Организација на работодавачи на Македонија - ОРМ

29/04/2026

📍 По повод Светскиот ден за безбедност и здравје при работа, на 28.04.2026 година во Хотел Александар Палас – Скопје се одржа настан посветен на психосоцијалните аспекти на работата, стресот и менталното здравје на работниците.

Настанот беше организиран во рамки на проектот „Кон безбедна и здрава работна средина во Северна Македонија“, имплементиран од Меѓународната организација на трудот (МОТ) со финансиска поддршка од Европската Унија.

🗣 Во своето обраќање, претседателката на Организацијата на работодавачи на Македонија, Владанка Трајкоска, истакна дека менталното здравје повеќе не е избор, туку неопходност, нагласувајќи дека здравата психосоцијална работна средина е клучна за продуктивноста, мотивацијата и благосостојбата на работниците.

Таа подвлече дека создавањето на вакви работни средини бара системски пристап – од подигнување на свеста до конкретни мерки, вклучувајќи превенција на стрес, поддршка на вработените и градење организациска култура во која менталното здравје е приоритет.

Организацијата на работодавачи на Македонија останува посветена на унапредување на безбедни, здрави и поддржувачки работни средини – затоа што здрав работник значи успешна компанија и стабилна економија.

На настанот исто така присуствуваше членот од ОРМ од Националниот советот за БЗР, Ќире Ицев и Тамара Панчевски од извршната канцеларија на ОРМ.

28/04/2026

Одбележување на 28 Април - Светскиот ден за безбедност и здравје при работа

Во име на Организацијата на работодавачи на Македонија, на настанот по повод одбележувањето на Светскиот ден за безбедност и здравје при работа, кој беше организиран од страна на стручните здруженија:

Здружение за заштита при работа на Општина Битола – Битола
Македонско здружение за заштита при работа – Скопје
Здружение за безбедност при работа „28-ми Април“ – Скопје
Здружение на инженери за заштита „Тутела“ – Скопје

свое обраќање имаше Даниела Китанова од ЕВН Македонија.

Во своето излагање, таа ја истакна важноста на психосоцијалната работна средина и условите на работа кои директно влијаат врз психолошката благосостојба на вработените, како и потребата од континуирано унапредување на културата на безбедна и здрава работна средина.

13/03/2026

Конференција со социјални партнери и граѓански организации од Северна Македонија, 12 март 2026 - Куќа на Европа – Скопје

На конференцијата организирана од Комитетот за следење на Западен Балкан на Европскиот економско-социјален комитет, претседателката Владака Трајкоска учествуваше на вториот панел на тема „Состојбата на социјалниот дијалог и бизнис заедницата“.

Во своето обраќање таа истакна дека нашата земја се бори да го достигне економскиот развој и животниот стандард на Европската Унија, но економскиот раст во последните две децении беше нестабилен поради низа надворешни и внатрешни шокови – политичката криза од 2014 до 2017 година, пандемијата COVID-19, енергетската криза и војната во Украина.

Таа посочи дека денес се соочуваме и со нова криза, поврзана со продлабочените регионални конфликти и зголемените безбедносни ризици на Блискиот Исток, што дополнително создава неизвесност во глобалната економија. Поради овие глобални предизвици, бизнис заедницата нема јасна перспектива и се соочува со неизвесност во планирањето на идниот развој и инвестиции.

Дополнително, земјата се соочува со депопулација поради стареење на населението и емиграција, сè уште релативно висока невработеност и ниски стапки на вработеност, и покрај напредокот во намалувањето на невработеноста, како и губење на пазари. Ова се важни прашања кои, според неа, треба поинтензивно да бидат дел од социјалниот дијалог.

Целта на конференцијата беше Комитетот за следење на Западен Балкан на ЕЕСК да ги слушне ставовите на социјалните партнери и организациите на граѓанското општество во Северна Македонија и да ги пренесе до македонските институции и Европската Унија.

На настанот се дискутираше за:
🔹 учеството на организираното граѓанско општество во процесот на преговори за пристапување во ЕУ и спроведувањето на Реформската агенда
🔹 состојбата на социјалниот дијалог и улогата на бизнис заедницата

18/02/2026

Годишна конференција: „Формализирање на неформалната економија – преку соработка до успех“

Во организација на Министерството за финансии и Меѓународната организација на трудот се одржа годишна конференција посветена на формализирањето на неформалната економија.

На панел-дискусијата модерирана од Ада Хубрице, експерт на International Labour Organization „Како до пазар на труд, деловно и институционално окружување што ги поттикнува граѓаните, работниците и бизнисите да функционираат во формалниот сектор“, претседателката Владанка Трајкоска истакна:
„Кога зборуваме за формализирање на микро и неформалните бизниси, клучното прашање е како да ги направиме процесите едноставни, разбирливи и предвидливи за најмалите претпријатија и самовработените лица. Често пречката не е во волјата за работа во формалниот сектор, туку во комплексноста на регулативите, непредвидливите трошоци и административниот товар.“
Во однос на спроведената студија на ОРМ, Подобрување на продуктивноста на бизнисот, Трајкоска ги презентирани клучни препораки за мерки против нелојалната конкуренција и сивата економија до креаторите на политики:
• Зајакнување на инспекцискиот надзор и координацијата меѓу институциите (даночна администрација, трудова инспекција, царина) за откривање и санкционирање на неформални активности.
• Дигитализација на услугите, особено оние што се релевантни за фирмите, како и ефикасно и доследно спроведување на тековните реформи во оваа област, како што е воведувањето е-фактура.
• Интензивирање на кампањите за легализација и формализирање на неформалните бизниси, со конкретни стимулации за премин во формалниот сектор (намалени даноци/придонеси во текот на почетниот период).
• Елиминирање на регулаторните бариери што прекумерно ја оптоваруваат формализацијата, особено за малите и новоформираните фирми, преку едношалтерски системи, дигитализација и поедноставени процедури.

Во рамки на настанот, претседателката Трајкоска ја потпиша и Декларацијата за партнерство и акција:
„Заедничка посветеност за формализација на неформалната економија во Северна Македонија“.

05/02/2026

Промотивен настан за Законот за работно ангажирање на лица
(т.н. Закон за сезонски вработувања)

Се одржа промотивен настан посветен на системот и алатките преку кои ќе се спроведува Законот за работно ангажирање на лица – законско решение кое воведува флексибилност, сигурност и транспарентност на пазарот на труд.

🗓️ Иницијатива на ОРМ од 2016 година
Барањето за флексибилно законско решение за повремени и сезонски вработувања беше иницирано од Организацијата на работодавачи на Македонија (ОРМ) уште во 2016 година, како одговор на потребите на работодавачите во секторите:
🌾 земјоделство | 🍽️ угостителство | 🚬 тутунска индустрија | 🏗️ градежништво | 👗 текстилна индустрија.

⚖️ Што носи новиот закон?
Со ова законско решение се поставуваат нови стандарди за регулирање на привремените и сезонските ангажмани, особено во секторите земјоделство, туризам и услуги.

✅ Клучни придобивки:
🔹 Студенти, пензионери, лица во социјален ризик, самовработени и лица кои бараат дополнителен ангажман можат да работат регистрирано, со платени придонеси.
🔹 Овие лица не ги губат своите веќе стекнати права – социјална помош, детски додатоци, пензија или права од образовниот систем.
🔹 Едноставен и брз електронски систем за пријавување, одјавување и уплата на придонеси.
🔹 Намалување на сивата економија во засегнатите сектори.
🔹 Поттик за економски раст, стабилни јавни финансии и поголема заштита на работниците.
🔹 Работниците добиваат исплата по час, придонеси за ПИО, дополнително здравствено осигурување во случај на повреда и јасна правна заштита.
🔹 Работодавачите добиваат поголема флексибилност и поедноставени административни постапки.

👥 Присутни на настанот:
Светлана Ристовска – Антиќ, извршен директор на ОРМ, и Крсте Блажески, претседател на ХОТАМ (колективна членка на ОРМ), кои го поздравија донесувањето на законот и ја истакнаа потребата во иднина истиот да опфати и други дејности.

27/01/2026

Ангел Димитров Претседател на Собранието на ОРМ во 24 Анализа со Анета Додевска.
Дали постои можност за очекувањата за зголемување на минималната плата?

Enjoy the videos and music you love, upload original content, and share it all with friends, family, and the world on YouTube.

31/12/2025

19/12/2025

🎙️ Во рамки на активностите на Центарот за клиничка едукација по трудово и социјално право, беше одржана трибина посветена на достоинствената работа како суштински елемент на праведно и функционално општество.
👩‍⚖️ Како панелист на настанот учествуваше Претседателката Владанка Трајковска, со излагање на тема „Социјален дијалог за достоинствена работа“.
📚 Дискусијата ги опфати концептот и правната рамка на достоинствената работа, улогата на државата, институциите и работодавачите, како и клучните предизвици во обезбедувањето фер и безбедни работни услови.

Настанот придонесе кон подлабока стручна дебата и размена на ставови за унапредување на трудовите и социјалните политики.

18/12/2025

На 16.12.2025 година, Организацијата на работодавачи на Македонија (ОРМ) присуствуваше преку својот преставник Марија Шеќероска на настанот посветен на трудовата миграција, легалните патишта и заштитата на правата на странските работници во Република Северна Македонија, организиран од Македонското здружение на млади правници (МЗМП) во рамки на проектот FOSTER – Inclusion of Foreigners in the Western Balkans – Access to Social and Economic Rights (Инклузија на странци во Западен Балкан – пристап до социјални и економски права), во соработка со Националната комисија за борба против трговијата со луѓе и илегалната миграција – Antitrafficking North Macedonia.

Во своето обраќање, ОРМ потенцираше дека трудовата миграција е природен и неизбежен процес кон кој не треба да се пристапува со предрасуди. Навременото прифаќање на овој процес и соодветната подготовка на институционалниот систем ќе овозможат ефикасно пополнување на недостигот од квалификувана работна сила на пазарот на труд.

Беше нагласено дека е неопходно системот да обезбеди ефективни, јасни и брзи постапки со кои ќе може навремено да се одговори на реалните потреби на работодавачите во конкретните периоди кога тие се јавуваат. Ваквиот пристап придонесува кон зголемување на продуктивноста, што директно се одразува како бенефит и за работодавачите и за државата, преку поттикнување на економски раст, развој и зголемен придонес на реалниот сектор во бруто-домашниот производ.

Како следен чекор, ОРМ укажа на потребата од ревидирање и олеснување на постапките преку воведување јасни и унифицирани обрасци, како и дигитализација на процесите, со цел следење на новите трендови и усогласување со современите начини на работа и организација на работното време.

12/12/2025

ОРМ преку својот претставник Ненад Шундовски, учествуваше на панел дискусијата “Локалната економија пред предизвикот на енергетската транзиција”, која се одржа во рамки на националната конференција на Локални економско социјални совети во Македонија. На панелот беше потенцирана подготвеноста на ОРМ преку своите членки да се вклучи директно во процесот на праведна транзиција на РЕК Битола и Осломеј, преку учество во програми за преквалификација и доквалификација, како и анализа на потребите на пазарот на труд, а беше и повторен ставот дека на работодавачите им е потребна пристапност до финансиски фондови за “зелен” развој, кои ќе генерираат нови работни места кои би биле пополнети со кадар кој би бил достапен на пазарот на трудот во процесот на праведна транзиција.

01/12/2025

Презентација и отворена дискусија за резултатите од Анкетата за боледувањата во компаниите спроведена од Организацијата на работодавачи на Македонија.

ОРМ одржа работна средба на која беа презентирани резултатите од Анкетата за боледувањата во компаниите. Презентацијата беше проследена со отворена дискусија со цел да се добие подлабока и поконкретна слика за состојбата во компаниите, како и да се идентификуваат јасни и применливи предлози за понатамошните институционални активности на ОРМ.
Резултатите од анкетата укажуваат на повеќе аспекти каде се потребни подобрувања – во законската рамка, во координацијата меѓу институциите, но и во однос на поддршката за работодавачите. Голем број компании забележуваат повторувачки боледувања кај истите вработени, често со различни дијагнози, што создава сомнеж за можни злоупотреби на правото на боледување.
Како главни предизвици при прераспоредување на работниците беа истакнати: недостиг на соодветно работно место, намалена продуктивност и финансиски импликации, потреба од дополнителна обука и адаптација, недоволни квалификации или интерес на работникот, како и организациски и административни потешкотии.
Од одговорите на компаниите и дискусијата на средбата произлегоа повеќе препораки за полесно и поефикасно справување со предизвиците поврзани со боледувањата и прераспоредувањата на работниците. Меѓу клучните предлози се:
• зајакната контрола на матичните лекари,
• задолжително второ мислење при сомнителни боледувања,
• воведување санкции за утврдени злоупотреби,
• скратување на периодот што паѓа на товар на работодавачот за исплата на надоместокот за боледување на 7 дена.
На средбата беше потенцирано дека при креирањето на политики неопходно е гласот на работодавачите континуирано да се слуша. Потребни се редовни консултации, анкети и форуми преку кои компаниите ќе можат да укажат каде системот функционира, а каде се потребни корекции. Само со заеднички пристап – преку блиска соработка меѓу државните институции и реалниот сектор – може да се изнајдат одржливи решенија кои ќе обезбедат фер и функционален систем за боледувања, истовремено зачувувајќи го работниот процес и продуктивноста во компаниите.