Kyi Kyi Khaing Global Digital Business

10/12/2024

ကိုယ်လုပ်တဲ့ လုပ်ရပ်သည် တစ်ဖက်သားကို ထိခိုက်နစ်နာတဲ့ လုပ်ရပ်မျိုး မဖြစ်စေရဘူး။

တစ်ဖက်သားမှာ ကောင်းကျိုးချမ်းသာတွေ ရသွားတဲ့ အလုပ်မျိုးပဲ ဖြစ်သင့်တယ်။

မိမိကိုယ်ကို ထိခိုက်တဲ့ အလုပ်မျိုးလည်း မဖြစ်စေရဘူး။

သူတစ်ပါးကို ထိခိုက်နစ်နာ တဲ့ အလုပ်မျိုးလည်း မဖြစ်စေရဘူး။

နှစ်ဦးလုံးကို ထိခိုက်နစ်နာတဲ့ အလုပ်မျိုးလည်း မဖြစ်စေရဘူး။

အကျိုးဖြစ်ပေါ်လာတဲ့ အခါမှာလည်းပဲ ဒုက္ခကို ဖြစ်စေတတ်တဲ့ အရာမျိုး မဖြစ်စေရဘူး။

ကျေးဇူးတော်ရှင် ပါမောက္ခချုပ်ဆရာတော်ဒေါက်တာ အရှငိနန္ဒမာလာဘိဝံသ
#ကောင်းမှုတစ်ခုနေ့စဉ်ပြုပါ
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်

09/12/2024

အစွဲမရှိသောစိတ်သည်
ချမ်းသာတယ်...။

မိမိခန္ဓာကိုယ်ကိုလည်း မစွဲနဲ့၊ သူတစ်ပါးခန္ဓာကိုယ်ကိုလည်းမစွဲနဲ့၊
ခန္ဓာနဲ့ နီးစပ်သော
အရာဝတ္ထုမှန်သမျှကို မစွဲနဲ့၊
စွဲနေသမျှ ဝဋ်ဒုက္ခ
မုချတွေ့မည်မှတ်...။

ကိုယ့်ပတ်ဝန်းကျင်တစ်ခုလုံးမှာ
စွဲလမ်းစရာတွေ,
မက်မောစရာတွေ,
တွေဝေစရာတွေ,
စိတ်ပမ်းကိုယ်နွမ်းစရာတွေ,
တပုံတခေါင်းကြီးနော်...။

ဒီအာရုံတွေကို
မက်မောတွယ်တာနေသူတိုင်း ရဟန်းဖြစ်ဖြစ်,လူဖြစ်ဖြစ် နည်းနည်းစွဲ,နည်းနည်းစိတ်ပမ်းမယ်၊
များများစွဲနေသမျှ မပြောနဲ့တော့၊
ဒါကြောင့်မို့
မည်သည့်အရာမဆို မစွဲမိစေနဲ့...။

စွဲလမ်းစရာတွေကြည့်...
ဝတ္ထုကာမအပေါ်တပ်မက်,နှစ်သက်,
တွယ်တာ,မက်မောမယ်ဆိုရင်
ကိလေသာကာမတွေဖြစ်ပြီး၊ သံသရာတလျှောက်လုံး
အို နာ သေမဆုံး တရုန်းရုန်းနဲ့
အိုပွဲ၊ နာပွဲ၊ သေပွဲတွေနဲ့
ရင်ဆိုင်ရပြီး
မပြီးဆုံးသော သံသရာမှာ
ကျင်လည်ကြရမယ် ဆိုတာ
သဘောပေါက်ကြပါစေ...။

မည်သည့်အရာဝတ္ထုကိုမှ
မစွဲတဲ့နေ့သည်
ဒုက္ခအဆုံးကို ရုန်းထွက်ပြီး
အပါယ်တံခါးပိတ်တဲ့နေ့ပါလားဟု ဆုံးဖြတ်လိုက်၊
မည့်သည့်ပုဂ္ဂိုလ်ကိုမှ မမေးနဲ့...။

(မြောက်ဦးဆရာတော်ဘုရားကြီး)

🙏🙏🙏🙏🙏🙏🙏🙏🙏

ဓမ္မဒါန🙏ပြန်လည်မျှဝေကုသိုလ်ပြုပါသည်🙏🙏🙏

09/12/2024

သတ္တဝါတိုင်းမှာ မိဘတွေရှိကြပါတယ်
လူသားတွေမှာလည်း လူရယ်လို့ ဖြစ်လာဖို့အတွက်
မိဘကိုယ်စီရှိကြပါ‌တယ်.....

မိဘကို မပြုစုပေးနိုင်ရင်နေပါ
ကျေးဇူးတော့မကမ်းမိပါစေနဲ့ မိဘဆိုတာ
ဘုရားနဲ့ တစ်ဂိုဏ်ထဲထား ကိုးကွယ်ရမဲ့သူတွေပါ....
မိဘကျေးဇူး အထူးသိတတ်ကြပါစေ။

မိဘကျေးဇူး မြင်းမိုရ်ဦး

11/08/2024

မငိုပါနဲ့တော့__
ကလေးလည်း မဟုတ်တော့ဘူး

ရင့်ကျက်ပါတော့__
အတွေ့အကြုံတွေရှိနေပြီပဲ လေ...

နားလည်ပါတော့__
အချိန်တွေ လွန်ကုန်လိမ့်မယ်

မစောင့်စားပါနဲ့တော့__
အရှိကို အရှိအတိုင်း လက်ခံသင့်ပြီ

ဖြစ်ချိန်တန်လို့
ဖြစ်တယ်လို့ပဲ မှတ်ယူလိုက်ပါတော့
အသင့်နေရာမှာ ရှိသင့်နေပြီနော်

အတိတ်တွေ အစ မဖော်ပါနဲ့တော့
အနာဂါတ်ကိုပဲ တည့်တည့်လျှောက်ရမယ်လေ

ကြိုးစားလိုက်ပါတော့
အရာရာတိုင်းကို လက်သင့်ခံ နေတတ်သူအနေနဲ့

မေ့ထားလိုက်ပါတော့
မဖြစ်နိုင်တာတွေကို

ရုန်းထွက်လိုက်ပါတော့
လက်ရှိ အခြေအနေ ကကို

ရုန်းကန် ပြလိုက်ပါတော့
အရည်အချင်း ဘယ်လောက်ရှိတယ်ဆိုတာ

အပြောတွေ ချန်ခဲ့လိုက်ပါတော့
လက်တွေ့ဆိုတာ ရှိနေတာပဲ

ခြေလှမ်းတွေ အစပျိုးလိုက်ပါတော့
အောင်မြင်ခြင်းကို
လက်ဆုပ်လက်ကိုင် ထားနိုင်အောင် လို့ပါ

စိတ်ကူးတွေ စွန့်ပစ်လိုက်ပါတော့
မနက်ဖြန်ဆိုတာ ဘာလဲလို့ သိအောင်လို့လေ

အမှောင်ထဲမှာ မနေပါနဲ့တော့
မျက်လုံးဖွင့်ချိန် တန်ပြီ

တံခါးလေး ဖွင့်လိုက်ပါတော့
သော့ တစ်ချောင်း ရှိနေပြီပဲ

အမှန်တရားကို မြင်အောင်ကြည့်ပါတော့
အမှားတွေမရှိအောင် နေဖို့လေ

အပူမီးတွေ ခေါက်ထားလိုက်ပါတော့
ဘဝရဲ့ အရသာကို
အတူတူခံစားလိုက်ကြရအောင်ပါ

သင့်ဘဝမှာ..........
ကြေကွဲလို့ရတယ် ဝမ်နည်းလို့ရတယ်
နာကျင်လို့ရတယ် ထိခိုက်လို့ရတယ်
ဒီအတွက်
နာကျင်ခွင့် ရင်နာခွင့် အပြင်
ပြိုလဲခွင့် ရှိတယ်

အဲ့ဒီအတွက်ဆိုရင်
သေလောက်အောင် အော်ငိုလို့ ရသေးတယ်

ဒါပေမယ့်
တစ်ခုတော့ သတိပေးလိုက်မယ်
အဲဒါကြောင့်တော့ သင် ကျရှုံးခွင့်မရှိဘူး

ဘာဖြစ်လို့လဲဆိုရင်
သင့်နောက်မှာ
ကိုယ့်ကိုချစ်တဲ့သူတွေ ရှိတယ်
ကိုယ့်ကို မုန်းတဲ့သူတွေ ရှိတယ်

ကိုယ့်ကို မနာလိုသူတွေ ရှိတယ်
ကိုယ့်ကို တိုက်ခိုက်နေသူတွေ ရှိတယ်

ကိုယ့်မကောင်းကြောင်း ပြောမဲ့သူတွေ ရှိတယ်
ကိုယ့်ဟာကွက် အလစ်ချောင်းနေတဲ့သူတွေ ရှိတယ်

ကိုယ့်ကို စောင့်ကြည့်ပြီး
ကိုယ်ကျဆုံးတာ ကျေနပ်မဲ့သူတွေ ရှိတယ်

ဒါကြောင့်
သင် ငိုပါ ! ဝမ်းနည်းပါ !
ကြေကွဲပါ ! ရင်ကွဲပါ ! နာကျင်ပါ !

ပြီးသွားရင်
မရ ရအောင် ပြန်ထပါ။

credit.

04/08/2024

ယနေ့ ဝါဆိုလကွယ်နေ့
4.8.2024 နေ့တွင်
မြဂနိုင်အုပ်စု ခင်လယ်ရွာရှိ
အမရသုခ သီလရှင်စာသင်တိုက် သို့
"သုံးကြိမ်"မြောက် အေးမြကြည်လင်စျေးသူစျေးသားများအဖွဲ့မှ သွားရောက်ဆွမ်းကပ်ခဲ့ပါသည်။

အားလုံး သာဓုခေါ်နိုင်စေသော်.....🙏

15/07/2024

တခါတလေ ကိုယ့်ကိုယ်ကို
သိပ်သနားတယ် ။

ပင်ပန်းလည်း အရမ်းတက်ကြွနေသလို
ဟန်ဆောင်ရတယ် ။

နာကျင်နေလည်း
ဘာမှမဖြစ်သလို နေပြရတယ် ။

သေလောက်အောင် ဝမ်းနည်းနေလည်း
သိပ်မခံစားရသလို ပြုံးနေရတယ် ။

ဘာတစ်ခုမှ အဆင်မပြေလည်း
အရမ်းအဆင်ပြေနေသလို လုပ်ပြနေရတယ် ။

မျက်ရည်တွေ သိမ်းဆည်းဖို့
ရယ်မောခြင်းနဲ့ ဟန်ဆောင်ဖာထေးရတယ် ။

မလှပတဲ့ အတိတ်ရယ်
သွေးမတိတ်တဲ့ ဒဏ်ရာတချို့ရယ်
ရင့်ကျက်ခြင်းလို့ ခေါင်းစဉ်တပ်ပြီး
ဟန်ဆောင်မုသားတွေနဲ့
ဖြတ်သန်းရတဲ့ နေ့ရက်တွေကြား
တကယ်ပါ ကိုယ့်ကိုယ်ကို
သိပ်သနားမိတယ် ။

14/07/2024

စေတနာကောင်းတဲ့သူ အတွက်
ဆုတောင်းစရာ မလိုပါဘူး
အလိုလိုပြည့်လာလိမ့်မယ်။
စေတနာယုတ်တဲ့သူ အတွက်
ကျိန်စာတိုက်စရာ မလိုပါဘူး
အလိုလို ကံကရိုက်ပါလိမ့်မယ်။

01/06/2024

"မနက်ဖြန်တွေ"
============
အသက်ရှင်နေသရွေ့တော့ နေရအုံးမယ်
လောကဓံဆိုတာ ဘာလဲ မမေးနဲ့
မနက်ဖြန်တိုင်းက ရှင်သန်ဖို့အတွက်
အခွင့်အရေး ပေးပြီးသားမဟုတ်လား
ဘာလို့တွေးပြီး စိတ်ညစ်နေရအုံးမှာလဲ
ဒုက္ခတွေမရှိရင် သုခဆိုတာ ဖြစ်မလာပါဘူး
နေအပူဒဏ်ကို ကာကွယ်ဖို့အတွက် အများဆုံးတော့
သစ်ပင်တစ်ပင် ရှင်သန်ကြီးထွားနိုင်ဖို့ ရေလောင်းပေါင်းသင်းရတာ
နေပူပြင်ကပဲ မဟုတ်လား
ဘဝမှာ စိတ်ညစ်စရာဆိုတာ လူတိုင်းရှိကြတယ်
နားလည်မှုတွေနဲ့ ဆင်ခြင်စဉ်စားပြီး စိတ်အေးအောင် နေရတာပါပဲ
ဒုက္ခကြုံလည်း မနက်ဖြန် ရှိသေးတယ်
အဝေးကြီးတွေးပြီး စိတ်ညစ်မနေနဲ့
ဘဝက သင်လိုချင်တဲ့အတိုင်း
ရေးလို့ရတဲ့ စာအုပ်တစ်အုပ်မှ မဟုတ်တာ
အနည်းဆုံးတော့ ပျော်သလိုနေရမှာပါ

09/05/2024

07/05/2024

🌿တကယ်တော့လေ
အဆင်မပြေရင်တစ်ယောက်တည်း
ငြိမ်နေလိုက်တာအကောင်းဆုံးပဲ။
🌿ဘယ်သူ့ဆီကမှ နွေးထွေးမှုကိုသွားမလိုချင်နဲ့။
ကိုယ်ထင်သလိုဖြစ်မလာရင်
ပိုပြီးသိမ်ငယ်သွားစေတယ်။

🌿အဆင်မပြေတဲ့အရာက ပိုအဆင်မပြေဖြစ်ပြီး
ဖိအားတွေပဲ ပိုများလိမ့်မယ်။ ပိုပင်ပန်းပါတယ်ကွာ။
🌿မင်းအဆင်မပြေရင်
တစ်ယောက်တည်းငြိမ်ကုတ်နေလိုက်။
အဲဒါကပိုပြီး အလုပ်ဖြစ်လိမ့်မယ်။
🌿ဘယ်သူ့ကိုမှ မလိုအပ်လေ ပိုကောင်းလေပေါ့ကွာ...။

05/05/2024

ကိုယ့်ဘဝနဲ့ကိုယ်မို့
ဘယ်သူ့ဘဝကိုမှအားမကျဖြစ်ဘူး။

ကိုယ့်ခံယူချက်နဲ့ကိုယ်မို့
ဘယ်သူ့ဝေဖန်မှုမှဂရုမစိုက်ဖြစ်ဘူး။

ကိုယ့်အကြိုက်နဲ့ကိုယ်မို့
ဘယ်သူ့မြှောက်ပင့်မှုကိုမှစိတ်မဝင်စားဘူး။

ကိုယ့်အတွေးနဲ့ကိုယ်မို့
ဘယ်သူ့တိုက်ခိုက်မှုကိုမှမတုန့်ပြန်ဖြစ်ဘူး။

ဘဝကိုရိုးရိုးရှင်းရှင်းလေးပဲဖြတ်သန်းတယ်
ရှေ့ဆက်ရမယ်နေ့ရက်တွေအတွက်ပဲတွေးတယ်
သူတစ်ပါး၊ပါးစပ်ဖျားမှာဘယ်တော့မှလမ်းမဆုံးဘူး။

အဲ့ဒါကိုယ့်ရဲ့ခံယူချက်နဲ့
ကိုယ့်ဘဝရဲ့အမှန်တရားပဲ။