. Обезбеден е висок степен на безбедност на цистерната со инсталирање на систем за ладење кој е поставен за да се одржува температурата на цистерната согласно правилниците за чување на ваквиот вид на хемикалија во сад под притисок.

2. За преточување и дислоцирање на винил хлорид мономер Екоцентар 97, Скопје има ангажирано повеќе подизведувачи кои што заедно работат на комплетно решавање на проблемот и тоа:
- Потпишани се договори со правен субјект-Инсенератор (печка за палење отпад) од Германија (SUEZ Sonderabfallgesellschaft mbH, Schkopau, Germany)
- со компанија специјализирана за преточување на ваков тип на опасен отпад од Франција (Curium S.A.S., Montagny, France).
- и со транспортна компанија од Бугарија која што ги има сите потребни дозволи за транспорт на опасен отпад низ земјите на ЕУ.

3. Планираната посета на инженерите од Curium од Франција и Италија која што требаше да се реализира во втората седмица од месец март 2020 година, мораше да биде одложена поради глобалната пандемија од COVID-19 вирусот со која што беше зафатена и нашата земја и затварањето на граничните премини.

4. Исто така, набавени се и веќе се пристигнати 2 (две) цистерни со специјализирана намена за складирање и транспорт на Винил Хлорид Мономер во кои ќе се преточува отпадниот винил хлорид мономер и ќе се транспортира до крајната дестинација - Инсенераторот во Германија (SUEZ Sonderabfallgesellschaft mbH, Schkopau, Germany).

5. Во моментов, согласно препораките добиени од страна на консултаните од нашата земја и од странство, како и од компанијата преточувач Curium S.A.S., Montagny, France во наредните 2 (два) до 3 (три) месеци нема да има можност да биде направено преточувањето, од безбедносен аспект поради високите температури кои се актуелни во летниот период.
___________________________________________________
Monomeri i vinil klorurit do të derdhet dhe transportohet nga vendi sapo të lejojnë kushtet e motit të nevojshëm për punë të sigurt me këtë lëndë kimike
Sa i përket dezinformatave që po përhapen në rrjetet sociale këto ditë për rrezikun e rezervuarit në të cilin mbeturinat e monomerit të vinil klorurit ruhen në zonën e ish-fabrikës OHIS, Ministria e Mjedisit Jetësor dhe Planifikimit Hapësinor informon publikun se informacioni i tillë është plotësisht i pasaktë. Përkatësisht më 29 korrik 2020, Inspektorati Shtetëror i Mjedisit Jetësor publikoi një raport të plotë për inspektimet e kryera në subjektin juridik Eko Qendra ( Eco Center) 97, Shkup, në lidhje me zbatimin e projektit për heqjen e sigurt të substancave kimike nga lokacionet dhe impiantet prodhuese të SH.A. Ohis - Shkup, të cilin edhe Ministria e Mjedisit e shpërndau në kanalet e saja të komunikimit.(https://bit.ly/2DBoc9B) .
Informacionet kryesore të Raportit:
1. Një shkallë e lartë e sigurisë së rezervuarit sigurohet me instalimin e një sistemi ftohjeje i cili është vendosur të ruajë temperaturën e rezervuarit në përputhje me rregulloret për ruajtjen e këtij lloji të kimikatit në një enë me presion.
2. Për konvertimin dhe zhvendosjen e monomer vinil klorurit Ecocentar 97, Shkup ka punësuar disa nënkontraktorë që punojnë së bashku për një zgjidhje të plotë të problemit, si vijon:
- Janë nënshkruar marrëveshje me një subjekti juridik-incenerator (incenerator të mbeturinave-furrë për djegien e mbeturinave ) nga Gjermania (SUEZ Sonderabfallgesellschaft mbH, Schkopau, Gjermany)
- Me një kompani të specializuar në transferimin e këtij lloji të mbeturinave të rrezikshme nga Franca (Curium S.A.S., Montagny, France).
- Dhe me një kompani transporti nga Bullgaria që ka të gjitha lejet e nevojshme për transportin e mbeturinave të rrezikshme nëpër vendet e BE-së.
3. Vizita e planifikuar e inxhinierëve Curium nga Franca dhe Italia, e cila do të zhvillohej në javën e dytë të Marsit 2020, duhej të shtyhej për shkak të pandemisë globale të virusit COVID-19, i cili preku vendin tonë dhe solli mbylljen e vendkalimeve kufitare.
4. Po ashtu, 2 (dy) tanke me qëllim të specializuar për ruajtjen dhe transportin e Monomer Vinil Klorurit janë prokuruar dhe tashmë kanë mbërritur, në të cilat monomeri i vinil klorurit të mbetjeve do të transferohet dhe transportohet në destinacionin përfundimtar - Incineratori në Gjermani (SUEZ Sonderabfallgescha mbH, Schkopau, Gjermani).
5. Aktualisht, sipas rekomandimeve të marra nga konsulentët nga vendi ynë dhe jashtë vendit, si dhe nga ndërmarrja e transferuesit Curium SAS, Montagny, Francë në 2 (dy) deri në 3 (tre) muajt e ardhshëm nuk do të ketë mundësi të bëhet shndërrimi, nga aspekti i sigurisë për shkak të temperaturave të larta që janë aktuale në periudhën e verës.

28/07/2020

Почитувани,

Во врска со инфомрациите за испарување од цистерната со Винил Хлорид Мономер кои што беа споделени на социјалните мрежи на 21 јули 2020, Ве информираме дека веднаш по пријава на граѓаните беше извршен вонреден инспекциски надзор и беше констатирано дека станува збор за вода од системот за ладење кој што е поставен од страна на Екоцентар 97 со цел да се одржува ниска температура во цистерната согласно правилниците за складирање на ваков тип опасен отпад.

Ве замолуваме да го проверувате изворот на информации бидејќи во јавноста се пласираат дезинформации од страна на нестручни лица кои што имаат цел да создадат паника кај граѓаните. Доколку имате потреба од било каква информација, Ве молиме да нé контактирате на нашата е-mail адреса.

Тимот на Екоцентар 97

09/05/2020

Известување за процедури и протоколи за превенција од ширење на Коронавирусот (Covid-19) во Екоцентар 97

Почитувани,

Согласно олабавувањето на мерките за спречување на ширење на Коронавирус Covid-19 воведени од страна на Владата на Република Северна Македонија, почнувајќи од понеделник 11.05.2020 година Екоцентар 97 го враќа стандардното работно време од 08:00часот до 15:30часот. Исто така од понеделник повторно ќе започнеме со откуп на отпадни суровини (метали, отпадни возила, електричен и електронски отпад и сл).
Со цел да ги почитуваме мерките кои се воведени од страна на Владата на Република Северна Македонија ве молиме да се придржувате кон следниве упатства:
- Задолжително носење на заштита маска при влез во компанијата (особено во затворени простории)
- Задолжителна дезинфекција на раце при влез во компанијата
- Задржување и движење во кругот на компанијата временски да биде сведено на минимум (не повеќе од 15 минути)
- Сите клиенти кои што ќе дојдат во просториите на Екоцентар 97 се замолуваат да одржуваат растојание од 1.5 метри од вработените и од останатите клиенти.

Доколку лично сте патувале или сте биле во контакт со некој што патувал во некоја од земјите со висок или среден ризик согласно Листата на Светска Здравствена Организација, Ве молиме да ја одложите Вашата посета на Екоцентар 97 со цел да не ги изложувате на ризик нашите вработени и останатите клиенти.
Како општествено одговорна компанија Екоцентар 97, Ве замолува да се придржувате кон овие мерки и препораки со цел заштита на нашето здравје.

Доколку Ви се потребни дополнителни информации контактирајте нé на телефонскиот број +389 2 255 1068 или на e-mail: [email protected]
Однапред Ви благодариме за разбирањето и соработката.
Со почит,
тимот на Екоцентар 97 ДООЕЛ Скопје

16/03/2020

Известување за процедури и протоколи за превенција од ширење на Коронавирусот (Covid-19) во Екоцентар 97

Почитувани,

Согласно мерките за спречување на ширење на Коронавирус Covid-19 воведени од страна на Владата на Република Северна Македонија, Екоцентар 97 ги воведе следните мерки за превенција и заштита на сите вработени и клиенти:

- Со цел да се намали фреквенцијата на луѓе во просториите на компанијата, Ве известуваме дека престануваме со откуп на секаков вид на отпад од физички лица, вклучувајќи стари возила, обоени и необоени метали и електронски отпад;

- Продолжуваме со ограничена работа односно преземање на отпад од правни субјекти, но Ве молиме да ни се јавите однапред со цел да се координираме за Вашата посета. Ве замолуваме да ја одложите Вашата посета, доколку сметате дека преземањето на отпад не е итно;

- Сите клиенти кои што ќе дојдат во просториите на Екоцентар 97 се замолуваат да одржуваат растојание од 1.5 метри од вработените и од останатите клиенти;

- Доколку лично сте патувале или сте биле во контакт со некој што патувал во некоја од земјите со висок или среден ризик согласно Листата на Светска Здравствена Организација (Италија, Кина, Германија, Франција и др.), Ве молиме да ја одложите Вашата посета на Екоцентар 97 со цел да не ги изложувате на ризик нашите вработени и останатите клиенти.

Овие процедури и протоколи стапуваат на сила веднаш и важат се додека се на сила забраните, мерките и препораките од надлежните институции.

Како општествено одговорна компанија Екоцентар 97, Ве замолува да се придржувате кон овие мерки и препораки со цел заштита на нашето здравје. Доколку Ви се потребни дополнителни информации контактирајте нé на телефонскиот број +389 2 255 1068 или на e-mail [email protected]

Однапред Ви благодариме за разбирањето и соработката.

Со почит,
тимот на Екоцентар 97 ДООЕЛ Скопје

29/01/2020

Првата пратка со опасен отпад од Охис е пристигната во Базел, Швајцарија за уништување. Втората пратка веќе е на пат кон Базел.

31/07/2019

Што мислите за идејава, дали би функционирала доколку се спроведе и кај нас?

Индија го отвори првото „кафуле за ѓубре“ во градот Амбикапур во централната индиска држава Чатисгар. Иницијативата има за цел да помогне да се обезбеди храна за ....

07/06/2019

Чувај ја својата животна средина

02/06/2019

Преку детска игра до едукација, во организација на #Елколект!
Рециклираме за здрава животна средина 🌸🌎🏡🗻🌸

28/04/2019

Честит Велигден!