https://www.facebook.com/240503051249166/

Kaung Thit Auto Sales Center, အမှတ် ၂၈၉ ၊မဂ္ဂင်ကျောင်းလမ်း တောင်သူကုန်းရပ်ကွက်၊ အင်းစိန်မြို့နယ်, Insein (2026)

22/06/2024

မင်္ဂလာ နံနက်ခင်းလေးပါ ခင်ဗျာ

07/05/2024

Alphard 2002~2007 အကြောင်းတစေ့တဇောင်း အပိုင်း(၁)
=======================================
➡️Alphard မှာ G နဲ့ V ဆို ပြီး ခွဲထားပါတယ်။ အဲဒါကို တချို့က G က ဂရိတ်မြင့်တယ်။ တချို့က V က ပိုမြင့်တယ် ဆိုပြီး ထင်နေကြတယ်။
➡️2002/3/4 model G ဆိုရင် ရှဲ ၃ တန်း(နီကယ်)နဲ့လာပြီး ၊ V ဆိုရင် ရှဲ ၅ တန်း(ဆေးရောင်)နဲ့ လာပါတယ်။
ဖြစ်စဉ်က Supplier မတူလို့ G နဲ့ V ခွဲထားတာပါ။
➡️Toyopet Company က G grade ကို Supply လုပ်ပြီး။ Netz Company က V grade ကို Supply လုပ်ပါတယ်။
➡️Kluger မှာ L နဲ့ V, Rav4 J နဲ့ V တို့ လည်း အလားတူပါပဲ။ L မှ ခုံ ၃ တန်းဖြစ်တာတို့ ဘာတို့က မဟုတ်ပါဘူး။ အဖြေက Option ပါပဲ။
➡️- 2400cc ဆိုရင် A series နဲ့ ထုတ်ပြီး၊ 3000cc ဆိုရင် M series နဲ့ထုတ်ပါတယ်။ chassis no. မှာလဲ 2.4 ဆို ANH နဲ့ 3.0 ဆို MNH နဲ့ ဖော်ပြပြီး
grade မှာလဲAX,AS, MX, MS, MZ, စသဖြင့်သတ်မှတ်ပါတယ်။ဒါ့အပြင် chassis မှာ 2wd ဆို 10 နဲ့ 4wd ဆို 15 နဲ့ ဖော်ပြပေးပါတယ်။
➡️S, ဆိုရင် ဘယ်အင်ဂျင်ပါဝါဖြစ်ဖြစ် အတွင်းခန်း ခုံမည်း၊ ကျွန်းမည်း နဲ့ လာပါတယ်။ X ဂရိတ်ဆိုရင် အတွင်းခန်းအသား၊ ကျွန်းအနီ/အဝါ နဲ့ လာပါတယ်။
➡️ Z ဂရိတ်ကတော့ 3000cc တစ်မျိုးထဲမှာ လာပြီး ဂရိတ်အပြည့်ဆုံး Luxury အဖြစ်ဆုံးပါပဲ။

➡️- 2.4 engine မှာ 1AZ (4 cylinders) ဖြစ်ပြီး 3.0 engine မှာ 1MZ V6 (6 cylinders) ဖြစ်ပါတယ်။

➡️ ဆီစားနှုန်းကတော့ ရန်ကုန်-နေပြည်တော် ကို 2400cc နဲ့ ပဲ သွားသွား 3000CC 2WD နဲ့ သွားသွား 3000CC 4WD နဲ့ သွားသွား ၁၀ ဂါလံပါပဲ။
➡️2400cc က မြို့တွင်းသုံးအတွက် ထုတ်ထားတာပါ။ လူ ၈ ယောက်၊ Luggage နဲ့ Aircon ၂ လုံး နဲ့ ဆိုတော့ Highway မှာ နည်းနည်း ရုန်းရသလို၊ မောင်းရတာလည်း အင်ဂျင်သံအော်ပါတယ်။
➡️3000cc တွေက အင်ဂျင်သံညက်သလို၊ အောက်ပိုင်းလည်း ပိုတောင့်ပါတယ်။ ကုန်းတတ်ကုန်းဆင်းတို့ အကွေ့အကောက်တို့ဆိုရင်တော့ 4WD က တကယ်ငြိမ်ပြီး၊ Safety အရမ်းကောင်းပါတယ်။တစ်ယောက်တည်းစီးရင်တော့ ဆီစားတာပေါ့ဗျာ။ အဲဒါကြောင့် မိသားစုခရီးသွားလို့သုံးထားပါတယ်။
➡️ဆိုပါစို့ နေပြည်တော်ကို ပုံမှန်ဆလွန်း ၄ ယောက်စီး နဲ့ သွားရင် ခုနှစ်ဂါလံကုန်ပါတယ်။ လူခုနှစ်ယောက်ဆို ၂ စီးသုံးရတဲ့အတွက် ၁၄ ဂါလံကုန်ပါမယ်။ Alphard ဆိုရင် တစ်စီးထဲနဲ့ ဖြစ်မယ်၊ ပျော်ပျော်ပါးပါးနဲ့ သက်တောင့်သက်သာစီးရမယ်။ ဆီ ၁၀ ဂါလံပဲကုန်မယ်။
➡️ ဂျပန်နိုင်ငံ စက်ရုံထုတ်စျေးမှာတော့ 3000CC,4WD, MZG edition ကစျေးအကြီးဆုံးပါ။

➡️တချို့ကားတွေက 4WD ချိန်းခြင်ရင် ခလုတ်တို့၊ ဂီယာတံအတို တို့နဲ့ချိန်းရတယ်၊ ဒီကားတွေက ချိန်းစရာမပါဘူး, စထွက်ရင် အမြဲ4wd(Full time four wheel)ပဲ၊ ဒီတော့ kilo 20 နဲ့ 40 ကြားမှာ 2WD auto ပြောင်းအောင် လုပ်ထားခြင်းဖြင့် waste မဖြစ်တော့ဘူးပေါ့။
➡️ ဆီစားနှုန်းတွေကလည်း 3000CC 4WD ကို 8.6 km/l နဲ့ 3000cc 2WD က 8.9 km/l ပြထားပါတယ်။

မှတ်ချက် ။ ။ မိမိအတွေ့အကြုံ နဲ့ လေ့လာသိရှိထားသလောက်ကိုသာ ပြန်လည်မျှဝေပေးခြင်းဖြစ်သည့် အတွက် လိုအပ်သည်များရှိက နားလည်ပေးစေချင်ပါတယ်။

🔆မျှဝေပေစရာများစွာကျန်ရှိနေပါသေးသဖြင့် နောက်ပိုင်းအပိုင်းဆက် များဖြင့် ထပ်မံ မျှဝေ ပေးသွားပါအုန်းမည် ဖြစ်ကြောင်း အသိပေးအပ်ပါတယ် ခင်ဗျာ။

Credit to original uploader

31/01/2023

ကျွန်တော်များ Kaung Thit Auto Sales Center မှ ကားကောင်းကားသန့်များကို အာမခံချက်အပြည့်အဝဖြင့် ပြန်လည်ဖွင့်လှစ်ရောင်းချပေးနေပြီ ဖြစ်သောကြောင့် လာရောက်အားပေးဖို့ ဖိတ်ခေါ်လိုက်ပါတယ်🙏

🚗 Kaung Thit Auto Sales Center 🚙
၂၈၉၊ မဂ္ဂင်ကျောင်းလမ်း ဘိုကုန်း အင်းစိန်မြို့နယ်
📲 09449 449 487, 0997 5777787

29/06/2022

ဓာတ်ဆီအင်ဂျင်ကားနှင့် ဒီဇယ်အင်ဂျင်ကားတို့၏ အားသာချက် အားနည်းချက်များ
-----------------------------------------------

ဓာတ်ဆီအင်ဂျင်နဲ့ ဒီဇယ်အင်ဂျင်တို့ရဲ့အကျိုးအပြစ်တွေကိုမပြောခင် ဥပမာတစ်ခုပြောပါမယ်။ ဓာတ်ဆီအင်ဂျင်နဲ့ ဒီဇယ်အင်ဂျင်ဟာ မြင်းတစ်ကောင်ဖြစ်မယ်ဆိုရင် ဓာတ်ဆီအင်ဂျင်ဆိုတာ ပြိုင်မြင်း (racehorse) တစ်ကောင်လို ကျစ်လစ်တယ်၊ ပေါ့ပါးတယ်၊ လျင်မြန်မယ်၊ တက်ကြွနေမယ်။
ဒီဇယ်အင်ဂျင်ဆိုတာကတော့ ပစ္စည်းသယ်ယူပို့ဆောင်ရေး အလုပ်ကြမ်းလုပ်တဲ့ ခိုင်းမြင်း (workhorse) တစ်ကောင်လို နှေးမယ်၊ သန်မာမယ်၊ ခံနိုင်ရည်ပိုကောင်းပါမယ်။ ဒါကအကြမ်းဖျင်း ယေဘုယျသဘောကို ဖွင့်ဆိုပြတာပါ။

🔹ဓာတ်ဆီအင်ဂျင်ရဲ့ အားသာချက်များ

၁။ ဈေးသက်သာခြင်း
ဒီဇယ်အင်ဂျင်နဲ့ ယှဉ်ရင် ကားအမျိုးအစား၊ အင်ဂျင်ပါဝါခြင်းတူရင်တောင် ဓာတ်ဆီကားကဈေးပို သက်သာပါတယ်။ အင်ဂျင်အလုံးလိုက်လဲမယ်ဆိုတောင် တချို့ကားတွေမှာဆိုရင် ဈေးဘယ်လောက်မှမရှိပါဘူး။

၂။ ဆူညံသံနှင့် တုန်ခါမှုနည်းခြင်း
ဓာတ်ဆီကားမှာ အင်ဂျင်တွင်းမီးလောင် ပေါက်ကွဲမှုဖြစ်စဉ်အတွက် spark plug နဲ့အလုပ်လုပ်တာမလို့ ပုံမှန်မီးလောင်ပေါက်ကွဲမှုဖြစ်စဉ် (regular combustion ) ဖြစ်ပြီး ကြီးမားတဲ့ဖိအားဖြစ်စဉ်တွေမလိုအပ်တာကြောင့် အသံဆူညံမှုနဲ့ အင်ဂျင်တုန်ခါမှုမှာ ဒီဇယ်ကားထက် သိသိသာသာလျော့နည်းပါတယ်။ ဒါကြောင့် အိမ်စီး ဇိမ်ခံကားအများစုမှာ ဓာတ်ဆီအင်ဂျင်တွေကို အသုံးပြုခြင်းဖြစ်ပါတယ်။

၃။ မြန်နှုန်းမြင့် လည်ပတ်နှုန်းနှင့် စွမ်းအားကောင်းခြင်း
ဓာတ်ဆီအင်ဂျင်မှာ ဓာတ်ဆီရဲ့ သဘောသဘာဝအရရယ် ပုံမှန်မီးလောင်ကျွမ်းမှုဖြစ်စဉ်ရယ်ကြောင့် မီးလောင်ကျွမ်းမှုတည်ငြိမ်ပြီး မြန်နှုန်းမြင့်စွမ်းရည်ထုတ်လုပ်မှုမှာ ဒီဇယ်အင်ဂျင်ထက်စွမ်းအားပိုကောင်းပါတယ်။

၄။ ပြုပြင်ရလွယ်ကူခြင်း၊ အပိုပစ္စည်း ဈေးသက်သာခြင်း
ဓာတ်ဆီအင်ဂျင်တွေဟာ ဒီဇယ်အင်ဂျင်တွေထက် ယေဘုယျအားဖြင့် နည်းပညာပိုင်းဆိုင်ရာ ပြုပြင်ရလွယ်ကူပြီး၊ အပိုပစ္စည်း ဈေးပိုသက်သာတယ်လို့ဆိုနိုင်ပါတယ်။

၅။ အင်ဂျင်ကိုယ်ထည် ဝိတ်ပေါ့ပါးခြင်း
ဓာတ်ဆီအင်ဂျင်မှာ ဒီဇယ်အင်ဂျင်လို အင်ဂျင်တွင်း ဖိအားမြင့်စွမ်းဆောင်ရည် မလိုအပ်တာကြောင့် ကြီးမားတဲ့ ဖိအားဒဏ်ခံနိုင်ရည်ရှိအောင် တည်ဆောက်စရာမလိုဘဲ ပေါ့ပါးကျစ်လစ်တဲ့ ဒီဇိုင်းပုံစံနဲ့တည်ဆောက်နိုင်တာမလို့ ဈေးနှုန်းသက်သာပြီး အင်ဂျင်ကို ပေါ့ပါးကျစ်လစ်စေပါတယ်။ အများအားဖြင့် သွန်းသံ (cast iron) နဲ့တည်ဆောက်ပြီး အခုနောက်ပိုင်း အလူမီနီယံ (aluminium) စပ်များနဲ့ တည်ဆောက်လာတာကြောင့် ပိုမိုပေါ့ပါးစေပါတယ်။

၆။ အင်ဂျင်အပူချိန်သက်သာခြင်း
ဓာတ်ဆီအင်ဂျင်တွေမှာ ဓာတ်ဆီဟာလွယ်ကူစွာလောင်ကျွမ်းနိုင်တာကြောင့် ပုံမှန်မီးလောင်ပေါက်ကွဲမှုဖြစ်စဉ်ပဲလိုအပ်ပြီး ဒီဇယ်အင်ဂျင်တွေလို အင်ဂျင်တွင်း မြင့်မားတဲ့အပူချိန်တွေကို ဖန်တီးစရာမလိုပါဘူး။ ဒါကြောင့် အပူချိန်ပိုပြီး လျော့နည်းပါတယ်။ နောက်တစ်ချက်က အလူမီနီယံလို အလွယ်တကူအပူလျှောက်စီးကူးပြီး၊ အပူစွန့်ထုတ်လွယ်တဲ့ သတ္တုရောတွေကိုအသုံးပြုပြီး အင်ဂျင်ကိုတည်ဆောက်နိုင်တာမလို့ အင်ဂျင်အပူချိန်ဟာ ဒီဇယ်အင်ဂျင်ထက် အပူသက်သာပါတယ်။ မြင့်မားတဲ့ အပူချိန်ပေးရန်မလိုတဲ့အတွက် အေးတဲ့ရာသီဥတုတွေမှာ စက်နှိုးရလွယ်ကူပါတယ်။

🔹ဓာတ်ဆီအင်ဂျင်ရဲ့ အားနည်းချက်များ

၁။ အင်ဂျင်သက်တမ်းတိုခြင်း
ဓာတ်ဆီအင်ဂျင်တွေမှာ မြန်နှုန်းမြင့် စွမ်းအားလုပ်ဆောင်မှုတွေကို အားပေးတာရယ်၊ ဓာတ်ဆီကိုယ်တိုင်ကိုက မီးလောင်ပေါက်ကွဲမှုအားကောင်းတာရယ် တွေကြောင့် အင်ဂျင်သက်တမ်းက ဒီဇယ်အင်ဂျင်ထက်စာရင် အင်ဂျင်ကျတဲ့သက်တမ်း မြန်ပါတယ်။

၂။ ပြန်ရောင်းဈေးကွက်မှာ ဈေးကျခြင်း
ကမ္ဘာလုံးဆိုင်ရာ ဈေးကွက်အနေအထားအရ ဓာတ်ဆီအင်ဂျင်ဟာ အင်ဂျင်သက်တမ်းတိုတဲ့အတွက် အသုံးပြုပြီးသား used ကားတွေကိုပြန်ရောင်းတဲ့ resale value မှာ ဈေးကျနိုင်ပါတယ်။

၃။ ဆီပိုစားခြင်း
ပုံမှန်အားဖြင့် ဓာတ်ဆီအင်ဂျင်က ဆီပိုစားတယ်ဆိုတာ အကြမ်းဖျင်းသိကြပါတယ်။ အကြောင်းအရင်း ကတော့ ဓာတ်ဆီအင်ဂျင်တွေရဲ့ engine performance လို့ခေါ်တဲ့ အင်ဂျင်တာဝန်ထမ်းဆောင်တဲ့နေရာမှာ ပစ်စတင်ရဲ့ C.R (compression ratio) ဖိသိပ်မှုအချိုးနည်းပါးတဲ့အတွက် ဆီပိုစားခြင်းဖြစ်ပါတယ်။

၄။ Spark Plug ပြဿနာများခြင်း
ဓာတ်ဆီအင်ဂျင်တွေမှာ spark plug နဲ့မီးခတ်ပြီးပေါက်ကွဲရတာမလို့ ဆီမသန့်ပါက ပလပ်အလွယ်တကူပျက်စီးစေတတ်ပြီး အင်ဂျင်အလုပ်လုပ်စွမ်းရည်ကျကာ ပလပ်ပြဿနာတွေ ခဏခဏဖြေရှင်းရတတ်ပါတယ်။

၅။ Torque လည်အား အပြောင်းအလဲများခြင်း
ဝန်အကြီးများထမ်းပြီး ရုန်းကန်ရာတွေမှာ အင်ဂျင်လည်အား အပြောင်းအလဲများတာကြောင့် ချောမွေ့ပြေပြစ်မှုမကောင်းပါဘူး။

အထက်ပါအချက်တွေကတော့ ဓာတ်ဆီအင်ဂျင်တစ်လုံးရဲ့ အကြမ်းဖျင်းအားသာချက်၊ အားနည်းချက်တွေပါ။

🔹🔹🔹🔹🔹

🔸ဒီဇယ်အင်ဂျင်ရဲ့အားသာချက်များ

၁။ အင်ဂျင်သက်တမ်းရှည်ခြင်း
ဒီဇယ်အင်ဂျင်တွေဟာ ကြီးမားတဲ့ဖိအားနဲ့ အပူချိန်ဒဏ်ကို ခံနိုင်ရည်ရှိအောင် တည်ဆောက်ထားတာမလို့ အင်ဂျင်သက်တမ်းရှည်ပါတယ်။ အင်ဂျင်သက်တမ်းရှည်တာကြောင့် တစ်ပတ်ရစ်ကားဈေးကွက်မှာ ဈေးနှုန်းကျဆင်းမှုသက်သာပါတယ်။ Mercedes-Benz ရဲ့ဖော်ပြချက်အရ Mercedes-Benz ကုမ္ပဏီက ထုတ်လိုက်တဲ့ original အင်ဂျင်တစ်လုံးဟာ အကြီးစားမေဂျာပြုပြင်မှုတွေမလုပ်ရဘဲ 900,000 miles အထိ သက်တမ်းကြာရှည်တယ်ဆိုတာကို တိုင်းတာပြသဖူးပါတယ်။

၂။ ဆီစားသက်သာခြင်း
ဒီဇယ်အင်ဂျင်တွေမှာ လေတမျိုးတည်းကိုသာ ဖိသိပ်ရတာမလို့ ပစ်စတင်ရဲ့ C.R (compression ratio) ဖိသိပ်မှုအချိုး ကြီးမားပြီး ဆီတစ်ဂါလံမှာသွားနိုင်တဲ့ခရီးအကွာအဝေး ပိုများပါတယ်။ ဒါကြောင့် fuel economy အရ တွက်ချေပိုကိုက်ပါတယ်။

၃။ Spark Plug ၊ Distributor နဲ့ Ignition Coil ပြဿနာမရှိခြင်း
ဒီဇယ်အင်ဂျင်မှာ လေဖိအားနဲ့အပူချိန်ကိုအသုံးချပြီး မီးလောင်ပေါက်ကွဲမှုဖြစ်စေတာမလို့ spark plug distributor နဲ့ ignition coil (မီးကွိုင်) တွေကောင်းစွာအလုပ်မလုပ်တဲ့ပြဿနာကနေကင်းဝေးပြီး engine performance ကိုကောင်းစွာရရှိစေပါတယ်။

၄။ မကြာခဏပြုပြင်ရမှု နည်းခြင်း
အပျက်များတဲ့ spark plug ၊ distributor နဲ့ ignition coil (မီးကွိုင်) တွေမပါလို့ မကြာခဏပြုပြင်ရမှုနည်းပါတယ်။

၅။ ရုန်းကန်အား ပိုကောင်းခြင်း
ဝန်တင်ပြီး အင်ဂျင်အရှိန်အမျိုးမျိုးအပေါ် ခိုင်းစေမောင်းနှင်ရာမှာ torque လည်အားပြောင်းလဲမှုနည်းတာကြောင့် ဝန်ကိုထမ်းရာမှာ ဓာတ်ဆီအင်ဂျင်ထက် ဆွဲအားရုန်းအား ပိုမိုကောင်းမွန်ပါတယ်။

🔸ဒီဇယ်အင်ဂျင်၏ အားနည်းချက်များ

၁။ အင်ဂျင်ဈေးနှုန်း မြင့်မားခြင်း၊ အလေးချိန် ပိုများခြင်း
ဒီဇယ်အင်ဂျင်မှာ မီးလောင်ပေါက်ကွဲမှုဖြစ်စဉ်အတွက် ကြီးမားတဲ့ဖိအားနဲ့အပူစွမ်းအင်ကိုအသုံးပြုရတာပါ။ အဲဒီဖိအားနဲ့ အပူချိန်ကိုခံနိုင်ရည်ရှိဖို့ ကြံ့ခိုင်တဲ့အင်ဂျင်ကိုယ်ထည်ကိုတည်ဆောက်ရတာမလို့ ဈေးနှုန်းမြင့်မားပြီး အလေးချိန်လည်းပိုမိုများပြားပါတယ်။

၂။ တုန်ခါမှုနှင့် အသံဆူညံမှု ပိုများခြင်း
ဒီဇယ်အင်ဂျင်ရဲ့ မီးလောင်ပေါက်ကွဲမှုဖြစ်စဉ်ကြောင့် ထွက်ပေါ်လာတဲ့ အမြင့်ဆုံးဖိအားတန်ဖိုးဟာ ဓာတ်ဆီအင်ဂျင်ထက် ၂ ဆ ကျော်ပိုမိုမြင့်မားတာကြောင့် အသံဆူညံမှုနဲ့တုန်ခါမှုတို့ကို ပိုများစေပါတယ် ။

၃။ ထိန်းသိမ်းစောင့်ရှောက်မှု လိုအပ်ခြင်း
ဒီဇယ်အင်ဂျင်မှာ fuel injection system ကိုသာသုံးပြီး လေဖိအားနဲ့မီးလောင်ပေါက်ကွဲစေတာမလို့ air filter ၊ fuel filter ၊ oil filter အစရှိတဲ့ လေစစ်၊ ဆီစစ်ဘူးတွေကို ဂရုတစိုက် သန့်စင်လဲလှယ်ပေးဖို့လိုအပ်ပါတယ်။

၄။ ပြုပြင်မှုစရိတ် ကြီးမားခြင်း
ဒီဇယ်အင်ဂျင်တွေဟာ မကြာခဏပြုပြင်ထိန်းသိမ်းဖို့ မလိုအပ်ပေမယ့် အကြောင်းအမျိုးမျိုးကြောင့်ပြုပြင်ရတဲ့အချိန်မှာ အပိုပစ္စည်းနဲ့ပြုပြင်မှုစရိတ်က ဓာတ်ဆီအင်ဂျင်ထက် ပိုမိုပါတယ်။

၅။ အေးသောရာသီဥတုတွေမှာ နှိုးရခက်ခြင်း
မီးလောင်ပေါက်ကွဲမှုဖြစ်စေဖို့ အပူချိန် (500 ံC or 932 ံ F) ကနေ ဒီထက်မြင့်မားတဲ့ အပူချိန်ဖြစ်အောင် ဖိသိပ်ပေးရတာမလို့ အေးတဲ့ရာသီဥတုတွေမှာ နှိုးရခက်တာကိုကြုံတွေ့ကြရမှာပါ။

ဒီအချက်အလက်တွေကတော့ ဒီဇယ်အင်ဂျင်တစ်လုံးရဲ့ အားသာချက်၊ အားနည်းချက်တွေပဲဖြစ်ပါတယ်။
🔸🔸🔸🔸🔸

အသေးစိတ်လေ့လာကြည့်ရင် ဒါ့ထက်ဒါ့ထက်ပိုများပြီး ရှုပ်ထွေးတဲ့ ကွဲပြားခြားနားချက်၊ အားသာချက်၊ အားနည်းချက်တွေ ရှိနေပါသေးတယ်ခင်ဗျာ။

စာဖတ်သူမိတ်ဆွေအပေါင်း နည်းပညာဗဟုသုတ ဖွံ့ဖြိုးတိုးတက်ကြပါစေ။
Credit -original
ရေးသားသူအားလေးစာစွာဖြစ် 🙏

24/05/2022

#မိုးရာသီတွင် ယာဉ်မောင်းသူများ သတိပြုရန် အချက်များ .....

ယခုအချိန် ဟာဆိုရင် မိုးရာသီရောက်လာပြီ ဖြစ်တဲ့အတွက် ယာဉ်မောင်းသူများ သွားရလာရတာ ခက်ခဲလာပါတယ်။
အထူးသဖြင့် ညအချိန်ခရီးဝေးသွားရလို့ လမ်းမှာ မိုးရွာရင် ပိုအန္တရာယ်ရှိပါတယ်။ ဒါကြောင့် မိုးရာသီမှာ မောင်းနှင်သွားလာကြမယ့် ယာဉ်မောင်းသူတွေ အတွက် သတိပြုဖွယ်အချက်လေးတွေကို မျှဝေ လိုက်ရပါတယ်။

(၁) လက်နှစ်ဖက် ဖြင့် စီယာရင်ကို ကိုင်ပါ။

ရာသီဥတုသာယာနေတဲ့ အချိန်မှာဆို စတိုင်ကျကျ စတီယာရင်ကို လက်လေး တစ်ဖက်တည်းနဲ့ မောင်းနိုင်ပေမယ့် မိုးတွင်းမှာ ဆိုရင်တော့ လက်နှစ်ဖက်နဲ့ သေချာကိုင်ပြီး မောင်းဖို့လိုအပ်ပါတယ်။

(၂) စိတ်ပျံလွင့်စေမယ့်အရာတွေ ခဏ ဖယ်ထားပါ။

မိုးတွင်းမှာ ကားမောင်းတဲ့အခါ ဖုန်းသုံးတာဟာ တကယ်ကို အန္တရာယ်များပါတယ်။ သာမာန်ရာသီဥတုမှာတောင် ကားမောင်းရင်း ဖုန်းသုံးတာကြောင့် မလိုလားအပ်တာတွေ ဖြစ်တတ်သေးတာ ရာသီဥတု ဆိုးရွားတဲ့ အချိန်ဆို ပိုဆိုးပါတယ်။
လျှပ်စီးကူးမှုအပါအ၀င် မဖြစ်သင့်တာတွေ ဖြစ်နိုင်ပါတယ်။ ဒါကြောင့် မိုးတွင်းမှာ ကားမောင်းမယ်ဆိုရင် ဖုန်းကို ခပ်ဝေးဝေးမှာ သာထားပါ။
ဖြစ်နိုင်ရင် ရေဒီယိုတောင် မဖွင့်သင့်ပါဘူး။

(၃) ဘေးဘယ်ညာကို မျက်ခြေမပြတ်ပါစေနဲ့

ကားမောင်းရင်းနဲ့ ရှေ့ကိုသာမက နောက်ကြည့်မှန်ကနေရော ဘေးမှန်တွေကပါ ပါတ်၀န်းကျင်ကို အကဲခတ်နေပါ။
ဒါမှသာ ကိုယ်သွားနေတဲ့ လမ်းပေါ်မှာ ချိုင့်တွေ၊ သစ်ပင်လဲနေတာတွေ၊ ဓါတ်ကြိုးပြတ်ကြတာတွေကို ရှောင်ရှားနိုင်မှာဖြစ်ပါတယ်။

(၄) ရှေ့မီးကြီးကို သုံးပါ

မိုးအရမ်းသည်းနေတဲ့အချိန်ပဲဖြစ်ဖြစ်၊ မိုးအတော်အသင့်ရွာနေတဲ့ အချိန်ပဲဖြစ်ဖြစ် ရှေ့မီးကြီးကို ဖွင့်ထားပါ။
ဒါမှသာ ကိုယ်တိုင်လည်း ရှေ့ကို သဲသဲကွဲကွဲမြင်နိုင်မှဖြစ်သလို၊ ရှေ့ကလာနေတဲ့ ကားကလည်း ကိုယ့်ကို မြင်နိုင်မှာပါ။

(၅) ကပ်မလိုက်ပါနဲ့

ရှေ့ကားကို အရမ်းကြီးကပ်လိုက်တာဟာ အန္တရာယ်ရှိနိုင်ပါတယ်။ လမ်းကြောင့် ဖြစ်စေ၊အခြားအကြောင်း တစ်ခုခုကြောင့်ဖြစ်စေ
မတော်တဆ ရှေ့ကကား တစ်ခုခုဖြစ်ပါက ကိုယ့်ကိုလဲ လာရောက်ထိခိုက်နိုင်တာကြောင့် ခပ်ခွာခွာသာလိုက်ပါ။

(၆) အရှိန်မြှင့်မမောင်းပါနဲ့

မိုးရွာထဲမှာကားကို အရှိန်မြင့်မောင်းနှင်တာဟာ ကိုယ့် အန္တရာယ်ကိုယ်ဖိတ်ခေါ်နေတာပါ။
လမ်းကချော်နေတာကြောင့်ရော၊ မိုးတွင်းဆိုရင် ဘရိတ်တွေရဲ့ စွမ်းရည်တွေက ကျနေ တတ်တာကြောင့်ရော ရုတ်တရတ် ဘရိတ်အုပ်လိုက်ရင် အရှိန်မထိန်းနိုင်ဘဲ
မလိုလားအပ်တဲ့ အန္တရာယ်တွေ ဖြစ်ပေါ်လာနိုင်ပါတယ်။

(၇) ရေလျှံနေတဲ့ လမ်းတွေကို ရှောင်ပါ

ကိုယ်သွားချင်တဲ့နေရာကို တခြားလမ်းက သွားရင်ရောက်နိုင်ရဲ့သားနဲ့ ဖြတ်လမ်းလိုက်ပြီးတော့ ရေကြီးရေလျှံနေတဲ့ လမ်းတွေကို တတ်နိုင်သမျှ
မမောင်းပါနဲ့။ ကားအင်ဂျင်ထဲရေ၀င်တာ၊ ရေကြီးနေတဲ့အောက်က အချွန်အတက်တွေကြောင့် ကားဘော်ဒီ၊တာယာ တစ်ခုခုဖြစ်နိုင်တာ၊ မြေကျွံတာတွေအပြင်
ပါဝါစတီယာရင်ဂန်းနဲ့ မော်တာကို ကားအောက်ပိုင်မှာတပ်ဆင်ထားတဲ့ အချို့ မော်ဒယ်မြင့်ကားတွေ (ဥပမာ-Crown,Mark X) ဆို မော်တာထဲကို ရေ၀င်ပြီး
မလိုအပ်ဘဲ ငွေကုန်ကြေးကျများနိုင်ပါတယ်။

(၈) လေကာမှန်တွေကို ရေငွေ့မရိုက်ပါစေနဲ့

ကားတွင်း အပူချိန်ကြောင့် လေကာမှန်တွေမှာ ရေငွေ့တွေရိုက်နေပြီဆိုရင် အဲကွန်းက လေထုတ်လမ်းကြောင်းကို လေကာမှန်ရှိရာသို့ပြောင်းပေးပြီး
ရေငွေ့ကို ပိုမြန်မြန်ဖယ်ရှားနိုင်ပါတယ်။ အဲကွန်းမနိုင်တဲ့ကားတွေဆို ရေငွေ့သုတ်ဖို့ ကားထဲမှာ သဘက်လို အ၀တ်တစ်ခုဆောင်ထားသင့်ပါတယ်။

(၉) မိုးရေမတင်နိုင်တဲ့ ဆေးရည်ကို မှန်မှာ ဖြန်းထားပေးပါ

Rain Repellent လို့ခေါ်တဲ့ ကားမှန်ပေါ်ကို ရေမတင်အောင်ကာကွယ်နိုင်တဲ့ဆေးရည်လေးကို မှန်ပေါ်မှာ ဖြန်ထားမယ်ဆို ရေစက်တွေ အရမ်းတင်လို့ အပြင်ကို မမြင်ရတဲ့ ပြသနာကို အထိုက်အလျှောက် ပြေလည်စေပါလိမ့်မယ်။ ကားပစ္စည်းရောင်းတဲ့ဆိုင်တော်တော်များများမှာ Rain Repellent ဆေးရည်ကို၀ယ်ယူလို့ရပါတယ်။

(၁၀) ကြိုတင်ပြင်ဆင်ထားပါ

မိုးရာသီမှာ ညဘက် အနီးအနားဖြစ်စေ၊ ခရီးဝေးဖြစ်စေ မလွှဲမရှောင်သာသွားရတော့မယ်ဆို ကြိုတင်ပြင်ဆင်မှုတွေလုပ်ထားပါ။
မိုးကာအကျီ၊ လက်နှိပ်ဓါတ်မီး၊ အပိုဘီး၊ ဂျိုက်၊ ဂွ စတာတွေ အစုံအလင် ကားထဲမှာ ထားထားပါ။
ခရီးဝေးသွားရမယ်ဆို လမ်းခုလတ်မှာ မိမိဘာသာ မပြုပြင်နိုင်တဲ့ စက်ပိုင်းဆိုင်ရာချို့ယွင်းတာပဲဖြစ်စေ၊ အရေးပေါ်အခြေအနေကြုံလာတာပဲဖြစ်စေ
အကူအညီတောင်းလို့ရအောင် မိမိရဲ့လက်ကိုင်ဖုန်းကို အားပြည့်အောင်သွင်းထားပါ။

(ဗဟုသုတ အနေဖြင့်ပြန်လည်မျှဝေခြင်းသာ ဖြစ်ပါသည်)

Credit မူရင်းရေးသားမျှဝေသူအားကျေးဇူးတင်ပါသည်။

27/04/2022

ကားတစ်စီး၏ မရှိမဖြစ် fluid (၆) မျိုး💥💥💥

ကားတွေကို စတင်တီထွင်တဲ့အချိန်ကစလို့ အခုချိန်ထိလူတွေဟာ ကားမောင်းရတာ ပိုချောမွေ့ပြီး အဆင်ပြေစေမယ့် နည်းလမ်းတွေကို ရှာဖွေနေဆဲဖြစ်ပါတယ်။

အခုခေတ်ရဲ့ နောက်ဆုံးပေါ်ကားတွေမှာတောင် ကားဘယ်လောက်ကောင်းကောင်း သေချာဂရုစိုက်မွမ်းမံနေမှသာ ချောချောမွေ့မွေ့မောင်းနှင်နိုင်ပြီး ကြာရှည်ခံနိုင်မှာဖြစ်ပါတယ်...

ဒါကြောင့် ကားတွေမှာ ဂရုစိုက်ဖို့ အလိုအပ်ဆုံးက essential fluids တွေဖြစ်ပြီး ဘာလို့အရေးကြီးလဲဆိုတော့ သူတို့ကိုမှန်ကန်တဲ့ level ရောက်အောင် အမြဲ check up လုပ်နေရုံနဲ့ ကားမောင်းနှင်ရတာ အဆင်ပိုပြေစေပြီး အင်ဂျင်လည်ပတ်မှုစနစ်ကိုလည်း အထောက်အကူအများကြီးပြုလို့ပါ။

1. အင်ဂျင်ဝိုင်

FUEL ပြီးတာနဲ့ အင်ဂျင်ဝိုင်က ကားအတွက်မရှိမဖြစ်လိုအပ်တဲ့ အရေးအပါဆုံး fluid ဖြစ်ပါတယ်။ အင်ဂျင်ထဲက အစိတ်အပိုင်းတွေအကုန်လုံးဟာ အင်ဂျင်အလုပ်လုပ်နေတာနဲ့အမျှ လည်ပတ်လှုပ်ရှားနေရတာပါ။ ဒါကြောင့် သူတို့ကို ချောချောမွေ့မွေ့လည်ပတ်စေဖို့ အင်ဂျင်ဝိုင်ကို ပုံမှန်စစ်ပြီးလဲလှယ်ပေးရပါမယ်။

2. Coolant

အင်ဂျင်ဟာ combustion တွေနဲ့ ပွတ်တိုက်မှုတွေဖြစ်ပေါ်တဲ့အတွက် အပူတွေအများကြီးထွက်ပါတယ်။ Antifreeze ခေါ် Coolant တွေက engine ကအပူတွေကိုစုပ်ယူပေးတဲ့အပြင် overheating မဖြစ်အောင် အပူကို radiator ကတစ်ဆင့် ဖြတ်စီးပြီး ထွက်စေပါတယ်။

3. Power Steering Fluid

Classic car မောင်းဖူးရင် ကား steering အရမ်းလေးတာကို သတိထားမိမှာပါ...
နောက်ပိုင်း modern cars တွေကတော့ power steering upgrade လုပ်ထားပြီး ဘယ်လိုအရှိန်မျိုးမှာမဆို အလွယ်တကူကွေ့နိုင်အောင် ပြုလုပ်ထားပါတယ်။
Power steering system က hydraulic တွေပဲများပါတယ်၊ ကွေ့တဲ့အချိန်မှာ pressurized fluid သုံးပြီး တစ်ချို့ model အသစ်တွေမှာတော့ electric steering သုံးတတ်ပါသေးတယ်။ Steering fluid ကိုလည်း ကွေ့ရလွယ်အောင် ၊ Steering မလေးပဲ smooth ဖြစ်ဖြစ်မောင်းနိုင်အောင် အချိန်တန်ရင် စစ်ဆေးလဲလှယ်ပေးရပါတယ်။

4. Brake fluid

ကားမှာ ဘရိတ်အရေးကြီးတာကတော့ အထူးတလည် ရှင်းပြစရာမလိုပါဘူး။ နောက်ပိုင်းကားတွေမှာ hydraulic brakes တွေသုံးပါတယ်၊ pedal ပေါ်ကိုနင်းလိုက်တာနဲ့ plunger ဟာ ဘရိတ်ဆီကိုဖိအားပေးတာကြောင့် brake pads တွေ အလုပ်လုပ်ကာ ကားကိုနှေးစေ/ရပ်စေပါတယ်။ ချက်ချင်းမရပ်တန့်သွားပဲ နှေးတာ သို့မဟုတ် တစ်ခုခုပုံမှန်မဟုတ်ပဲဖြစ်နေတာ ဆိုရင် ဘရိတ်ဆီကို ပထမဆုံးစစ်ဆေးရပါမယ်။

5. Transmission fluid

Transmission ထဲမှာရှိတဲ့ gear နဲ့ clutch စတဲ့ စက်ပစ္စည်းတွေလည်ပတ်တဲ့အခါ ဂီယာအချိန်းအပြောင်း ချောမွေ့စေဖို့ ချောဆီကဲ့သို့ဆောင်ရွက်ပေးပါတယ်။ တစ်ခါထည့်ပြီး တစ်သက်လုံးလဲလှယ်စရာမလိုဘူးဆိုပေမယ့် ဂီယာပြောင်းတိုင်း ထူးဆန်းတဲ့အသံတွေထွက်တာ၊ လျှောလျှောရှူရှူမဖြစ်တာတွေရှိလာရင်တော့ ကားနဲ့မကိုက်ညီတာကြောင့် ပြောင်းလဲအသုံးပြုလိုက်ပါ။

6. Windshield washer fluid

ကားအတွက် ဘာမှအကျိုးမပြုဘူးလို့ထင်ရပေမယ့် တကယ်တော့ ကားမောင်းတဲ့အခါ မြင်ကွင်းကောင်းကောင်းနဲ့ မြင်ရဖို့အရေးပါပါတယ်။ အားလုံးထဲမှာ စစ်ဆေးရလည်းအလွယ်ကူဆုံးဖြစ်ပါတယ်။

Crd

27/04/2022

Kaung Thit Auto Sales Center မှ ရောင်းချပေးမည့် ကားကောင်းလေးများနဲ့ မိတ်ဆက်ပေးပါရစေ💁‍♂️

မိတ်ဟောင်းမိတ်သစ်များ တိုက်ဆိုင်မှုရှိလို့ စိတ်ဝင်စားလျှင် လာရောက်ကြည့်ရှု အားပေးခဲ့ ဖိတ်ခေါ်လိုက်ပါတယ် 🤷‍♀️

📲 09449 449 487, 0997 5777787

25/04/2022

💡သင့်ကားမှာပါတဲ့ VIN နံပါတ်တွေကနေ ဘာတွေသိနိုင်မလဲ

👉VIN လို့ခေါ်ကြတဲ့ Vehicle Identification Number (ယာဉ်သက်သေခံ နံပါတ်) တွင် အက္ခရာနဲ့ နံပါတ်တွေ ပါဝင်ပြီး၊ မော်တော်ယာဉ် ထုတ်လုပ်တဲ့သူတွေက ယာဉ်တစ်စီးချင်းစီအတွက် သတ်မှတ်ပေးထားတဲ့ နံပါတ်တွေ ဖြစ်ပါတယ်။

👉VIN နံပါတ်တွေကနေတစ်ဆင့် မော်တော်ယာဉ်ရဲ့ လေအိတ်အမျိုးအစား၊ ထုတ်လုပ်တဲ့နိုင်ငံ၊ အင်ဂျင်အရွယ်အစား၊ ထုတ်လုပ်တဲ့ ခုနှစ်၊ ယာဉ်အမျိုးအစား အစရှိတဲ့ အချက်အလက်တွေကို သိရှိနိုင်ပါတယ်။ VIN နံပါတ်ကို ပုံမှန်ဆိုရင်တော့ အရှေ့လေကာမှန်နားက ဒက်ရှ်ဘုတ်၊ ယာဉ်မောင်းသူတံခါးအတွင်းဘောင်၊ အင်ဂျင်ခန်းအတွင်း အစရှိတဲ့နေရာတွေမှာ တွေ့ရတတ်ပါတယ်။

👉VIN ရဲ့ ပထမဦးဆုံး စာလုံးသုံးလုံးသည် World Manufacturer Identifier (WMI) ကုဒ်တွေပဲဖြစ်ပါတယ်။ ပထမစကားလုံးသည် နိုင်ငံကိုကိုယ်စားပြုပြီး 1, 4, 5 အစရှိတဲ့ နံပါတ်တစ်ခုခုဖြစ်ပါက အဆိုပါယာဉ်သည် U.S. မှာ ထုတ်လုပ်တဲ့ကားဖြစ်ပြီး၊ 2 ဆို Canda, 3 ဆို Mexico, J ဆို Japan, K ဆို South Korea, S ဆို England, W ဆို Germany, Y ဆို Sweden (သို့) Finland နိုင်ငံတွေမှာ ထုတ်လုပ်တာ ဖြစ်ပါတယ်။

👉ဒုတိယတစ်လုံးကတော့ ထုတ်လုပ်သူတွေကို ကိုယ်စားပြုပါတယ်။ ဒုတိယတစ်လုံးသည် အက္ခရာစကားလုံးဖြစ်ခဲ့ပါက A ဆို Audi, B ဆို BMW, G ဆို General Motors, L ဆို Lincoln, N ဆို Nissan ပဲ ဖြစ်ပါတယ်။ ဒါပေမဲ့ A ဟာ Audi တစ်ခုတည်းကိုယ်စားပြုတာမဟုတ်ဘဲ Jaguar နဲ့ Mitsubishi လည်း ဖြစ်နေနိုင်ပါသေးတယ်။

👉နောက်ဆုံးတတိယတစ်လုံးကတော့ ယာဉ်အမျိုးအစားနဲ့ ထုတ်လုပ်တဲ့နေရာကို ကိုယ်စားပြုတာ ဖြစ်ပါတယ်။ WMI Code တွေနဲ့ပတ်သက်ပြီး ဘယ်နံပါတ် (သို့) အက္ခရာဟာ ဘယ်နိုင်ငံ၊ ဘယ်ထုတ်လုပ်သူကို ကိုယ်စားပြုတယ်ဆိုတာ အသေးစိတ်သိချင်ရင်တော့ အင်တာနက်ပေါ်မှာ World Manufacturer Identifier လို့ရိုက်ရှာပြီး ကြည့်ရှုလို့ရပါတယ်။

(၄) လုံးမြောက်ကနေ (၉) လုံးမြောက်အထိ

VIN နံပါတ်ရဲ့ (၄) လုံးမြောက်ကနေ (၈) လုံးမြောက်အထိကတော့ Vehicle Descriptor Section (VDS) ပဲဖြစ်ပြီး မော်တော်ယာဉ်နဲ့ပတ်သက်တဲ့အချက်အလက်တွေဖြစ်တဲ့ Model, Body Type, Restraint System, Transmission Type နဲ့ Engine Code တွေကို ကိုယ်စားပြုပါတယ်။ (၉) လုံးမြောက်ကတော့ Check Digit ပဲ ဖြစ်ပြီး တရားမဝင်တဲ့ VIN နံပါတ်တွေကို စစ်ဆေးဖို့အတွက် အသုံးပြုပါတယ်။

(၁၀) လုံးမြောက်ကနေ (၁၇) လုံးအထိ

နောက်ဆုံးကျန်တဲ့ရှစ်လုံးကိုတော့ Vehicle Identifier Section လို့ခေါ်ပါတယ်။ (၁၀) လုံးမြောက်သည် မော်တော်ယာဉ်ထုတ်လုပ်ခဲ့တဲ့ ခုနှစ်ကို ကိုယ်စားပြုပါတယ်။ A ကနေ Y အထိသည် ၁၉၈၀ ကနေ ၂၀၀၀ ခုနှစ်ကို ကိုယ်စားပြုတာဖြစ်ပြီး၊ ၂၀၀၁ ကနေ ၂၀၀၉ အထိကိုတော့ နံပါတ် 1 ကနေ 9 ဆိုပြီး သတ်မှတ်ထားပါတယ်။ အဲ့ဒီနောက် ၂၀၁၀ ရောက်တဲ့အချိန်မှာတော့ A ကိုပြန်လည်အသုံးပြုပြီး ၂၀၃၀ ရောက်တဲ့အထိ A ကနေ Y အထိ ဆက်လက်အသုံးပြုမှာ ဖြစ်ပါတယ်။

(၁၁) လုံးမြောက်ကတော့ မော်တော်ယာဉ်တပ်ဆင်တဲ့စက်ရုံနေရာပဲ ဖြစ်ပါတယ်။ နောက်ဆုံး (၆) လုံးကတော့ Production Sequence Number (or) Serial Number တွေပဲဖြစ်ပြီး စက်ရုံတွေရဲ့ Assembly Line ပေါ်မှာရှိနေစဉ်မှာ ရရှိခဲ့တဲ့ နံပါတ်တွေပဲ ဖြစ်ပါတယ်။

Credit - ကားသတင်းစုံ

16/04/2022

💡အာမခံချက်အပြည့်နဲ့ ဝယ်ယူသူစိတ်တိုင်းကျ အမြဲဆောင်ရွက်ပေးနေတဲ့ Kaung Thit Auto Sales Center မှ ကြိုဆိုပါတယ်🙏

🚘 Kaung Thit Auto Sales Center မှ ရောင်းချပေးမည့် ကားကောင်းလေးများနဲ့ မိတ်ဆက်ပေးပါရစေ💁‍♂️

🚘 မိတ်ဟောင်းမိတ်သစ်များ တိုက်ဆိုင်မှုရှိလို့ စိတ်ဝင်စားလျှင် လာရောက်ကြည့်ရှု အားပေးခဲ့ ဖိတ်ခေါ်လိုက်ပါတယ် 🤷‍♀️

🎁 engine oil 4liters + filter အား လက်ဆောင်ပေးသွားပါမည်။

📞09518 2700, 09449 449 487

09/02/2022

💡အာမခံချက်အပြည့်နဲ့ ဝယ်ယူသူစိတ်တိုင်းကျ အမြဲဆောင်ရွက်ပေးနေတဲ့ Kaung Thit Auto Sales Center မှ ကြိုဆိုပါတယ်🙏

🚘 Kaung Thit Auto Sales Center မှ ရောင်းချပေးမည့် ကားကောင်းလေးများနဲ့ မိတ်ဆက်ပေးပါရစေ💁‍♂️

🚘 မိတ်ဟောင်းမိတ်သစ်များ တိုက်ဆိုင်မှုရှိလို့ စိတ်ဝင်စားလျှင် လာရောက်ကြည့်ရှု အားပေးခဲ့ ဖိတ်ခေါ်လိုက်ပါတယ် 🤷‍♀️

📞09518 2700, 09449 449 487

18/01/2022

Kaung Thit Auto Sales Center မှ ရောင်းချပေးမည့် ကားကောင်းလေးများနဲ့ မိတ်ဆက်ပေးပါရစေ💁‍♂️

မိတ်ဟောင်းမိတ်သစ်များ တိုက်ဆိုင်မှုရှိလို့ စိတ်ဝင်စားလျှင် လာရောက်ကြည့်ရှု အားပေးခဲ့ ဖိတ်ခေါ်လိုက်ပါတယ် 🤷‍♀️

Kaung Thit Auto Sales Center

22/06/2024

07/05/2024

31/01/2023

29/06/2022

24/05/2022

27/04/2022

27/04/2022

25/04/2022

16/04/2022

09/02/2022

18/01/2022

Address

Telephone

Website

Alerts

Shortcuts

Share

Category