Suzuki Lamintayar

24/01/2026

Air Filter ကို နောက်ဆုံးဘယ်တုန်းက စစ်ဆေးခဲ့တာလဲ ….

အင်ဂျင်လည်ပတ်ဖို့ဆိုရင် လေနဲ့ လောင်စာဆီတို့ အချိုးကျရောစပ်ပြီး မီးလောင်ပေါက်ကွဲရတာပါ။ အင်ဂျင်ထဲမှာ လောင်စာဆီတွေ ကောင်းကောင်း လောင်ကျွမ်းဖို့အတွက် သန့်ရှင်းတဲ့လေကို ရရှိဖို့လိုအပ်ပါတယ်။

ပြင်ပကနေ ဝင်လာတဲ့ လေတွေ သန့်ရှင်းစေဖို့နဲ့ ဖုန်မှုန့်၊ အမှုန်အမွှားတွေ အင်ဂျင်အတွင်းထဲကို မဝင်စေဖို့အတွက်ကိုတော့ Air Filter က အဓိက စစ်ထုတ်ပေးတာပါ။ ဒါကြောင့် အချိန်ကြာလာတာနဲ့ အမျှ Air Filter မှာ အညစ်အကြေးတွေ ပိတ်ဆို့လာတဲ့အပြင် အင်ဂျင်ထဲကိုလည်း လေအလုံအလောက်မဝင်တော့ဘဲ လောင်စာဆီအချိုးက ပိုများနေပါလိမ့်မယ်။

ဒီလိုမျိုး ဖြစ်လာပြီဆိုရင်တော့

- ဆီပိုစားလာခြင်း
- အင်ဂျင်စွမ်းဆောင်ရည်ကျခြင်းနဲ့
- Spark Plug တွေကိုပါ ပျက်စီးစေနိုင်ပါတယ်။

ဒါကြောင့် လူကြီးမင်းတို့အနေနဲ့ Air Filterကို ကီလို ၃၀၀၀၀ ဝန်းကျင်လောက်ရောက်တိုင်း ပုံမှန်စစ်ဆေး လဲလှယ်ပေးသင့်ပါတယ်။ ဖုန်ထူတဲ့ ပတ်ဝန်းကျင်မှာ မောင်းနှင်နေရတယ်ဆိုရင်တော့ ကီလို ၅၀၀၀ လောက်ရောက်တိုင်း စစ်ဆေး သန့်ရှင်းရေးလုပ်ပြီး လိုအပ်ပါက လဲလှယ်သင့်ပါတယ်။

ပုံမှန်စစ်ဆေး လဲလှယ်တာတွေ လုပ်ဆောင်နိုင်ဖို့အတွက် လူကြီးမင်းတို့နဲ့အနီးစပ်ဆုံး Suzuki Authorized Service Center တွေရဲ့ လိပ်စာတွေကို အောက်ပါ Website Link လေးမှ တစ်ဆင့် ဝင်ရောက်ကြည့်ရှုနိုင်ပါတယ်။

https://suzukimyanmar.com/suzuki/dealer

05/01/2026

ဒီလို အအေးဓာတ်ပိုတဲ့ရာသီမျိုးမှာ လူကြီးမင်းရဲ့ ကားကို ကြိုတင်စစ်ဆေးပြင်ဆင်ထားခြင်းက လုံခြုံစိတ်ချရတဲ့ ခရီးစဉ်တိုင်းကို ဖန်တီးနိုင်ပါလိမ့်မယ်။

ဒါကြောင့် ဆောင်းရာသီမှာ ရာသီဥတုကြောင့် ကားရဲ့ စွမ်းဆောင်ရည်အပေါ် သက်ရောက်မှုရှိနိုင်တဲ့ အောက်ပါ အချက် (၃) ချက် ကို အထူးဂရုပြု စစ်ဆေးသင့်ပါတယ်။

၁။ 🔋 Battery Health
ဆောင်းရာသီမှာ ရာသီဥတုအေးတာကြောင့် ဘက်ထရီအားနည်းလွယ်ပါတယ်။ ဘက်ထရီအားအခြေအနေနဲ့ ဘက်ထရီ Terminals သန့်ရှင်းမှုရှိမရှိကို စစ်ဆေးပြီး လိုအပ်ရင် အားပြန်ဖြည့်တာ (သို့မဟုတ်) အစားထိုးတာမျိုး ပြုလုပ်သင့်ပါတယ်။

၂။ 💨 Tire Pressure (တာယာ လေဖိအား)
အပူချိန်အအေးဓာတ်ကြောင့် တာယာအတွင်း လေဖိအား (Pressure) အပြောင်းအလဲဖြစ်နိုင်တဲ့အတွက် ဖိအားမှန်ကန်မှုရှိမရှိ ပုံမှန် စစ်ဆေးဖို့ လိုအပ်ပါတယ်။ ဖိအားနည်းလွန်းတာ (သို့မဟုတ်) များလွန်းတာက ဘေးအန္တရာယ်ဖြစ်စေနိုင်ပါတယ်။

၃။ 🧪 Oil Level (အရည်ပမာဏများ)
Engine ကို အပူလွန်ကဲတာ သို့မဟုတ် အေးခဲတာမျိုး မဖြစ်ရလေအောင် အင်ဂျင်ဝိုင်နဲ့ Coolant စတဲ့ အရည်ပမာဏတွေ မှန်ကန်တဲ့ Level မှာ ရှိမရှိ စစ်ဆေးသင့်ပါတယ်။

ဒီလို အခြေခံအချက်ကလေးတွေကို သတိပြုပြီး သေချာထိန်းသိမ်းစစ်ဆေးပေးမယ်ဆိုရင် လူကြီးမင်းတို့ရဲ့ ကားလေးဟာ ဆောင်းရာသီမှာလည်း ယုံကြည်စိတ်ချစွာ အားကိုးနိုင်မယ့် အဖော်မွန်ကောင်းအဖြစ် ဆက်လက်ရပ်တည်ပေးနိုင်ပါလိမ့်မယ်။

လူကြီးမင်းတို့ရဲ့ ကားကို ယုံကြည်စိတ်ချစွာနဲ့ စစ်ဆေးပြုပြင်နိုင်ဖို့အတွက်ဆိုရင်လည်း သက်ဆိုင်ရာ SUZUKI Service Centers များကို ဆက်သွယ်စုံစမ်းမေးမြန်းနိုင်ပါတယ်။

အသေးစိတ်သိရှိလိုရင် မိမိနှင့်အနီးဆုံး SUZUKI တရားဝင်အရောင်းပြခန်းများတွင် ဆက်သွယ်စုံစမ်းမေးမြန်းနိုင်ပါပြီ။

SUZUKI Myanmar Motor ရဲ့ နောက်ဆုံးရ သတင်းအချက်အလက်တွေနဲ့ အခြားဝန်ဆောင်မှုများကိုလည်း SUZUKI Myanmar Motor Website မှာ ဝင်ရောက်ကြည့်ရှုနိုင်ပါတယ်။
Website Link - https://suzukimyanmar.com/

13/11/2025

မိတ်ဆွေတို့ရဲ့ ပျော်ရွှင်စရာ Road Trip လေး မစတင်ခင် လမ်းခရီးတစ်လျှောက် စိတ်အေးချမ်းသာစွာသွားလာနိုင်ဖို့ အမြဲတမ်း ပထမဦးဆုံး စစ်ဆေးသင့်တဲ့ ကားရဲ့ အစိတ်အပိုင်းက ဘယ်ဟာလေးဖြစ်မလဲ🤔

A) ဘရိတ် (Brakes)
B) အင်ဂျင်ဝိုင် (Engine Oil)
C) တာယာ (Tyres)
D) မီးသီး/မီးလုံးများ (Lights)

💡 လူကြီးမင်းတို့ အဖြေကို Comment မှာ ဖြေခဲ့ကြပါဦး။

06/11/2025

ပုံမှန်ထိန်းသိမ်းမှုပြုလုပ်ချင်တာပဲဖြစ်ဖြစ်

Original Spare parts လဲလှယ်ချင်လို့ပဲဖြစ်ဖြစ်

အင်ဂျင်ဝိုင်လဲ ၊ဂီယာဝိုင်လဲ၊ ကားအောက်ပိုင်းစစ် မည့်သည့် စစ်ဆေးမှုမျိုးကို မဆို
Suzuki Lamin Tayar မှာ ပြုလုပ်နိုင်ပါတယ်ရှင်🤗

🏡𝗦𝘂𝘇𝘂𝗸𝗶 𝗟𝗮𝗠𝗶𝗻𝗧𝗮𝗬𝗮𝗿 𝗖𝗮𝗿𝘀𝗵𝗼𝘄𝗿𝗼𝗼𝗺

𝗞𝘆𝗮𝘂𝗸𝗽𝗮𝗱𝗮𝘂𝗻𝗴 𝗦𝗵𝗼𝘄𝗿𝗼𝗼𝗺 𝗔𝗱𝗱𝗿𝗲𝘀𝘀
မြို့ဦးအောင်စေတီနှင့် မျက်နှာချင်းဆိုင် ၊
မိတ္ထီလာလမ်း၊ ကျောက်ပန်းတောင်းမြို့။
☎️𝟎𝟗-𝟖𝟖𝟐𝟐𝟐𝟎𝟓𝟐𝟖,𝟎𝟗-𝟒𝟒𝟒𝟕𝟒𝟒𝟒𝟕𝟏
📱𝟎𝟗-𝟒𝟎𝟎𝟒𝟔𝟖𝟒𝟒𝟔

𝗦𝘂𝘇𝘂𝗸𝗶 𝗟𝗮𝗠𝗶𝗻𝗧𝗮𝗬𝗮𝗿 𝗖𝗮𝗿𝘀𝗵𝗼𝘄𝗿𝗼𝗼𝗺

16/10/2025

02/10/2025

သီတင်းကျွတ် ကာလမှာ ခရီးသွားပြည်သူများအတွက် Suzuki ကားများကို စစ်ဆေးရန် Suzuki Lamintayar မှာ အခမဲ့စစ်ဆေးပေးနေပါတယ်ရှင်

𝐊𝐲𝐚𝐮𝐤𝐩𝐚𝐝𝐚𝐮𝐧𝐠 𝐒𝐡𝐨𝐰𝐫𝐨𝐨𝐦 𝐀𝐝𝐝𝐫𝐞𝐬𝐬
မြို့ဦးအောင်စေတီနှင့် မျက်နှာချင်းဆိုင် ၊
မိတ္ထီလာလမ်း၊ ကျောက်ပန်းတောင်းမြို့။

☎️09-882220528 ,09-444744471

☎️09-777777529 ,09-794555778

02/10/2025

ကမ္ဘာကျော် SUZUKI ‘S’ အမှတ်တံဆိပ်ရဲ့ နောက်ကွယ်က ဇာတ်လမ်းကို မိတ်ဆွေတို့ သိပါသလား?

မိတ်ဆွေတို့ နေ့စဉ် မြင်တွေ့နေရတဲ့ ကမ္ဘာတစ်ဝှမ်းက SUZUKI ကားတိုင်းမှာ ဂုဏ်ယူစွာနဲ့ တပ်ဆင်ထားတဲ့ ဒီ ‘S’ အမှတ်တံဆိပ်လေးရဲ့ ဖြစ်ပေါ်လာခဲ့ပုံကတော့ စိတ်ဝင်စားစရာကောင်းပါတယ်။

ဒီအမှတ်တံဆိပ်ကို ၁၉၅၈ ခုနှစ်၊ အောက်တိုဘာလ ၁ ရက်နေ့မှာ စတင်ရွေးချယ်ခဲ့တာဖြစ်ပါတယ်။ အဲဒီအချိန်တုန်းက ဒီဇိုင်းပေါင်း ၃၀၀ ကျော်ထဲကနေမှ ဒီတစ်ခုကို ရွေးချယ်ခဲ့တာဖြစ်ပါတယ်။ ပိုပြီးစိတ်ဝင်စားဖို့ကောင်းတာက ဒီလို သေသပ်ပြီး လှပတဲ့ဒီဇိုင်းကို ဖန်တီးခဲ့သူဟာ တိုကျိုအနုပညာတက္ကသိုလ် (Tokyo University of the Arts) မှာ တက်ရောက်နေတဲ့ ကျောင်းသားတစ်ဦးဖြစ်သူ Mr. Masamichi Tezeni ဖြစ်နေတာပါပဲ။

သူ့ရဲ့ အိုင်ဒီယာကတော့ ရိုးရှင်းပြီး လှပတဲ့ ဒီဇိုင်း နဲ့ SUZUKI ရဲ့ ဖွံ့ဖြိုးတိုးတက်မှုကို ဖော်ညွှန်းနိုင်တဲ့ အမှတ်တံဆိပ် (Logo) တစ်ခုကို ဖန်တီးဖို့ပဲဖြစ်ပါတယ်။

အဲဒီနေ့ကစလို့ ဒီကနေ့အထိ နှစ်ပေါင်း ၆၀ ကျော်တိုင်အောင် ဒီ ‘S’ အမှတ်တံဆိပ်ဟာ နည်းနည်းလေးမှ မပြောင်းလဲဘဲ SUZUKI ရဲ့ ခိုင်မာမှု၊ ရိုးရှင်းမှု နဲ့ အစဉ်အမြဲတိုးတက်နေမှုတွေကို ကိုယ်စားပြုပြီး ကမ္ဘာတစ်ဝှမ်းမှာ ရပ်တည်နိုင်ခဲ့ပါတယ်။

ဒါကြောင့် လူကြီးမင်းတို့ရဲ့ ကားပေါ်က ‘S’ တံဆိပ်လေးကို မြင်လိုက်တိုင်း နောက်ကွယ်က ဒီလို စိတ်ဝင်စားဖို့ကောင်းတဲ့ သမိုင်းကြောင်းလေးနဲ့ ခိုင်မာတဲ့ အဓိပ္ပာယ်ကို အမှတ်ရနေစေဖို့အတွက် SUZUKI မှ ဗဟုသုတအနေနဲ့ မျှဝေပေးလိုက်တာပဲဖြစ်ပါတယ်။

27/09/2025

12/09/2025

မိုးရာသီမှာဆိုရင် ကားရှေ့မီး၊ ဝိုက်ဘာ (Wipers) ၊ အဲကွန်းနဲ့ အနောက်လေကာမှန် အပူပေးစနစ် (Defoggers) တွေကို မကြာခဏအသုံးပြုရတာကြောင့် ကားရဲ့ဘက်ထရီဟာ ပုံမှန်ထက် အလုပ်ပိုလုပ်ရပါတယ်။ လေထုထဲက စိုထိုင်းဆကလည်း ဘက်ထရီငုတ်တွေမှာ သံချေးတက်စေပြီး ဘက်ထရီရဲ့ စွမ်းဆောင်ရည်ကို အားနည်းစေနိုင်ပါတယ်။

ဒါကြောင့် မိုးရာသီမှာ ကား Battery ကို ကာကွယ်ဖို့အတွက်ဆိုရင် အောက်ပါ အချက်ကလေးတွေကို လုပ်ဆောင်နိုင်ပါတယ်။

🔋 ဘက်ထရီငုတ်တွေကို စစ်ဆေးပါ
ဘက်ထရီငုတ်တွေတဝိုက်မှာရှိတဲ့ ဆားပွင့်၊ သံချေးတက်နေတာတွေကို သန့်စင်ပေးနိုင်ပါတယ်။ ဒီလို ရိုးရှင်းတဲ့စစ်ဆေးမှုလေးက ရုတ်တရက် ဘက်ထရီပျက်စီးခြင်းကနေ ကာကွယ်ပေးနိုင်မှာဖြစ်ပါတယ်။

🔋 ပုံမှန်အသုံးပြုပေးပါ
ကားကို ပုံမှန်စက်နှိုးပြီး မောင်းနှင်ပေးနိုင်ပါတယ်။ ခရီးတိုလေးတွေပဲ မောင်းနှင်မယ်ဆိုရင် တော့ ဘက်ထရီကို အားအပြည့်အဝ ပြန်မဖြည့်ပေးနိုင်ပါဘူး။ ဘက်ထရီကို ကျန်းမာနေစေဖို့ဆိုရင်တော့ အနည်းဆုံး တစ်ပတ် တစ်ခါလောက် ကားကို မိနစ် ၂၀-၃၀ လောက် ဆက်တိုက်မောင်းနှင်ပေးသင့်ပါတယ်။

🔋 ဝန်အလွန်အကျွံဖြစ်ခြင်းကို ရှောင်ကြဉ်ပါ
စက်မနှိုးထားတဲ့အချိန်မှာ ရှေ့မီးကြီးတွေ သို့မဟုတ် အဲကွန်းလို လျှပ်စစ်ပစ္စည်းတွေကို အကြာကြီးဖွင့်ထားတာမျိုးကို တတ်နိုင်သမျှ ရှောင်ကြဉ်ပေးပါ။

မိတ်ဆွေတို့ရဲ့ SUZUKI ကားလေးအတွက် ဝန်ဆောင်မှုတစ်ခုခု လိုအပ်လာခဲ့ရင်တော့ အနီးဆုံးမှာရှိတဲ့ SUZUKI အရောင်းပြခန်းနဲ့ ဝန်ဆောင်မှုစင်တာ (Authorized SUZUKI Showroom) တွေကို သွားရောက်ဖို့ မမေ့ပါနဲ့နော်။

အသေးစိတ်သိရှိလိုရင် မိမိနှင့်အနီးဆုံး SUZUKI တရားဝင်အရောင်းပြခန်းများတွင် ဆက်သွယ်စုံစမ်းမေးမြန်းနိုင်ပါပြီ။


#

11/09/2025

ကားဆီဖိုးကုန်လို့ စိတ်ညစ်နေပြီလား ...

ဒါဆိုရင်တော့ လူကြီးမင်းတို့ မော်တော်ယာဉ်ဆီဖိုးကို လစဉ်ဘတ်ဂျက်ထဲကနေ သိသိသာသာ ချွေတာနိုင်မယ့် နည်းလမ်းကောင်းလေးတွေကို SUZUKI Myanmar Motor မှ မျှဝေပေးချင်ပါတယ်။

✅ မော်တော်ယာဉ်ရဲ့ အင်ဂျင်ပါဝါကြီးသည်ဖြစ်စေ၊ ငယ်သည်ဖြစ်စေ ဒီအချက်လေးတွေကို ဂရုစိုက်လိုက်ရုံနဲ့ ဆီစားနှုန်း သိသိသာသာ သက်သာလာစေမှာဖြစ်ပါတယ်။

၁။ မောင်းနှင်မှုကို ညင်သာစေပါ
ကားကို ရုတ်တရက်အရှိန်တင်ခြင်း၊ ရုတ်တရက်ဘရိတ်အုပ်ခြင်းတွေက ဆီအလွန်အကျွံကုန်စေတဲ့ အဓိကအကြောင်းရင်းတွေဖြစ်ပါတယ်။ အရှိန်မှန်မှန်နဲ့ ညင်ညင်သာသာမောင်းနှင်ခြင်းက ဆီစားနှုန်းကို အထိရောက်ဆုံး သက်သာစေပါတယ်။ ရှေ့ကားနဲ့လည်း သင့်တော်တဲ့အကွာအဝေးမှာ ထားပြီးမောင်းနှင်ရင် အကောင်းဆုံးပဲဖြစ်ပါတယ်။

၂။ တာယာလေပေါင်ကို ပုံမှန်စစ်ဆေးပါ
တာယာလေပေါင်နည်းနေရင် မြေပြင်နဲ့ ဘီးရဲ့ ပွတ်တိုက်အားများပြီး အင်ဂျင်က ဝန်ပိုသုံးရလို့ ဆီပိုစားပါတယ်။ ဒါကြောင့် ကိုယ့်ကားအတွက် သတ်မှတ်ထားတဲ့ လေပေါင်အတိုင်း ပုံမှန်စစ်ဆေးဖြည့်တင်းပေးဖို့ မမေ့သင့်ပါဘူး။

၃။ အင်ဂျင်ကို ဂရုစိုက်ပါ။
အင်ဂျင် Spark Plug တွေနဲ့ Air Filter ညစ်ပတ်နေရင် အင်ဂျင်က ပိတ်သလိုဖြစ်ပြီး ဆီပိုစားလာပါတယ်။ ပုံမှန်သန့်ရှင်းပေးခြင်း၊ လဲလှယ်ပေးခြင်းက ဆီစားသက်သာစေဖို့ အဓိကကျပါတယ်။

၄။ Air Con ကို သင့်တင့်စွာသုံးပါ
A/C ကို အအေးဆုံးအဆင့်မှာ အမြဲဖွင့်ထားခြင်းက ကားအင်ဂျင်ကို ဝန်ပိုစေပြီး ဆီကုန်စေပါတယ်။ ကိုယ်နဲ့ သက်သောင့်သက်သာဖြစ်မယ့် အနေအထားမှာပဲ ထားသုံးတာက အကောင်းဆုံးပဲဖြစ်ပါတယ်။

🌟 အပိုဆောင်း အကြံပြုချက် (Bonus Tip!)
ကိုယ့်ကားရဲ့ ဒိုင်ခွက် (Dashboard) မှာပြတဲ့ km/L (တစ်လီတာကို ဘယ်လောက်ကီလိုမီတာမောင်းနိုင်လဲ) ကို အမြဲစောင့်ကြည့်ပေးသင့်ပါတယ်။ ပုံမှန်ထက် ဒီဂဏန်းက သိသိသာသာ လျော့ကျလာပြီဆိုရင်တော့ အပေါ်ကအချက်တွေကို စစ်ဆေးသင့်ပါပြီ။ လိုအပ်ပါက ကျွမ်းကျင်တဲ့ Service ဆိုင်တွေမှာ စစ်ဆေးပြုပြင်နိုင်ပါတယ်။

SUZUKI မော်တော်ယာဉ်ပိုင်ရှင်များအနေနဲ့ အသေးစိတ်စစ်ဆေးလိုပါက SUZUKI Authorized Service Center နဲ့ Showroom တွေမှာ ကျွမ်းကျင်ဝန်ထမ်းများနဲ့ တိုင်ပင်ဆွေးနွေးပြီး အကောင်းဆုံးဝန်ဆောင်မှုကို ရယူနိုင်ပါတယ်။

ကားပိုင်ရှင် လူကြီးမင်းတို့ဆိုရင်လည်း ဆီစားသက်သာအောင် တခြားဘယ်လိုနည်းလမ်းလေးတွေ သုံးဖြစ်ကြသေးလဲ။

ကိုယ့်ရဲ့ အတွေ့အကြုံကောင်းလေးတွေကို Comment မှာ မျှဝေပြီး အချင်းချင်း ဗဟုသုတ ဖလှယ်ပေးခဲ့နိုင်ပါတယ်။

အသေးစိတ်သိရှိလိုရင် မိမိနှင့်အနီးဆုံး SUZUKI တရားဝင်အရောင်းပြခန်းများတွင် ဆက်သွယ်စုံစမ်းမေးမြန်းနိုင်ပါပြီ။

SUZUKI Myanmar Website ထဲမှာလည်း ဝင်ရောက်ကြည့်ရှုနိုင်ပါတယ် 👉 https://suzukimyanmar.com/suzuki/dealer