Друштвото за еколошки консалтинг ДЕКОНС-EMA ДООЕЛ Скопје (ЕМА - Environmental Management Associates) е компанија за менаџмент и консалтинг од областа на животната средина, основана во 2007 година во Скопје, Македонија. Нејзиното основање е резултат на континуираната работа и напорите на неколку локални и меѓународни експерти, за подобрување на условите во животната средина, како во Македонија така и во регионот. Нивната главна идеја, се состои во креирање на мрежа од национални и меѓународни експерти, кои работат во регионот на Балканот и пошироко, при тоа обезбедувајќи одлична експертиза. Кадарот на ДЕКОНС-ЕМА се состои од мал тим на компанијата и голема мрежа на експерти со кои хонорарно соработува.
Со инкорпорирање на меѓународното искуство и локалната експертиза, ДЕКОНС-ЕМА соодветно е позиционирана, за да ги лоцира и да одговори на барањата на своите клиенти, овозможувајќи им при тоа, начин на работа кој е поволен за животната средина, зголемување на нивната мрежа на соработници и добивање на компетитивни резултати од работата.
Работењето на ДЕКОНС-ЕМА се заснова на детален бизнис план, изработен од високо квалификувани експерти. ДЕКОНС-ЕМА гради долгорочни бизнис релации со претпријатија од различен ранг, имајќи го при тоа, својот концепт како гаранција за подобрувањето на бизнис перформансите на своите клиенти. Покрај ова, професионалните и високо квалитетни услуги истотака, се однесуваат и на работата со институциите.
Нашето континуирано усвојување на нови знаења, програми, иницијативи, активности и процедури, кои се сметаат за водечки во работата во областа на животната средина и се во согласност со националното и законодавството и регулативите на ЕУ, даваат супериорни резултати за нашите клиенти. Истовремено се користат познати, најефективни и потврдени методологии на работа.
