Kalay Region Security and Defense Force

Kalay Region Security and Defense Force Contact information, map and directions, contact form, opening hours, services, ratings, photos, videos and announcements from Kalay Region Security and Defense Force, Security guard service, Kale, Kalemyo.

07/05/2021

ကျုပ်တို့ ရည်ရွယ်ချက်ခိုင်မာစွာ စတင်ခဲ့တယ် ၊
လုပ်ဆောင်ခဲ့ကြတယ် ။
ကျုပ်တို့ ရယူမဲ့ပန်းတိုင်ကိုလဲ ချပြခဲ့ပြီးပြီ
ကျုပ်တို့တိတ်ဆိတ်စွာ ပြင်ဆင်နေခဲ့တယ်/ပြင်ဆင်နေတယ်
အခုတော့ ကျုပ်တို့မျှော်လင့်သလို
အချိန်ဟာကျရောက်လာပြီ ကျရောက်လာနေပြီ ။
အချိန်ကျပြီ ဒါဟာ..အခုချိန်ပဲ
အများကြီးမပြောတော့ဘူး
ပထမဆုံးအနေနဲ့
ကျုပ်တို့ KSDF အနေနဲ့ NUG ကဦးဆောင်ဖွဲ့စည်းတဲ့
PDF ရဲ့လမ်းညွှန်မှုအောက်ကိုရောက်ရှိလိုက်ပါဆောင်ရွက်မယ်ဆိုတာကိုအသိပေးလိုတယ် ။

နောက်ဆုံးအနေနဲ့
ကလေးဒေသခံအင်အားစုနဲ့ ဖွဲ့စည်းထားတဲ့
KSDF ပျောက်ကြားတပ်ဖွဲ့ဝင်များဟာ
ကာကွယ်ရေးဝန်ကြီးဌာနမှ ဖွဲ့စည်းတည်ထောင်သော
ပြည်သူ့ကာကွယ်ရေးတပ် PDF အောက်သို့
ကူးပြောင်းအမှုထမ်းဆောင်မည် ဖြစ်ကြောင်းကို
ထပ်လောင်းအသိပေးလိုတယ် ။ ဒါပါပဲ ။

အရေးတော်ပုံအောင်မည် ။

KSDF

04/04/2021

ပန်းတိုင်ကတစ်ခုတည်းရှိတယ်။
အာဏာရှင်စနစ်ပြုတ်ကျဖို့။
ဖက်ဒရယ်ဒီမိုကရေစီစနစ်တည်ထောင်ဖို့။
ငါတို့အားလုံးက ဒီအတွက်တိုက်ခိုက်နေကြတာ။
အားလုံးက အခုမှ နှဖူးတွေ့ဒူးတွေ့ အဆင်ပြေမယ်ထင်တဲ့နည်းလမ်းမှန်သမျှနဲ့ ကြိုးစားနေကြတာ။
အမှားတွေလည်းလုပ်မိမှာပဲ။ အမှားဖြစ်သွားတယ်ဆို နောက်ရှေ့ဆက်ရမယ့်ခရီးမှာ ထပ်မမှားအောင် ဒီထက်ပိုကောင်းတဲ့အဖြေတစ်ခုကိုရှာပြီး ပြင်ဆင်သွားကြရမယ်။
တစ်ဦးနဲ့တစ်ဦး အပြစ်မတင်ကြပါနဲ့။
စိတ်ဝမ်းကွဲခြင်းမဖြစ်ကြပါနဲ့။
ငါတို့ကမှအမှန်ဆိုတာမျိုး လက်ကိုင်စွဲမထားကြပါနဲ့။
ဒါခရီးတိုတစ်ခုမဟုတ်ဘူး။
ငါတို့အားလုံး ညီညွတ်စွာလက်တွဲသွားကြမယ်။
တစ်ဦးကိုတစ်ဦးဖေးမကူညီကြမယ်။
တော်လှန်ရေးဟာ ရင်ထဲကလာတဲ့သစ္စာကြောင့်ဖြစ်လာတာ။
တော်လှန်ရေးလုပ်ငန်းစဥ်တွေကိုတော့ ခံစားချက်ထက် စဥ်းစားအသိဉာဏ်ကိုရှေ့တန်းတင်ပြီး အတူတကွလုပ်ဆောင်ကြရမယ်။
ငါတို့အားလုံးဟာ တော်လှန်ရေးတပ်သား တွေဖြစ်တယ်။
ငါတို့အားလုံးဟာ အမိမြန်မာနိုင်ငံတော်ကြီးအတွင်းနေထိုင်ကြတဲ့ တိုင်းရင်းသားလူမျိုးပေါင်းစုံအတွက် တရားမျှတမှု၊ သာတူညီမျှရှိမှု၊ ငြိမ်းချမ်းမှု၊ လွတ်လပ်မှုတွေအတွက် တိုက်ခိုက်နေကြတာဖြစ်တယ်။
အဆင်မပြေတာတွေကြုံလာလည်း ငါတော့မလုပ်ချင်တော့ဘူးကွာဆိုပြီး ဘေးထွက်လိုက်လို့မဖြစ်ပါဘူး။
ရှေ့ဆက်ပြီး ဘယ်လိုလုပ်ရင်ပိုကောင်းမလဲဆိုတာကိုပဲ စဥ်းစားပြီး ဆက်လက်တိုက်ပွဲဝင်ကြပါ။

ငါတို့အားလုံးရဲ့ မနက်ဖြန်ဟာ အောင်ပွဲဆီသို့သာရှေ့ဆက်နေတာဖြစ်တယ် ။

ဘယ်တော့မှ မမေ့ကြနဲ့
စည်းလုံးခြင်းသည်အင်အားပါ။
မတူကွဲပြားခြင်းတွေကို ဟန်ချက်ညီညီထားနိုင်ခြင်းသာ ဖက်ဒရယ်ဒီမိုကရေစီရဲ့ အနှစ်သာရပါ။

ဒေသခံလူထုအားလုံးသည်ပြောက်ကျားစစ်သည်ဖြစ်ရမည် ။
အရေးတော်ပုံအောင်မည် ။

ကလေးဒေသလုံခြုံရေးနှင့်ကာကွယ်ရေးတပ်ဖွဲ့
(KSDF)

ကလေးဒေသမှ လက်ရှိချိန်ထိ စာရင်းရရှိထားသည့် လူထုရင်ထဲ ထာဝရအဆုံးတိုင် တောက်ပနေမည့်နွေဦးတော်လှန်ရေး ကြယ်ပွင့်သူရဲကောင်းများ...
03/04/2021

ကလေးဒေသမှ လက်ရှိချိန်ထိ စာရင်းရရှိထားသည့်
လူထုရင်ထဲ ထာဝရအဆုံးတိုင် တောက်ပနေမည့်
နွေဦးတော်လှန်ရေး ကြယ်ပွင့်သူရဲကောင်းများ
~~~~~~~~~~~~~~~~~~~~~~~~~~

3.3.2021 - 1 star
17.3.2021 - 4 stars
21.3.2021 - 1 star
28.3.2021 - 5 stars
30.3.2021 - 2 stars
1.4.2021 - 4 stars
3.4.2021 - 1 star

Edit

** 2.4.2021 - 1 star (They kill children) **
Photo in cmt

လက်ရှိ 3.4.2021 နေ့ အချိန်ထိ
ကလေးဒေသ နွေဦးတော်လှန်ရေးမှာ stars 19 ပွင့်
ထာဝရ လင်းလက်တောက်ပနေစေခဲ့ရပြီ ။


3.3.2021 - 1 star

အမည်-မောင်ဇင်မျိုးမောင်
အသက်-18နှစ်
နေရပ်- ကလေးမြို့ 2.3.2021 နေ့တွင် ကလေးမြို့ပြည်သူ့သပိတ်စစ်ကြောင်းအား 11: 20 am တွင် စစ်အာဏာရှင် သူပုန် များ၏ အကြမ်းဖက်မှုကြောင့် အဆုတ်ကျည်ထိမှန် ပေါင်ကျည်ထိ ဒဏ်ရာများနှင့် 3.3.2021 တွင် အသက်ပေးဆပ်ခဲ့လိုက်ရသည် ။

17.3.2021 - 4 stars

မတ်လ ၁၇ ရက်နေ့က စစ်အာဏာရှင်စနစ်ဆန့်ကျင်ဆန္ဒဖော်ထုတ်ကြသော သပိတ်စစ်ကြောင်းကို စစ်တပ်ကအကြမ်းဖက်ပစ်ခတ်ဖြိုခွင်းခဲ့မှုကြောင့် အရပ်သားပြည်သူ ၄ ဦးကျဆုံးခဲ့သည်။

ကျဆုံးသွားသူများမှာ Salai Cung Lian Ceu၊ ဦးကျင်ခန့်မာန်၊ ဒိုးဆွင်းကိမ် နှင့် ဦးကျော်မြင့်ဝင်းတို့ဖြစ်ကြသည်။

21.3.2021 - 1 star

ရန်ကုန်မြို့ မင်္ဂလာတောင်ညွန့်မြို့နယ်
မတ်လ ၂၁ ရက်နေ့ မနက်ပိုင်းက စစ်ကောင်စီ၏လုံခြုံရေးတပ် ရဲနှင့် စစ်သားများက We Love Yangon အသင်းရုံးခန်းကို သေနတ်ပစ်ဖောက်ကာ တခါးများဖျက်ဆီး၍ ဝင်ရောက်စီးနင်းစဉ်တွင် ရုံးအပေါ်ထပ် ၅ လွှာတွင်နေထိုင်သူ မာဇွာလ်အီး ကလေးမြို့ စန်းမြို့ (စတောမ်) ရပ်ကွက်တွင်နေထိုင်သူ အသက် (35 နှစ်) ချင်းအမျိူးသမီးသည် ​ အခန်းမှ အနောက်ဘက်သို့ ပြုတ်ကျသေဆုံးခဲ့ခြင်းဖြစ်သည် ။

28.3.2021 - 5 stars

♦️၂၈.၃.၂၀၂၁ ကလေးမြို့ နွေဦးတော်လှန်ရေးမှာ
ညနေ 3:00 နာရီ မှ 6:00 နာရီအထိ
စစ်ခွေးများနဲ့ ပြင်းထန်စွာတိုက်ခိုက်ရင်း
ကြွေလွင့်သွားခဲ့ရသော အာဇာနည်သူရဲကောင်းများ

(၁) မအားခူ (၃၇ နှစ်)
(၂) ကိုဆန်းသဲရာ (၂၀ နှစ်)
(၃) ကိုရှိုင်းထက်အောင်(ခ)သားချစ် (၂၁ နှစ်)
(၄) ကိုထန်ဟောမ်လျန်း (၂၇ နှစ်)
(၅) ကိုမင်းညို (၃၆ နှစ်)

ကိုမင်းညိုမှာ ညပိုင်းရပ်ကွက်လမ်းထိပ်ကင်းစောင့်နေချိန် စစ်ခွေးများ၏ ပစ်သတ်ခြင်းခံရခြင်းဖြစ်သည် ။

30.3.2021 - 2 stars

ကလေးမြို့ဘက်သွားမယ့် စစ်ကားတွေကို တားဆီးတဲ့ ဒေသခံတွေ ပစ်ခတ်ခံရလို့ ၂ ဦး သေဆုံး

စစ်ကိုင်းတိုင်းနဲ့ မကွေးတိုင်းကို ဆက်သွယ်ထားတဲ့ ဂန့်ဂေါ ကလေး ကားလမ်းတလျောက် မတ် ၃၀ ညက ပစ်ခတ်မှုဖြစ်စဥ်တွေ ဖြစ်ပွားခဲ့ပြီး လူအသေအပျောက်နဲ့ ဒဏ်ရာရသူတွေရှိ ။ ဂန့်ဂေါဘက်ကနေ ကလေးမြို့ဘက်ကို သွားရောက်တဲ့ စစ်ကားတွေကို ကလေးမြို့နယ် ကမ္ဘားနီကွေ့နေရာမှာ ကလေးဘက်က တားဆီးပိတ်ဆို့ထားပြီး တချို့ စစ်ကားတွေက နီးစပ်ရာ စခန်းတွေမှာ ခိုလှုံနေတဲ့အချိန် တားဆီးဖို့သွားရောက်တဲ့ ဒေသခံတွေ အခုလို ပစ်ခတ်ခံရတာဖြစ် ။

ဟံသာဝတီ ရဲကင်းစခန်းရှေ့မှာ အမျိုးသားတစ်ယောက် သေနတ်ထိမှန်ပြီး သေဆုံးတယ်၊ နောက်ပြီး တောင်ခင်ရမ်းရွာဘေးက နမခ စိုက်ကွင်းစခန်း ရှေ့မှာ ၁ ယောက်သေဆုံးပြီး ၂ ယောက် ဒဏ်ရာရ

တောင်ခင်ရမ်းရွာနီးက နမခ စိုက်ကွင်းရှေ့မှာ ပစ်ခတ်ခံရလို့ သေဆုံးသူဟာ နှမ်းခါးကျေးရွာက အသက် ၂၀ ဝန်းကျင် အရွယ် ကိုဖိုးသားလေး ဆိုသူဖြစ်ပြီး ဟံသာဝတီ ရဲကင်းစခန်းရှေ့ မှာ သေဆုံးသူကိုတော့ အမည် အသက် နေရပ် အတိအကျ မသိရှိ ရ ။

1.4.2021 - 4 stars

ကလေးမြို့အနီး ချောင်းခွရွာမှာ တပ်ကပစ်ခတ်လို့ ဒေသခံ သုံးဦးကျဆုံး
~~~~~
စစ်ကိုင်းတိုင်း၊ကလေးမြို့နယ် ချောင်းခွကျေးရွာအနီး ဧပြီ ၁ ရက်က စစ်သူပုန်နဲ့ ပြည်သူကြားတိုက်ပွဲမှာ
ချင်းအမျိုးသား U Ram Hlur (Nai Meng Pa) အသက် ၆၈ နှစ်၊ ဦးအောင်ဆန်းဝင်း၊ အသက် ၄၅ နှစ်နဲ့ ချင်းပြည်နယ် ဝေဘူလာမြို့သား ဆလိုင်း မင်ဆီမင်းနိုကျင်ထန် ၂၈ နှစ် တို့သုံးဦး ကျဆုံးခဲ့သည် ။

April 1 နတ်ချောင်း တိုက်ပွဲမှာ မောင်ခိုင်ဇော်ဝင်း
အသက် ၁၇ နှစ် ကျဆုံးခဲ့သည်။

စစ်ကိုင်းတိုင်း၊ ကလေးမြို့၊ ကလေးတက္ကသိုလ်အနီးတွင် 1.4.2021 ည ၉နာရီခွဲခန့်က စစ်တပ်ရဲ့အကြမ်းဖက်ပစ်ခတ်မှုကြောင့် ချင်းပြည်နယ်၊ ခိုင်ကမ်းမြို့တွင်နေထိုင်တဲ့ မောင်ဉာဏ်လင်းထက် Van Biak Thang (၁၉ နှစ်) ကျဆုံးခဲ့သည် ။

2.4.2021 - 1 star

2.4.2021 ရက်နေ့က
နတ်ချောင်းရွာ နှင့် ချောင်းခွရွာကြား
ရထားလမ်းတလျှောက်
အကြမ်းဖက်လက်နက်ကိုင်များ ပစ်ခတ်ခဲ့ရာမှာ
ကြောက်လန့်တကြား အိမ်အတွင်းမှ ထွက်ပြေးသော
ကလေးတစ်ယောက်ကိုပါ ပစ်ခတ်ခဲ့ကြောင်း
ဒီနေ့မှ သတင်းအတိအကျ သိရ

ဝမ်းဗိုက်ကျည်ထိ၍ သေဆုံးသွားသော
ကလေးအမည်မှာ မောင်ညီနိုင်ဖြိုး ဖြစ်ပြီး ( ၁၃ )နှစ်သာ
ရှိပါသေးတယ်

အကြမ်းဖက်များ ကလေးကို လာရောက်လုယူမှာ ကြောက်လို့
နေ့တွင်းချင်းပဲ အသုဘချလိုက်ရပါတယ်လို့ ကြားသိရ ။

3.4.2021 - 1 star

1.4.2021 နေ့ စစ်ကိုင်းတိုင်း၊ကလေးမြို့နယ် ငဖားကျေးရွာအနီးမှာ အကြမ်းဖက်စစ်ကောင်စီနဲ့ ပြည်သူကြားပစ်ခတ်မှုတွင် ဝမ်းဗိုက်ကျည်ထိတဲ့ ကလေးမြို့နယ်၊ သံဖိုရွာသား ဆလိုင်းထန်ဆန်(Salai Than Sang)-၂၆ နှစ်ဟာ မနက်(ဧပြီ ၃ရက်) ၂ နာရီတွင် ကျဆုံးခဲ့သည်။

အများအကျိုးအတွက်ပေးဆပ်ခဲ့ကြသော
ထိုသူရဲကောင်းများကို လေးစားစွာ အလေးပြုရင်း

သူရဲကောင်းတို့ရဲ့အား ကျုပ်တို့ပြည်သူလူထုရဲ့အားနဲ့
အများပြည်သူလိုလားတောင့်တတဲ့
Federal Democracy မရရှိမခြင်း

ရွံရှာဖွယ် လုံးဝအတိဖြစ်လှသော စစ်အာဏာရှင်များ
သေကြေပျက်စီးသည်အထိ ကျဆုံး ကျရှုံးသည်အထိ
ကျုပ်တို့ရဲ့အသက် ကျုပ်တို့ရဲ့ခန္ဓာ ပေးလျက်
ရရာအခွင့်အရေး ရရာအခွင့်လမ်းများအကုန်သုံး၍
ဆက်လက်တိုက်ပွဲဝင်တော်လှန်သွားမည်ဖြစ်​ကြောင်း
သစ္စာပြုအပ်ပါသည် ။

ဒေသခံလူထုအားလုံးသည်ပြောက်ကျားစစ်သည်ဖြစ်ရမည်။
အရေးတော်ပုံ အောင်မည် ။
အရေးတော်ပုံ အောင်မည် ။
အရေးတော်ပုံ အောင်မည် ။

ကလေးဒေသလုံခြုံရေးနှင့်ကာကွယ်ရေးတပ်ဖွဲ့ (KSDF)

31/03/2021

တပ်မတော်ဆိုတာ ပြည်သူလူထုနဲ့ဖွဲ့စည်းထား
တာဖြစ်တယ် ။ ပြည်သူလူထုမပါတဲ့တပ်မတော်
ဆိုတာ သောင်းကျန်းသူသာဖြစ်တယ် ။ ပြည်သူလူထုထောက်ခံယုံကြည်မှုမရှိသည့် တပ်မတော်သည်လည်း ဘယ်တော့မှအောင်နိုင်မှုရှိမည်မဟုတ် ။

ဒီနိုင်ငံ ဒီမြေမှာ ငါတို့နေတယ်
ဒီရေကို ငါတို့သောက်ကြတယ် ။

ငါတို့သည်သာ လူထု
ငါတို့သည်သာ တပ်မတော်

ငါတို့ကံကြမ္မာငါတို့ဖန်တီးမယ် ။

ဒေသခံလူထုအားလုံးသည် ပြောက်ကျားစစ်သည်ဖြစ်ရမည် ။
အရေးတော်ပုံ အောင်မည် ။


ကလေးဒေသလုံခြုံရေးနှင့်ကာကွယ်ရေးတပ်ဖွဲ့ (KSDF)
31.3.2021 (Wed)

29/03/2021

အရှေ့ဘက်အခြမ်းက တိုက်ပွဲခေါ်သံ
ခင်ဗျားတို့ကြားကြလား?
ဒီအသံဟာ ပြည်သူ့အသံ !
အာဏာရူးတွေဖောက်တဲ့အသံမဟုတ်ဘူးဆိုတာ သိကြပြည်သူများ !! ကျုပ်တို့ကို ကြိုဆိုကြ
ပြည်သူ့လုံခြုံမှုကိုသာခံစားကြ စည်းလုံးကြညီညွတ်ကြ

ဒီအသံဟာ
အာဏာရှင်များရဲ့အသက်အိုးအိမ်စည်းစိမ်မိသားစုကိုအာမခံချက်မပေးတဲ့ ပြည်သူများရဲ့ ခြိမ်းခြောက်သံဖြစ်တယ် ။

ကျွန်ုပ်တို့ဒေသကပြည်သူတွေကိုထပ်ထိရင် ဒီ့ထက်လာမယ် !

ဒေသခံလူထုအားလုံးသည်ပြောက်ကျားစစ်သည်ဖြစ်ရမည်။
အရေးတော်ပုံအောင်ကို အောင်မည်။


KSDF

#ဒေသခံပြည်သူတစ်ရပ်လုံးသိစေရန်နှင့်လက်တွေ့ဆောင်ရွက်ရန် ကျွန်ုပ်တို့ဒေသတွင်းပြည်သူများ စစ်ရေးစစ်ရာနည်းဗျူဟာနည်းစနစ်မ...
29/03/2021

#ဒေသခံပြည်သူတစ်ရပ်လုံးသိစေရန်နှင့်လက်တွေ့ဆောင်ရွက်ရန်

ကျွန်ုပ်တို့ဒေသတွင်းပြည်သူများ စစ်ရေးစစ်ရာနည်းဗျူဟာနည်းစနစ်များအားနည်းနေသည်ကိုတွေ့ရှိနေရ၍ မလိုအပ်သောဆုံးရှုံးနစ်နာမှုများမဖြစ်ပေါ်စေရန် စစ်ရေးဗျူဟာများကိုစနစ်တကျသိရှိတတ်မြောက်ရန်နှင့် လက်တွေ့လုပ်ဆောင်ရန်လိုအပ်သည် ။

အဓိက နံပါတ်တစ်အချက်
ခံစစ် ခံတပ် ကောင်းမွန်စွာပြင်ဆင်ရန်

ခံစစ် ခံတပ် ကောင်းမွန်တောင့်တင်းလုံပါမှ

နံပါတ် နှစ် လက်နက်လူအင်အားစုဖြင့်
စနစ်တကျ တိုက်စစ် ဖွင့်ရန်

ကျည်ဖောက်ထွင်းမှု ခံနိုင်သောထု

အောက်ပါထုထည်သည် ကိုက် ၁၀၀ အကွာအဝေးမှ .၃၀၃ ရိုင်ဖယ်၊ စက်ကလေး သေနတ်တို့ဖြင့် တစ်ချက်ချင်း အသုံးပြုစံထား စမ်းသပ်ထားခြင်းဖြစ်၍ ကျည်ဖောက်ထွင်းခြင်း မရှိသည့်အတွက် ကျည်ကွယ်အဖြစ်အသုံးပြုနိုင်သည်။ ကျည်ဖြတ်နိုင်ရန် အနည်းဆုံးထုမှာ အောက်ပါအတိုင်းဖြစ်သည် -

.၃၀၃ ရိုင်ဖယ် စက်ကလေးသေနတ်

Materials Unit (လက်မ) Unit(လက်မ)

မြေကြီး ၃၆" ၆၀"

ရွံ့စေး ၃၆" ၉၀"

ကျောက်စရစ် ၉" ၁၇"
အင်္ဂတေ

သဲအိတ် ၂၀" ၂၇"

သဲအလွတ် ၂၄" ၄၀"

အုတ်နံရံ ၁၃" ၂၀"

ကျောက်မီးသွေး ၁၀" ၃၀"

သံမဏိအမာ ၁" ၁"

သစ်သားအမာ ၂၄" ၄၀"

သစ်သားအပျော့ ၂၈" ၅၀"

ထင်းမီးသွေး ၈၀" ၁၂၀"

အထက်ပါလက်မထုများထက် ကျော်လွန်အောင်
ကာရံဆောက်လုပ်ပါမှ ကျည်တိုးနိုင်မည်မဟုတ်ကြောင်းကိုနားလည်ထားရမည် ။

ကျည်ကွယ်အမျိုးအစား

(၁) ကျည်လွတ်​မြေ
(၂) မြေနိမ့်လမ်းဖြောင့်များ
(၃) နံရံ ၊ ကျောက်တုံးကျောက်ခဲများ
(၄) အဆောက်အဦးများ
(၅) ကတုတ်ကျင်းများ
(၆) သစ်ပင် ၊ ကမူများ

ရန်သူပစ်ခတ်မှုကြောင့် မိမိအသက်ဆုံးရှုံးမှု ဘေးမှကာကွယ်နိုင်ရန်အတွက် ကျည်ကွယ်အမျိုးအစားများကို အကာကွယ်အဖြစ် အသာခွင့်ရတိုင်းကောင်းစွာ အသုံးချတတ်ရန် အထူးအရေးကြီးပါသည် ။

တိုက်စစ်နည်းစနစ်များ

(၁) ရှာဖွေတိုက်နည်း
(၂) မြူဆွယ်တိုက်နည်း
(၃) စီးနည်းတိုက်နည်း
(၄) ချောင်းမြောင်းတိုက်နည်း
(၅) ဖောက်တိုက်နည်း
(၆) ယောင်ပြတိုက်နည်း

ဒေသခံလူထုအားလုံးသည်ပြောက်ကျားစစ်သည်ဖြစ်ရမည်။
အရေးတော်ပုံအောင်ကို အောင်မည်။

KSDF
29/3/2021 (Mon)

28/03/2021

မတ်လ ၂၇ ရက်နေ့ ည ၈ နာရီကျော်တွင်
ကလေးမြို့ စာတိုက်ရုံးဟောင်းရှေ့
သတင်းရဲတပ်ဖွဲ့ (SB) ရုံး အပူရှိန် မြင့်သွား၍ မီးထခဲ့သည်။

မိမိဒေသတွင်း မတရားဖိနှိပ်မှုများရှိလာပါက ကျုပ်တို့ချက်ချင်းပြန်လည်တုန့်ပြန်မည်ဖြစ်ကြောင်း ကြေညာထားပြီးဖြစ်သည် ။
မတ်လ ၂၇ ရက်နေ့ မိမိဒေသအတွင်း
ဖိနှိပ်မှုများနှင့်ပတ်သက်ပြီး တန်ပြန်
တုန့်ပြန်ခြင်းဖြစ်သည်။

မိမိတို့ကလေးဒေသတွင်
စစ်အာဏာရှင်အကြမ်းဖက်မှုများရှိလာပါက
အဘက်ဘက်မှ ပြန်လည် ခုခံတိုက်ခိုက်မည် ဖြစ်ကြောင်းထပ်တိုးထပ်လောင်းကြေညာသည်။
မြို့တွင်း အလိုတော်ကြီး (ဒလန်) များအားလည်းနာမည်စာရင်း လိပ်စာနှင့်တကွ အတိအကျ
ကျွန်ုပ်တို့ သတင်းရရှိထားပြီးပြီဖြစ်ကြောင်း သတိပေးလိုသည် ။

ကျွန်ုပ်တို့ဒေသကို ကျွန်ုပ်တို့ကာကွယ်မည်။

ဒေသခံလူထုအားလုံးသည်ပြောက်ကျားစစ်သည်ဖြစ်ရမည်။
အရေးတော်ပုံအောင်ကို အောင်မည်။

KSDF

27/03/2021

"
ရဲဘော်တို့ကိုရှည်ရှည်ဝေးဝေးမပြောတော့ဘူး။

အနီးဆုံးရန်သူကိုရှာပြီးတိုက်ကြ။ "

ဒေသခံလူထုအားလုံးသည်ပြောက်ကျားစစ်သည်ဖြစ်ရမည်။
အရေးတော်ပုံအောင်ကို အောင်ရမည်။

27.3.2021 (Sat)
ဖက်ဆစ်တော်လှန်ရေးန​ေ့

ကလေးဒေသလုံခြုံရေးနှင့် ကာကွယ်ရေးတပ်ဖွဲ့Kalay Region Security and Defense Force (KSDF)ကြေငြာချက်အမှတ် (၁/၂၀၂၁)၂၀၂၁ ခုနှစ်...
26/03/2021

ကလေးဒေသလုံခြုံရေးနှင့် ကာကွယ်ရေးတပ်ဖွဲ့
Kalay Region Security and Defense Force (KSDF)
ကြေငြာချက်အမှတ် (၁/၂၀၂၁)

၂၀၂၁ ခုနှစ်၊ ဖေဖော်ဝါရီလ (၁)ရက်နေ့တွင် အာဏာသိမ်းအကြမ်းဖက်အုပ်စုခေါင်းဆောင် မင်းအောင်လှိုင်နှင့်အဖွဲ့ဝင်များမှ ၎င်းတို့ရေးဆွဲပြဌာန်းထားသည့် ၂၀၀၈ ခုနှစ်ဖွဲ့စည်းပုံအခြေခံ ဥပဒေကို ဖောက်ဖျက်လျက် နိုင်ငံတော်သမ္မတနှင့် အစိုးရအဖွဲ့ဝင်ဝန်ကြီးများ၊ နိုင်ငံရေးတက်ကြွ လှုပ်ရှားသူများအား ဖမ်းဆီးကာ နိုင်ငံတော်၏ အာဏာကို မတရားသောနည်းဖြင့် ရယူခဲ့သည်။ အကြမ်းဖက်စစ်အုပ်စုသည် နိုင်ငံတော်ကို လက်နက်ဆွဲကိုင်ပုန်ကန်ခြင်းဖြစ်သဖြင့် တည်ဆဲ ရာဇသတ်ကြီးဥပဒေပုဒ်မ ၁၂၁ အရ နိုင်ငံတော်သစ္စာဖောက်ဖျက်ပုန်ကန်မှုကို ကျူးလွန်ခြင်း ဖြစ်သည်။ ထို့အပြင် မိမိတို့ဒေသအတွင်းတွင်လည်း စစ်အကြမ်းဖက်အုပ်စုမှ ယနေ့အချိန်ထိ လူမဆန်သည့် ရွံရှာဖွယ်အတိဖြစ်သော ဆိုးရွားလှသည့် အကြမ်းဖက်သတ်ဖြတ်မှုများကို ကျူးလွန်နေခြင်းကြောင့် ပြည်သူများ၏ အသက်အိုးအိမ်စည်းစိမ် မလုံခြုံမှုများ ဖြစ်ပေါ်နေမှုများ ကိုလည်း ထင်ရှားစွာတွေ့ရှိရသည်။
သို့ဖြစ်ပါ၍ ကျွန်ုပ်တို့ ကလေးဒေသလုံခြုံရေးနှင့်ကာကွယ်ရေးတပ်ဖွဲ့ (KSDF)မှ ကျွန်ုပ်တို့ တင်မြှောက်ထားသော ပြည်ထောင်စုလွှတ်တော်ကိုယ်စားပြုကော်မတီ (CRPH) ၏လမ်းညွှန် ချက်အတိုင်း ရပ်တည်ဆောင်ရွက်သွားမည်ဖြစ်ပြီး အောက်ပါကြေငြာချက်အား ထုတ်ပြန်လိုက် သည်-
(၁) စစ်ယူနီဖောင်းဝတ်များနှင့် ရဲယူနီဖောင်းဝတ်များအား ကျွန်ုပ်တို့ ကလေးဒေသခံများမှ အကြမ်းဖက်သောင်းကျန်းသူများအဖြစ် သတ်မှတ်သည်။
(၂) ဒေသတစ်ခုတွင် ဒေသခံများသည် အိမ်ရှင်များဖြစ်ပြီး ဝန်ထမ်းများသည် ဧည့်သည်များ ဖြစ်သည်။ ဧည့်သည်များသည် အိမ်ရှင်များအပေါ်စော်ကားရန် အကြောင်းမရှိပေ။ သင်တို့သည် ပြည်သူ့ဝန်ထမ်း (Public Service) များဖြစ်ပြီး ကျွန်ုပ်တို့ဒေသခံပြည်သူလူထုအား ဝန်ဆောင်မှု ပေးရမည်ဖြစ်သည်။ စစ်သားတစ်ယောက်အား နိုင်ငံအားကာကွယ်ရန်ခန့်ထားခြင်းဖြစ်ပြီး၊ ရဲတစ် ယောက်အား တရားဥပဒေစိုးမိုးရန် ခန့်ထားခြင်းဖြစ်သည်။ သင်တို့ထိုအလုပ်များအား မလုပ်နိုင် ပါက သင်တို့နေရာတွင် လုပ်နိုင်သူများအား ကျွန်ုပ်တို့ခန့်အပ်မည်ဖြစ်သည်။
(၃) ကျွန်ုပ်တို့ ဒေသခံပြည်သူလူထုအား ညှင်းပမ်းနှိပ်စက်ပါက သင်တို့အိမ်ရာ၊ သင်တို့မိသားစု၊ သင်တို့ပိုင်ဆိုင်ရာပစ္စည်းများအား ကျွန်ုပ်တို့ ချက်ချင်းတုန့်ပြန်မည်ဖြစ်ပြီး သင်တို့အသက်အတွက် ကျွန်ုပ်တို့ တာဝန်ယူမည်မဟုတ်ပေ။ စစ်အကြမ်းဖက်အလိုတော်ရိ (ဒလန်)များအားလည်း ၎င်း နည်းအတိုင်းတုန့်ပြန်မည်ဖြစ်ကြောင်း ပြင်းထန်စွာ သတိပေးလိုက်သည်။
(၄) ဒေသခံလူထုတစ်ရပ်လုံးအားလည်း အကြမ်းဖက်သမားများအား ကြောက်လန့်စရာမလို ကြောင်းနှင့် မိမိတို့သည် အရှင်သခင်များဖြစ်ကြောင်း နှလုံးသွင်းသဘောပိုက်ထားရန် တိုက်တွန်း သည်။
(၅) ကျွန်ုပ်တို့လိုလားသည့် ကျွန်ုပ်တို့အား အကာအကွယ်ပေးမည့် လက်နက်ကိုင်တပ်ဖွဲ့များ အား မခန့်အပ်နိုင်မခြင်းကြောင့် ကျွန်ုပ်တို့ ဒေသခံပြည်သူလူထု၏ လုံခြုံရေးနှင့် ကာကွယ်ရေးတာဝန်အား ကျွန်ုပ်တို့အဖွဲ့မှ တာဝန်ယူဆောင်ရွက်မည်ဖြစ်ကြောင်းနှင့် ဖက်ဒရယ်တပ်မတော်ပေါ်ပေါက် လာပါက ဖက်ဒရယ်တပ်မတော်၏ လမ်းညွှန်ချက်အတိုင်း လိုက်နာဆောင်ရွက်သွားမည်ဖြစ် ကြောင်း အတိအလင်းထုတ်ပြန်ကြေငြာလိုက်သည်။

ဒေသခံလူထုအားလုံးသည် ပြောက်ကျားစစ်သည်ဖြစ်ရမည်။
အရေးတော်ပုံအောင်ကို အောင်ရမည်။

ကလေးဒေသလုံခြုံရေးနှင့် ကာကွယ်ရေးတပ်ဖွဲ့ (KSDF)

Address

Kale
Kalemyo

Website

Alerts

Be the first to know and let us send you an email when Kalay Region Security and Defense Force posts news and promotions. Your email address will not be used for any other purpose, and you can unsubscribe at any time.

Shortcuts

Share

Category