07/01/2021
🌎"အနာဂတ်ကမ္ဘာ့ရွှေ"🌎
___________________
ခေါင်းစဥ်ကိုကြည့်ပြီး
အချိန်ခရီးသွားလိုလို အကြားမြင်ဆရာလိုလို
အနာဂတ်ကို တစ်ကယ်မြင်နိုင်တယ်လို့မထင်ပါနဲ့
ကျွန်တော် ရေးတာတွေက မှားနိုင်ပါတယ်
အခု ပြောပြပေးသွားမှာက ကျွန်တော့ သုံးသပ်ချက်သပ်သပ်ကိုပဲ ပြောပြပေးသွားမှာ ဖြစ်ပါတယ်....
ကမ္ဘာ့ရွှေလို့ ပြောလိုက်ရင်
အမေရိကန်နိုင်ငံ အကြောင်းလည်း မပါမဖြစ်ပေါ့ ။
အခုလက်ရှိသမ္မတ ထရန့်က အရင် သမ္မတမဖြစ်ခင်
အမေရိကန်နိုင်ငံရဲ့ စီးပွားရေးသမားတွေ အပေါ်
အထူးသဖြင့် ကြီးမားတဲ့ လုပ်ငန်းတွေအပေါ််
အခွန်အများကြီးကောက်တဲ့အပေါ် ကျေနပ်မှု သိပ်မရှိလှဘူး။
အဲ့ဒီကိစ္စနဲ့ပတ်သက်ပြီး နိုင်ငံရေး လောကထဲ ရောက်လာခဲ့တယ်။
သူ့ကို ထောက်ခံတဲ့သူတွေလည်း ရှိသင့်သလောက်ရှိတယ်။
ဘယ်လိုလူတွေလဲဆိုတော့ အခွန်အများကြီးကောက်ခံတဲ့အပေါ်မှာ မကျေနပ်ကြတဲ့ လုပ်ငန်းကြီးသမားတွေပေါ့။
ထရန့်ကို ထောက်ခံသူ တော်တော်များများက လုပ်ငန်းကြီးသမားတွေဖြစ်တဲ့အတွက် ထရန့်ရဲ့ နောက်ခံက လျော့တွက်လို့ မရဘူးပေါ့။
ဂျိုးဘိုင်ဒန်သမ္မတ နေရာ ရောက်တဲ့အခါ အခွန်တွေ ပြန်တိုးကောက်မလား ။ အခွန်တိုးကောက်တဲ့အပေါ် စီးပွားရေးသမားတွေအနေနဲ့ ကျေနပ်ကြမလား ၊ ဆူပူမှုတွေ ဖြစ်လာမလားဆိုတာကတော့ စိတ်ဝင်စားစရာပါပဲ ။
ဂျိုးဘိုင်ဒန် သမ္မဖြစ်လာရင်တော့ စီးပွားရေးလှုံ့ဇော်မှု အစီအစဥ်တွေ စပြီးအကောင်အထည်ဖော်တော့မှာပါ ။ စီးပွားရေးလှုံဇော်မှုအစီအစဥ်ဆိုတာ အစိုးရကနေ
ပြည်သူတွေအပေါ်
ထောက်ပံ့မှုတွေ လုပ်ဆောင်ပေးတဲ့ အစီအစဥ်ပါ။ အစိုးရအနေနဲ့ ပြည်သူကို ထောက်ပံပေးဖို့ဆို ငွေစက္ကူ ရိုက်နှိပ်ဖို့ ဒါမှမဟုတ်ရင် တချို့ လုပ်ငန်းတွေကို အခွန်တိုးကောက်ဖို့ပဲ ရှိပါတယ်။
ငွေစက္ကူရိုက်နှိပ်ထုတ်ဝေခြင်းရဲ့ အကျိုးဆက်က ငွေကြေးတန်ဖိုးလျော့ကျမှုဖြစ်ပါတယ်။
ငွေကြေးတန်ဖိုးလျော့ကျမယ်ဆိုရင်တော့ ကမ္ဘာ့ရွှေ စျေးနှုန်း တက်လာပါလိမ့်မယ်။
ငွေစက္ကူမရိုက်ပဲ အချို့ လုပ်ငန်းတွေအပေါ် အခွန် တိုးကောက်မယ်ဆိုရင်တော့ အခွန်ကောက် ခံရမယ့် လုပ်ငန်းရှင်တွေအနေနဲ့ ဆန္ဒပြမှုတွေ ဖြစ်လာနိုင်ပါတယ် ။
အကျိုးဆက်အနေနဲ့ တိုင်းပြည်မငြိမ်မသက်မှုတွေနဲ့ ငွေကြေးတန်ဖိုးလျော့ကျမှုတွေပဲ ကြုံတွေ့ရမှာ ဖြစ်ပါတယ်။
ဒါကြောင့် ကျွန်တော်တို့အနေနဲ့ အနာဂတ်မှာ ရွှေစျေးတက်မယ်လို့ပဲ သုံးသပ်ကြပါတယ်။
တစ်ဖက်မှာတော့ ကမ္ဘာ့ရွှေမှာ မဖြစ်နိုင်တာ မရှိဘူးဆိုတဲ့ စကားအတိုင်း
ရွှေစျေး မထင်မှတ်ပဲ ကျသွားတာမျိုးလည်း ကြုံရနိုင်ပါတယ်။
အဲ့ဒီအတွက် အရောင်းအဝယ်လုပ်တဲ့အခါ မိမိခံနိုင်ရည်ရှိတဲ့ပမာဏနဲ့သာ
အရောင်းအဝယ်လုပ်ဖို့ကိုတော့ မေ့မထားသင့်ပါဘူး။
