16/12/2024
နွယ် ဒီနေ့မှာတော့ Middle East မှာ Hotel အလုပ်ကို ပိုက်ဆံ တစ်ပြားမှ မကုန်ဘဲ ဘယ်လိုရှာမလဲဆိုတာလေး နည်းနည်း Sharing လုပ်ပေးချင်ပါတယ်🇦🇪
💢 ဒီမှာကြိုပြီးပြောပြထားချင်တာက နွယ်ကိုယ်တိုင်လဲ New Joiner ပါ။
Hotel life အကြောင်း အများကြီး မသိသေးပေမယ့် ဒီ Post မှာတော့
အလုပ် လျှောက်ခြင်းနဲ့ဆိုင်တဲ့အချက်လေးတွေကိုပဲ နွယ် အဓိက ပြောပြပေးသွားပါ့မယ်ရှင့်။
________________________
ပထမဆုံးအနေနဲ့ UAE အလုပ်တွေ လျှောက်တဲ့သူတွေထဲမှာ နွယ့်အမြင်အရတော့
နှစ်မျိုးရှိပါတယ်။
1. မြန်မာကနေ Or တစ်ခြားဒေသတွေကနေ Visit Visa နဲ့လာပြီး အလုပ်လာရှာတဲ့သူ။
2. နွယ့်လို ကိုယ်နေနေတဲ့ နိုင်ငံကနေပဲ အလုပ်မရမချင်း လျှောက်ပြီး၊ အလုပ်ရလာမှ UAE ကိုပြောင်းလာတဲ့သူ။
စသဖြင့် ဖြစ်ပါတယ်။
ဒီနေရာမှာ နံပါတ် ၁ လိုမျိုးဆိုရင် ငွေကြေးကုန်ကျများပြီး အလုပ်မရခင် ကာလမှာ အလုပ်အတွက်ရော၊
Visa ကိစ္စတွေအတွက်ပါ စိတ်ပူရတာမျိုး၊
Visa cases တွေကြောင့် မျှော်မှန်းထားတဲ့ 4star, 5star hotel အလုပ်မျိုး မဝင်ခင်မှာ ယာယီ အဆင်ပြေရာ အလုပ်မျိုး ရွေးလုပ်လိုက်ရတာမျိုးလေးတွေဖြစ်နိုင်တာမို့
အနည်းငယ်စိတ်ပင်ပန်း၊လူပင်ပန်းတာတွေရှိရနိုင်ပါတယ်။
ဒါကြောင့်မို့ တကယ်လို့ကိုယ်က UAE ထဲရောက်ပြီး အလုပ်ရှာနေသူမဟုတ်ဘူးဆိုရင်တော့
နံပါတ် ၂ လိုလေး လုပ်ကြည့်ဖို့ အကြံပေးချင်ပါတယ်ရှင့်။
_____________________________
ကိုယ်က UAE ထဲမှာ မဟုတ်တဲ့တစ်ခြားနိုင်ငံတွေထဲကနေ အလုပ် လျှောက်မယ်ဆိုရင်....
၁။ CV ကောင်းကောင်းလေး သေချာပြင်ဆင်ရပါမယ်။
CV နဲ့ပတ်သတ်ပြီး ဒီ Post လေးမှာ အကြမ်းဖျင်းဖတ်နိုင်ပါတယ်။
(Cabin crew CV လိုသာ အလားတူ ဖန်တီးနိုင်ရင် 5star hotel တွေလဲ In ဖြစ်နိုင်ပါတယ်)
https://www.facebook.com/share/p/15eUveS3xv/
CV နဲ့ပတ်သတ်ပြီး အသေးစိတ်တိုင်ပင်ချင်တယ်ဆိုရင် Page CB မှာ အခမဲ့ လာတိုင်ပင်ဆွေးနွေးလို့ရပါတယ်ရှင့်။❤✨
❗ အလုပ် လျှောက်ဖို့ရာ CV တင်မဟုတ်ဘဲ Cover letter ပါ ကြိုတင်ပြင်ဆင်ထားပေးရင်ပိုကောင်းပါတယ်။
*Cover letter အကြောင်းလေးကိုနွယ်နောက်Post လေးမှာ ထပ်ပြောပြပေးပါ့မယ်။
🍀🍀🍀🍀
၂။ CV ပြင်ဆင်ပြီးပြီဆိုရင်တော့ အလုပ်စ လျှောက်လို့ရပါပြီ။
5 star hotel ကြီးတွေမှာ အလုပ်စလျှောက်ဖို့အတွက် Hotel တွေရဲ့ Official websites တွေကို နွယ်ဒီPost လေးမှာ စုထားပေးပါတယ်။
https://www.facebook.com/share/p/1FPknM64Ss/
*5star hotel ကြီးတွေကို အလုပ်လျှောက်တဲ့အခါ...
✨ ကိုယ့်ရဲ့ CV profile သည် High standard ဖြစ်နေရပါမယ်။
✨ ကိုယ်လျှောက်မယ့်အလုပ် Position ရဲ့ JD က်ိုတော့အနည်းဆုံး သိနေရပါမယ်။
ဥပမာ။ ။ Waiter/waitress လျှောက်မယ်ဆို ဒီရာထူးကဘာလုပ်ရတာလဲ၊ ဘာတွေအရေးကြီးလဲ၊ F&B အကြောင်းဘာညာပေါ့နော်။
နွယ်ကတော့ Waitress နဲ့အလုပ်ရတာ မဟုတ်လို့ F&B ပိုင်း တကယ်မသိတဲ့အတွက် အင်တာဗျူးမှာတော့ မသိဘူးလို့ပဲ ဖြေခဲ့ပါတယ်။ လိုအပ်ရင်လဲ ငါလေ့လာမှာပါပေါ့။
ကိုယ့်လျှောက်တဲ့ ရာထူးရဲ့ တာဝန်ကိုအတွင်းကျကျမဟုတ်ရင်တောင် အတော်လေးသိထားတယ်ဆိုရင် အင်တာဗျူးအောင်ဖို့ အရမ်းလွယ်ပါတယ်ရှင့်။
✨ သတိလဲ ထားပြီး အမြဲ Updated ဖြစ်ဖြစ်နဲ့
အလုပ်မြန်မြန် ရချင်ရင်တော့ 5 star hotel တွေရဲ့ Career websites တွေထဲမှာ ဖော်ပြထားတဲ့ သူတို့ရဲ့ စံနှုန်းသတ်မှတ်ချက်တွေကို သေချာဖတ်ပြီး ကိုယ့်CV ကို လိုအပ်သလို ပြန်ပြင်သင့်ပါတယ်။
🍀🍀🍀🍀
၃။ ကိုယ့် CV က ATS system passed ဖြစ်သွားလို့ အင်တာဗျူး ရပြီဆိုတာနဲ့
✨ Email ကို Formal ကျကျ ကောင်းကောင်းလေး ပြန်ပေးသင့်ပါတယ်။
✨ Interview date confirm ဖြစ်ပြီဆိုရင် Interview အတွက် အဝတ်အစားကအစ
အွန်လိုင်းအင်တာဗျူးအတွက် လိုအပ်နိုင်မယ့် Wifi connection,devices, ...etc..
အကုန်လုံးကြိုတင်ပြင်ဆင်ထားပါ။
နွယ့်တုန်းကဆိုရင် အင်တာဗျူး တိုင်းက Microsoft team နဲ့ပဲ လုပ်ပါတယ်။
အဲ့တော့အင်တာဗျူး မတိုင်ခင် team acc ဖွင့်ထားတာမျိုး၊
အင်တာနက်လိုင်း ကောင်းအောင်စီစဥ်ထားတာမျိုး၊ အသံသေချာကြားရအောင်နားကျပ်လေး ကောင်းတာ ပြင်ထားတာမျိုး စသဖြင့်လေးတွေ အသေးစိတ် ပြင်ဆင်ထားသင့်ပါတယ်။
✨✨
✅ ဒါ့အပြင် အင်တာဗျူး အတွက် ဖြစ်တဲ့ မေးလေ့မေးထရှိတဲ့မေးခွန်းတွေ (နောက်Post လေးမှာ အသေးစိတ် ပြောပြပေးပါ့မယ်နော်)
✅ ကိုယ်လျှောက်တဲ့ Position အကြောင်း၊ Customer complaints အကြောင်း ကြုံဖူးတဲ့အရာ(မရှိလဲ ပုံပြင်တွေဘာတွေထွင်ထားပါ😆)၊
✅ ကိုယ်အင်တာဗျူးရတဲ့ ဟိုတယ်၊Company အကြောင်း
outlet ဘယ်နှခုရှိလဲ။ Outlet နာမည်တွေ။ Menu ကဘာတွေလဲ။ အင်တာဗျူးမယ့်သူက ဘယ်သူလဲ...အဲ့လိုလေးတွေ ရှာထားပါ။
နွယ့်တုန်းကတော့ အဲ့လိုတွေရှာထားပြီး ပြန်ဖြေနိုင်တာကို HR တွေကအရမ်းသဘောကျကြတော့ First impression အရမ်းကောင်းခဲ့ပါတယ်။
✅ ကိုယ့် CV အကြောင်း (CV မှာ အင်ထုလို့ရလားဆိုတော့ ရပါတယ်၊ ကိုယ့်ဇာတ်ကိုယ်နိုင်ရင် လုပ်ပါ။
နောက်ပိုင်း Reference check တွေလဲရှိသေးတာမို့
အင်ထုထားတယ်ဆို အသိတွေ၊ ကူညီနိုင်တဲ့သူတွေနဲ့ ဇာတ်တိုက်ထားသင့်ပါတယ်။
ကိုယ်ရေးထားတဲ့ CV ထဲ က ကိုယ့်အကြောင်းကိုလဲအကုန် ခရေစေ့တွင်းကျ ရှင်းပြပေးနိုင်ရပါမယ်ရှင့်။)
စတာလေးတွေကြိုပြင်ဆင်ထားစေချင်ပါတယ်ရှင့်။
🍀🍀🍀🍀
အကုန်ပြင်ဆင်ပြီးပြီဆိုရင်တော့ စိတ်လျော့ပြီး၊ စိတ်အေးလက်အေးနဲ့သာ အင်တာဗျူးကို အရိုးသားဆုံးလေး ဖြေစေချင်ပါတယ်။
ကျန်တာက ကိုယ်ပြောတဲ့ဆိုတဲ့အပိုင်းပေါ်မူတည်ပြီး HR တွေ Manager တွေက ဆုံးဖြတ်ပေးသွားပါလိမ့်မယ်။
_____________________
ဒါဆိုရင်တော့ အရမ်းခက်ခက်ခဲခဲ အဆင်မပြေစရာ မရှိတော့ပါဘူး။
အဓိက သည် အင်တာဗျူး ရဖို့ပါပဲ။ အင်တာဗျူးရပြီဆိုရင် ဒါ ကိုယ့်CV က အိုကေနေပြီမို့ပါ။
အဲ့တော့ ဆက်ပြီး သာ အင်တာဗျူး မရမချင်း CV ကို ပြင်လိုက် ပြောင်းလိုက်လုပ်ပြီး အသားကုန်သာ လျှောက်ပါ။
သို့ပေမယ့် တစ်ပတ် နှစ်ပတ်အတွင်း အင်တာဗျူး မရသေးဘူးဆိုရင်တော့ CV ကို ပြန်ပြောင်းဖို့အကြံပေးချင်ပါတယ်ရှင့်။
နွယ်လဲ နွယ့် CV ကို ၆ ခါလောက်ပြောင်းလိုက်ရပါတယ်။
နောက်ဆုံး ၅ ခါမြောက် CV ကျမှပဲ 5 star hotel 5 ခု၊ Restaurant 1 ခုကနေ အင်တာဗျူး တွေရတာပါ။
ဒါကြောင့်မို့ စိတ်မလျော့ပါနဲ့၊ ပြင်လိုက် ပြောင်းလိုက် ပြန်လျှောက်လိုက်သာလုပ်ပါ။
အားလုံးအဆင်ပြေသွားမှာပါလို့ အားပေးချင်ပါတယ်ရှင့်😁❤
____________________________
နောက်တစ်ခု သတိထားစေချင်တာက UAE ရဲ့ High season ကုန်တော့မှာမို့ 2025 ထဲ လာချင်တယ်ဆိုရင်တော့
အခုကတည်းက မြန်မြန်လေး ပြင်ဆင်ကာမှ တော်ကာကျပါမယ်နော်။
📊 အင်တာဗျူး အဆင့်တွေကလဲ တစ်ချို့ ဟိုတယ်တွေဆိုရင် တစ်ဆင့်။ တစ်ချို့က သုံးဆင့်။ တစ်ချို့က နှစ်ဆင့်....စသဖြင့်တစ်ခုနဲ့တစ်ခု မတူတာမို့ အချိန်ဘယ်လောက်ကြာမလဲ မခန့်မှန်းနိုင်တာမို့ပါ။
စောစောပြင်ဆင်၊စောစောလျှောက်လေကောင်းလေပါပဲ။
အင်တာဗျူး အကုန်အောင်ပြီးရင်တော့၊
🦋 Reference check မယ်။
🦋 ဆေးစစ်မယ်။
(တစ်ချို့ Company တွေက ဆေးစစ်ခပြန်ပေးပါတယ်။ တစ်ချို့ကတော့ ပြန်မပေးပါဘူးရှင့်။ ငွေကုန်မယ်ဆို ဒါပဲ ကုန်စရာရှိတာပါ။)
🦋 ပြီးရင် စာချုပ်စာတမ်းလက်မှတ်ထိုးပြီး လိုအပ်တဲ့စာရွက်စာတမ်းတွေတောင်းမယ်။
🦋 သူတို့ဘက်ကနေ Visa အတွက် အကုန်တာဝန်ယူပြီး လျှောက်ထားပေးမယ်။
🦋 Visa ရပြီဆိုရင် Company ဘက်ကနေပဲ လေယာဥ်လက်မှတ်ဝယ်ပြီး UAE ကိုခေါ်ပါလိမ့်မယ်။
ကိုယ်လိုအပ်တဲ့အရာ အားလုံးကို ပြင်ဆင်ပြီး UAE ကိုထွက်လာခဲ့လို့ရပါပြီရှင့်😉
_________________________
ကဲကဲ...စာလဲ အတော်ရှည်သွားပြီမို့ ဒီနေ့တော့ ဒီလောက်နဲ့ပဲ ရပ်လိုက်ပါရစေ။ နောက်ထပ် Post လေးတွေမှာ တစ်ခုချင်းစီကို အသေးစိတ်ပြောပြပြီး မျှဝေပေးသွားပါ့မယ်ရှင့်။
မစောင့်နိုင်လို့အသေးစိတ်သိချင်ရင်တော့ Page CB မှာ အသေးစိတ်လာမေးလို့ရပါတယ်❤
Have a great day ပါရှင့်
အားလုံးလဲ အလုပ်မြန်မြန်ရကြပါစေလို့ ဆုတောင်းပေးပါတယ်နော်❤🌟
