17/06/2020
လမ်းဘေးထည်ရောင်းခဲ့တဲ့ ကမ္ဘာအချမ်းသာဆုံး သူဌေး
--------------------------------------------
တချိန်က စပိန်မှာ သူငယ်ချင်း နှစ်ယောက် ရှိတယ်၊ ဘရန်ကိုနဲ့ အော်တေဂါလို့ခေါ်တယ်၊ ဘရန်ကို မိဘတွေက ချမ်းသာတယ်၊ ဒီတော့ ဘရန်ကိုက ဆေးကျောင်းအရင်တက်တယ်၊ ပြီးတော့ စာမကျက်နိုင် တော့ဘူးဆိုပြီး အင်ဂျင်နီယာလိုင်း ပြောင်းတယ်၊ ဒါလည်း ကြာကြာမခံပါဘူး၊ ရုပ်ရှင် မင်းသား ပြောင်းလုပ်ပြန်တယ်၊ မအောင်မြင်ဘူး၊ နောက်ဆုတ်ဖို့ လမ်းရှိတော့ အလွယ်တကူ အရှုံး ပေးတယ်၊ အကြောင်း ပြချက် ပေါင်းစုံ ပေးပြီး နောက်ဆုံးတော့ သူ့မိဘ လက်ငုပ် ကုန်သည်ပဲ လုပ်တော့တယ်၊ သူ့ပုံပြင်လေးက ဒီမှာ ပြီးပြီ။
မပြီးသေးတဲ့ ပုံပြင်ထဲက ဇာတ်လိုက်နာမည်က အမန်စီယို အော်တေဂါ၊ သူ့မိသားစုက ဆင်းရဲတယ်၊ သူ့အဖေ က မီးရထားဌာနက အောက်ခြေဝန်ထမ်း၊ လခတလစာ က ကြက်ဥ ဆယ်ဒါဇင် ဝယ်ရင်ကုန်ပြီ၊ ဆင်းရဲလွန်း လို့ ၁၄နှစ်မှာ ကျောင်းထွက် လိုက်ရတယ်၊ အလုပ် လိုက်ရှာရင်းနဲ့ အကျႌ ရောင်းတဲ့ ဆိုင်မှာ အကူအလုပ် ရတယ်၊ ဒီအလုပ်ကို လုပ်ရင်း အရင်း အနှီးနဲ့ အတွေ့အကြုံရှာခဲ့တယ်၊ လမ်းဘေးမှာ အထည်ဟောင်းတွေ ရောင်းတဲ့ အလုပ်ကို နှစ်ပေါင်းများစွာ လုပ်ခဲ့တယ်။
အခက်အခဲတွေ မရေမတွက်အောင် တွေ့လွန်း တော့ နောက်ဆုတ်လိုက်ချင်စိတ် အကြိမ်ကြိမ် ပေါ်တယ်၊ နောက်ဆုတ် ဖို့ပြန်ကြည့် တော့ တခြား ထွက်ပေါက်မရှိဘူး၊ ဆင်းရဲ လွန်းပြီး ပညာရေးမပြီးတဲ့ အတွက် တခြား အလုပ် ရှာမရဘူး၊ ဒါနဲ့ဒီအလုပ် တစ်ခုပဲ ဇောက်ချ လုပ်တော့ မယ်ဆိုပြီး အားတင်း ကြိုးစားတယ်၊ နောက်နှစ် နှစ်ဆယ် လောက် အကြာမှာ ကိုယ်ပိုင် အဝတ် အထည်တွေ ချုပ်ပြီး စရောင်းကြည့်ရာ ကနေ နည်းနည်း အဆင်ပြေ လာတယ်၊ အဲဒီအချိန် အသက် ၃၆နှစ်။
သူ့အသက် လေးဆယ်ဝန်းကျင် ၁၉၇၅ မှာ ZARA ဆိုတဲ့ တံဆိပ်တပ်ပြီး အဝတ်အထည် စရောင်း တယ်၊အဝတ်စျေးကွက်ကို နှစ်ပေါင်းများစွာ အရည်ကျို သောက်လာတဲ့ သူဟာ ZARA ကို ဆယ်နှစ် အတွင်း အောင်မြင်အောင် ဦးဆောင်နိုင်ခဲ့တယ်၊ ၁၉၈၉ မှာ ပေါ်တူဂီ စျေးကွက် ကို စတင်ဝင်တယ်၊ နောက် ဆယ်နှစ် မှာ ကမ္ဘာ အဝတ်အထည် လောက ရဲ့ ထိပ်တန်း ပြင်သစ်၊ လန်ဒန်စျေးကွက်ထဲကို ZARA ရောက် လာပါပြီ။
၂၀၀၁ မှာ ZARA ကို စတော့စျေးကွက် တင်တယ်၊ZARA ဟာ အလွန် လျင်မြန်စွာ တိုးတက် လာတယ်၊ ၂၀၁၅ မှာ နိုင်ငံပေါင်း ၈၈ နိုင်ငံ မှာ ဆိုင်ပေါင်း (၆၇၄၆) ဖွင့်လှစ်နိုင်ခဲ့ပြီး အမြဲတမ်း ဝန်ထမ်း တစ် သိန်း လေးသောင်း ကျော်ခန့်ထား နိုင်ခဲ့ပါတယ်၊ ဖို့ မဂ္ဂဇင်းရဲ့၂၀၁၅ ကမ္ဘာ့တန်ဖိုး အကြီးဆုံး တံဆိပ် တစ်ရာမှာ ZARA က တံဆိပ် တန်ဖိုးသက်သက် ကို ဒေါ်လာ ၉.၄ ဘီလီယံ နဲ့ နံပါတ် ၅၈ ချိတ်ခဲ့ပါ တယ်၊ ကျွန်တော်တို့ကြားဖူးတဲ့ (Sony, Panasonic, Lexus, Rolex, Adidas, Hyundai, KIA, Volkswagen, Nissan, Canon, Chevrolet, Colgate, Red Bull, Estée Lauder) တို့ထပ် ZARA ရဲ့ တံဆိပ်တန်ဖိုးက ပိုမြင့်ပါတယ်)။
အော်တေဂါဟာ Inditex ကုမ္ပဏီကို ထူထောင်ပြီး ZARA ရဲ့မိခင်ကုမ္ပဏီ အဖြစ် သတ်မှတ်ကာ Inditex ရဲ့ဖွဲ့စည်းပုံ ထဲထည့်ခဲ့ တယ်၊ Inditex ရဲ့ အောက်မှာ (ZARA, Pull&Bear, Massimo Dutti) အပါအဝင် တံဆိပ် ရှစ်ခုပိုင်ဆိုင် တယ်၊ ၂၀၀၄ နဲ့ ၂၀၁၄ ဆယ်နှစ် အတွင်း (Inditex) ဟာ ရာခိုင်နှုန်း (၅၇၀) ကြီးထွား လာပြီး ၂၀၁၄ ကနေ ၂၀၁၅ တစ်နှစ် အတွင်း နောက်ထပ် ငါးဆယ် ရာခိုင်နှုန်း ထပ် ကြီးထွားတယ်၊ Inditex ကုမ္ပဏီရဲ့ စုစုပေါင်း ရှယ်ယာတန်ဖိုး ၅၉.၂၉ ရာခိုင်နှုန်းကို ပိုင်ဆိုင်တဲ့ တချိန်က ဆင်းရဲလှတဲ့ အော်တေဂါရဲ့ ကြွယ်ဝမှုဟာ တစ်ရှိန်ထိုး တိုးတက် လာပြီး ၂၀၁၀ မှာ ကမ္ဘာ အချမ်းသာဆုံး နံပါတ် ကိုး ၊ ၂၀၁၃ မှာ နံပါတ် သုံးနဲ့ လက်ရှိအချိန် ၂၀၂၀မှာ ၅၇.၅ဘီလီယံနဲ့ နံပတ်သုံးနေရာမှာရှိနေပါတယ်၊။
အလွန်ကြွယ်ဝနေတဲ့ အော်တေဂါဟာ အံ့သြ စရာကောင်းစွာ ပုဂ္ဂိုလ်ရေး မကျော်ကြား အောင် (Very Low Profile) နဲ့နေထိုင်ခဲ့တယ်၊ စျေးပေါတဲ့ အပြာရောင် ကုတ်၊ အဖြူရောင်ရှပ်နဲ့ ခဲရောင် ဘောင်းဘီပဲ ဝတ်ပြီးနေတယ်၊ တန်ဖိုး အသင့် အတင့် မြင့်တဲ့ သူ့ကိုယ်ပိုင် ZARA တံဆိပ်တောင် မဝတ်ဘူး၊ သန်းကြွယ် သူဌေးဖြစ်နေတာ ကြာပြီ ဖြစ်တဲ့ ၁၉၉၉ ထိ သူ့ ဓာတ်ပုံ အင်တာနက်မှာ ရှာမရဘူး၊ မီဒီယာ တွေ ကို အင်တာဗျူး အလုပ်မခံ ဘူး၊ ၂၀၀၀ ခုနှစ်မှ အင်တာဗျူးလုပ်ခံရလို့ သူ့ဘဝ အကြောင်း လူတွေသိလာတယ်၊ ဒါကလည်း ၂၀၀၁ မှာ သူ့ ကုမ္ပဏီ ကို စတော့ စျေးကွက် တင်မှာမိုလို့ CEO Branding အနေနဲ့မဖြစ်လို့သာ အဗျူးခံ တာပါ။
မြန်မာပြည် အဝတ်အထည် စျေးကွက် ထဲက ကိုယ်ပိုင် တံဆိပ်နဲ့ထုတ်လုပ်ချင်တဲ့ မိတ်ဆွေ တွေကို ZARA ရဲ့လုပ်ဟန် တချို့ကို ပြောပြချင်ပါ တယ်၊ အကုန်ယူလို့မရရင်တောင် ဗဟုသုတ အနေနဲ့ပါ၊
၁၊ ဆိုင်ခန်းအတွက် အကောင်းဆုံး နေရာ တွေကို ပဲ ရွေးဖွင့်ခဲ့တယ်၊
၂၊ ကြေငြာစရိတ်ကို လျော့ချခဲ့တယ်၊ တခြား ပြိုင်ဘက် ကုမ္ပဏီတွေ ဝင်ငွေရဲ့ ၃.၅ မှ ၅ ရာခိုင်နှုန်း ကြား ကြေငြာစရိတ်သုံးချိန်မှာ အော်တေဂါ က အံ့သြဖွယ် ၀.၃ ရာခိုင်နှုန်းပဲ သုံးခဲ့တယ်၊
၃၊ အလုပ်ချိန်ကို တိုးမြင့်ပြီး ရောင်းအားပိုကောင်း စေခဲ့တယ်၊
၄၊ အရေးအကြီးဆုံး အချက်က အဝတ်ဒီဇိုင်းတစ်ခု ရဲ့ သက်တမ်းကို အတိုဆုံးထားခဲ့တာပါပဲ၊ ဖန်တီးမှု အသစ်တွေ စဉ်ဆက်မပြတ် လုပ်နေခဲ့တဲ့ အတွက် ဒီဇိုင်းအသစ်တွေ အဆက်မပြတ်ထွက်နေခဲ့တယ်၊
အော်တေဂါဟာ ခုဆို အသက် ၇၉ နှစ်ရှိပါပြီ၊ ဆင်းရဲ လွန်းလို့ ၁၄ နှစ်မှာ ကျောင်းထွက်ခဲ့ရပြီး အလုပ် သမား ဘဝနဲ့နှစ်ပေါင်း များစွာ နေခဲ့ရတဲ့သူဖြစ် ပါတယ်၊ အသက် ၄၀ ရောက်မှ ကိုယ်ပိုင်လုပ်ငန်း စတင်နိုင်ခဲ့တဲ့ မီးရထား အောက်ခြေ ဝန်ထမ်းတစ်ဦး ရဲ့ သားတစ်ယောက် ဖြစ်ပါ တယ်၊ လမ်းဘေး အထည် တွေ စရောင်းပြီး ဘဝစခဲ့တဲ့ အော်တေဂါ ဟာ ZARA တည်ထောင်ပြီး နှစ် လေးဆယ် အကြာ မှာ ယှဉ်ပြိုင်ဖို့ခက်လှတဲ့ နည်းပညာခေတ်ရဲ့ ဘီလူး (Titan) တွေကို မယုံနိုင်စရာ ကျော်ဖြတ်ပြီး ကမ္ဘာ အချမ်းသာဆုံး တစ်ဦး ဖြစ်ခဲ့ပါပြီ။
စစ်တမ်းတစ်ခုရှိပါတယ်၊ သန်းကြွယ်သူဌေး (၇၅) ရာခိုင်နှုန်းလောက်ရဲ့ မိဘတွေ ဟာ မချမ်းသာ ကြပါဘူး၊ ဖိအားများစွာနဲ့ကိုယ်ထူးကိုယ်ချွန် ပင်ပန်းစွာ ကြိုးစားပြီးမှ အောင်မြင်ကြ ပါတယ်၊ ဒီလိုဇာတ်လမ်းမျိုးဟာ သိပ်တော့ မဆန်းပြားပါဘူး၊ ဒါပေမယ့် ဘဝကို ပင်ပန်းစွာစ ခဲ့ရတဲ့ ကမ္ဘာ့ အချမ်းသာဆုံး သူကြွယ်ကြီးရဲ့ ဇာတ်လမ်းကို ဖတ်မိတဲ့ အချိန်မှာ မရေးဘဲ မနေနိုင်တော့ပါဘူး၊ ဒီနေ့ သာမန်ဘဝမှာ ရောက်နေပေမယ့် တချိန် အောင်မြင် လာနိုင်တဲ့ မြန်မာ လုပ်ငန်းရှင် လောင်းလျာ တွေကို ဂုဏ်ယူအားကျ စေချင်တဲ့ စိတ်နဲ့ရေးပါတယ်၊
အကယ်၍ ဒီစာဖတ်နေတဲ့ မိတ်ဆွေတို့ရဲ့မိဘ တွေများ မချမ်းသာခဲ့ဘူး ဆိုရင် ငါတို့သိပ်ကံကောင်း တယ်လို့ သတ်မှတ်ပြီး ဝမ်းသာလိုက်ပါ၊ ကျွန်တော် လည်း မိတ်ဆွေတို့အတွက် ဝမ်းမြောက်ပါတယ်၊ ဘာကြောင့် လဲ ဆို တော့ မိတ်ဆွေတို့ သန်းကြွယ် သူဌေး ဖြစ် လာဖို့ မွေးရာပါ သူဌေးသားတွေ ထက် အခွင့်အရေး ၃ ဆပိုများ နေပါတယ်။
Crd: Phyokokonaing
