СИМБИОТИКА - Институт за индивидуален и организациски развој

01/05/2026

ЧЕСТИТ ПРАЗНИК ВРЕДНИ ЛУЃЕ!

Честитки до сите кои секој ден чесно, посветено, трудољубиво, искрено и упорно ги извршуваат своите работни задачи и придонесуваат кон заедничкиот успех.

Благодарност за подготвеноста да се вложи време, енергија и знаење за да се создаваат добри резултати.

Посебна благодарност до нашите вработени, кои тоа го прават секој ден. Искрено сме среќни што заедно ја градиме СИМБИОТИКА како препознаен, релевантен и квалитетен партнер во поддршката на развојот на компаниите.

Апел до работодавачите: постојано да ги преиспитуваме условите и поддршката што ја даваме. Да бараме начини да ги цениме и поддржуваме вработените, бидејќи без добра синергија нема долгорочност, континуиран успех и заедничка иднина.

Да вложуваме во поддршка на вредните луѓе, затоа што тие го движат целиот тим напред.
Надоместокот е важен и треба да биде фер и соодветен на придонесот и резултатите. Но подеднакво важни се и условите за работа, односот, можностите за развој и чувството на препознаеност и ценетост.

Да се трудиме повеќе за вработените да бидат задоволни, мотивирани и посветени.

СРЕЌЕН 1 МАЈ! ✊️💪🎉

Нека биде посреќен од претходниот, а мотивирачки за следниот да го дочекаме со барем +35% напредок - во резултати, во надомест, во посветеност, во среќа, во тимска работа и во заедништво. 🚀

12/04/2026

Честит празник 🎉
Христос воскресна!
Навистина воскресна!

11/03/2026

📢 Оглас за вработување: Консултант за учење и развој (Learning & Development Consultant)
Дали сакаш да бидеш дел од тим кој со љубов, посветеност и експертиза работи на развој на луѓе и организации?
Институт Симбиотика ве поканува да станете дел од нашиот тим!

Институт Симбиотика повеќе од 10 години успешно работи на пазарот на развој на човечки ресурси.
Наша мисија е да обезбедиме целосна поддршка за развој на индивидуите и организациите – да им помогнеме да станат поорганизирани, поуспешни и посреќни.
✔ Го јакнеме лидерството
✔ Креираме услови за креативно и синергично тимско работење
✔ Ги оспособуваме вработените за соочување со предизвици и зголемување на работниот перформанс

Нашето портфолио зборува за нас:
➡️ Над 1000 индивидуи поминале низ наши обуки и работилници
➡️ Реализирани програми во повеќе од 40 компании (домашни и интернационални), граѓански организации, државни институции и амбасади

Ќе имате можност активно да учествувате во:
🟢 Подготовка на едукативни програми, вежби и материјали за курсеви и обуки на темите: лидерство, менаџмент, тимска работа, емоционална интелигенција, ефективна комуникација, трансформација на конфликти, преговарање, продажба, менаџмент на време, ефективно водење на состаноци, оценување и развој на вработени, мотивација на вработени и сл.
🟢 Истражување и анализа на потребите за развој кај вработени
🟢 Организација и реализација на тимбилдинзи
🟢 Реализација на програми за организациска култура
🟢 Одржување комуникација и давање поддршка на наши клиенти
🟢 Подготовка на содржини за настани и кампањи за промоција на услугите на Симбиотика

👤 Кои се соодветни профили за оваа работна позиција: психолози, педагози, едуцирани во областа на човечки ресурси и сл.

🎯 Бараме личност која е на возраст до 29 години бидејќи вработувањето е во рамки на програма која се реализира со Агенција за вработување и го има тој критериум.

Ако имаш вештини во подготовка на содржини за интерактивни онлајн програми за учење (instructional design), вклучувајќи активности, сценарија и практични вежби, ќе се смета за предност.

📩 Доколку се препознаваш во оваа улога, испрати ни го твоето CV и кратко мотивациско писмо.
Стани дел од тим кој креира вистинска разлика во развојот на луѓето и организациите! ✨

Ги очекуваме вашите пријави до 20.3.2026 до 16:30 часот.

Институт Симбиотика: Само преку развој до успех и среќа!
simbiotika.mk
[email protected]

#вравотуваме #ПрвИзборЗаРазвој

04/03/2026

Од идеја и план, до реализација и енергија на терен со вашиот тим. ✨

Контактирајте нè на [email protected] за целосна организација на вашето следно тимбилдинг искуство. 🚀

#ПрвИзборЗаРазвој #ПрвИзборЗаТимбилдинг #тимбилдинг #развој #успех #среќа

13/02/2026

🔔 Потсетник | 24.02.2026
Во организација на Стопанската комора на Македонија, ќе се одржи еднодневен интерактивен семинар за развојна организациска култура.

📍 Локација: Стопанска комора на С. Македонија, сала 3 – 3-ти кат
🕘 Фокус: што во пракса значи „развоен“ начин на работа и како се гради култура каде луѓето учат, преземаат иницијатива и се подобруваат континуирано.

Ќе зборуваме (и ќе вежбаме) за:
• фиксeн vs. развоен mindset
• психолошка безбедност
• грешки: казна или учење
• фидбек што носи развој
• јасни очекувања и критериуми за успех

🎯 Што добивате: алатки и конкретни чекори што може веднаш да се применат во тим – за поголема ангажираност и подобар перформанс.

👥 За кого: директори/топ менаџмент, менаџери и тим лидери, HR & L&D, и компании во раст/промени.
🎓 Предавач: проф. д-р Лазар Ѓуров

📌 Пријава на линкот:
https://www.mchamber.mk/mk/home/nastaniinfo/312

03/02/2026

На 24.02.2026, Стопанската комора на Македонија организира еднодневен интерактивен семинар на тема создавање развојна организациска култура – како да изградиме компанија во која вработените и лидерите се отворени за учење, развој и континуирано подобрување.

Во време на постојани промени и повисоки очекувања, организациската култура директно влијае на ангажираноста, перформансот, односот кон грешките, иницијативата и подготвеноста за промени. Семинарот е практичен и интерактивен, со конкретни примери и вежби – со фокус на тоа како да препознаеме и промениме модели што го блокираат растот и како да создадеме развоен начин на размислување во тимовите.

✅ По завршување на семинарот, учесниците ќе можат да:
објаснат што е развојна организациска култура и како се разликува од „фиксен“ mindset
препознаат однесувања и практики што го поттикнуваат или блокираат развојот
разберат како лидерските реакции на грешки, фидбек и промени ја обликуваат културата
применат конкретни начини за охрабрување учење, иницијатива и подобрување
постават јасни очекувања и да дефинираат први практични чекори за примена во својот тим

🧩 Клучни теми:
фиксен vs. развоен начин на размислување
психолошка безбедност како основа за развој
лидерството како двигател на културата
перформанс менаџмент и евалуација
грешки: казна или учење
фидбек како развојна алатка
усогласување цели, очекувања и критериуми за успех
пренос на културата во секојдневната работа

👥 Наменето за: сопственици/директори и топ менаџмент, менаџери и тим лидери, HR и L&D професионалци, како и компании во раст, трансформација или организациски промени.

🎓 Предавач: Проф. д-р Лазар Ѓуров, основач и претседател на нашиот Институт СИМБИОТИКА, универзитетски професор и консултант со долгогодишно искуство во организациски развој, лидерство и организациска култура.

☕ За учесниците е обезбедено: работен материјал (електронски), ручек, кафе и освежување, и сертификат за присуство.

📌 Пријавување најдоцна до 26.02.2026 на линкот:

https://www.mchamber.mk/mk/home/nastaniinfo/312

22/01/2026

🎥Кога се зборува за периодот по Нова година, често се отвора темата за „нов почеток“ – но и прашањата: како реално да си поставиме цели, како да останеме мотивирани и што нè сопира да истраеме до крај. Тема што е од исклучително значење за личниот развој, во секоја сфера од животот.

Во интервју за емисијата „Да си кажеме“ на Утринска на Телма телевизија, Лазар Ѓуров зборува зошто е важно да се поставуваат цели, како да се одржи мотивацијата и истрајноста, и кои се најчестите причини зошто луѓето се откажуваат – било да станува збор за спортски, професионални или лични цели.

▶️ Погледнете го интервјуто на линкот:

Enjoy the videos and music you love, upload original content, and share it all with friends, family, and the world on YouTube.

01/01/2026

#ПрвИзборЗаРазвој #ПрвИзборЗаТимбилдинг
#тимбилдинг #развој #успех #среќа

30/12/2025

Дојде на ред и нашиот тимбилдинг! 😄🏔️

Поминавме два дена во Маврово во наш ритам и динамика - низ тимски игри, забава и дружба, но и со простор за рефлексија каде искрено се „чекиравме“ како тим.

Низ активностите работевме на координација, доверба и поддршка, а низ рефлексијата си ги кажавме работите што ни одат добро, што сакаме да подобриме и што ни е важно во начинот на кој функционираме заедно. 🤝

Посебно вредно беше планирањето за наредната година: си ги подредивме приоритетите, го усогласивме правецот и си поставивме јасни чекори за да бидеме уште пофокусирани и поефикасни.

И секако, не изостана ни делот за уживање. 🎉

Cozy атмосфера, пеење покрај каминот и размена на подароци - моменти што ќе ги паметиме. 🥂✨

Во новата година, се враќаме со нова енергија, уште пофокусирани и спремни за идните предизвици. 🌱💪

#ПрвИзборЗаРазвој #ПрвИзборЗаТимбилдинг #тимбилдинг #развој #успех #среќа

24/12/2025

Кога се зборува за развој на компаниите, често се отвораат прашања за поголема ефикасност, начинот на кој функционираат тимовите и каков лидерски пристап најдобро ги поддржува луѓето и резултатите во организациите денес.

Во интервју за Телма Телевизија, со Лазар Ѓуров се отвори темата за бизнис дијагностика – како пристап што помага да се идентификуваат клучните предизвици, да се постават јасни насоки за подобрување и да се работи на организациска култура, стабилни тимови и одржлив раст.

▶️ Погледнете го целото интервју:

Како до поголема продуктивност на вработените и градење на посилни лидерски капацитети кои директно влијаат врз успехот, стабилноста и развојот на секоја фир...

11/12/2025

🎥 Зголемувањето на продуктивноста на вработените е резултат на ефективно работење со човечките ресурси, јасни системи и процедури, квалитетно лидерство и препознавање на трудот и потенцијалот на луѓето.

Во емисијата „Gjurmët – Hapat e zhvillimit“, нашиот Лазар Ѓуров зборуваше за продуктивноста на вработените низ призма на улогата на HR, јасните очекувања и структури, лидерството како фактор што ја поттикнува мотивацијата, вложувањето во обуки и знаење, фидбекот и создавањето средина во која вработените чувствуваат смисла, припадност и придонес кон развојот на компанијата.

▶️ Погледнете го интервјуто тука:

Enjoy the videos and music you love, upload original content, and share it all with friends, family, and the world on YouTube.